Шесть столпов воспитания детей. Часть 1. Хутба 30.07.2021

О рабы Аллаха! Из великих обязанностей, которые возложил на нас Аллах (пречист Он и возвышен), из вещей, которые доверил Всевышний Аллах, — забота о детях в плане их воспитания, их наставления. Аллах (пречист Он и возвышен) говорит:

يَا أَيُّهَا الَّذِينَ آمَنُوا لَا تَخُونُوا اللَّهَ وَالرَّسُولَ وَتَخُونُوا أَمَانَاتِكُمْ وَأَنتُمْ تَعْلَمُونَ * وَاعْلَمُوا أَنَّمَا أَمْوَالُكُمْ وَأَوْلَادُكُمْ فِتْنَةٌ وَأَنَّ اللَّهَ عِندَهُ أَجْرٌ عَظِيمٌ

«О вы, которые уверовали! Не предавайте Аллаха и Посланника и не относитесь (не поступайте) вероломно к тому, что доверено вам, когда вы знаете (осознанно), и знайте, что ваше имущество и дети — это не иначе как испытание и что у Аллаха великая награда»

(Коран, сура «Трофеи», 8:27—28).

Послушайте этот аят! Учёные (‘уляма) говорят, что смысл аята заключается в том, что Аллах (пречист Он и возвышен) одарил родителей детьми в качестве испытания. Это доверенное (амана) от Аллаха (пречист Он и возвышен), и у детей есть права перед родителями, и на родителях есть обязанности в отношении их детей. Тем родителям, которые выполняют это доверенное и соблюдают его, которые выполняют свои обязанности перед детьми как положено, у Аллаха (пречист Он и возвышен) великая награда. А тем, которые упускают и пренебрегают, по мере их упущения наказание от Аллаха (пречист Он и возвышен). И говорит Аллах (пречист Он и возвышен), приказывая нам:

يَا أَيُّهَا الَّذِينَ آمَنُوا قُوا أَنفُسَكُمْ وَأَهْلِيكُمْ نَارًا وَقُودُهَا النَّاسُ وَالْحِجَارَةُ عَلَيْهَا مَلَائِكَةٌ غِلَاظٌ شِدَادٌ لَّا يَعْصُونَ اللَّهَ مَا أَمَرَهُمْ وَيَفْعَلُونَ مَا يُؤْمَرُونَ

«О вы, которые уверовали! Оберегайте себя и свои семьи от адского Огня, растопкой для которого будут люди и камни. Над этим Огнём суровые и сильные ангелы, они не ослушиваются Аллаха в том, что им Он приказывает, и делают то, что им повелевается» (Коран, сура «Запрещение», 66:6).

Этот аят — это приказ Аллаха (пречист Он и возвышен). Он является основой, и он является одним из главных доводов в том, что воспитывать детей в соответствии с Исламом — это обязанность (ваджиб) родителей, что это амана от Аллаха (пречист Он и возвышен). И Пророк (да благословит его Аллах и приветствует) говорит:

كُلُّكُمْ راعٍ وكُلُّكُمْ مَسْئُولٌ عن رَعِيَّتِهِ، والأمِيرُ راعٍ، والرَّجُلُ راعٍ علَى أهْلِ بَيْتِهِ، والمَرْأَةُ راعِيَةٌ علَى بَيْتِ زَوْجِها ووَلَدِهِ، فَكُلُّكُمْ راعٍ وكُلُّكُمْ مَسْئُولٌ عن رَعِيَّتِهِ.

«Каждый из вас попечитель, и каждый отвечает за своих подопечных: правитель — он попечитель, мужчина — он попечитель в своей семье, женщина — она попечительница над домом (в доме) мужа и над его детьми. И каждый из вас попечитель, и каждый отвечает за своих подопечных». Этот хадис передали аль-Бухари (2554), Муслим (1829), Абу Дауд (2928), ат-Тирмизи (1705), ан-Насаи (9173) и Ахмад (5167).

Что это, «отвечает за своих подопечных»? Это значит, что ты, когда встанешь перед Аллахом (пречист Он и возвышен) в Судный день, Аллах (пречист Он и возвышен) спросит тебя о твоих подопечных: «Выполнял ли ты свои обязанности перед ними?!» И некоторые 'уляма говорят, что в Судный день Аллах (пречист Он и возвышен) спросит родителей о детях прежде, чем спросит детей о родителях, потому что Аллах (пречист Он и возвышен) приказал детям хорошо относиться к родителям, но и Он же приказал родителям воспитывать детей. И Тот, Который сказал:

وَوَصَّيْنَا الْإِنسَانَ بِوَالِدَيْهِ حُسْنًا

«И заповедали Мы человеку в отношении родителей его добро»

(Коран, сура «Паук», 29:8),

Он же сказал:

يُوصِيكُمُ اللَّهُ فِي أَوْلَادِكُمْ

«Аллах заповедует вам в отношении ваших детей»

(Коран, сура «Женщины», 4:11).

Поэтому, о рабы Аллаха, это огромная ответственность и великое доверие. Значит, обязанность каждого родителя — приложить все усилия для воспитания ребёнка, чтобы воспитать его в правильных убеждениях, в деяниях Ислама и в его нравственных нормах.

Но вопрос: а как? А на чём строится это воспитание? А строится оно, о рабы Аллаха, на шести опорах, на шести столпах, на шести великих основах. Мы должны знать эти шесть великих основ, нам нужно уделять им внимание.

Первая из этих основ, о рабы Аллаха, — это мольба (ду‘а) к Аллаху (пречист Он и возвышен), которая является одной из главных основ. Нужно просить Аллаха (пречист Он и возвышен) о том, чтобы Он даровал тебе праведного ребёнка, до его рождения, когда он родится, просить Аллаха (пречист Он и возвышен), чтобы Он (пречист Он и возвышен) направлял ребёнка и чтобы он вырос праведным, а когда он вырастет праведным, просить Аллаха (пречист Он и возвышен), чтобы Он укрепил его на этом пути и чтобы дал ему стойкости (истикъамы) на этом пути.

И Аллах (пречист Он и возвышен) учит нас в Коране этим мольбам, молитвам, которые произносили пророки в отношении своих детей. Аллах (пречист Он и возвышен) говорит про Ибрахима (мир ему), возлюбленного Всемилостивого Аллаха (халилю р-Рахман). Ибрахим (мир ему) обратился к Аллаху с мольбой

رَبِّ هَبْ لِي مِنَ الصَّالِحِينَ

«О Господь мой, даруй мне из праведных»

(Коран, сура «Выстроившиеся в ряды», 37:100).

В другом ду‘а Ибрахим (мир ему) сказал, обратившись к Аллаху:

وَاجْنُبْنِي وَبَنِيَّ أَن نَّعْبُدَ الْأَصْنَامَ

«Отдали меня и детей моих от поклонения идолам»

(Коран, сура «Ибрахим», 14:35),

и сказал:

رَبِّ اجْعَلْنِي مُقِيمَ الصَّلَاةِ وَمِن ذُرِّيَّتِي

«О Господь мой! Сделай меня из тех, которые выстаивают (наилучшим образом) намаз, и из потомства моего (сделай тех, кто будет выстаивать наилучшим образом намаз)»

(Коран, сура «Ибрахим», 14:40).

Аллах (пречист Он и возвышен) упоминает ду‘а Закарийи (мир ему), что он сказал, обратившись к Аллаху (пречист Он и возвышен):

رَبِّ هَبْ لِي مِن لَّدُنكَ ذُرِّيَّةً طَيِّبَةً إِنَّكَ سَمِيعُ الدُّعَاءِ

«О Господь мой! Подари мне от Тебя благое потомство, поистине, Ты слышащий дуа»

(Коран, сура «Семейство Имрана», 3:38).

А в конце суры «аль-Фуркъан» Аллах (пречист Он и возвышен) учит нас той мольбе, которую произносят праведные рабы Всемилостивого Аллаха (‘ибаду р-Рахман):

رَبَّنَا هَبْ لَنَا مِنْ أَزْوَاجِنَا وَذُرِّيَّاتِنَا قُرَّةَ أَعْيُنٍ وَاجْعَلْنَا لِلْمُتَّقِينَ إِمَامًا

«О Господь наш! Даруй нам из жён наших (супруг наших) и из потомства нашего усладу (къурру) очей и сделай нас имамами для богобоязненных»

(Коран, сура «Различение», 25:74).

Вот такие слова мольбы, о рабы Аллаха.

Знайте одну вещь: мольба (ду‘а) родителя за ребенка — это особая мольба, и Аллах (пречист Он и возвышен) отвечает на неё особо, и об этом говорит Пророк (да благословит его Аллах и приветствует) в хадисе. Этот хадис передали Абу Дауд (1536), ибн Маджах (3862) и ат-Тирмизи (1905 и 3448) шейх аль-Альбани назвал его хорошим. А раз так, то, о отец, о мать, не спешите делать какое-то ду‘а, просить что-то плохое для своего ребёнка в минуты гнева! Не спешите произносить плохие слова мольбы, потому что мольба может быть принята Аллахом (пречист Он и возвышен) и вы потом будете очень горько сожалеть об этом.

Аллах (пречист Он и возвышен) говорит:

وَيَدْعُ الْإِنسَانُ بِالشَّرِّ دُعَاءَهُ بِالْخَيْرِ وَكَانَ الْإِنسَانُ عَجُولًا

«И человек взывает с мольбами о зле так же, как он взывает с мольбами о добре. И человек (поистине) спешащий!»

(Коран, сура «Ночной перенос», 17:11).

Это первая основа — ду'а, о рабы Аллаха.

Вторая опора в воспитании детей — соблюдать справедливость между детьми и не допускать несправедливого отношения. Если отец или мать несправедливы между детьми, то тем самым они устраивают между ними зависть, вражду и ненависть, а если справедливы, то это из важных причин того, что дети любят друг друга, они сплочёны и они будут относиться к родителям хорошо, проявлять благочестие.

Сподвижник Пророка (да благословит его Аллах и приветствует), Ан-Ну'ман ибн Башир (да будет доволен им и его отцом Всевышний Аллах), рассказывает, что отец преподнёс ему некий дар. Жена отца Ну'мана, то есть мать Ну'мана, сказала ему: «Иди к Посланнику Аллаха (да благословит его Аллах и приветствует), и пусть он выступит в качестве свидетеля этого дарения (хочу, чтобы Пророк, да благословит его Аллах и приветствует, был свидетелем этого дарения)». И он пришёл к Посланнику Аллаха (да благословит его Аллах и приветствует) и попросил его быть свидетелем этого дарения, но Пророк (да благословит его Аллах и приветствует) сказал ему:

أكُلَّ ولدِك نحَلْتَه مِثْلَ هذا؟

«А ты каждому своему ребёнку сделал вот такой подарок?»

И он сказал: «Нет». И тогда Пророк (да благословит его Аллах и приветствует) сказал:

فَاتَّقُوا اللَّهَ واعْدِلُوا بيْنَ أوْلَادِكُمْ

«Так бойтесь же Аллаха и будьте справедливы между вашими детьми».

И сказано в другой версии:

لا أَشْهَدُ على جُورٍ

«Я не буду свидетелем (этой) несправедливости».

И спросил Пророк (да благословит его Аллах и приветствует) его:

أَيَسرُّكَ أن يكونَ الكلُّ في البِرِّ سواءٌ؟

«А ты хочешь, чтобы дети твои в благочестии к тебе были все одинаковы (все хорошо к тебе относились)?»

Он сказал: «Конечно».

فلا إذًا

«Тогда нет»,сказал Пророк (да благословит его Аллах и приветствует) и предостерёг от такой вещи, как несправедливость между детьми.

Этот хадис передал ан-Насаи (3682), шейх аль-Альбани назвал его достоверным.

Это второе — справедливость между детьми.

Третье, на чём зиждется воспитание детей, о рабы Аллаха, — это доброта, мягкость в обхождении с ними и милосердие, недопущение грубости, чёрствости и жестокости. Это очень важно, потому что мягкость и доброта, если они входят во что-то, украшают, а если уходит из чего-то мягкость и доброта, то уродуется и обезображивается это дело, и нужно начинать проявлять доброту и ласку к детям с самого рождения, и когда они растут, и всё время, постоянно, и это очень важно. Пророк (да благословит его Аллах и приветствует) поцеловал Хасана ибн Али, своего внука, и в это время сидел возле него аль-Акра' ибн Хабис, один из вождей и лидеров арабских бедуинских племен. Аль-Акра' ибн Хабис увидел, что Пророк (да благословит его Аллах и приветствует) поцеловал Хасана ибн Али, и сказал:

إِنَّ لِي عَشرةً مِنَ الْولَدِ مَا قَبَّلتُ مِنْهُمْ أَحدًا

«У меня десять детей, и я ни одного из них (никогда) не целовал!»

И Пророк (да благословит его Аллах и приветствует) посмотрел на него и сказал:

مَن لا يَرحَمْ لا يُرحَمْ

«К тому, кто не проявляет милосердие, не будет проявлено милосердие!»

Этот хадис передали аль-Бухари (5997) и Муслим (2318).

В обоих «Съахихах» приводится хадис от нашей матери, матери правоверных Аиши (да будет доволен ею Всевышний Аллах), что некий бедуин приехал в Медину к Пророку (да благословит его Аллах и приветствует) и, когда он увидел, что мусульмане целуют своих детей, сказал, обратившись с вопросом к Пророку:

أتُقبِّلونَ الصِّبيانَ؟ فما نُقبِّلُهم

«Вы что, целуете детей? Мы не целуем детей».

И Пророк (да благословит его Аллах и приветствует) сказал ему:

أَوَأَمْلِكُ لك أَنْ نَزَعَ الله من قَلْبِك الرحمة

«А разве я владею чем-то для тебя, если Аллах изъял у тебя из сердца милосердие? (Что я могу сделать если нет у тебя в сердце милосердия? Я не могу поместить его в твоё сердце)». Этот хадис передали аль-Бухари (5998), Муслим (2317) и ибн Хиббан (5595).

Поэтому милосердие и доброта — это из очень важных вещей в воспитании. А почему это важно? Потому что, если ты добр к детям, это значит, что между тобой и детьми будут добрые и близкие отношения. А если будут близкие отношения, дети, когда вырастут, будут принимать советы и наставления с готовностью и целиком. Это третье.

Четвёртая, о рабы Аллаха, из основ, на которых зиждется воспитание детей, — быть внимательным к тому, с кем общается твой ребёнок и с кем он дружит. Как говорят по-арабски, الصاحب ساحب (ас-съахиб сахиб) — товарищ притягивает к себе, потому что человек находится под влиянием тех, с кем он общается, и это неминуемо оказывает на него огромное влияние. И говорит Пророк (да благословит его Аллах и приветствует) об этом:

المرءُ على دينِ خليلِه فلينظرْ أحدُكم مَن يُخاللُ

«Человек на религии своего друга, поэтому пусть посмотрит каждый из вас, с кем он водит дружбу». Этот хадис передали Абу Дауд (4833), ат-Тирмизи (2378) и Ахмад (8398), шейх аль-Альбани назвал его достоверным.

С кем общаешься, на того и будешь похож! В наше время этот вопрос осложнился. Почему? Потому что появились такие вещи, которых не было раньше. Появились такие товарищи и такое общение, которого не было раньше. Что это за товарищи? Это телевизор, а в большей степени это сейчас интернет и все приборы, гаджеты и прочее, то, что проникло к нам в дом, и то, что у нас на руках. Это мощный поток общения, и это очень опасно, поэтому нужно контролировать его и нужно быть внимательным, о рабы Аллаха, потому что сколько молодых людей и сколько молодых девушек сбились с пути, сколько заблудились! Либо это были греховные страсти (шахават), либо это были какие-то заблуждения. И это очень опасно! Размер этой опасности и того, что произошло из-за этого, знает только Аллах (пречист Он и возвышен).

Пятая из основ, о рабы Аллаха, в вопросе воспитания детей – родитель. Он должен быть хорошим примером, чтобы не было такого, что родитель приказывает ребёнку что-то, а сам этого не делает, или запрещает ребёнку что-то, а сам это делает. Вот это дурной пример! И вред от этого колоссальный. Родитель должен быть хорошим примером для ребёнка. Получается, что воспитание и призыв — сплошное противоречие: слова родителя в одной стороне, деяния родителя — в другой стороне, ребёнок смотрит на всё это, и он растёт в этой обстановке несовместимости, противоречия. Родитель рассказывает про Ислам: «Ислам такой, Ислам такой», но как только встает какой-то религиозный вопрос или какая-то проблема, всё, родитель руководствуется уже другими принципами, нормами, взглядами. Принципы невежества (джахилийи) — вот чем руководствуется отец. Да, он говорил красиво, но, когда возникла какая-то сложность, «принципы другие, сынок, и правила другие, сынок», и ребёнок растёт в таком противоречии и остаётся колеблющимся между несовместимыми вещами, и это оказывает губительнейшее влияние на воспитание ребёнка. Запомните, что пока ребёнок не увидит на вашем примере, что Ислам и жизнь — это одно и то же, что нет такого: «Вот, сынок, Ислам (красиво теоретически, некая отвлечённая теория), а вот суровые реалии жизни», пока жизнь и Ислам не будет одним и тем же, пока на вашем примере он не увидит, что Ислам и жизнь не отличаются друг от друга, ничего не выйдет в воспитании, если только не помилует Аллах (пречист Он и возвышен). Поэтому ты воспитывай ребенка и всё время вспоминай Аллаха (пречист Он и возвышен):

أَتَأْمُرُونَ النَّاسَ بِالْبِرِّ وَتَنسَوْنَ أَنفُسَكُمْ وَأَنتُمْ تَتْلُونَ الْكِتَابَ

«Неужели вы приказываете людям благочестие и забываете про самих себя, при этом вы читаете Писание?!»

(Коран, сура «Корова», 2:44).

И вспомни, что сказал Шуайб (мир ему) своему народу:

وَمَا أُرِيدُ أَنْ أُخَالِفَكُمْ إِلَى مَا أَنْهَاكُمْ عَنْهُ

«И я не хочу нарушать то, что запрещаю вам»

(Коран, сура «Худ», 11:88).

═════════════════════════════════════════════════════════════════════════

Перевод хутбы на крымскотатарский

بسم الله الرحمن الرحيم

Эвлятларгъа тербие бермесининъ алты темели — 1 болюм

Эй Аллахын къуллары! Аллахын бизлерге юклеген буюк меджбуриетлеринден, Юдже Аллах эманет эткен шейлерден, — бу эвлядларымызны тербие этмекте къасевет этмек, оларны огютлемектир. Юдже Аллах дей:

يَا أَيُّهَا الَّذِينَ آمَنُوا لَا تَخُونُوا اللَّهَ وَالرَّسُولَ وَتَخُونُوا أَمَانَاتِكُمْ وَأَنتُمْ تَعْلَمُونَ * وَاعْلَمُوا أَنَّمَا أَمْوَالُكُمْ وَأَوْلَادُكُمْ فِتْنَةٌ وَأَنَّ اللَّهَ عِندَهُ أَجْرٌ عَظِيمٌ

«Эй, иман эткенлер! Аллаhкъа ве Пейгъамберге хаинлик этменъ; (Сонъра) биле-биле озь эманетлеринъизге хаинлик эткен олурсынъыз. Билинъ ки, малларынъыз ве балаларынъыз бирер имтиан себебидир ве буюк мукяфат Аллаhнынъ къатындадыр».

(«аль-Анфаль», 8:27-28).

Бу аетни гузельдже динленъиз! Алимлер дейлер, бу аетнинъ манасы шундаки, Юдже Аллах ана-бабаларгъа эвлядларны сынав оларакъ насиб этти. Бу Аллах тарафындан эманеттир, ве эвлядларнынъ анна-баба огюнде хакълары бардыр, ве ана-баба устюнде эвлядларына къаршы меджбуриетлери бардыр . Бу эманетни ерине кетирген ве озь меджбуриетлерини еда эткен ана-баба ичюн Аллахта буюк мукяфт азырлангъандыр. Ким исе къачыра ве эмиет бермей, къачыргъанына коре Аллахтан джеза оладжакътыр. Ве Юдже Аллах бизлерге эмир этеркен бойле буюра:

يَا أَيُّهَا الَّذِينَ آمَنُوا قُوا أَنفُسَكُمْ وَأَهْلِيكُمْ نَارًا وَقُودُهَا النَّاسُ وَالْحِجَارَةُ عَلَيْهَا مَلَائِكَةٌ غِلَاظٌ شِدَادٌ لَّا يَعْصُونَ اللَّهَ مَا أَمَرَهُمْ وَيَفْعَلُونَ مَا يُؤْمَرُونَ

«Эй, инангъанлар! Озюнъизни ве аиленъизни, якъарлыгъы инсанлар ве ташлар олгъан атештен къорчаланъ. Онынъ башында аджымагъан, кучлю, Аллаhнынъ оларгъа буюрулгъанына къаршы кельмеген ве эмир этильгенлерини япкъан мелеклер бардыр».

(«ат-Тахриим», 66:6).

Бу ает – бу Аллахын эмиридир. Бу темельдир, эвлядларны Ислямгъа коре тербиелемек – бу ана- бабанынъ вазифеси олгъанына, бу Аллахтан буюк бир эманет олгъанына далильдыр. Ве Пейгъамберимиз ﷺ дей:

كُلُّكُمْ راعٍ وكُلُّكُمْ مَسْئُولٌ عن رَعِيَّتِهِ، والأمِيرُ راعٍ، والرَّجُلُ راعٍ علَى أهْلِ بَيْتِهِ، والمَرْأَةُ راعِيَةٌ علَى بَيْتِ زَوْجِها ووَلَدِهِ، فَكُلُّكُمْ راعٍ وكُلُّكُمْ مَسْئُولٌ عن رَعِيَّتِهِ.

«Эр биринъиз васийсынъыз, ве эр биринъиз сизге табий олгъан кимсе ичюн джевапкярсынъыз: укюмдар – о васий, эркек киши – о озь аилеси ичюн васий, апай киши – о акъайынынъ эвинде васий ве эвлядлар устюнде васий. Эр биринъиз васийсыныз, ве эр биринъиз сизге табий олгъан кимсе ичюн джевапкярсынъыз».

аль-Бухари (2554), Муслим (1829), Абу Дауд (2928), ат-Тирмизи (1705), ан-Насаи (9173) ве Ахмад (5167).

«Санъа табий олгъан кимсе ичюн джевапкяр олмакъ», — бу не демек? Бунынъ манасы шундаки, сен Махшер куню Аллахын узеринде тургъанынъда, Юдже Аллах санъа табий олгъан кимселеринъ ичюн сорайджакъ: «Сен оларнынъ огюнде меджбуриетлеринъни ерине кетирдинъми аджеба». Ве базы алимлер дейлер, Махшер куню эвлядлардан ана-бабасы ичюн сорамакътан эввель, ана-бабадан эвлядлары ичюн сорайджакълар, чюнки Юдже Аллах эвлядларгъа ана-бабасына гузель давранмакъны эмир этти, ве Юдже Аллах ана-бабагъа эвлядларны тербие этмеге эмир этти. Ве Юдже Аллах деди:

وَوَصَّيْنَا الْإِنسَانَ بِوَالِدَيْهِ حُسْنًا

«Биз, инсангъа, ана-бабасына эйи давранувыны тевсие эткендирмиз».

(«аль-Анкабут», 29:8).

Кенеде Аллах деди:

يُوصِيكُمُ اللَّهُ فِي أَوْلَادِكُمْ

«Аллаh сизге, балаларынъыз акъкъында васиет эте».

(«ан-Нисаа», 4:11).

Онынъ ичюн, эй Аллахын къуллары, бу буюк месулиет ве буюк эманеттир. Демек, эр бир ана-бабанынъ вазифеси – эвлядыны тербие этмеге арекет этмек, оны догъру акъидада тербие этмек, Ислям амелиятларында ве онынъ ахлякъий къаиделеринде тербие этмек.

Амма суаль: насыл? Бу тербие неде къурула? Эй Аллахын къуллары, бу тербие эн онемли ве буюк олгъан алты темельде къурула. Биз бу алты темельни бильмек керекмиз, оларгъа буюк дикъкъат айырмакъ керекмиз.

Бу темеллернинъ биринджиси, эй Аллахын къуллары, — бу Юдже Аллаха къаршы дуадыр, ве бу эн онемли темеллердендир. Аллах санъа, догъулмасындан эввель хайырлы эвляд насиб этмесини сорамакъ керексинъ, догъулгъан сон исе, Аллах оны догъру ёлдан алып кетмесини ве садыкъларнынъ арасында осьмесини сорамкъ керексинъ, садыкъларнен оськен сон Аллах оны бу ёлда къавийлештирмесини ве азимкярлыкъ насиб этмесини сорамакъ керексинъ.

Ве Юдже Аллах бу дуаларны бизлерге Озь Китабында огрете, бу дуаларны пейгъамберлер озь эвлядларына къаршы япа эдилер. Аллах Озь севимли къулы Ибрахим (онъа селям олсун) акъкъында айта. Ибрахим (онъа селям олсун) Аллаха дуанен мураджат этти

رَبِّ هَبْ لِي مِنَ الصَّالِحِينَ

«Раббим! Манъа салихлерден оладжакъ бир эвлят насиб эт».

(«ас-Сааффат», 37:100)

Башкъа дуасында исе, Ибрахим (онъа селям олсун) Аллаха мураджат этип бойле деди:

وَاجْنُبْنِي وَبَنِيَّ أَن نَّعْبُدَ الْأَصْنَامَ

«Мени ве огъулларымны путларгъа табынувдан узакъ тут».

(«Ибрахим», 14:35).

ве деди:

رَبِّ اجْعَلْنِي مُقِيمَ الصَّلَاةِ وَمِن ذُرِّيَّتِي

«Эй, Раббим! Мени ве союмдан келеджеклерни намазны девамлы къылгъанлардан эйле».

(«Ибрахим», 14:40).

Аллах Закарийянынъ (онъа селям олсун) дуасыны хатырлай, о Юдже Раббисине мураджат этип деди:

رَبِّ هَبْ لِي مِن لَّدُنكَ ذُرِّيَّةً طَيِّبَةً إِنَّكَ سَمِيعُ الدُّعَاءِ

«Раббим, манъа тарафынъдан хайырлы бир несиль багъышла. Шубесиз, сен дуаны хакъкъы иле эшитиджисинъ».

(«Аль-Имран», 3:38).

«Аль-Фуркъан» суресининъ сонунда исе Юдже Раббимиз, ар-Рахман олгъан Аллахын къуллары (‘ибаду р-Рахман) айткъан дуаны огрете:

رَبَّنَا هَبْ لَنَا مِنْ أَزْوَاجِنَا وَذُرِّيَّاتِنَا قُرَّةَ أَعْيُنٍ وَاجْعَلْنَا لِلْمُتَّقِينَ إِمَامًا

«Раббимиз, бизге козюмизни айдынлатаджакъ къадынлар ве зурриетлер багъышла ве бизни такъва саиплерине ребер эт!».

(«аль-Фуркъан», 25:74).

Бойле дуа сёзлеридир, эй Аллахын къуллары.

Бир шейни билинъиз: ана-бабанынъ эвляды ичюн дуа – бу махсус бир дуадыр, ве Аллах бу дуагъа махсус джевап бере, ве бу акъкъында Пейгъамберимиз ﷺ озь хадисинде бизге хабер эте. Бу хадисны Абу Дауд (1536), ибн Маджах (3862) ве ат-Тирмизи (1905 и 3448) ривает эттилер ве шейх аль-Альбани онъа гузель деди.

Ойле исе, эй баба, эй ана, ачувлангъан вакъытынъда озь эвлядынъ ичюн ярамай шей сорап дуа япмакъта ашыкъма! Ярамай дуа сёзлери айтмагъа ашыкъманъ, чюнки япкъан дуанъыз Алахнен къабул этиле билир, сон исе пешман этерсиниз.

Юдже Аллах дей:

وَيَدْعُ الْإِنسَانُ بِالشَّرِّ دُعَاءَهُ بِالْخَيْرِ وَكَانَ الْإِنسَانُ عَجُولًا

«Инсан, хайырны истегени къадар, шеррни де истер. Инсан пек ашыкъчандыр».

(«аль-Исра», 17:11).

Бу биринджи темель – дуа. Эй Аллахын къуллары.

Эвлядларнынъ тербие этильмесининъ экинджи темели – эвлядлар арасында адалетли олмакъ, ве адалетсиз давранмакътан сакъынмакъ. Эгер баба яда ана эвлядларына адалетсиз даврансалар, бойледже олар эвлядлар арасында къын, душманлыкъ ве нефрет ерлештирелер, эгер исе адалетли олсалар, эвлядлар бири бирини севелер, олар бирлешелер. Ве ана-бабагъа къаршы гузель давранаджакълар ве диянет корьсетеджеклер.

Ан-Ну'ман ибн Башир (Аллах ондан ве бабасындан разы олсун), Пейгъамберимизни ﷺ сахабелеринден бириси, ривает эте, бабасы онъа хедие япты. Ну'маннынъ бабасынынъ апайы, яни Ну'маннынъ анасы онъа деди: «Пейгъамберге ﷺ бар, о, бу хедиены бермекте шаат олсын (мен истейим, Пейгъамбер ﷺ бу хедие берильгенде шаат олсын)». О Пейгъамберге ﷺ барып, онынъ шаат олмасына мураджат этти, амма Пейгъамберимиз ﷺ онъа деди:

أكُلَّ ولدِك نحَلْتَه مِثْلَ هذا؟

«Сен эр бир эвлядынъа айни бойле хедие яптынъмы?»

Ве о деди: «Ёкъ». О заман Пейгъамбер ﷺ онъа деди:

فَاتَّقُوا اللَّهَ واعْدِلُوا بيْنَ أوْلَادِكُمْ

«Аллахтан къоркъунъыз ве эвлядларынъыз арасында адалетли олунъыз».

Башкъа риваетте айтыла:

لا أَشْهَدُ على جُورٍ

«Бу адалетсизликке мен шаат олмайджам».

Ве Пейгъамберимиз ﷺ ондан сорады:

أَيَسرُّكَ أن يكونَ الكلُّ في البِرِّ سواءٌ؟

«Эвлядларынъ санъа къаршы гузель давранмакъта эписи бир олгъаныны истерсинъми аджеба?»

О деди: «Эбет».

فلا إذًا

«Ойле исе ёкъ», деди Пейгъамберимиз ﷺ, ве эвлядлар арасында адалетсиз олмакътан сакъындырды.

ан-Насаи (3682), шейх аль-Альбани бу хадиске сахих деди.

Бу экинджиси – эвлядлар арасында адалетсизлик.

Эвлядларны тербие эткенде учюнджи темель, эй Аллахын къуллары, — оларгъа къаршы юмшакъ ве гузель давранмакътыр, мерхаметли олмакътыр, терсликке,баятлыкъкъа, мерхаметсизликке изин бермемек. Бу пек эмиетлидир, чюнки эгер юмшакълыкъ ве гузеллик бир шейге кирсе, о оны яраштыра, эгер исе бир шейден юмшакълыкъ ве гузеллик кетсе, бу иш нишарет ве юзьсиз ола, олар оськен заман, ве эр заман бу пек онемлидир. Пейгъамберимиз ﷺ озь торуны Хасан ибну Алины севгенде, онынъ янында, араб кочебе къабилелернинъ башлыгъы аль-Акра' ибн Хабис отура эди. Аль-Акра' ибн Хабис Пейгъамберимизни ﷺ озь торуныны Хасан ибну Алины севгенини корьди ве деди:

إِنَّ لِي عَشرةً مِنَ الْولَدِ مَا قَبَّلتُ مِنْهُمْ أَحدًا

«Меним он дане эвлядым бар, ве мен оларнынъ бирисини (бир вакъыт) севмейим!»

Ве Пейгъамберимиз ﷺ онъа бакъып бойле сёзлер айтты:

مَن لا يَرحَمْ لا يُرحَمْ

«Мерхамет корьсетмеген кимсеге, мерхамет корьсетильмез!»

аль-Бухари (5997) ве Муслим (2318).

Эки сахихте Аиша анамыздан (Аллах ондан разы олсун) ривает этиле, Пейгъамберимизге ﷺ бир кочебе кельди, мусульманлар озь эвлядларыны севгенини корюп, Пейгъамберимизге ﷺ суальнен мураджат этти:

أتُقبِّلونَ الصِّبيانَ؟ فما نُقبِّلُهم

«Сиз не эвлядларынъызны севессизми? Биз исе эвлядларымызны севмеймиз».

Ве Пейгъамберимиз ﷺ онъа деди:

أَوَأَمْلِكُ لك أَنْ نَزَعَ الله من قَلْبِك الرحمة

«Аллах сенинъ юрегинъден мерхаметликни алды исе, мен санъа бир шей япып оламам. Мен сенинъ юрегинъе мерхаметлик къоюп оламам».

аль-Бухари (5998), Муслим (2317) ве ибн Хиббан (5595).

Онынъ ичюн мерхаметлик ве гузеллик – бу тербиеде эн онемли шейлердендир. Не ичюн бу о къадар онемли? Чюнки сен озь эвлядларынъа мерхаметлисинъ, демек сеннен эвлядларынъ арасында якъын ве гузель мунасебетлер бар. Эгер якъын мунасебетлер бар, демек эвлядлар оськен сон сенинъ меслеатларынъны азыр оларакъ ве толусынен къабул этеджеклер. Бу учюнджиси.

Дёртюнджиси, эй Аллахын къуллары, — бу сениъ эвлядынъ кимнен олгъанына, кимнен достлыкъ япкъанына мукъайт олмакъ керексинъ. Араблар айткъаны киби, لصاحب ساحب (ас-съахиб сахиб) – дост озюне чеке, чюнки инсан дост олгъан кимсенинъ тесирлевиндедир, ве бу мытлакъкъа онъа пек тесир этеджектир. Ве бу акъкъында Пейгъамберимиз ﷺ бойле буюрды:

المرءُ على دينِ خليلِه فلينظرْ أحدُكم مَن يُخاللُ

«Инсан озь достунынъ дининдедир, онынъ ичюн эр биринъиз кимнен дост олгъанынъызны бакъынъыз».

Абу Дауд (4833), ат-Тирмизи (2378) ве Ахмад (8398), шейх аль-Альбани бу хадиске сахих деди.

Кимнен дост олсанъ, онъа ошайджакъсынъ! Бизим куньлерде бу меселе даан агъырлашты. Не ичюн? Чюнки эвельде олмагъан шейлер пейда олып башлады. Эвельде олмагъан дост ве мунасебетлер пейда олды. Бу насыл достлар? Бу телевизор, бу интернет ве телефон киби алетлер, булар эписи бизим эвлеримизге кирди, ве къолларымызда. Бу кучлю ве телюкели бир мунасебеттир, онынъ ичюн биз оны контроль япмамыз керек ве мукъайт олмамыз керек, эй Аллахын къуллары, чюнки не къадар яш генчлер, йигит ве къызлар ёл шашырдылар, не къадары джоюлдылар! Бу яда гунах арзулар (шахават) эди яда янлыш тюшюнджелер эди. Ве бу пек телюкелидир! Бу телюкени ве онынъ ичюн олып кечкенини буюклигини тек Юдже Аллах билир.

Тербие меселесинде темеллернинъ бешинджиси, эй Аллахын къуллары – бу ана-баба. Ана-баба гузель орнек олмакъ керектир, баба эвлядына бир шей эмир эте, озю исе оны япмай, бойле олмайджакъ, яда озю япкъаныны эвлядына ясакъ эте. Бу ярамай орьнектир! Бунынъ зарары пек буюктир. Ана-баба эвляд ичюн эн гузель орьнек олмакъ керек. Ойле олаки тербие ве давет – бири бирине къаршы келе: бабанынъ айткъаны бир тарафта амеллери исе — башкъа тарафта , эвляд бунынъ эписине бакъа, ве бу бир-бирине терс кельген вазиетте осе. Баба Ислям акъкъында айта: «Ислям ойле, Ислям бойле», не заман исе бир диний меселе олып чыкъа, баба башкъа принциплернен, къаиделернен, бакъышларнен къулланып башлай. Джаиллик принциплери – айни буларнен баба къуллана. Эбет о дюльбер айта эди, амма бир агъырлыкъ пейда олгъанынен, «принциплер энди башкъа, балам, къаиделер энди башкъа», ве эвляд бойле зиддиетте осе ве эки, бири-бирине терс кельген шей арасында тепрене, ве булар эписи эвляднынъ тербиесине пек ярамай зарар кетире. Акъылынъызда тутынъ, эвляд Ислямны ве хаятны бир олгъаныны корьмегенине къадар, «Мына, огълум, Ислям (теорияда гузель), мына исе яшайышнынъ агъыр керчеклиги», хаят ве Ислям бир олмагъана къадар, ве сизнинъ мисалинъизде Ислямнен хаят арасында феркъ олмагъаныны корьмегене къадар, Аллах мерхамет эйлемесе, о тербиеде яхшы бир шей олмаз. Онынъ ичюн сен эвлядынъны тербиеге чек ве эр вакъыт Юдже Раббинъни хатырла:

أَتَأْمُرُونَ النَّاسَ بِالْبِرِّ وَتَنسَوْنَ أَنفُسَكُمْ وَأَنتُمْ تَتْلُونَ الْكِتَابَ

«Сизлер Китапны (Тевратны) окъугъан (акъикъатны бильген) алда, инсанларгъа ийиликни эмир этип, озюнъизни унутасынъызмы?»

(«аль-Бакъара», 2:44).

Ве Шуъайбны (онъа селям олсун) озь миллетине айткъаныны хатырла:

وَمَا أُرِيدُ أَنْ أُخَالِفَكُمْ إِلَى مَا أَنْهَاكُمْ عَنْهُ

«Сизге ясакъ эткенимни, озюм бозмагъа истемейим».

(«Худ», 11:88).

═════════════════════════════════════════════════════════════════════════

بسم الله الرحمن الرحيم

Evlâtlarğa terbiye bermesiniñ altı temeli — 1 bölüm

Ey Allahın qulları! Allahın bizlerge yüklegen büyük mecburiyetlerinden, Yüce Allah emanet etken şeylerden, — bu evlâdlarımıznı terbiye etmekte qasevet etmek, olarnı ögütlemektir. Yüce Allah dey:

يَا أَيُّهَا الَّذِينَ آمَنُوا لَا تَخُونُوا اللَّهَ وَالرَّسُولَ وَتَخُونُوا أَمَانَاتِكُمْ وَأَنتُمْ تَعْلَمُونَ * وَاعْلَمُوا أَنَّمَا أَمْوَالُكُمْ وَأَوْلَادُكُمْ فِتْنَةٌ وَأَنَّ اللَّهَ عِندَهُ أَجْرٌ عَظِيمٌ

«Ey, iman etkenler! Allahqa ve Peyğamberge hainlik etmeñ; (Soñra) bile-bile öz emanetleriñizge hainlik etken olursıñız. Biliñ ki, mallarıñız ve balalarıñız birer imtian sebebidir ve büyük mukâfat Allahnıñ qatındadır».

(«al-Anfal», 8:27-28).

Bu ayetni güzelce dinleñiz! Alimler deyler, bu ayetniñ manası şundaki, Yüce Allah ana-babalarğa evlâdlarnı sınav olaraq nasib etti. Bu Allah tarafından emanettir, ve evlâdlarnıñ anna-baba ögünde haqları bardır, ve ana-baba üstünde evlâdlarına qarşı mecburiyetleri bardır . Bu emanetni yerine ketirgen ve öz mecburiyetlerini yeda etken ana-baba içün Allahta büyük mukâft azırlanğandır. Kim ise qaçıra ve emiyet bermey, qaçırğanına köre Allahtan ceza olacaqtır. Ve Yüce Allah bizlerge emir eterken böyle buyura:

يَا أَيُّهَا الَّذِينَ آمَنُوا قُوا أَنفُسَكُمْ وَأَهْلِيكُمْ نَارًا وَقُودُهَا النَّاسُ وَالْحِجَارَةُ عَلَيْهَا مَلَائِكَةٌ غِلَاظٌ شِدَادٌ لَّا يَعْصُونَ اللَّهَ مَا أَمَرَهُمْ وَيَفْعَلُونَ مَا يُؤْمَرُونَ

«Ey, inanğanlar! Özüñizni ve aileñizni, yaqarlığı insanlar ve taşlar olğan ateşten qorçalañ. Onıñ başında acımağan, küçlü, Allahnıñ olarğa buyurulğanına qarşı kelmegen ve emir etilgenlerini yapqan melekler bardır».

(«at-Tahriim», 66:6).

Bu ayet – bu Allahın emiridir. Bu temeldir, evlâdlarnı İslâmğa köre terbiyelemek – bu ana- babanıñ vazifesi olğanına, bu Allahtan büyük bir emanet olğanına dalildır. Ve Peyğamberimiz ﷺ dey:

كُلُّكُمْ راعٍ وكُلُّكُمْ مَسْئُولٌ عن رَعِيَّتِهِ، والأمِيرُ راعٍ، والرَّجُلُ راعٍ علَى أهْلِ بَيْتِهِ، والمَرْأَةُ راعِيَةٌ علَى بَيْتِ زَوْجِها ووَلَدِهِ، فَكُلُّكُمْ راعٍ وكُلُّكُمْ مَسْئُولٌ عن رَعِيَّتِهِ.

«Er biriñiz vasiysıñız, ve er biriñiz sizge tabiy olğan kimse içün cevapkârsıñız: ükümdar – o vasiy, erkek kişi – o öz ailesi içün vasiy, apay kişi – o aqayınıñ evinde vasiy ve evlâdlar üstünde vasiy. Er biriñiz vasiysınız, ve er biriñiz sizge tabiy olğan kimse içün cevapkârsıñız».

al-Buhari (2554), Müslim (1829), Abu Daud (2928), at-Tirmizi (1705), an-Nasai (9173) ve Ahmad (5167).

«Saña tabiy olğan kimse içün cevapkâr olmaq», — bu ne demek? Bunıñ manası şundaki, sen Mahşer künü Allahın üzerinde turğanıñda, Yüce Allah saña tabiy olğan kimseleriñ içün soraycaq: «Sen olarnıñ ögünde mecburiyetleriñni yerine ketirdiñmi aceba». Ve bazı alimler deyler, Mahşer künü evlâdlardan ana-babası içün soramaqtan evvel, ana-babadan evlâdları içün soraycaqlar, çünki Yüce Allah evlâdlarğa ana-babasına güzel davranmaqnı emir etti, ve Yüce Allah ana-babağa evlâdlarnı terbiye etmege emir etti. Ve Yüce Allah dedi:

وَوَصَّيْنَا الْإِنسَانَ بِوَالِدَيْهِ حُسْنًا

«Biz, insanğa, ana-babasına eyi davranuvını tevsiye etkendirmiz».

(«al-Ankabut», 29:8).

Kenede Allah dedi:

يُوصِيكُمُ اللَّهُ فِي أَوْلَادِكُمْ

«Allah sizge, balalarıñız aqqında vasiyet ete».

(«an-Nisaa», 4:11).

Onıñ içün, ey Allahın qulları, bu büyük mesüliet ve büyük emanettir. Demek, er bir ana-babanıñ vazifesi – evlâdını terbiye etmege areket etmek, onı doğru aqidada terbiye etmek, İslâm ameliyatlarında ve onıñ ahlâqiy qaidelerinde terbiye etmek.

Amma sual: nasıl? Bu terbiye nede qurula? Ey Allahın qulları, bu terbiye en önemli ve büyük olğan altı temelde qurula. Biz bu altı temelni bilmek kerekmiz, olarğa büyük diqqat ayırmaq kerekmiz.

Bu temellerniñ birincisi, ey Allahın qulları, — bu Yüce Allaha qarşı duadır, ve bu en önemli temellerdendir. Allah saña, doğulmasından evvel hayırlı evlâd nasib etmesini soramaq kereksiñ, doğulğan son ise, Allah onı doğru yoldan alıp ketmesini ve sadıqlarnıñ arasında ösmesini soramq kereksiñ, sadıqlarnen ösken son Allah onı bu yolda qaviyleştirmesini ve azimkârlıq nasib etmesini soramaq kereksiñ.

Ve Yüce Allah bu dualarnı bizlerge Öz Kitabında ögrete, bu dualarnı peyğamberler öz evlâdlarına qarşı yapa ediler. Allah Öz sevimli qulı İbrahim (oña selâm olsun) aqqında ayta. İbrahim (oña selâm olsun) Allaha duanen muracat etti

رَبِّ هَبْ لِي مِنَ الصَّالِحِينَ

«Rabbim! Maña salihlerden olacaq bir evlât nasib et».

(«as-Saaffat», 37:100)

Başqa duasında ise, İbrahim (oña selâm olsun) Allaha muracat etip böyle dedi:

وَاجْنُبْنِي وَبَنِيَّ أَن نَّعْبُدَ الْأَصْنَامَ

«Meni ve oğullarımnı putlarğa tabınuvdan uzaq tut».

(«İbrahim», 14:35).

ve dedi:

رَبِّ اجْعَلْنِي مُقِيمَ الصَّلَاةِ وَمِن ذُرِّيَّتِي

«Ey, Rabbim! Meni ve soyumdan keleceklerni namaznı devamlı qılğanlardan eyle».

(«İbrahim», 14:40).

Allah Zakariyyanıñ (oña selâm olsun) duasını hatırlay, o Yüce Rabbisine muracat etip dedi:

رَبِّ هَبْ لِي مِن لَّدُنكَ ذُرِّيَّةً طَيِّبَةً إِنَّكَ سَمِيعُ الدُّعَاءِ

«Rabbim, maña tarafıñdan hayırlı bir nesil bağışla. Şübesiz, sen duanı haqqı ile eşiticisiñ».

(«Al-İmran», 3:38).

«Al-Furqan» suresiniñ sonunda ise Yüce Rabbimiz, ar-Rahman olğan Allahın qulları (‘ibadu r-Rahman) aytqan duanı ögrete:

رَبَّنَا هَبْ لَنَا مِنْ أَزْوَاجِنَا وَذُرِّيَّاتِنَا قُرَّةَ أَعْيُنٍ وَاجْعَلْنَا لِلْمُتَّقِينَ إِمَامًا

«Rabbimiz, bizge közümizni aydınlatacaq qadınlar ve zurriyetler bağışla ve bizni taqva saiplerine reber et!».

(«al-Furqan», 25:74).

Böyle dua sözleridir, ey Allahın qulları.

Bir şeyni biliñiz: ana-babanıñ evlâdı içün dua – bu mahsus bir duadır, ve Allah bu duağa mahsus cevap bere, ve bu aqqında Peyğamberimiz ﷺ öz hadisinde bizge haber ete. Bu hadisnı Abu Daud (1536), ibn Macah (3862) ve at-Tirmizi (1905 i 3448) rivayet ettiler ve şeyh al-Albani oña güzel dedi.

Öyle ise, ey baba, ey ana, açuvlanğan vaqıtıñda öz evlâdıñ içün yaramay şey sorap dua yapmaqta aşıqma! Yaramay dua sözleri aytmağa aşıqmañ, çünki yapqan duañız Alahnen qabul etile bilir, son ise peşman etersiniz.

Yüce Allah dey:

وَيَدْعُ الْإِنسَانُ بِالشَّرِّ دُعَاءَهُ بِالْخَيْرِ وَكَانَ الْإِنسَانُ عَجُولًا

«İnsan, hayırnı istegeni qadar, şerrni de ister. İnsan pek aşıqçandır».

(«al-İsra», 17:11).

Bu birinci temel – dua. Ey Allahın qulları.

Evlâdlarnıñ terbiye etilmesiniñ ekinci temeli – evlâdlar arasında adaletli olmaq, ve adaletsiz davranmaqtan saqınmaq. Eger baba yada ana evlâdlarına adaletsiz davransalar, böylece olar evlâdlar arasında qın, duşmanlıq ve nefret yerleştireler, eger ise adaletli olsalar, evlâdlar biri birini seveler, olar birleşeler. Ve ana-babağa qarşı güzel davranacaqlar ve diyanet körsetecekler.

An-Nu'man ibn Başir (Allah ondan ve babasından razı olsun), Peyğamberimizni ﷺ sahabelerinden birisi, rivayet ete, babası oña hediye yaptı. Nu'mannıñ babasınıñ apayı, yani Nu'mannıñ anası oña dedi: «Peyğamberge ﷺ bar, o, bu hediyenı bermekte şaat olsın (men isteyim, Peyğamber ﷺ bu hediye berilgende şaat olsın)». O Peyğamberge ﷺ barıp, onıñ şaat olmasına muracat etti, amma Peyğamberimiz ﷺ oña dedi:

أكُلَّ ولدِك نحَلْتَه مِثْلَ هذا؟

«Sen er bir evlâdıña ayni böyle hediye yaptıñmı?»

Ve o dedi: «Yoq». O zaman Peyğamber ﷺ oña dedi:

فَاتَّقُوا اللَّهَ واعْدِلُوا بيْنَ أوْلَادِكُمْ

«Allahtan qorquñız ve evlâdlarıñız arasında adaletli oluñız».

Başqa rivayette aytıla:

لا أَشْهَدُ على جُورٍ

«Bu adaletsizlikke men şaat olmaycam».

Ve Peyğamberimiz ﷺ ondan soradı:

أَيَسرُّكَ أن يكونَ الكلُّ في البِرِّ سواءٌ؟

«Evlâdlarıñ saña qarşı güzel davranmaqta episi bir olğanını istersiñmi aceba?»

O dedi: «Ebet».

فلا إذًا

«Öyle ise yoq», dedi Peyğamberimiz ﷺ, ve evlâdlar arasında adaletsiz olmaqtan saqındırdı.

an-Nasai (3682), şeyh al-Albani bu hadiske sahih dedi.

Bu ekincisi – evlâdlar arasında adaletsizlik.

Evlâdlarnı terbiye etkende üçünci temel, ey Allahın qulları, — olarğa qarşı yumşaq ve güzel davranmaqtır, merhametli olmaqtır, terslikke,bayatlıqqa, merhametsizlikke izin bermemek. Bu pek emiyetlidir, çünki eger yumşaqlıq ve güzellik bir şeyge kirse, o onı yaraştıra, eger ise bir şeyden yumşaqlıq ve güzellik ketse, bu iş nişaret ve yüzsiz ola, olar ösken zaman, ve er zaman bu pek önemlidir. Peyğamberimiz ﷺ öz torunı Hasan ibnu Alinı sevgende, onıñ yanında, arab köçebe qabilelerniñ başlığı al-Akra' ibn Habis otura edi. Al-Akra' ibn Habis Peyğamberimizni ﷺ öz torunını Hasan ibnu Alinı sevgenini kördi ve dedi:

إِنَّ لِي عَشرةً مِنَ الْولَدِ مَا قَبَّلتُ مِنْهُمْ أَحدًا

«Menim on dane evlâdım bar, ve men olarnıñ birisini (bir vaqıt) sevmeyim!»

Ve Peyğamberimiz ﷺ oña baqıp böyle sözler ayttı:

مَن لا يَرحَمْ لا يُرحَمْ

«Merhamet körsetmegen kimsege, merhamet körsetilmez!»

al-Buhari (5997) ve Müslim (2318).

Eki sahihte Aişa anamızdan (Allah ondan razı olsun) rivayet etile, Peyğamberimizge ﷺ bir köçebe keldi, musulmanlar öz evlâdlarını sevgenini körüp, Peyğamberimizge ﷺ sualnen muracat etti:

أتُقبِّلونَ الصِّبيانَ؟ فما نُقبِّلُهم

«Siz ne evlâdlarıñıznı sevessizmi? Biz ise evlâdlarımıznı sevmeymiz».

Ve Peyğamberimiz ﷺ oña dedi:

أَوَأَمْلِكُ لك أَنْ نَزَعَ الله من قَلْبِك الرحمة

«Allah seniñ yüregiñden merhametlikni aldı ise, men saña bir şey yapıp olamam. Men seniñ yüregiñe merhametlik qoyup olamam».

al-Buhari (5998), Müslim (2317) ve ibn Hibban (5595).

Onıñ içün merhametlik ve güzellik – bu terbiyede en önemli şeylerdendir. Ne içün bu o qadar önemli? Çünki sen öz evlâdlarıña merhametlisiñ, demek sennen evlâdlarıñ arasında yaqın ve güzel munasebetler bar. Eger yaqın munasebetler bar, demek evlâdlar ösken son seniñ mesleatlarıñnı azır olaraq ve tolusınen qabul etecekler. Bu üçüncisi.

Dörtüncisi, ey Allahın qulları, — bu seni evlâdıñ kimnen olğanına, kimnen dostlıq yapqanına muqayt olmaq kereksiñ. Arablar aytqanı kibi, لصاحب ساحب (as-sahib sahib) – dost özüne çeke, çünki insan dost olğan kimseniñ tesirlevindedir, ve bu mıtlaqqa oña pek tesir etecektir. Ve bu aqqında Peyğamberimiz ﷺ böyle buyurdı:

المرءُ على دينِ خليلِه فلينظرْ أحدُكم مَن يُخاللُ

«İnsan öz dostunıñ dinindedir, onıñ içün er biriñiz kimnen dost olğanıñıznı baqıñız».

Abu Daud (4833), at-Tirmizi (2378) ve Ahmad (8398), şeyh al-Albani bu hadiske sahih dedi.

Kimnen dost olsañ, oña oşaycaqsıñ! Bizim künlerde bu mesele daan ağırlaştı. Ne içün? Çünki evelde olmağan şeyler peyda olıp başladı. Evelde olmağan dost ve munasebetler peyda oldı. Bu nasıl dostlar? Bu televizor, bu internet ve telefon kibi aletler, bular episi bizim evlerimizge kirdi, ve qollarımızda. Bu küçlü ve telükeli bir munasebettir, onıñ içün biz onı kontrol yapmamız kerek ve muqayt olmamız kerek, ey Allahın qulları, çünki ne qadar yaş gençler, yigit ve qızlar yol şaşırdılar, ne qadarı coyuldılar! Bu yada günah arzular (şahavat) edi yada yanlış tüşünceler edi. Ve bu pek telükelidir! Bu telükeni ve onıñ içün olıp keçkenini büyükligini tek Yüce Allah bilir.

Terbiye meselesinde temellerniñ beşincisi, ey Allahın qulları – bu ana-baba. Ana-baba güzel örnek olmaq kerektir, baba evlâdına bir şey emir ete, özü ise onı yapmay, böyle olmaycaq, yada özü yapqanını evlâdına yasaq ete. Bu yaramay örnektir! Bunıñ zararı pek büyüktir. Ana-baba evlâd içün en güzel örnek olmaq kerek. Öyle olaki terbiye ve davet – biri birine qarşı kele: babanıñ aytqanı bir tarafta amelleri ise — başqa tarafta , evlâd bunıñ episine baqa, ve bu bir-birine ters kelgen vaziyette öse. Baba İslâm aqqında ayta: «İslâm öyle, İslâm böyle», ne zaman ise bir diniy mesele olıp çıqa, baba başqa printsiplernen, qaidelernen, baqışlarnen qullanıp başlay. Caillik printsipleri – ayni bularnen baba qullana. Ebet o dülber ayta edi, amma bir ağırlıq peyda olğanınen, «printsipler endi başqa, balam, qaideler endi başqa», ve evlâd böyle ziddiyette öse ve eki, biri-birine ters kelgen şey arasında teprene, ve bular episi evlâdnıñ terbiyesine pek yaramay zarar ketire. Aqılıñızda tutıñ, evlâd İslâmnı ve hayatnı bir olğanını körmegenine qadar, «Mına, oğlum, İslâm (teoriyada güzel), mına ise yaşayışnıñ ağır kerçekligi», hayat ve İslâm bir olmağana qadar, ve sizniñ misaliñizde İslâmnen hayat arasında ferq olmağanını körmegene qadar, Allah merhamet eylemese, o terbiyede yahşı bir şey olmaz. Onıñ içün sen evlâdıñnı terbiyege çek ve er vaqıt Yüce Rabbiñni hatırla:

أَتَأْمُرُونَ النَّاسَ بِالْبِرِّ وَتَنسَوْنَ أَنفُسَكُمْ وَأَنتُمْ تَتْلُونَ الْكِتَابَ

«Sizler Kitapnı (Tevratnı) oquğan (aqiqatnı bilgen) alda, insanlarğa iyilikni emir etip, özüñizni unutasıñızmı?»

(«al-Baqara», 2:44).

Ve Şuaybnı (oña selâm olsun) öz milletine aytqanını hatırla:

وَمَا أُرِيدُ أَنْ أُخَالِفَكُمْ إِلَى مَا أَنْهَاكُمْ عَنْهُ

«Sizge yasaq etkenimni, özüm bozmağa istemeyim».

(«Hud», 11:88).

Поделиться:
error: Content is protected !!