Эй инсанлар, Адем атамызны топракътан яраткъан, сизлерни де бир тамчы сувдан пейда эткен Юдже Аллахкъа шукюрлер этинъиз. Бу къуванчлы байрамгъа бизлерни етиштирген Раббимизге тешеккюрлер сёйленъиз. Бу мубарек кунь, Ораза байрамы, Ораза айыны битире ве аджылыкъ айыны башлай. Бойле аджайып бир кунь. Бу куню бизлер, мусульманлар, Ораза байрамымызны кутемиз, ве шу кунь байрамымызнынъ учь куньлеринден биридир, чюнки бизлерде, мусульманларда, Мухаммед умметинде ялынъыз учь байрам бар, башкъа байрамлар бизде ёкътыр. Къалгъанлары бизлернинъ байрамларымыздан дегильдир: истесе, Янъы йыл олсун, истесе, 8 март олсун, истесе, Наврез олсун. Не десенъиз, тек шу учь байрам бар: Ораза байрамы, Къурбан байрамы ве эр афтадаки олгъан джума байрамы. Аллаху Акбар, Аллаху Акбар, Ля иляха илляЛлах, Аллаху Акбар, Аллаху Акбар, уа лилля ильхамд.
Эй мусульманлар, бу куньде байрам намазындан огюнде, я да шу куньден бир кунь, я да эки кунь огюне Аллах Субханаху уа Тааля бизге садакъа туль-фитр, яни фитр садакъасыны чыкъармагъа эмир этти, фарз япты. Шу садакъаны биз Аллахкъа якъынлашмакъ ичюн беремиз, чюнки Раббымыз эр бир мусульмангъа шу садакъаны бермеге фарз этти: истесе, апай олсун, истесе, акъай олсун, истесе, бала олсун, истесе, буюк олсун, яш олсун, къарт олсун, — эр бир мусульман ичюн бу садакъаны бермеге фарздыр. Биз оны Аллахнынъ разылыгъыны къазанмакъ ичюн беремиз.
Шуны сизге айтмагъа истейим ки, биз Ораза туттыкъ, базы вакъытлары, бельки, бош лаф эткендирмиз, бельки, бир ярамай сёз айткъанмыздыр, Оразамызда, бельки, бир эксиклик олгъандыр, шунынъ ичюн, бу садакъаны берип, биз бу эксиклерни темизлеймиз.
Даа бир шей айтмагъа истейим: бу фитир садакъасы илле байрам намазы чыкъмаздан огюне бермек керек. Байрам намазындан сонъ берильсе, о, энди фитир садакъасы сайылмай. Пейгъамберимизнинъ хадисинде ойле айтылгъан: илле байрам намазындан огюне фукъарелерге бериледжек. Байрам намазындан сонъ берильсе, о, энди фитир садакъасы дегиль, адий садакъа ола.
Даа бир шей айтмагъа истейим. Пейгъамберимизнинъ хадисинде айтыла ки, заманда ойле япылды, фитир садакъасы акъчанен, кумюшнен, алтыннен, урбанен берильмеди. Пейгъамберимизнинъ хадисинде ойле айтыла ки, бир са’а та’ам (ашайт) бериле, яни пирнич, богъдай, бакъла, ногъыт киби ашайт фукъарелерге бериле. Ойле этсек, о, даа догъру, даа яхшы ве Аллахнынъ разылыгъына даа да якъынлаштырар, иншааЛлах.
Севгили мусульманлар, тюневин биз Рамазан айыны битирдик, Рамазан айынен сагълыкълаштыкъ, ве тюневин адамлар экиге болюнди, адамлар эки къысым олды: базылары энди Ораза битти, намазлар вакъытлары битти, энди Оразасыз яшаджам, Оразадан къутулдым деп къуваналар, чюнки бу адамларнынъ нефислери Оразаны севмейлер, яни Ораза оларнынъ омузларына буюк киби ола; башкъа адамлар: «АльхамдулиЛлях, бу Рамазаннынъ сонъуна етиштик, оразасыны туттыкъ, намазыны къылдыкъ, иншааЛлах, гуняхларымыз багъышланды, гуняхларымыздан къуртулдыкъ», — деп айталар ве онъа къуваналар.
Пейгъамберимиз ( صلى الله عليه وسلم) бойле деди: «Ким Рамазан оразасыны иман иле ве Аллахнынъ савабыны къазанмакъ ичюн умютинен туткъан олса, бутюн кечкен гуняхлары багъышланыр».
Башкъа хадисте де Пейгъамберимизнинъ ( صلى الله عليه وسلم) бойле деди: «Ким Рамазан айында гедже (терауих) намазларыны иман иле, Аллахнынъ савабыны къазанмакъ ичюн умюти иле къылгъан олса, Аллах онъа бутюн кечкен гуняхларыны багъышлар». Бакъынъыз, Аллахнынъ рахмети не къадар буюктир. Аллаху Акбар, Аллаху Акбар, Ля иляха илляЛлах, Аллаху Акбар, Аллаху Акбар, уа лилля ильхамд.
Сайгъылы мусульманлар, эписинъиз биледирсиз, Аллахнынъ нимети не къадар чокъ ве не къадар эсапсыз. Буны саяйыкъ десек, ич сайып оламамыз: козь коре, къулакъ эшите, аякъ юре, аш, сув, тарлаларны сайып башласакъ, уджу ёкътыр. Ады бар, эсабы ёкътыр. Амма шу неметлеринден энъ буюги къайсы экен? Базы адамлар шуны анъламайлар, фаркъына бармайлар. Энъ буюк Аллахнынъ нимети, бахшышы – бу бизге багъышлангъан Ислям динидир. Бу темиз ве пак диндир, чюнки бу дин бахыткъа, сеадетке алып баргъан ёлдыр.
Чевре-четинъизге бакъынъыз. Не коресинъиз? Базы адамлар хачкъа (крест) табыналар, базылары ольген адамларнынъ кемиклерине табыналар, оларгъа сыгъыналар, базылары сыгъырларгъа табыналар, олардан ярдым сорайлар, ду’а этелер, базылары йылдызларгъа, базылары кунешке, амма бизим миллетке Аллах Субханаху уа Тааля ойле буюк бир бахшыш берди ки, гедже-куньдюз шукюр десек, эписи бир онынъ къадырына етмемиз. Бу нимет – Ислям динидир. Аллах Раббымызгъа чокъ шукюрлер, бизим миллетимизни Аллах бу динге кетирди, бу динге бизге ёл косьтерди. Бизлер, мусульманлар, сыгъырларгъа, йылдызларгъа, кунешлерге, агъачларгъа, олюлерге табынмаймыз, ибадет япмаймыз, къул олмаймыз. Биз тек Аллахкъа ялварамыз, яни бутюн алемлерни яраткъан, бизлерни ёкътан бар эткен, эр шейнинъ падишасы олгъан Аллахкъа сыгъынамыз ве онъа къуллыкъ этемиз. Бакъынъыз, не къадар гузель бир дин. Бу дин Ля иляхи илляЛлах динидир, яни Аллахтан башкъа кимсеге ибадет япылмаз, кимсеге табынмаз. Бу дин къуртулышкъа, быхыткъа ве Дженнетке алып бараджакъ бир диндир. Башкъа къуртулышкъа ве Дженнетке алып бараджакъ Къыямет кунюне къадар ёл ёкътыр. Аллах тарафындан къабул этильген, Аллах разы олгъан тек бир дин бар – бу Ислям. Ислям не демек? Бу татар, турк, араб олмакъ дегиль. Ислям – бу эр шейни яраткъан Аллахкъа, алемлернинъ падишасына джан-юректен, бутюн гонъюльнен, бутюн вуджудынъ иле берильмек, Онъа бойсунмакъ, теслим олмакъ. Бунъа Ислям дейлер. Эгер биз бу динни кереги къадар кутьсек, оны тутсакъ, шу диннен яшасакъ, биз эм бу дюньяда, эм де ахырада устьте олурмыз.
Аллах Къур’анда бизге сёз бере: эгер сиз намаз къылсанъыз, закят, садакъаларынъызны берсенъиз, яхшы ишлер япып, башкъаларгъа да яхшы ишлер этмеге эмир этсенъиз, ярамай ишлерден сакъынып, башкъаларгъа да бу ишни яптырмасанъыз, сизлер ялынъыз Аллахкъа ибадет этип, Онъа ортакъ къошмасанъыз, о заман Аллах Субханаху уа Та’аля: «Мен сизге Озюм ярдымджы олурым, сизге къол тутарым, сизнен берабер олурым», — дей.
Аллах Субханаху уа Та’аля айта: «Меним борджум му’минлерге ярдым этмеге». Шимди къайсынъыз Аллахнынъ ярдымыны истемейсинъиз? Ойле сою ёкътырдыр. Акъыллы адам, эбет, Аллахнынъ ярдымыны истер. Къайсынъыз, бахыткъа илишип, белялардан, чешит тюрлю джезалардан, мунасебетлерден къуртулмагъа истемейсиз? Эр кес истей. Истесенъиз, тез-тез Аллахнынъ динине илишинъиз, тез-тез Аллахнынъ ёлуна мининъиз. Не ичюн? Чюнки эр биринъиз олюджексинъиз. Бир дане истисна ёкътыр. Онынъ ичюн сенинъ джанынъ богъазынъа келип тирельмезден огюне, сени къара къабирге къоймаздан огюне, олюм мелеги сенинъ башынынъ уджуна отурмаздан огюне тез-тез Аллахкъа, Онынъ динине сарылмагъа ашыкъ.
Шимди бизим миллетимизнинъ алына бакъынъыз. Миллетимизнинъ алы пек фена, пек мушкюль олды. Акъыллы олгъан, козю олгъан буны коре. Миллетимиз ёкъ ола, миллетимиз силинип, битип ола. Чокъ языкълар олсун, миллетимиз гъайып ола. Шимди биз, кинолар чыкъарып, алдансакъ, гедже-куньдюз чалгъынен, оюннен огърашсакъ, тюркю йырласакъ, ракъы, шарап ичсек, бизим миллетимизнинъ алы, аджеба, яхшылыкъкъа догъру кетерми, якъынлашырмы? Ич алы догърулмаз. Биз, Аллахкъа юз чевирип, озь-озюмизни ёкъ этемиз. Биз Аллахны саймасакъ, бизлерни ким саяджакъ? Бизим эдждатларымыз, деделеримиз, динимизни керчек манада кутькенде, олар керчек мусульманлар олгъанда, бутюн дюньягъа падишалыкъ япкъанлар. Олар эп огге кеттилер, эр кесни коркъута эдилер. Не ичюн? Чюнки олар Аллахнынъ ёлуны къавий тута эдилер. Амма бизлер шимди йырлап-ойнамакътан, ракъы ичмектен, бири-биримизнен талашмакътан, тартышмакътан башкъа не этмеге билемиз? Онынъ ичюн биз олмайджакъ халкънынъ аякълары астында къалдыкъ. Шимди бизим алымыз чыплакъ туристлерге хизметкярлыкъ япмакътадыр. Бизим душманларымыз оны пек яхшы билелер. Онынъ ичюн Британиянынъ премьер-министрлернинъ бири не деди: «Мусульманларнынъ къолунда бу Къур’ан олгъанджа къадар, Авропа оларгъа баш этмез, оларнынъ топракъларыны аламаз ве озюни раат дуймаз». Ислям душманлары билелер ки, эгер мусульманлар Къур’ан ве Суннагъа коре яшасалар, оларны кимсе енъип оламаз. Олар эр вакъыт мусульман халкъларны бозмагъа, ёлдан урмагъа тырышалар, бутюн кучьлеринен динлеринден узакълаштырмагъа ишлер алып баралар, динлерини бильмесинлер, динлеринден узакъ олсунлар, озюнинъ дининен яшамасынлар, чалгъы-оюннен, ичкинен огърашсынлар деп, ашамакътан, ичмектен, ятмакътан башкъа бир шей бильмесинлер, яни айванлар киби яшасынлар, намазыны, закятыны, ибадетини, ду’аны, ана-бабагъа, сой-сопкъа, къомшу арасында сайгъы, темиз ахлякъ, гузель тербиени мусульманлар бильмесинлер деп.
Сайгъылы джемаат, не къадар айттыкъ ки, намаз къылынъыз, джума намазына келинъиз, джамиге келинъиз. Динълегенлер бармы? Чокъ языкъ ки, пек аз. Я не япаджакъсынъ, юрек таш киби олса, не чаре бар. Пейгъамберимизнинъ ольмезден огюне сонъки сёзлери не эди? «Ас-саля, ас-саля», яни намаз къылынъыз, намазгъа чагъырды. Намаз къылмагъан адам кяфир я да мушрик тез-тез ола, яни адамларны бундан туткъаны – намаз. Хазретли ‘Умер (радыаЛлаху анху) бойле деди: «Намаз къылмагъан адамгъа Ислямда ери ёкътыр».
Сайгъылы джемаат, мен пек умют этем, бу хутбадан сонъ, бу намаздан сонъ, кечиктирмейип, аранъызда, бельки, бириси намаз къылмайдыр, иншааЛлах, башлар къылмагъа, чюнки кечиктирмеге вакъыт ёкъ. Намаз къылгъанлары исе энди намазны даа яхшы къылар, иншааЛлах, чюнки намаз диннинъ юрегидир.
Мен сизлерге даа бир шейлер айтайым, Аллах сизлерни инандырсын. Намаз къылмагъа бир шей дегиль. Энди чокъ вакъыт къалмай. Кимерде адамлар бири –бирисини намазны насыл къыладжам деп къоркъузалар: онъа къач вакъыт керек, онъа темиз олмакъ керек. Ёкъ, чокъ къолай. Бу дин къолайлы бир диндир, амма намаз къылсанъыз, сиз бам-башкъа бир саниеге чыкъарсынъыз. Бакъынъыз, рус къарт-къарт къадынлар мусульман олалар, якъында бир грек апайы, Аллахкъа чокъ шукюр, мусульман олды. Олар намаз къылмагъа огренелер, сизге даа да къолай олур, чюнки сиз "аль-Фатиханы», «Ихлясны» билесинъиз. Якъында Ялтада бир рус къадыны мусульман олды, Аллахкъа чокъ шукюр, Аллах оны Дженнем атешинден къуртарды, иншааЛлах. О апай намаз къылмагъа огренди ве айта: «Намаз къылмагъа башлагъан сонъ, шимди о къадар раат, о къадар бахытлы олдым ки, не гузель мусульман олдым». Аллаху Акбар, Аллаху Акбар, Ля иляха илляЛлах, Аллаху Акбар, Аллаху Акбар, уа лилля ильхамд.
═════════════════════════════════════════════════════════════════════════
بسم الله الرحمن الرحيم
Ey insanlar, Adem atamıznı topraqtan yaratqan, sizlerni de bir tamçı suvdan peyda etken Yüce Allahqa şükürler etiñiz. Bu quvançlı bayramğa bizlerni yetiştirgen Rabbimizge teşekkürler söyleñiz. Bu mubarek kün, Oraza bayramı, Oraza ayını bitire ve acılıq ayını başlay. Böyle acayıp bir kün. Bu künü bizler, musulmanlar, Oraza bayramımıznı kütemiz, ve şu kün bayramımıznıñ üç künlerinden biridir, çünki bizlerde, musulmanlarda, Muhammed ümmetinde yalıñız üç bayram bar, başqa bayramlar bizde yoqtır. Qalğanları bizlerniñ bayramlarımızdan degildir: istese, Yañı yıl olsun, istese, 8 mart olsun, istese, Navrez olsun. Ne deseñiz, tek şu üç bayram bar: Oraza bayramı, Qurban bayramı ve er aftadaki olğan cuma bayramı. Allahu Akbar, Allahu Akbar, Lâ ilâha illâLlah, Allahu Akbar, Allahu Akbar, ua lillâ ilhamd.
Ey musulmanlar, bu künde bayram namazından ögünde, ya da şu künden bir kün, ya da eki kün ögüne Allah Subhanahu ua Taalâ bizge sadaqa tul-fitr, yani fitr sadaqasını çıqarmağa emir etti, farz yaptı. Şu sadaqanı biz Allahqa yaqınlaşmaq içün beremiz, çünki Rabbımız er bir musulmanğa şu sadaqanı bermege farz etti: istese, apay olsun, istese, aqay olsun, istese, bala olsun, istese, büyük olsun, yaş olsun, qart olsun, — er bir musulman içün bu sadaqanı bermege farzdır. Biz onı Allahnıñ razılığını qazanmaq içün beremiz.
Şunı sizge aytmağa isteyim ki, biz Oraza tuttıq, bazı vaqıtları, belki, boş laf etkendirmiz, belki, bir yaramay söz aytqanmızdır, Orazamızda, belki, bir eksiklik olğandır, şunıñ içün, bu sadaqanı berip, biz bu eksiklerni temizleymiz.
Daa bir şey aytmağa isteyim: bu fitir sadaqası ille bayram namazı çıqmazdan ögüne bermek kerek. Bayram namazından soñ berilse, o, endi fitir sadaqası sayılmay. Peyğamberimizniñ hadisinde öyle aytılğan: ille bayram namazından ögüne fuqarelerge berilecek. Bayram namazından soñ berilse, o, endi fitir sadaqası degil, adiy sadaqa ola.
Daa bir şey aytmağa isteyim. Peyğamberimizniñ hadisinde aytıla ki, zamanda öyle yapıldı, fitir sadaqası aqçanen, kümüşnen, altınnen, urbanen berilmedi. Peyğamberimizniñ hadisinde öyle aytıla ki, bir sa’a ta’am (aşayt) berile, yani pirniç, boğday, baqla, noğıt kibi aşayt fuqarelerge berile. Öyle etsek, o, daa doğru, daa yahşı ve Allahnıñ razılığına daa da yaqınlaştırar, inşaaLlah.
Sevgili musulmanlar, tünevin biz Ramazan ayını bitirdik, Ramazan ayınen sağlıqlaştıq, ve tünevin adamlar ekige bölündi, adamlar eki qısım oldı: bazıları endi Oraza bitti, namazlar vaqıtları bitti, endi Orazasız yaşacam, Orazadan qutuldım dep quvanalar, çünki bu adamlarnıñ nefisleri Orazanı sevmeyler, yani Oraza olarnıñ omuzlarına büyük kibi ola; başqa adamlar: «AlhamduliLlâh, bu Ramazannıñ soñuna yetiştik, orazasını tuttıq, namazını qıldıq, inşaaLlah, günâhlarımız bağışlandı, günâhlarımızdan qurtuldıq», — dep aytalar ve oña quvanalar.
Peyğamberimiz ( صلى الله عليه وسلم) böyle dedi: «Kim Ramazan orazasını iman ile ve Allahnıñ savabını qazanmaq içün ümütinen tutqan olsa, bütün keçken günâhları bağışlanır».
Başqa hadiste de Peyğamberimizniñ ( صلى الله عليه وسلم) böyle dedi: «Kim Ramazan ayında gece (terauih) namazlarını iman ile, Allahnıñ savabını qazanmaq içün ümüti ile qılğan olsa, Allah oña bütün keçken günâhlarını bağışlar». Baqıñız, Allahnıñ rahmeti ne qadar büyüktir. Allahu Akbar, Allahu Akbar, Lâ ilâha illâLlah, Allahu Akbar, Allahu Akbar, ua lillâ ilhamd.
Sayğılı musulmanlar, episiñiz biledirsiz, Allahnıñ nimeti ne qadar çoq ve ne qadar esapsız. Bunı sayayıq desek, iç sayıp olamamız: köz köre, qulaq eşite, ayaq yüre, aş, suv, tarlalarnı sayıp başlasaq, ucu yoqtır. Adı bar, esabı yoqtır. Amma şu nemetlerinden eñ büyügi qaysı eken? Bazı adamlar şunı añlamaylar, farqına barmaylar. Eñ büyük Allahnıñ nimeti, bahşışı – bu bizge bağışlanğan İslâm dinidir. Bu temiz ve pak dindir, çünki bu din bahıtqa, seadetke alıp barğan yoldır.
Çevre-çetiñizge baqıñız. Ne köresiñiz? Bazı adamlar haçqa (krest) tabınalar, bazıları ölgen adamlarnıñ kemiklerine tabınalar, olarğa sığınalar, bazıları sığırlarğa tabınalar, olardan yardım soraylar, du’a eteler, bazıları yıldızlarğa, bazıları küneşke, amma bizim milletke Allah Subhanahu ua Taalâ öyle büyük bir bahşış berdi ki, gece-kündüz şükür desek, episi bir onıñ qadırına yetmemiz. Bu nimet – İslâm dinidir. Allah Rabbımızğa çoq şükürler, bizim milletimizni Allah bu dinge ketirdi, bu dinge bizge yol kösterdi. Bizler, musulmanlar, sığırlarğa, yıldızlarğa, küneşlerge, ağaçlarğa, ölülerge tabınmaymız, ibadet yapmaymız, qul olmaymız. Biz tek Allahqa yalvaramız, yani bütün alemlerni yaratqan, bizlerni yoqtan bar etken, er şeyniñ padişası olğan Allahqa sığınamız ve oña qullıq etemiz. Baqıñız, ne qadar güzel bir din. Bu din Lâ ilâhi illâLlah dinidir, yani Allahtan başqa kimsege ibadet yapılmaz, kimsege tabınmaz. Bu din qurtulışqa, bıhıtqa ve Cennetke alıp baracaq bir dindir. Başqa qurtulışqa ve Cennetke alıp baracaq Qıyamet kününe qadar yol yoqtır. Allah tarafından qabul etilgen, Allah razı olğan tek bir din bar – bu İslâm. İslâm ne demek? Bu tatar, turk, arab olmaq degil. İslâm – bu er şeyni yaratqan Allahqa, alemlerniñ padişasına can-yürekten, bütün göñülnen, bütün vucudıñ ile berilmek, Oña boysunmaq, teslim olmaq. Buña İslâm deyler. Eger biz bu dinni keregi qadar kütsek, onı tutsaq, şu dinnen yaşasaq, biz em bu dünyada, em de ahırada üstte olurmız.
Allah Qur’anda bizge söz bere: eger siz namaz qılsañız, zakât, sadaqalarıñıznı berseñiz, yahşı işler yapıp, başqalarğa da yahşı işler etmege emir etseñiz, yaramay işlerden saqınıp, başqalarğa da bu işni yaptırmasañız, sizler yalıñız Allahqa ibadet etip, Oña ortaq qoşmasañız, o zaman Allah Subhanahu ua Ta’alâ: «Men sizge Özüm yardımcı olurım, sizge qol tutarım, siznen beraber olurım», — dey.
Allah Subhanahu ua Ta’alâ ayta: «Menim borcum mu’minlerge yardım etmege». Şimdi qaysıñız Allahnıñ yardımını istemeysiñiz? Öyle soyu yoqtırdır. Aqıllı adam, ebet, Allahnıñ yardımını ister. Qaysıñız, bahıtqa ilişip, belâlardan, çeşit türlü cezalardan, munasebetlerden qurtulmağa istemeysiz? Er kes istey. İsteseñiz, tez-tez Allahnıñ dinine ilişiñiz, tez-tez Allahnıñ yoluna miniñiz. Ne içün? Çünki er biriñiz ölüceksiñiz. Bir dane istisna yoqtır. Onıñ içün seniñ canıñ boğazıña kelip tirelmezden ögüne, seni qara qabirge qoymazdan ögüne, ölüm melegi seniñ başınıñ ucuna oturmazdan ögüne tez-tez Allahqa, Onıñ dinine sarılmağa aşıq.
Şimdi bizim milletimizniñ alına baqıñız. Milletimizniñ alı pek fena, pek müşkül oldı. Aqıllı olğan, közü olğan bunı köre. Milletimiz yoq ola, milletimiz silinip, bitip ola. Çoq yazıqlar olsun, milletimiz ğayıp ola. Şimdi biz, kinolar çıqarıp, aldansaq, gece-kündüz çalğınen, oyunnen oğraşsaq, türkü yırlasaq, raqı, şarap içsek, bizim milletimizniñ alı, aceba, yahşılıqqa doğru ketermi, yaqınlaşırmı? İç alı doğrulmaz. Biz, Allahqa yüz çevirip, öz-özümizni yoq etemiz. Biz Allahnı saymasaq, bizlerni kim sayacaq? Bizim ecdatlarımız, dedelerimiz, dinimizni kerçek manada kütkende, olar kerçek musulmanlar olğanda, bütün dünyağa padişalıq yapqanlar. Olar ep ögge kettiler, er kesni korquta ediler. Ne içün? Çünki olar Allahnıñ yolunı qaviy tuta ediler. Amma bizler şimdi yırlap-oynamaqtan, raqı içmekten, biri-birimiznen talaşmaqtan, tartışmaqtan başqa ne etmege bilemiz? Onıñ içün biz olmaycaq halqnıñ ayaqları astında qaldıq. Şimdi bizim alımız çıplaq turistlerge hizmetkârlıq yapmaqtadır. Bizim duşmanlarımız onı pek yahşı bileler. Onıñ içün Britaniyanıñ premyer-ministrlerniñ biri ne dedi: «Musulmanlarnıñ qolunda bu Qur’an olğanca qadar, Avropa olarğa baş etmez, olarnıñ topraqlarını alamaz ve özüni raat duymaz». İslâm duşmanları bileler ki, eger musulmanlar Qur’an ve Sunnağa köre yaşasalar, olarnı kimse yeñip olamaz. Olar er vaqıt musulman halqlarnı bozmağa, yoldan urmağa tırışalar, bütün küçlerinen dinlerinden uzaqlaştırmağa işler alıp baralar, dinlerini bilmesinler, dinlerinden uzaq olsunlar, özüniñ dininen yaşamasınlar, çalğı-oyunnen, içkinen oğraşsınlar dep, aşamaqtan, içmekten, yatmaqtan başqa bir şey bilmesinler, yani ayvanlar kibi yaşasınlar, namazını, zakâtını, ibadetini, du’anı, ana-babağa, soy-sopqa, qomşu arasında sayğı, temiz ahlâq, güzel terbiyeni musulmanlar bilmesinler dep.
Sayğılı cemaat, ne qadar ayttıq ki, namaz qılıñız, cuma namazına keliñiz, camige keliñiz. Diñlegenler barmı? Çoq yazıq ki, pek az. Ya ne yapacaqsıñ, yürek taş kibi olsa, ne çare bar. Peyğamberimizniñ ölmezden ögüne soñki sözleri ne edi? «As-salâ, as-salâ», yani namaz qılıñız, namazğa çağırdı. Namaz qılmağan adam kâfir ya da müşrik tez-tez ola, yani adamlarnı bundan tutqanı – namaz. Hazretli ‘Umer (radıaLlahu anhu) böyle dedi: «Namaz qılmağan adamğa İslâmda yeri yoqtır».
Sayğılı cemaat, men pek ümüt etem, bu hutbadan soñ, bu namazdan soñ, keçiktirmeyip, arañızda, belki, birisi namaz qılmaydır, inşaaLlah, başlar qılmağa, çünki keçiktirmege vaqıt yoq. Namaz qılğanları ise endi namaznı daa yahşı qılar, inşaaLlah, çünki namaz dinniñ yüregidir.
Men sizlerge daa bir şeyler aytayım, Allah sizlerni inandırsın. Namaz qılmağa bir şey degil. Endi çoq vaqıt qalmay. Kimerde adamlar biri –birisini namaznı nasıl qılacam dep qorquzalar: oña qaç vaqıt kerek, oña temiz olmaq kerek. Yoq, çoq qolay. Bu din qolaylı bir dindir, amma namaz qılsañız, siz bam-başqa bir saniyege çıqarsıñız. Baqıñız, rus qart-qart qadınlar musulman olalar, yaqında bir grek apayı, Allahqa çoq şükür, musulman oldı. Olar namaz qılmağa ögreneler, sizge daa da qolay olur, çünki siz «al-Fatihanı», «İhlâsnı» bilesiñiz. Yaqında Yaltada bir rus qadını musulman oldı, Allahqa çoq şükür, Allah onı Cennem ateşinden qurtardı, inşaaLlah. O apay namaz qılmağa ögrendi ve ayta: «Namaz qılmağa başlağan soñ, şimdi o qadar raat, o qadar bahıtlı oldım ki, ne güzel musulman oldım». Allahu Akbar, Allahu Akbar, Lâ ilâha illâLlah, Allahu Akbar, Allahu Akbar, ua lillâ ilhamd.
═════════════════════════════════════════════════════════════════════════
О рабы Аллаха! Бойтесь Аллаха и благодарите Аллаха за то, что Он позволил вам довести до конца пост и ночные намазы месяца Рамадан, и просите Аллаха (пречист Он и возвышен), чтобы Он принял от вас ваш пост и ваши поклонения, молитвы, покаяние, потому что всё зависит от того, примет Аллах или не примет.
О мусульмане, сегодня все вы, совершенно разные люди, собрались здесь в одном месте. Есть взрослые, есть молодые, есть дети, есть взрослые, есть бедные, есть богатые. Пусть это напомнит вам о том, что все вы будете собраны у Всевышнего Аллаха, перед Ликом Всевышнего в Судный день, в День великого сбора. Как собрал Аллах (пречист Он и возвышен) вас здесь, как он собирает в хадже миллионы людей, так Аллах (пречист Он и возвышен) соберёт вас в День великого сбора, в День суда (аль-къияма).
И, воистину, этот День настанет очень скоро, потому что всё, что идёт, близко, наступает скоро. И в этот страшный День Всемогущий Творец соберёт всех нас, всех людей, всех потомков Адама, первые и последние поколения, наших предков, наших потомков, которые будут после нас, мужчин и женщин в одном месте, на одной огромной площади, земле босыми и нагими, такими, какими мы родились, соберёт нас необрезанными. Аллах (пречист Он и возвышен) говорит в Коране об этом:
يَوْمَ تَرَوْنَهَا تَذْهَلُ كُلُّ مُرْضِعَةٍ عَمَّا أَرْضَعَتْ وَتَضَعُ كُلُّ ذَاتِ حَمْلٍ حَمْلَهَا وَتَرَى النَّاسَ سُكَارَى وَمَا هُم بِسُكَارَى وَلَكِنَّ عَذَابَ اللَّهِ شَدِيدٌ
«В тот день, когда вы увидите сотрясение Судного дня, каждая кормящая мать забудет того, кого она кормила, и каждая беременная сбросит свою ношу [от страха], и ты увидишь людей пьяными, хотя они не пьяны, но они будут такими, потому что наказание Аллаха сильно». (Коран, сура «Паломничество», 22:2)
И в тот День Аллах (пречист Он и возвышен) установит весы (мизан):
فَمَن ثَقُلَتْ مَوَازِينُهُ فَأُولَئِكَ هُمُ الْمُفْلِحُونَ
«И те, весы которых окажутся тяжёлыми [потому что у них много благих деяний и хороших поступков], по-настоящему окажутся счастливыми».
Я прошу Аллаха (пречист Он и возвышен) Его прекраснейшими именами, чтобы Он сделал нас из этих счастливых. Аллах (пречист Он и возвышен) говорит:
وَمَنْ خَفَّتْ مَوَازِينُهُ فَأُولَئِكَ الَّذِينَ خَسِرُوا أَنفُسَهُمْ فِي جَهَنَّمَ خَالِدُونَ
«А те, чьи весы окажутся лёгкими, потеряют самих себя, и в Аду они будут вечно».
(Коран, сура «Верующие», 23:102—103)
Их лица будет обжигать Огонь, и они будут корчиться в адском Огне. Пусть Аллах (пречист Он и возвышен) защитит нас от этого.
В тот День над адским Огнём, Гееной Аллах (пречист Он и возвышен) проложит мост (сират), и все вы, каждый из мусульман, пойдёт по этому мосту, и будете идти по нему, этому мосту так, как вы в этом мире шли по пути служения Аллаху (пречист Он и возвышен). И будут такие, которые спасутся, и такие, которые упадут, низвергнутся в эту клокочущую, кипящую, бурлящую, пылающую бездну. Те, кто крепко держался за веру и путь Аллаха (пречист Он и возвышен) в этом мире, также будут крепко держаться на этом мосту, а те, которые шатались на этом пути в этом мире, колебались и соскальзывали с прямого пути Аллаха (пречист Он и возвышен) в этом мире, будут соскальзывать в адский Огонь с того моста (сирата) в Судный день.
О мусульмане, после этого нашего собрания мы разойдёмся. Каждый из вас пойдёт к себе домой или в какое-то другое место. То, что вы разойдётесь в разные места, пусть тоже напомнит вам о том, что и после великого сбора в Судный день люди также разойдутся в разные стороны. Аллах (пречист Он и возвышен) говорит:
وَيَوْمَ تَقُومُ السَّاعَةُ يَوْمَئِذٍ يَتَفَرَّقُونَ * فَأَمَّا الَّذِينَ آمَنُوا وَعَمِلُوا الصَّالِحَاتِ فَهُمْ فِي رَوْضَةٍ يُحْبَرُونَ * وَأَمَّا الَّذِينَ كَفَرُوا وَكَذَّبُوا بِآيَاتِنَا وَلِقَاءِ الْآخِرَةِ فَأُولَئِكَ فِي الْعَذَابِ مُحْضَرُونَ
«В тот День вы разделитесь. Те, которые уверовали и совершали праведные деяния, будут наслаждаться в Садах, а те, которые не веровали в Наши знамения и вечную жизнь, будут ввергнуты в наказание».
(Коран, сура «Римляне», 30:14—16)
О рабы Аллаха, вспомните об этом и делайте то, что спасёт вас в Судный день.
Аллаху Акбар, Аллаху Акбар, Ля иляха илляЛлах, Аллаху Акбар, Аллаху Акбар, уа лилля ильхамд.
Сайгъылы мусульманлар, Рамазан байрамында Пейгъамберимиз, намазгъа чыкъмаздан огюне, бир-эки хурма (финики) ашай эди, сонъ намазгъа чыкъа эди. Амма Къурбан байрамында Пейгъамберимиз, бир шей ашамай, намазгъа кете эди, къурбан союлгъан сонъ, эвге къайткъан сонъ ашай эди. Бойле бир Суннет. Даа Пейгъамберимизнинъ Суннети бар, оны да сизге анъдырмагъа истейим. Пейгъамберимизнинъ, намазгъа кеткенде, бир ёлнен кете эди, къайткъанда исе башкъа ёлнен къайта эди. Не ичюн о, бойле эте эди? Эр ерде бугунь мусульманларнынъ байрамы олгъаныны эр кес бильсин, дуйсын деп эте эди. Биз де бу Суннетни инша Аллах унутмайыкъ. Эгер бу байрам куню мусульманлар бири-бирини хайырласалар, зарары олмаз, чюнки Пейгъамберимиз, онынъ сахабилери бири-бирине айта эдилер: «Аллах сизден де, бизден де къабул этсин». Биз де ойле япсакъ, инша Аллах, бири-биримизни даа зияде севермиз ве саярмыз. Амма чокъ адамлар байрам куньлери къабрыстангъа кетелер. Эгер сорасанъыз: «Къур’анда, Суннетте бойле шей бармы?» — мен сизге айтарым: «Ёкъ». Махсус байрам куню къабристангъа бармагъа динимизде ойле шей ёкътыр. Къабристангъа эр кунь бармагъа мумкюн. Эр кунь барасынъ, олю ичюн ду’а этесинъ, олюни анъасынъ, амма байрам куню анда бармагъа шарт дегиль, онынъ ичюн бу куню оны махсус этмесек даа яхшы олур.
Пейгъамберимизнинъ даа Суннети бар: хутбени битирген сонъ, Пейгъамберимиз апайларгъа кете эди ве оларгъа да насиат бере эди, яхшы шейлерни огрете эди. Шунынъ ичюн сиз де, эвинъизге къайтсанъыз, апайларынъызгъа айтынъыз, Аллахтан къоркъсынлар, Аллахнынъ эмирлерини ерине кетирсинлер, Аллахкъа бой сунсынлар, садакъалар, закятлар берсинлер, озьлерининъ намусларына мукъайт олсунлар, эвлеринден керексиз чыкъмасынлар. Садакъа берселер, насыл сув атешни сёндире, ойле де садакъа гуняхларны сёндире. Акъайлар да бильмек кереклер ки, Аллах Субханаху уа Та’аля бизге апайларны, къоранталарымызны, балаларымызны эманет деп берди, шунынъ ичюн оларнынъ тербиесине биз мукъайт олмакъ керекмиз, эм озьлеримизни, эм оларны догъру ёлгъа чагъырмакъ керекмиз.
Эй Аллахнынъ къуллары, бир дакъикъа сабыр этинъиз, ду’адан къалманъыз. Мен шимди, Раббимизге ялварып, ду’а этерим, чюнки бу вакъыт ве бу ерде ду’а ве хайыр еридир. Сиз де джан-юректен, исинип, умют иле «Амин!» денъиз.
Я Рабби! Сен Аллахсынъ, Сен Тирисинъ, Сен Джумертсинъ, Сен Керимсинъ, Сен мераметлерден энъ Мераметлисинъ! Я Рабби, бизлер туткъан оразаларымызны, къылгъан намазларымызны, япкъан ду’аларымызны, бутюн ибадетлеримизни къабул эт. Амин! Бу куньде Сен бизлерни бахт-сеадетке келишкенлерден эт, Озь савабынъдан бизлерни къалдырма, бизлерге Озь разалыгъынъны багъышла, Я Рабби алямин. Амин! Бизге ве бизим къоранталарымызгъа Сенинъ ёлынъда яшамагъа насип эйле. Амин! Сенинъ ёлунен ве Пейгъамберимизнинъ ёлунен кетмеге насип эйле, Я Рабби алямин. Амин! Бизни, ве бизим ана-бабаларымызны, ве бутюн муминлерни, бутюн мусульманларны Сен багъышла, Я Рабби. Амин! Бизлерни афу эт, бизлерни Дженнем азабындан ве къабыр азабындан Озюнъ къуртар, Сен бизлерни Дженнетлерге кирсет ве, Дженнетке кирсетип, Сенинъ гузель юзюнъни корьмеге бизлерге насип эйле. Амин! Хасталарымызгъа шифа бер, борджлу олгъан адамларгъа борджлардан къуртулмагъа насип эйле. Амин! Я Рабби алямин, ольгенлерге рахмет эйле, эпимизни Дженнем азабындан сакъла. Амин! Бизге, Пейгъамберимизнинъ ёлунен кетип, Сен рахмет эйле, Я Рабби. Амин! Пейгъамберимизге, онынъ аилесине, бутюн сахибелерине Сен селямлар ве берекетлер бер, Я Рабби алямин. Амин! АльхамдулиЛляхи Рабби-ль алямин! Аллах эпимизден чокъ разы олсун. Байрам шерифинъиз мубарек олсун!
