Достоинства ночи середины Ша’бана



О рабы Аллаха, в первой хутбе мы сказали, что нет какого-то специального поклонения в ночь середины Ша‘бана, которое отличало бы ее от других ночей. В вопросе обрядов поклонения нет отличий этой ночи от других. Это нужно запомнить. Есть ли вообще у этой ночи середины Ша‘бана какое-то превосходство, какое-то достоинство или нет? Ученые Ислама высказывают разные мнения. Но мы с вами опираемся на хадис, который передан от Пророка (да благословит его Аллах и приветствует) несколькими сподвижниками. Говорит Посланник Аллаха (да благословит его Аллах и приветствует):

يَطَّلِعُ اللهُ تَبَارَكَ وَتَعَالَى إِلَى خَلْقِهِ لَيْلَةَ النِّصْفِ مِنْ شَعْبَانَ، فَيَغْفِرُ لِجَمِيعِ خَلْقِهِ إِلَّا لِمُشْرِكٍ أَوْ مُشَاحِنٍ

«Смотрит Аллах на творения свои в ночь середины Ша‘бана и прощает всем им, кроме человека, который совершает многобожие (ширк), и человека, у которого есть вражда с кем-то, который находится в ссоре с кем-то из своих братьев». Хадис приводит Ибн Маджа (1390).

Одна версия этого хадиса от Абу Са‘ляба аль-Хушани, где сказано, что Аллах (пречист Он и возвышен) в ночь середины Ша‘бана смотрит на свои творения и прощает верующим и откладывает неверующим, пока не уверуют; и откладывает, оставляя без внимания, кому-то из верующих, у которых есть в сердце ненависть, пока не оставят они эту свою ненависть.

Этот хадис Пророка (да благословит его Аллах и приветствует) указывает нам на то, что действительно у ночи середины Ша‘бана есть особенность, достоинство, которое заключается в том, что Всевышний Аллах осыпает Своими милостями творения, прощая их. Но есть условие: этот дар дается всем жителям земли, кроме двух категорий людей:

многобожники (мушрики), которые совершают ширк, придают Аллаху сотоварищей;

ненавистники (мушахин), то есть те, у кого есть «шахна» − ненависть к кому-то из верующих или вражда с кем-то из братьев, зависть, злоба.

Пречист Аллах (СубханаЛлах)! Посмотрите, Всевышний Аллах упоминает того, кто поссорился со своим братом и ненавидит своего брата, в одной связке с мушриком! Какое скверное соединение, какое скверное положение — быть в обществе мушриков!

Аллах (пречист Он и возвышен) говорит, что не прощает этим двум.

Первый — это мушрик, который совершает ширк. Что это значит? Это значит, что он придает Всевышнему сотоварищей, приобщает к Нему кого-то в поклонении. Он поклоняется кому-то, кроме Аллаха, совершает какой-то вид многобожия (ширка).

Ширк в любом его проявлении — это самый страшный грех, который Аллах (пречист Он и возвышен) никогда не прощает, если только человек не покается, если только не успеет до того момента, когда его душа подойдет к горлу, и станет настоящим единобожником (муваххидом).

А второй — это тот, у которого в сердце злоба, зависть, ненависть, неприязнь, вражда к кому-то из верующих людей. СубханаЛлах, вот это наказание для всех, кто в ссоре со своими братьями, не решает никак с ними тяжбы. Это наказание преследует человека не только в середине Ша‘бана, но и каждую неделю, потому что Пророк (да благословит его Аллах и приветствует) говорит, что в понедельник и в четверг открываются врата Рая, и Аллах прощает всем, кроме тех, которые находятся друг с другом во вражде.

И Аллах (пречист Он и возвышен) говорит: «Отсрочьте этим двум, подождите с ними, пока они не помирятся». Таким образом, о рабы Аллаха, единственное поклонение в эту ночь, о котором мы можем сказать, что оно действительно есть, но это поклонение не только в эту ночь, оно всегда, в каждую ночь, в каждую минуту нашей жизни. Оно заключается в том, чтобы очистить свое сердце и свои органы от многобожия, чтобы ты своим поклонением и религией был устремлен только к Аллаху, Господу миров (пречист Он и возвышен). Не думай, что от ширка так легко очиститься. Добиться искреннего поклонения Создателю, когда ты всё делаешь только ради Него, это очень и очень непросто. Пусть поможет нам Аллах (перчит Он и возвышен). К этой ночи, к середине Ша‘бана, мы должны подготовиться таким образом:

— очистить наши сердца прежде всего от ширка.

— очистить наши сердца, наши помыслы от вражды, ненависти к кому-то из верующих, от неприязни к нашим братьям.

Давайте подметем, уберем наше сердце, очистим от всякой зависти, злобы. Разве подобает мусульманину носить в сердце вот эту грязь, помои, мусор в виде ненависти, зависти, вражды, ссоры с кем-то из верующих? Уступи, помирись ради Аллаха (пречист Он и возвышен), подготовься к этой ночи таким образом. Пророк (да благословит его Аллах и приветствует) говорит:

لا يُؤمِنُ أحَدُكُمْ حَتَّى يُحِبَّ لأَخِيهِ مَا يُحِبُّ لِنَفْسِهِ

«Никто из вас не уверует, пока не будет желать своему брату того, чего желает себе». Хадис передали аль-Бухари (13) и Муслим (45).

Посмотри: твой иман у Аллаха (пречист Он и возвышен) невесомый перед Аллахом (пречист Он и возвышен), если ты не любишь для брата, не желаешь для него того, чего желаешь себе. А что тогда говорить, если ты еще и носишь ненависть к своему брату в сердце.

СубханаЛлах, вот это вот грязное вещество, примесь вражды, ненависти и зависти в сердце уродует душу, клянусь Аллахом. Если приоткрыть завесу, за которой скрывается наша душа (нафс), вы увидите за этой оболочкой страшные вещи, вещи ужасающие, много удивительного. За этими телесными оболочками из мяса, костей и кожи вы увидите многие души с отвратительными качествами, которые присущи разным зверям. Ты можешь увидеть душу, как у свирепого хищника, посягающего на кого-то. Можешь увидеть душу, как у собаки, или свиную, или мышиную, или другую — в зависимости от того, качество какого животного приобрела это человеческая душа. Пусть Аллах (пречист Он и возвышен) очистит нас от всей скверны, которая есть в наших сердцах.

Поэтому, о рабы Аллаха, великое поклонение в эту ночь — это очиститься от предания Аллаху (пречист Он и возвышен) сотоварищей в любом проявлении его, как внешнем, так и внутреннем; также в виде показухи, упования на кого-то, кроме Аллаха, поклонения деньгам, имуществу, погони за мирским. Успей очиститься до этой ночи и очистить свое сердце от ненависти к кому-то из верующих. Ведь религия пришла не просто так. Она пришла для того, чтобы нас с вами изменить. Если с течением времени религия тебя не меняет изнутри, значит ты не получил от неё никакой пользы, потому что это и есть предназначение религии. Поэтому человек должен исправить то, что он испортил, должен наладить связи, которые он порвал, и должен быть богобоязненным, а значит предельно осторожным в отношении Аллаха (пречист Он и возвышен) и в отношении рабов Аллаха. Потому что это и есть богобоязненность (такуа).

Убай ибн Ка‘б (да будет доволен им Аллах), сподвижник Пророка (да благословит его Аллах и приветствует), когда ‘Умар спросил его, что такое такуа, дал именно такое определение богобоязненности. ‘Умар ибн аль-Хаттаб — человек, которого Аллах наделил великими милостями, знаниями и мудростью, праведный халиф, соратник Пророка (да благословит его Аллах и приветствует). Он не стесняется, несмотря на свой высокий уровень, задать вопрос человеку, который меньше него по знанию, о том, о чем сам не знает. Он говорит: «О Убай, что такое такуа (богобоязненность)?» Убей отвечает: «О повелитель правоверных, тебе не приходилось ходить по дороге, усеянной шипами?» «Конечно», — говорит ‘Умар. «И что же ты делал?» − спрашивает Убай. «Я приподнимаю полы своей одежды и ступаю осторожно», — отвечает ‘Умар. «Вот это и есть такуа», — говорит Убай (да будет доволен им Аллах).

Посмотрите, Убай разъясняет ‘Умару абстрактную вещь посредством физического примера, видимого. Он спрашивает, приходилось ли повелителю правоверных ступать по дороге, усеянной шипами. И тут, конечно, всплыли в памяти ‘Умара все эти многочисленные моменты. Как же ему не знать, что такое дорога, усеянная шипами, ведь он пас овец для своего отца аль-Хаттаба, который был очень жестоким, грубым человеком, издевался над ‘Умаром, заставлял его голодать, как об этом вспоминал он сам. И называли его тогда не ‘Умар, а ‘Умейр, то есть уменьшительным именем. Как же ему не знать, что это за дорога, если он прошел столько долин, столько гор, столько пустынь на пути Аллаха (пречист Он и возвышен); если он ходил по ночам, обходил Медину дозором, чтобы посмотреть, в каком положении живут подданные, какие у них есть проблемы. Конечно, он знал.

‘Умар ибн аль-Хаттаб — это вообще образец богобоязненности, осторожности в отношении прав Аллаха (пречист Он и возвышен) и прав рабов Аллаха. Однажды, стоя на минбаре, он произносил прекрасную хутбу, и речь текла из его уст, как течёт вода, ведь это же Фарук — тот, который отличает истину от лжи. Но вдруг ‘Умар отошел от темы хутбы, оставил тему, ради которой началась проповедь, и начал обращаться к самому себе: «О сын Хаттаба, ты был презренным, и Аллах возвысил тебя; ты был униженным, и Аллах возвеличил тебя; тебя называли ‘Умейр, а теперь тебя зовут ‘Умар; и был ты таким, и таким, и таким, пока не стал повелителем правоверных!» Сказав это, он вернулся к теме хутбы. Когда проповедь закончилась, люди спросили его: «О повелитель правоверных, что это была за речь?» ‘Умар ибн аль-Хаттаб объяснил им: «Когда я произносил хутбу, вдруг в душу мою проникло самодовольство, что хутба такая красивая, течет легко, и я решил воспитать свою душу, дать ей урок, дать своему нафсу воспитание и поставить свой нафс в положенные для него рамки, чтобы душа знала, чего она на самом деле стоит».

Посмотрите, этот учитель богобоязненности стремится узнать про богобоязненность больше. Для объяснения этого Убай спрашивает, ходил ли он по дороге, усеянной шипами. Получив положительный ответ, уточняет, что же он делает в этом случае. А ‘Умар дает ему краткий, но точный ответ: «Я поднимаю полы своей одежды и ступаю осторожно». Представьте себе повелителя правоверных ‘Умара (да будет доволен им Аллах), как он приподнимает свою одежду, как оголяются его голени, как он делает осторожные неспешные шаги, ступает на кончики пальцев, кладет свою стопу на землю с предельной осторожностью. Если чувствует малейший укол, сразу поднимает, убирает свою стопу. «Вот это и есть такуа, о повелитель правоверных».

О рабы Аллаха, таков жизненный путь. Он полон шипов, колючек, на которые нельзя наступать, которые нужно обходить, прилагать для этого все усилия. Вот эти шипы — это права Аллаха (пречист Он и возвышен) и права его рабов, которые нельзя подбирать. Если ты не будешь делать всё возможное, чтобы обходить эти шипы, чтобы не задеть права людей, чтобы не обижать людей, чтобы дать каждому обладателю права его право, чтобы не покуситься на чье-то, если ты не будешь уступать свои права и не будешь выполнять свои обязанности перед ними, вот тогда ты придешь к тому, что у тебя возникнут разногласия с людьми, ссоры, споры, ненависть, злоба, зависть, несправедливость к людям, притеснение, посягательства — всё то, что так не любит Аллах (пречист Он и возвышен).

Жизненный путь — это сложный, напряженный путь. Но его надо пройти, надо немного потерпеть. Возьми свою душу в железные руки и иди прямо по пути Создателя (пречист Он и возвышен), не сбиваясь и не отклоняясь. Не позволяй своим желаниям, страстям, наклонностям завладеть твоим сердцем, а потом бросить твое сердце туда, где не подобает быть сердцу верующего человека. Жизнь на пути Аллаха нелегка. Но ты потерпи немного, о раб Аллаха, скоро ты отдохнешь, скоро избавишься от этих тягот, от своих трудов, потому что придет смерть. Если ты был верующим, богобоязненным, эта смерть станет для тебя отдохновением, она станет для тебя избавлением от всех тягот и от всех испытаний. От земных трудов ты отдохнешь в светлых садах божественной благодати. Там покой, там умиротворение, там счастье и там радость.

Таково достоинство ночи середины Ша‘бана: этой ночью даруется прощение всем тем, кто не совершает ширк. Чем больше таухид человека, тем больше он получает прощение. Оно даруется тем, кто избавился от вражды, от ссор, от тяжб и от ненависти.

Мы просим Аллаха (пречист Он и возвышен) очистить нас от ширка во всех его проявлениях и очистить нас от вражды, ненависти и зависти и исправить наше положение.

═════════════════════════════════════════════════════════════════════════

Перевод хутбы на крымскотатарский

بسم الله الرحمن الرحيم

Шаабаннынъ ортадаки гедженинъ фазилетлери.

Эй Аллахын къуллары, биринджи хутбемизде, Шаабанынъ ортасында олгъан геджеде, оны башкъа геджелерден айыраджакъ аселет япылгъан ибадетлер ёкъ. Ибадетлер меселесинде бу геджени дигер геджелерден феркъы ёкъ.

Затен Шаабанынъ ортасында олгъан геджеде насылдыр устюнликлер, фазилетлер бар яда ёкъ?

Ислам алимлери тюрлю фикирлер айталар. Амма биз исе хадиске тиренемиз, о бир къач сахабелернен Пейгъамберимизден ﷺ ривает этильген.

Пейгъамберимиз ﷺ дей:

يَطَّلِعُ اللهُ تَبَارَكَ وَتَعَالَى إِلَى خَلْقِهِ لَيْلَةَ النِّصْفِ مِنْ شَعْبَانَ، فَيَغْفِرُ لِجَمِيعِ خَلْقِهِ إِلَّا لِمُشْرِكٍ أَوْ مُشَاحِنٍ

«Шаабанынъ ортасындаки геджеде Юдже Аллах (Субханаху ва Та'аля) озь махлюкъларына бакъа ве оларны багъышлай, ширк япкъан инсандан гъайры, ве озь аркъадашынен къавгъада олгъан кимседен гъайры».

Ибн Маджа (1390).

Абу Са‘ляба аль-Хушани риваетинде айтылгъан, Юдже Аллах (Субханаху ва Та'аля) Шаабанынъ ортасындаки геджеде озь махлюкъларына бакъа ве му’минлерни багъышлай, кяфирлерге исе иман этмегене къадар бир яна къоя; ве къальбинде нефрет олгъан му’мингеде бу нефретини къалдырмагъанына къадар бир яна къоя.

Бу Пейгъамберимизни ﷺ хадисы, Шаабанынъ ордаки геджесининъ устюнлиги ве фазилети олгъаныны бельгилей, ве бу фазилетлер Юдже Аллахны (Субханаху ва Та'аляны) озь махлюкъларыны багъышларкен мерхаметлернен ягъдыра.

Амма бир шарт бар: бу бахшыш эки категория инсандан гъайры бутюн ер юзю сакинлерине бериле.

  • Мушриклер, ширк япкъанлар, Аллаха шерик къошкъанлар;
  • Гъарезли инсанлар (мушахин) – кимнинъ иман эткен кимсеге нефрети бар яда аркъадашына къаршы къавгъа, къын, пакъыллыгъы бар.

СубханаЛлах! Бакъынъыз, Юдже Аллах (Субханаху ва Та'аля), озь аркъадашынен къавгъа эткенни ве озь агъасына нефретленген инсанны мушрикнен берабер бир багъламда хатырлай! Не къадар пис багълам, не къадар пис дередже – мушрик джемиетинде олмакъ!

Юдже Аллах (Субханаху ва Та'аля) бу экисини багъышламайджагъыны хабер эте.

Биринджиси – бу мушрик, ширк япкъан кимсе. Бу не демек? Бу демекки о Раббисине шерик къоша, бир кимсени ибадетте Раббисинен бир япа. О Аллахтан гъайры даан бир кимсеге ибадет япа, ширкнинъ чешитлеринден япа.

Ширк ве онынъ эр бир изары – бу эн къоркъунчлы гунах, ве эгер инсан тёвбеге къайтмаса, джаны богъазына кельмегене къадар мувахид олмаса, оны Юдже Аллах (Субханаху ва Та'аля) асла багъышламаз.

Экинджиси – бу юрегинде къин ве нефрет, пакъыллыкъ, адавет, иман эткен инсанларгъа къаршы душманлыкъ олгъан кимсе. СубханаЛлах, бу озь аркъадашынен къавгъада олгъан кимсе ичюн, бу даваны чезмеген кимсе ичюн джезадыр. Бу джеза инсанны тек Шаабанынъ ортасында дегильда эр афта излей, чюнки Пейгъамберимиз ﷺ дей, базарэртеси ве джумаакъшамы Дженнет къапулары ачыла, ве Юдже Аллах (Субханаху ва Та'аля) бири биринен къавгъада олгъандан гъайры эркесни багъышлай.

Ве Юдже Аллах (Субханаху ва Та'аля) дей: «Бу экиси мабетлешмегене къадар оларгъа аман-аралыкъ айырынъыз».

Бойледже, эй Аллахын къуллары, бу геджеде биз айтаджагъымыз ялыныз ибадет, бу акъикъаттен бар олгъаны, амма бу ибадет тек бу геджеде дегильда, эр бир геджемизде, омюримизни эр бир дакъкъасындадыр. Онынъ манасы, озь къальбимизни ве вуджуд азаларымызны ширктен арындырмакътыр, сен озь ибадетинънен ве дининънен тек Аллаха, кяинатын Раббисине талпынаджанъ. Ширктен пек къолай арынмакъ мумкюн деп тюшюнме. Ихляслы оларакъ Раббинъе къаршы ибадетни къазанмакъ, эр бир амелинъ тек Онынъ разылыгъы ичюн олмасына арекет этмек – бу пек агъыр шейлердендир. Юдже Аллах (Субханаху ва Та'аля) бизлерге ярдымджы олсун.

Бу геджеге, бу Шаабанынъ орта геджесине биз бойледже азырлыкъ корьмек керекмиз:

  • Биринджиден, озь кальблеримизни ширктен арындырмакъ керекмиз.
  • Къальблеримизни, фикирлеримизни иман эткен кимселерге къаршы, аркъадашларымызгъа къаршы душманлыкътан, нефреттен, адаветтен арындырмакъ керекмиз.

Келиниз юрегимизни сипирейик, пакъыллыкътан ве нефреттен темизлейик. Мусульман кишиге юрегинде бу кирни, бу нефрет шекилинде чёплюкни, пакъыллыкъны, къавгъаны, иман эткен кимселернен олгъан даваларны ташымагъа ляйыкъмы аджеба? Къалыш, Аллах ризасы ичюн мабетлеш, бойле шекильде бу геджеге азырлыкъ корь.

Пейгъамберимиз ﷺ бойле буюра:

لا يُؤمِنُ أحَدُكُمْ حَتَّى يُحِبَّ لأَخِيهِ مَا يُحِبُّ لِنَفْسِهِ

«Аранъызда ич биринъиз озюнъизге истегенини озь аркъадашына истемегене къадар, иман эткен олмазсыныз».

аль-Бухари (13) ве Муслим (45).

Бакъ: эгер сен озюн ичюн севген шейни аркъадашынъ ичюн севмесен, демек сенинъ иманынъ Аллахта, Юдже Аллах (Субханаху ва Та'аля) огюнде пек енгильдир. Ондан гъайры, даан озь аркъадашынъа къаршы нефрет ташысанъ, не айтмакъ мумкюн.

СубханаЛлах, Аллахнен емин этем, бу пис шей, юректе олгъан душманлыкъны, нефретни ве пакъыллыкъны къарышмасы, инсанны рухуны бешарет япа. Эгер нефсимиз сакълангъан пердени азачыкъ ачсаныз, сиз бу къабукъ ичинде къоркъунчлы, чокъ дешетли, чокъ аджайип шейлер корерсиниз. Бу эттен, кемик ве териден олгъан къабукъ ичинде тюрлю айванларгъа ляйыкъ олгъан хусуссиетлер иле нефслерни тапарсыныз. Сен, бир кимсеге къаст эткен, джанавар йиртиджи шекилинде нефсни коре билирсин. Сен копекке, яда донузгъа, яда сычангъа бензеген нефс коре билирсин, яда башкъа бир айванны хусусиетини алгъаныны корерсин. Юдже Аллах (Субханаху ва Та'аля) нефслеримизни бу писликтен арындырсын.

Онынъ ичюн, эй Аллахын къуллары, бу геджеде эн буюк ве онемли ибадет – бу Юдже Аллах (Субханаху ва Та'алягъа) шерик къошмакътан, эм тыш эм де ич изарындан арынмакъ; эм риядан, эм Аллахтан гъайры даан бир кимсеге тевеккюль япмакътан, парагъа мал-мулькке ибадет япмакътан, мал-мульк артындан чапмакътан арынмакътыр. Бу геджеге къадар арынмагъа ве озь юрегинъни иман эткен кимсеге къаршы нефрет этмектен арындырмагъа етиштир. Чюнки бу дин бошуна кельмеди. О бизни деништирмеге кельди. Эгер вакъыт девамында бу дин сени деништирмесе, демек сен ондан асла бир файда корьмединъ, чюнки будыр диннинъ эсас макъсады.

Онынъ ичюн инсан бозгъан шейини догъуртмакъ керек, бозгъан багъларыны тюзетмек керектир, такъвалы олмакъ керектир, демек Юдже Аллаха (Субханаху ва Та'алягъа) къаршы пек мукъайт олмакъ керек ве Аллахын къулларына къаршы мукъайт олмакъ керек. Чюнки будыр такъва.

Убай ибн Ка‘б (Аллах ондан разы олсун), Пейгъамберимизни ﷺ сахабеси, ‘Умар ондан такъва не олгъаныны сорагъанында, о такъваны айни бойле тариф этти.

‘Умар ибн аль-Хаттаб – Аллах онъа къаршы чокъ мерхаметлер, бильгилернен ве хикметнен насиб эткен инсан, салих халиф, Пейгъамберимизни ﷺ меслекдеши. Озюнинъ юксек дереджесине бакъмадан, озюнден бильгиси азджа олгъан инсандан, озю бильмеген шейни сорамагъа утанмай эди. О дей: «Эй Убай, такъва бу недир?». Убай джевап бере: «Эй му’минлерни амири, сен тегенек толу олгъан ёлдан юрьмединъми?». «Эльбетте», - дей ‘Умар. «Ве сен не яптынъ», - деп сорай Убай. «Мен урбамны этегини котерип мукъайтнен басам», — деп джевап берди ‘Умар. «Мына будыр такъва», — деди Убай (Аллах ондан разы олсун).

Бакъынъыз, Убай ‘Умаргъа муджеррет шейни корюнген, муджессем мисальнен анълата. О сорай, му’минлерни амириине тегенек толу олгъан ёлдан басмагъа догъру кельдими. Ве бу ерде ‘Умарнынъ акъылында бу чокъ маалер хатырланды. Тегенек толу олгъан ёлну о насыл бильмейджек, чюнки аль-Хаттаб бабасыны койларыны отлата эди, онынъ бабасы пек серт, залым бир инсан эди, о ‘Умарны ачлыкъ тутмагъа зорлата эди. Ве оны ‘Умар ерине ‘Умейр деп, кучюльтиджы аднен адландыра эдилер. Бу ёл не олгъаныны о насыл бильмейджек, о не къадар дерелерни, не къадар дагъларны, не къадар сахраларны Аллах ризасы ичюн кезип кечти; о геджелери Мединаны этрафларыны, онъа тебаа олгъан инсанлар насыл дереджеде олгъаныны корьмеге, оларнынъ насыл меселелери бар олгъаныны бакъмагъа, кезе эди. Эльбетте, о биле эди.

‘Умар ибн аль-Хаттаб – бу такъванынъ, Юдже Аллах (Субханаху ва Та'алянынъ) хакъларына мукъайт олмакънынъ, Аллахнынъ къулларыны хакъларына мукъайт олмакънынъ тимсали эди. Бир заман, минбарда тураркен, ойле гузель хутбе айта эди, онынъ агъызындан лаф санким сув киби чыкъа эди, о Фарукдыр – хакъны яландан айыргъан кимсе эди. Апансыздан о хутбени мевсусындан четке чекилип, озюне мураджат этип башлады: «Эй Хаттабнынъ огълу, сен хор эдинъ, ве Юдже Аллах (Субханаху ва Та'аля) сени юксельтти; сен зелиль эдинъ, ве Юдже Аллах (Субханаху ва Та'аля) тазим этти; сени ‘Умейр деп адландыра эдилер, энди исе сенинъ адынъ ‘Умар; ве сен му’минлернинъ амири олмагъана къадар фелянджы ве фелянджы эдинъ!»

Буны айткъанынен о хутбени мевзусына къайтты. Хутбе биткен сон, адамлар ондан сорадылар:

«Эй му’минлерни амири, бу насыл сёзлер эди?» 'Умар ибн аль-Хаттаб оларгъа анълатты: «Мен хутбени айтып башлагъанымда, апансыздан меним нефсиме, хутбе гузель олгъаны себебинден, къолайнен айтылгъан себебинден кибирлик кирип башлады, ве мен озь нефсимни тербие этмеге, онъа дерс бермеге, оны къыймети не къадар олгъаныны корьсетмеге сынъырларыны ичине къойдым».

Бакъынъыз, такъва оджасы такъва акъкъында даан зияде огренмеге тырыша. Буны анълатмакъ ичюн Убай сорай, о тегенеклер толу олгъан ёлларда юрьдими аджеба. Мусбет джевап алгъан сон, бу меселеде не япакъаныны сораштыра. ‘Умар исе онъа къыскъа амма низамлы джевап бере: «Мен урбамны этегини котерем ве мукъайт олып басам». Му’минлерни амирини Умарны тесавур этиниз, насыл о урбасыны котере, насыл онынъ балдырлары ачыла, насыл о ашыкъмайып мукъайтнен адымлар япа, пармакъларыны уджларына баса, озь табаныны ерге мукъайтнен къоя. Эгер эн аз санчув дуйса, озь табаныны ала. «Мына будыр такъва, эй амируль му’минин».

Эй Аллахын къуллары, хаят ёлу бойледир. О тегенклернен, тикенлернен толудыр, оларгъа басмагъа олмаз, оларны четлеп кечмек ичюн бутюн бар кучинънен тырышмакъ керексин. Бу тегенеклер – бу котерип алынмайджакъ Юдже Аллах (Субханаху ва Та'алянынъ) хакълары ве Онынъ къулларыны хакълары. Эгер сен бу тегенеклерни четлемек ичюн арекет этмесенъ, инсанларны хакъларына илишмемек ичюн, оларны инджытмамакъ ичюн, эр бир хакъ саибини хакъкъына бермек ичюн, бир кимсени хакъкъыны бозмамакъ ичюн арекет этмесенъ, эгер сен озь хакъкъынъдан къалышып оларны огюнде олгъан меджбуриетинъни ерине кетирмесенъ, ана о заман сен ойле вазиетке келеджексинъ, инсанларнен анълашмамазлыкъ пейда оладжакъ, къавгъа, тартышма, нефрет, пакъыллыкъ, инсанларгъа къаршы адалетсизлик ве зулюм, къаст этмек пейда оладжакъ – бутюн Юдже Аллах (Субханаху ва Та'алянынъ) севмеген шейлери пейда оладжакъ.

Хаят ёлу – бу агъыр, къызгъын ёлдыр. Амма оны кечмек керек, азачыкъ сабыр этмек керек. Озь нефсинъни демир къолларгъа ал ве Яратыджынъны ёлундан, четке чекильмеден ве ёлунъны шашырмадан кет. Озь истеклеринъе, арзу-учмютлеринъе, маилиетлеринъе юрегинъни къаплап алып сон исе мусульманнынъ юреги ляйыкъ олмагъан ерген ташламагъа изин берме. Аллах ёлунда хаят къолай дегильдир. Амма сен, эй Аллахын къулу текаран сабыр эт, тезден сен раатланаджанъ, тезден бутюн бу агъырлыкълырдан, гъайретлерден арынаджан, чюнки олюм келеджек. Эгер сен му’мин ве такъвалы кимсе эдин исе, о сенинъ ичюн истираат этмек оладжакъ, о сенинъ ичюн бутюн агъырлыкълардан ве бутюн имтиханлардан арынмакъ оладжакъ. Бу хаят гъайретлеринден сен айдын иляхий хайыр бахчаларында раатланаджанъ. Анда раатлыкъ, анда тескин, анда бахт ве къуванч.

Будыр Шаабанынъ ортадаки геджесини фазилети: бу геджеде бутюн ширк япмагъан кимселерге магъфирет насиб этиле. Инсаннынъ таухиды не къадар чокъ олса, о къадар чокъ о магъфиретке наиль оладжакъ. О къавгъадан, тартышмалардан, къын ве нефреттен арынгъанларгъа насиб оладжакъ.

Юдже Аллах (Субханаху ва Та'алягъа) ялварамыз, ширктен ве онынъ чешит тюрлю сыфатларындан бизлерни арындырсын ве бизлерни душманлыкътан, къын ве нефреттен, пакъыллыкътан арындырсын, ве вазиетимизни догъуртсын.

═════════════════════════════════════════════════════════════════════════

بسم الله الرحمن الرحيم

Şaabannıñ ortadaki geceniñ faziletleri.

Ey Allahın qulları, birinci hutbemizde, Şaabanıñ ortasında olğan gecede, onı başqa gecelerden ayıracaq aselet yapılğan ibadetler yoq. İbadetler meselesinde bu geceni diger gecelerden ferqı yoq.

Zaten Şaabanıñ ortasında olğan gecede nasıldır üstünlikler, faziletler bar yada yoq?

İslam alimleri türlü fikirler aytalar. Amma biz ise hadiske tirenemiz, o bir qaç sahabelernen Peyğamberimizden ﷺ rivayet etilgen.

Peyğamberimiz ﷺ dey:

يَطَّلِعُ اللهُ تَبَارَكَ وَتَعَالَى إِلَى خَلْقِهِ لَيْلَةَ النِّصْفِ مِنْ شَعْبَانَ، فَيَغْفِرُ لِجَمِيعِ خَلْقِهِ إِلَّا لِمُشْرِكٍ أَوْ مُشَاحِنٍ

«Şaabanıñ ortasındaki gecede Yüce Allah (Subhanahu va Ta'alâ) öz mahlüqlarına baqa ve olarnı bağışlay, şirk yapqan insandan ğayrı, ve öz arqadaşınen qavğada olğan kimseden ğayrı».

İbn Maca (1390).

Abu Sa‘lâba al-Huşani rivayetinde aytılğan, Yüce Allah (Subhanahu va Ta'alâ) Şaabanıñ ortasındaki gecede öz mahlüqlarına baqa ve mu’minlerni bağışlay, kâfirlerge ise iman etmegene qadar bir yana qoya; ve qalbinde nefret olğan mu’mingede bu nefretini qaldırmağanına qadar bir yana qoya.

Bu Peyğamberimizni ﷺ hadisı, Şaabanıñ ordaki gecesiniñ üstünligi ve fazileti olğanını belgiley, ve bu faziletler Yüce Allahnı (Subhanahu va Ta'alânı) öz mahlüqlarını bağışlarken merhametlernen yağdıra.

Amma bir şart bar: bu bahşış eki kategoriya insandan ğayrı bütün yer yüzü sakinlerine berile.

Müşrikler, şirk yapqanlar, Allaha şerik qoşqanlar;

Ğarezli insanlar (muşahin) – kimniñ iman etken kimsege nefreti bar yada arqadaşına qarşı qavğa, qın, paqıllığı bar.

SubhanaLlah! Baqıñız, Yüce Allah (Subhanahu va Ta'alâ), öz arqadaşınen qavğa etkenni ve öz ağasına nefretlengen insannı müşriknen beraber bir bağlamda hatırlay! Ne qadar pis bağlam, ne qadar pis derece – müşrik cemiyetinde olmaq!

Yüce Allah (Subhanahu va Ta'alâ) bu ekisini bağışlamaycağını haber ete.

Birincisi – bu müşrik, şirk yapqan kimse. Bu ne demek? Bu demekki o Rabbisine şerik qoşa, bir kimseni ibadette Rabbisinen bir yapa. O Allahtan ğayrı daan bir kimsege ibadet yapa, şirkniñ çeşitlerinden yapa.

Şirk ve onıñ er bir izarı – bu en qorqunçlı günah, ve eger insan tövbege qaytmasa, canı boğazına kelmegene qadar muvahid olmasa, onı Yüce Allah (Subhanahu va Ta'alâ) asla bağışlamaz.

Ekincisi – bu yüreginde qin ve nefret, paqıllıq, adavet, iman etken insanlarğa qarşı duşmanlıq olğan kimse. SubhanaLlah, bu öz arqadaşınen qavğada olğan kimse içün, bu davanı çezmegen kimse içün cezadır. Bu ceza insannı tek Şaabanıñ ortasında degilda er afta izley, çünki Peyğamberimiz ﷺ dey, bazarertesi ve cumaaqşamı Cennet qapuları açıla, ve Yüce Allah (Subhanahu va Ta'alâ) biri birinen qavğada olğandan ğayrı erkesni bağışlay.

Ve Yüce Allah (Subhanahu va Ta'alâ) dey:

«Bu ekisi mabetleşmegene qadar olarğa aman-aralıq ayırıñız».

Böylece, ey Allahın qulları, bu gecede biz aytacağımız yalınız ibadet, bu aqiqatten bar olğanı, amma bu ibadet tek bu gecede degilda, er bir gecemizde, ömürimizni er bir daqqasındadır. Onıñ manası, öz qalbimizni ve vucud azalarımıznı şirkten arındırmaqtır, sen öz ibadetiñnen ve diniñnen tek Allaha, kâinatın Rabbisine talpınacañ. Şirkten pek qolay arınmaq mümkün dep tüşünme. İhlâslı olaraq Rabbiñe qarşı ibadetni qazanmaq, er bir ameliñ tek Onıñ razılığı içün olmasına areket etmek – bu pek ağır şeylerdendir. Yüce Allah (Subhanahu va Ta'alâ) bizlerge yardımcı olsun.

Bu gecege, bu Şaabanıñ orta gecesine biz böylece azırlıq körmek kerekmiz:

Birinciden, öz kalblerimizni şirkten arındırmaq kerekmiz.

Qalblerimizni, fikirlerimizni iman etken kimselerge qarşı, arqadaşlarımızğa qarşı duşmanlıqtan, nefretten, adavetten arındırmaq kerekmiz.

Keliniz yüregimizni sipireyik, paqıllıqtan ve nefretten temizleyik. Musulman kişige yüreginde bu kirni, bu nefret şekilinde çöplükni, paqıllıqnı, qavğanı, iman etken kimselernen olğan davalarnı taşımağa lâyıqmı aceba? Qalış, Allah rizası içün mabetleş, böyle şekilde bu gecege azırlıq kör.

Peyğamberimiz ﷺ böyle buyura:

لا يُؤمِنُ أحَدُكُمْ حَتَّى يُحِبَّ لأَخِيهِ مَا يُحِبُّ لِنَفْسِهِ

«Arañızda iç biriñiz özüñizge istegenini öz arqadaşına istemegene qadar, iman etken olmazsınız».

al-Buhari (13) ve Müslim (45).

Baq: eger sen özün içün sevgen şeyni arqadaşıñ içün sevmesen, demek seniñ imanıñ Allahta, Yüce Allah (Subhanahu va Ta'alâ) ögünde pek yengildir. Ondan ğayrı, daan öz arqadaşıña qarşı nefret taşısañ, ne aytmaq mümkün.

SubhanaLlah, Allahnen yemin etem, bu pis şey, yürekte olğan duşmanlıqnı, nefretni ve paqıllıqnı qarışması, insannı ruhunı beşaret yapa. Eger nefsimiz saqlanğan perdeni azaçıq açsanız, siz bu qabuq içinde qorqunçlı, çoq deşetli, çoq acayip şeyler körersiniz. Bu etten, kemik ve teriden olğan qabuq içinde türlü ayvanlarğa lâyıq olğan husussiyetler ile nefslerni taparsınız. Sen, bir kimsege qast etken, canavar yirtici şekilinde nefsni köre bilirsin. Sen köpekke, yada donuzğa, yada sıçanğa benzegen nefs köre bilirsin, yada başqa bir ayvannı hususiyetini alğanını körersin. Yüce Allah (Subhanahu va Ta'alâ) nefslerimizni bu pislikten arındırsın.

Onıñ içün, ey Allahın qulları, bu gecede en büyük ve önemli ibadet – bu Yüce Allah (Subhanahu va Ta'alâğa) şerik qoşmaqtan, em tış em de iç izarından arınmaq; em riyadan, em Allahtan ğayrı daan bir kimsege tevekkül yapmaqtan, parağa mal-mülkke ibadet yapmaqtan, mal-mülk artından çapmaqtan arınmaqtır. Bu gecege qadar arınmağa ve öz yüregiñni iman etken kimsege qarşı nefret etmekten arındırmağa yetiştir. Çünki bu din boşuna kelmedi. O bizni deniştirmege keldi. Eger vaqıt devamında bu din seni deniştirmese, demek sen ondan asla bir fayda körmediñ, çünki budır dinniñ esas maqsadı.

Onıñ içün insan bozğan şeyini doğurtmaq kerek, bozğan bağlarını tüzetmek kerektir, taqvalı olmaq kerektir, demek Yüce Allaha (Subhanahu va Ta'alâğa) qarşı pek muqayt olmaq kerek ve Allahın qullarına qarşı muqayt olmaq kerek. Çünki budır taqva.

Ubay ibn Ka‘b (Allah ondan razı olsun), Peyğamberimizni ﷺ sahabesi, ‘Umar ondan taqva ne olğanını sorağanında, o taqvanı ayni böyle tarif etti.

‘Umar ibn al-Hattab – Allah oña qarşı çoq merhametler, bilgilernen ve hikmetnen nasib etken insan, salih halif, Peyğamberimizni ﷺ meslekdeşi. Özüniñ yüksek derecesine baqmadan, özünden bilgisi azca olğan insandan, özü bilmegen şeyni soramağa utanmay edi. O dey: «Ey Ubay, taqva bu nedir?». Ubay cevap bere: «Ey mu’minlerni amiri, sen tegenek tolu olğan yoldan yürmediñmi?». «Elbette», — dey ‘Umar. «Ve sen ne yaptıñ», — dep soray Ubay. «Men urbamnı etegini köterip muqaytnen basam», — dep cevap berdi ‘Umar. «Mına budır taqva», — dedi Ubay (Allah ondan razı olsun).

Baqıñız, Ubay ‘Umarğa mücerret şeyni körüngen, mücessem misalnen añlata. O soray, mu’minlerni amiriine tegenek tolu olğan yoldan basmağa doğru keldimi. Ve bu yerde ‘Umarnıñ aqılında bu çoq maaler hatırlandı. Tegenek tolu olğan yolnu o nasıl bilmeycek, çünki al-Hattab babasını koylarını otlata edi, onıñ babası pek sert, zalım bir insan edi, o ‘Umarnı açlıq tutmağa zorlata edi. Ve onı ‘Umar yerine ‘Umeyr dep, küçülticı adnen adlandıra ediler. Bu yol ne olğanını o nasıl bilmeycek, o ne qadar derelerni, ne qadar dağlarnı, ne qadar sahralarnı Allah rizası içün kezip keçti; o geceleri Medinanı etraflarını, oña tebaa olğan insanlar nasıl derecede olğanını körmege, olarnıñ nasıl meseleleri bar olğanını baqmağa, keze edi. Elbette, o bile edi.

‘Umar ibn al-Hattab – bu taqvanıñ, Yüce Allah (Subhanahu va Ta'alânıñ) haqlarına muqayt olmaqnıñ, Allahnıñ qullarını haqlarına muqayt olmaqnıñ timsali edi. Bir zaman, minbarda turarken, öyle güzel hutbe ayta edi, onıñ ağızından laf sankim suv kibi çıqa edi, o Farukdır – haqnı yalandan ayırğan kimse edi. Apansızdan o hutbeni mevsusından çetke çekilip, özüne muracat etip başladı: «Ey Hattabnıñ oğlu, sen hor ediñ, ve Yüce Allah (Subhanahu va Ta'alâ) seni yükseltti; sen zelil ediñ, ve Yüce Allah (Subhanahu va Ta'alâ) tazim etti; seni ‘Umeyr dep adlandıra ediler, endi ise seniñ adıñ ‘Umar; ve sen mu’minlerniñ amiri olmağana qadar felâncı ve felâncı ediñ!»

Bunı aytqanınen o hutbeni mevzusına qayttı. Hutbe bitken son, adamlar ondan soradılar:

«Ey mu’minlerni amiri, bu nasıl sözler edi?» 'Umar ibn al-Hattab olarğa añlattı: «Men hutbeni aytıp başlağanımda, apansızdan menim nefsime, hutbe güzel olğanı sebebinden, qolaynen aytılğan sebebinden kibirlik kirip başladı, ve men öz nefsimni terbiye etmege, oña ders bermege, onı qıymeti ne qadar olğanını körsetmege sıñırlarını içine qoydım».

Baqıñız, taqva ocası taqva aqqında daan ziyade ögrenmege tırışa. Bunı añlatmaq içün Ubay soray, o tegenekler tolu olğan yollarda yürdimi aceba. Müsbet cevap alğan son, bu meselede ne yapaqanını soraştıra. ‘Umar ise oña qısqa amma nizamlı cevap bere: «Men urbamnı etegini köterem ve muqayt olıp basam». Mu’minlerni amirini Umarnı tesavur etiniz, nasıl o urbasını kötere, nasıl onıñ baldırları açıla, nasıl o aşıqmayıp muqaytnen adımlar yapa, parmaqlarını uclarına basa, öz tabanını yerge muqaytnen qoya. Eger en az sançuv duysa, öz tabanını ala. «Mına budır taqva, ey amirul mu’minin».

Ey Allahın qulları, hayat yolu böyledir. O tegenklernen, tikenlernen toludır, olarğa basmağa olmaz, olarnı çetlep keçmek içün bütün bar küçiñnen tırışmaq kereksin. Bu tegenekler – bu köterip alınmaycaq Yüce Allah (Subhanahu va Ta'alânıñ) haqları ve Onıñ qullarını haqları. Eger sen bu tegeneklerni çetlemek içün areket etmeseñ, insanlarnı haqlarına ilişmemek içün, olarnı incıtmamaq içün, er bir haq saibini haqqına bermek içün, bir kimseni haqqını bozmamaq içün areket etmeseñ, eger sen öz haqqıñdan qalışıp olarnı ögünde olğan mecburiyetiñni yerine ketirmeseñ, ana o zaman sen öyle vaziyetke keleceksiñ, insanlarnen añlaşmamazlıq peyda olacaq, qavğa, tartışma, nefret, paqıllıq, insanlarğa qarşı adaletsizlik ve zulüm, qast etmek peyda olacaq – bütün Yüce Allah (Subhanahu va Ta'alânıñ) sevmegen şeyleri peyda olacaq.

Hayat yolu – bu ağır, qızğın yoldır. Amma onı keçmek kerek, azaçıq sabır etmek kerek. Öz nefsiñni demir qollarğa al ve Yaratıcıñnı yolundan, çetke çekilmeden ve yoluñnı şaşırmadan ket. Öz istekleriñe, arzu-üçmütleriñe, mailiyetleriñe yüregiñni qaplap alıp son ise musulmannıñ yüregi lâyıq olmağan yergen taşlamağa izin berme. Allah yolunda hayat qolay degildir. Amma sen, ey Allahın qulu tekaran sabır et, tezden sen raatlanacañ, tezden bütün bu ağırlıqlırdan, ğayretlerden arınacan, çünki ölüm kelecek. Eger sen mu’min ve taqvalı kimse edin ise, o seniñ içün istiraat etmek olacaq, o seniñ içün bütün ağırlıqlardan ve bütün imtihanlardan arınmaq olacaq. Bu hayat ğayretlerinden sen aydın ilâhiy hayır bahçalarında raatlanacañ. Anda raatlıq, anda teskin, anda baht ve quvanç.

Budır Şaabanıñ ortadaki gecesini fazileti: bu gecede bütün şirk yapmağan kimselerge mağfiret nasib etile. İnsannıñ tauhidı ne qadar çoq olsa, o qadar çoq o mağfiretke nail olacaq. O qavğadan, tartışmalardan, qın ve nefretten arınğanlarğa nasib olacaq.

Yüce Allah (Subhanahu va Ta'alâğa) yalvaramız, şirkten ve onıñ çeşit türlü sıfatlarından bizlerni arındırsın ve bizlerni duşmanlıqtan, qın ve nefretten, paqıllıqtan arındırsın, ve vaziyetimizni doğurtsın.

Поделиться:
error: Content is protected !!