О верующие рабы Аллаха, бойтесь Аллаха и подчиняйтесь Ему, будьте покорными Ему. Благодарите Всевышнего Аллаха за то, что Он наставил вас на прямой путь, в то время как большинство людей впали в заблуждение и отошли от установлений их Создателя.
وَاذْكُرُوهُ كَمَا هَدَاكُمْ وَإِن كُنتُم مِّن قَبْلِهِ لَمِنَ الضَّالِّينَ
📖 «Поминайте Его, ибо Он наставил вас на прямой путь, хотя прежде вы были одними из заблудших».
(Коран, сура «Корова», 2: 198)
О люди, один из великих пророков и посланников Всевышнего Создателя, один из пяти самых выдающихся и почтенных из всех посланников — Иса ибн Марьям (Иисус, сын Марии), мир ему и его родительнице. Всевышний Аллах направил его к сынам Исраиля с верным руководством, ниспослал ему Писание — Инджиль (Евангелие), повелел благовествовать ему о приходе после него последнего, заключительного посланника от Всевышнего Создателя, который завершает собой цепь божьих посланников — Мухаммада (да благословит его Аллах и приветствует). И Всевышний сказал о нем в Коране:
وَقَفَّيْنَا عَلَى آثَارِهِم بِعِيسَى ابْنِ مَرْيَمَ مُصَدِّقًا لِّمَا بَيْنَ يَدَيْهِ مِنَ التَّوْرَاةِ وَآتَيْنَاهُ الْإِنجِيلَ فِيهِ هُدًى وَنُورٌ وَمُصَدِّقًا لِّمَا بَيْنَ يَدَيْهِ مِنَ التَّوْرَاةِ وَهُدًى وَمَوْعِظَةً لِّلْمُتَّقِينَ
📖 «Вслед за ними Мы отправили Ису (Иисуса), сына Марьям (Марии), с подтверждением истинности того, что было прежде ниспослано в Таурате (Торе). Мы даровали ему Инджил (Евангелие), в котором было верное руководство и свет, которое подтверждало то, что прежде было ниспослано в Таурате (Торе). Он был верным руководством и увещеванием для богобоязненных».
(Коран, сура «Трапеза», 5: 46)
Однако проходило время, и люди, которые объявили себя последователями Христа, последователями Иисуса, стали вносить в его учение различные новшества, так что в конце концов учение Исы исказилось настолько, что от него не осталось практически ничего. И то, что сегодня называют учением Христовым, имеет очень мало общего с тем посланием, которое принес к людям Иисус от своего Создателя. Более того, учение, которое сегодня называют Христовым учением, противоречит учению Иисуса в главных пунктах и противоречит ему в самом главном принципе, ключевом принципе — принципе Таухида (Единобожия). Иисус явился к людям, для того чтобы призвать их к поклонению только одному Создателю — Господу всех миров, Богу истинному, Богу единственному. А они, назвавшись последователями Иисуса, стали поклоняться самому Иисусу, объявив его единородным сыном божьим, затем стали поклоняться его матери, объявив ее богородицей, затем стали поклоняться апостолам и разным святым праведникам.
И вот одним из таких новшеств, которое не имеет ничего общего с учением Иисуса, с Шариатом Иисуса (мир ему), ни с Шариатом Мухаммада (да благословит его Аллах и приветствует), является то празднество, которое многие собираются отмечать на днях.
О мусульмане, о рабы Аллаха, даже если бы сам Иисус установил бы этот праздник — праздник Нового года — мы с вами всё равно не имели бы право отмечать этот праздник. Почему? Потому что после Исы (мир ему) Аллах направил к человечеству своего последнего посланника — Мухаммада (да благословит его Аллах и приветствует), и свое завершающее Писание — Коран. И Коран отменяет и упраздняет всё, что было до него, и если что-то из предшествующих Писаний не соответствует Корану и Сунне, Шариату Мухаммада (да благословит его Аллах и приветствует), то это уже упразднено и не принимается Создателем, это делать уже бессмысленно. А что говорить тогда об этом празднестве, которое вообще не имеет никакого отношения ни к одной из религий, которые пришли от Аллаха (пречист Он и возвышен)?
❓⚠ Откуда же взялось это празднество, этот так называемый Новый год, который так прочно вошел в сердца многих людей?
Это празднество было привнесено в христианство из язычества, из идолопоклонства, из многобожия. Вообще идолопоклонство и язычество очень рано стало проникать в обряды, оказывать влияние на учение тех людей, которые объявили себя поборниками христианства. И то, что именовалось христианством, вобрало в себя очень много из языческих обрядов, очень много из представлений древних греков, древних римлян и прочих, в конце концов сделав эти языческие обряды основой этой религии и приписав их к Мессии — Иисусу (мир ему) и его апостолам, хотя они не имеют никакого отношения к этому и никак к этому непричастны. Одним из таких недопустимых обрядов является языческий праздник, праздник идолопоклонства, который называют Рождеством и который называют Новым годом. Празднование этих праздников сопровождается целым рядом недопустимых действий: многобожие (ширк), язычество, целый ряд грехов, целый ряд заблуждений.
К большому сожалению, от празднования этих дней с их языческими обрядами не смогли уберечься сегодня и некоторые мусульмане. Призывы к этому празднеству льются на верующих мусульман и на их детей отовсюду: с экранов телевизоров, с сайтов, с интернета, с уличных реклам. Еще страшнее, когда мусульмане сами начинают поздравлять с этими запрещенными праздниками, начинают считать их своими, начинают отмечать их, дарить подарки близким, ходить друг к другу в гости, радоваться, веселиться. Если ты желаешь людям добра, ты обязательно должен разъяснить своим близким, разъяснить окружающим, которые попали в этот большой грех, обманулись яркими красками этого праздника, о пагубности этого праздника и удерживать их от этого.
✔ Что касается Рождества, последователи современного христианства отмечают его как день рождения Иисуса (мир ему).
Хотя на самом деле неизвестен не только день рождения Иисуса, а неизвестен даже год его рождения. Христианские историки разногласят даже относительно года рождения Иисуса (мир ему), не говоря уже о месяце и дне.
Этот праздник был придуман в середине 4 века христианства. Он пришел откуда? От идолопоклонства, от язычества. Этот день римляне-язычники отмечали как день бога солнца. Они поклонялись помимо прочих богов еще и солнцу. И когда римляне приняли христианство в 4 веке христианской эры, то церковники решили привлечь новообращенные массы новых христиан, совместив этот праздник, которые они так широко отмечали, с каким-то христианским праздником. И они этот день — день бога солнца — объявили днем рождения Иисуса.
✔ Что касается Нового года, то и это было в языческом Риме — праздник двуликого бога Януса.
Вот это новый год! Они отмечали праздник двуликого бога Януса — бога выбора и бога начала. А с приходом к ним христианства, конечно, уже в его искаженном виде традиционные праздники просто менялись на новые, на обряды новой религии. Чтобы не отвратить римлян от этой религии, церковники пошли на эту уловку: они просто стали заменять эти праздники другими названиями. Они объявили этот день — день бога Януса днем обрезания господня — 31 декабря на 1 января. Они сказали, что это день, когда Иисус был обрезан, потому что это как раз семь дней после рождества, а у иудеев было принято делать обрезание на 7-й день.
И в эти дни они идут в церкви, поют там гимны, обмениваются подарками, поздравлениями. Они говорят своим детям, что подарки им приносит святой Клаус, то есть святой Николай — вот такой святой отшельник, который живет где-то на северном полюсе.
И они учат детей, что нужно молиться святому Клаусу/Святому Николаю/Дедушке морозу. И тогда, если ты помолишься ему, он ночью принесет тебе подарки, когда ты будешь спать, он ответит тебе на твою мольбу.
И в эти дни они устанавливают рождественское новогоднее дерево.
✔«Для чего мы это всё рассказываем?» — спросите вы.
Мы бы не рассказывали бы, и не нужно нам было бы знать про это, если бы многих из мусульман шайтан не затянул в эти сети. Мы говорим об этом, чтобы мусульмане понимали, откуда идут корни этой всей чепухи, которой многие занимаются как безумцы в эти дни; чтобы остереглись люди от этого; чтобы предостеречь от этого окружающих. Как говорил Хузейфа, да будет доволен им Аллах: «Обычно люди спрашивали Посланника Аллаха (да благословит его Аллах и приветствует) о добре, я же спрашивал его о зле, опасаясь, что это постигнет меня». (аль-Бухари 3606, Муслим 1847)
✔Обряд новогодней елки также заимствован у идолопоклонников, язычников.
Фараоны, древние китайцы, вслед за ними и римляне, и греки считали вечнозеленое дерево деревом вечной жизни, деревом успеха, процветания. Поэтому, когда греко-римляне приняли христианство, церковники, по своему обыкновению искажая религию, внося в нее какое-то новшество, подчиняя религию желаниям и прихотям людей, придумали вот такой рождественский обряд новогодней елки, который на самом деле не имеет никакого отношения ни к Иисусу (мир ему), ни к принесенной им религии.
Насколько горько сегодня видеть, как невежественные мусульмане тащат в свои дома елки, украшают их, радуются обрядам идолопоклонства, учат этому своих детей.
Примечательно, что многие объективные исследователи из числа христиан сами признают, что эти обряды празднества не имеют отношения к христианству, а что берут свое начало от язычества.
В наши дни празднование нового года распространилось повсеместно, перешло к другим общинам, захватив чуть ли не всю землю. По какой причине? Причина — подражательство, информационная пропаганда, ну и по той причине, что Юлием Цезарем было установлено в языческие времена, что день первого января — это начало года. И большинство стран сегодня приняли этот день как начало календаря. К сожалению, это сделало и большинство мусульманских стран.
نسأل الله العافية والسلامة
Удивительно, что мусульмане отворачиваются от своего календаря — календаря, который установлен был единодушным мнением сподвижников Мухаммада (да благословит его Аллах и приветствует), и опираются на календарь, который придумал язычник Юлий Цезарь. Вот это всё плоды чего? Это плоды невежества — раз, это плоды слабости веры — два, это плоды беззаветной любви к тленной, земной жизни.
Все передачи, выпуски новостей на каналах сопровождаются в эти дни поздравлениями, пестрят ими первые страницы газет, журналов, страницы в интернете, ведется прямая трансляция празднования нового года, особенно секунды, когда 31 декабря превращается в 1 января. Священная секунда! Все в этот момент замирают, ожидая какого-то чуда.
А сколько денег уходит на эти греховные обряды, тратятся колоссальные средства, которых хватило бы, чтобы обеспечить едой, может быть, миллионы голодных людей, обеспечить кровом тысячи людей, обеспечить лечение десятков тысяч больных. Эти греховные затраты — это невосполнимые затраты, они не приносят людям никакого блага, никакой награды от Всевышнего. Почему? Потому что они идут на празднование языческих обрядов, которые не любит наш Создатель. Каждый должен подумать, кто потянулся к празднованию или почувствовал в сердце радость от нового года, что Аллах, твой Создатель, это не любит, Он недоволен этим. Мусульмане, которые в этом участвуют и одобряют это, должны осознавать, что они тем самым одобряют то, что ненавистно их Господу. Они должны осознавать, что делающие это не приобретают ничего, кроме гнева от Аллаха (пречист Он и возвышен), отдаления от Аллаха, наказания и отмщения Аллаха (пречист Он и возвышен).
✅Аллах (пречист Он и возвышен) Сам установил для нас праздники и обряды, которыми Он доволен. И эти праздники приближают нас к Нему и избавляют нас от нужды в подражании заблудшим в придуманных ими языческих обрядах.
Говорит Аллах (пречист Он и возвышен):
ثُمَّ جَعَلْنَاكَ عَلَى شَرِيعَةٍ مِّنَ الْأَمْرِ فَاتَّبِعْهَا وَلَا تَتَّبِعْ أَهْوَاءَ الَّذِينَ لَا يَعْلَمُونَ
📖 «А потом Мы наставили тебя на религиозный путь. Следуй по нему и не следуй страстям тех, которые не имеют знания».
(Коран, сура «Коленопреклоненные», 45: 18)
إِنَّهُمْ لَن يُغْنُوا عَنكَ مِنَ اللَّهِ شَيْئًا
📖 «Поистине, они тебя от Аллаха ни в чем не избавят».
(Коран, сура «Коленопреклоненные», 45: 19)
Что ты им подражаешь? Они ничем не помогут тебе перед Аллахом.
وَإِنَّ الظَّالِمِينَ بَعْضُهُمْ أَوْلِيَاءُ بَعْضٍ وَاللَّهُ وَلِيُّ الْمُتَّقِينَ
📖 «Поистине, беззаконники являются помощниками и друзьями друг другу, а Аллах является Покровителем богобоязненных».
(Коран, сура «Коленопреклоненные», 45: 19)
Праздники от Аллаха, о рабы Аллаха, — это и есть настоящая радость. Объясняйте это своим семьям и своим детям. Ты можешь испытывать настоящую, подлинную радость, настоящее умиротворение в душе, благословенное упоение, если ты знаешь, что Сам Создатель, от Которого ты зависишь, от Которого зависит, что будет с тобой, с твоим ребенком, с твоими близкими сегодня, завтра, в течение жизни, после смерти, ты знаешь, что Он тобой при этом доволен. Вот это радость! Когда ты отмечаешь праздники, установленные и благословенные Аллахом, ты получаешь Его расположение, ты приближаешься к Нему посредством этой радости, посредством этого празднования. Вот это истинный праздник!
Когда Пророк Мухаммад (да благословит его Аллах и приветствует) прибыл в Медину, у её жителей [ансаров] было два праздничных дня [Науруз и Махраджан], во время которых они играли. Он спросил их: “Что это за дни?” Они ответили: “Это дни, в которые мы играли и веселились, (празднуя) их во времена невежества/джахилиййа/”. Тогда Посланник Аллаха (да благословит его Аллах и приветствует) сказал: “Поистине, Аллах заменил их для вас двумя лучшими (праздничными днями), чем они: Днём жертвоприношения [Ид аль Адха] и Днём разговения [Ид аль Фитр].” (Шейх аль-Албани сказал: «Достоверный хадис/сахих/». Иснад этого хадиса достоверный в соответствии с условиями Муслима, и то же самое сказал аль-Хаким, с которым согласился аз-Захаби. См. «Сахих Аби Дауд» 4/297)
АльхамдулиЛлях (хвала Аллаху)! Праздник Курбан и Праздник разговения после Рамадана. Аллах заменил нам, о рабы Аллаха, и достаточно нам того, что дает нам Аллах. Как можно радоваться тому, чему гневается твой Господь, чем Он недоволен?
وَلَا يَرْضَىٰ لِعِبَادِهِ ٱلْكُفْرَ (الزمر — 7)
И Он недоволен в отношении Своих рабов неверием.
Неужели хотите поликовать немного, посмеяться немного, чтобы потом много плакать? Аллах не любит ликующих. Ликование в грехе — это признак скорого несчастья, это плохой признак.
Аллах (пречист Он и возвышен) тебе даровал милости, а ты вместо того, чтобы благодарить Аллаха за дарованное Им тебе, тратишь имущество на какие-то греховные цели. Вместо того, чтобы купить елку или потратиться на новогоднее застолье или на буханье салютов и петард, ты потрать эти деньги на милостыню, помоги бедняку, позаботься о сироте, потрать на пути Аллаха, помоги тем, которые изучают религию Аллаха и распространяют Его религию, потрать на мечеть, на ее благоустройство и содержание. Что ради Аллаха потратите, то потом найдете у Аллаха в лучшем виде.
وَمَا تُقَدِّمُوا لِأَنفُسِكُم مِّنْ خَيْرٍ تَجِدُوهُ عِندَ اللَّهِ هُوَ خَيْرًا وَأَعْظَمَ أَجْرًا
📖 «Какое бы добро вы ни приготовили для себя заранее, вы найдете его у Аллаха в виде лучшего и большего вознаграждения».
(Коран, сура «Закутавшийся», 73: 20)
Прошу Аллаха (пречист Он и возвышен), чтобы Он укрепил всех мусульман, всех верующих на прямом пути, чтобы Аллах позволил нам держаться крепко за ниспосланную Им веру, чтобы Он отдалил нас от пути тех, кто находится под гневом и заблудших.
__________
📄 Хутба «Новый год: происхождение»
🎙 Шейх Абу Яхья аль-Къирми, да сохранит его Аллах
═════════════════════════════════════════════════════════════════════════
Перевод хутбы на крымскотатарский
بسم الله الرحمن الرحيم
Йылбаш: пейда олувы.
إِنَّ الْحَمْدَ لِلَّهِ نَحْمَدُهُ وَنَسْتَعِينُهُ وَنَسْتَغْفِرُهُ وَنَعُوذُ بِاللَّهِ مِنْ شُرُورِ أَنْفُسِنَا وَمِنْ سَيِّئَاتِ أَعْمَالِنَا مَنْ يَهْدِهِ اللَّهُ فَلَا مُضِلَّ لَهُ وَمَنْ يُضْلِلْ فَلَا هَادِيَ لَهُ وَأَشْهَدُ أَنْ لَا إِلَهَ إِلَّا اللَّهُ وَحْدَهُ لَا شَرِيكَ لَهُ وَأَشْهَدُ أَنَّ مُحَمَّدًا عَبْدُهُ وَرَسُولُهُ
أَمَّا بَعْدُ
Эй Аллахын му’мин къуллары, Аллахтан къоркъунъ ве Онъа бойсунынъ ве таби олунъ. Башкъалар ёлуны шашырып озь Яратыджысынынъ тайынларындан узакълашкъанда сизни догъру ёлгъа къойгъан Раббинъизге хамд этинъ.
وَاذْكُرُوهُ كَمَا هَدَاكُمْ وَإِن كُنتُم مِّن قَبْلِهِ لَمِنَ الضَّالِّينَ
«Аллаhны зикр этинъ ве Оны, сизге косьтерген шекильде, анъынъ, чюнки О сизге догъру ёл насиб этти. Шубесиз, сиз даа эвель янълыш юрьгенлерден эдинъиз».
(«аль-Бакъара», 2:198).
Эй инсанлар, Юдже Раббимизни эльчилери ве пейгъамберлери арасында буюк олгъан, беш дане эн буюк ве итибарлы пейгъамберлерден бириси – Мерьем огълу Иса (онъа ве анасына селямлар олсун) эди. Юдже Аллах оны Исраиль огъулларына талиматнаменен ёллады, онъа Инджильны эндирди, ондан сон Аллах тарафындан келеджек сонки, тамалайыджы пейгъамбер, пейгъамберлерни сырасыны екюнлейеджек пейгъамбер – Мухаммад ﷺ келеджегини хабер этмеге Аллах Исагъа эмир этти. Ве Аллах онынъ акъкъында Къуранда хабер этти:
وَقَفَّيْنَا عَلَى آثَارِهِم بِعِيسَى ابْنِ مَرْيَمَ مُصَدِّقًا لِّمَا بَيْنَ يَدَيْهِ مِنَ التَّوْرَاةِ وَآتَيْنَاهُ الْإِنجِيلَ فِيهِ هُدًى وَنُورٌ وَمُصَدِّقًا لِّمَا بَيْنَ يَدَيْهِ مِنَ التَّوْرَاةِ وَهُدًى وَمَوْعِظَةً لِّلْمُتَّقِينَ
«Озьлеринден эвель кельген Тевратны догърулайыджы оларакъ, пейгъамберлернинъ излери узерине Мерьем огълу Исаны артларындан ёлладыкъ. Ве онъа ичинде догъругъа реберлик ве нур булунмакъ, огюндеки Тевратны тасдикъ этмек, сакъынгъанларгъа бир хидает ве огют олмакъ узьре, Инджильни бердик.». («аль-Маида», 5:46).
Амма вакъыт кете эди, озюни Исаны девамджылары деген кимселер, онынъ мезепине тюрлю янъылыкълар кирсетип башладылар, ве сонунда Исанынъ мезепи о къадар деништирильдики, ондан аман-аман бир шей къалмады. Ве бугунъ Месихнынъ бильгиси, мезепи, Исаны Раббисинден кетирген мезепине асла бенземей. Ондан гъайры, бугунь Месихны мезепи дегенлери, Исанынъ мезепини эн онемли ерлерине къаршы келе, ве эн онемли принципте, эн эсас принципте къаршы келе – бу Таухид принципинде. Иса инсанларны тек бир Раббисине, бир Яратыджысына, хакъ Иляхкъа ибадет эмеге давет эте эди. Амма олар исе озьлерини Исанынъ девамджылары деп, онъа Аллахын эвляды деп, Исанынъ озюне ибадет этип башладылар, ондан сон онынъ анасыны илях анасы деп, онъа ибадет этип башладылар, ондан сон тюрлю хаварилерге ве тюрлю азизлерге ибадет этип башладылар.
Не Исанынъ (Аллахын селямы онъа олсун) мезебине ве Шариатына догъру кельмеген, неде Мухаммадны ﷺ Шариатына догъру кельмеген бидаатны, янъылыкъны – бу байрамны якъын куньлерде чокъ кимселер къайд этмеге азырланалар.
Эй мусульманлар,эй Аллахын къуллары, эгер Иса биле бу байрамны, Йылбаш байрамыны бельгиледи исе – биз эпимиз о байрамны къайд этмеге хакъкъымыз ёкъ. Не ичюн? Чюнки, Исадан сон Аллах инсаниетке Озь сонки пейгъамберини — Мухаммадны ﷺ ёлледы, ве Озь сонки Язысыны ёллады – Къуранн. Ве Къуран, ондан эвельки олгъан шейлерни эписини ред ве лягъу эте. Ве эгер эвельки язылардан Къуран ве Суннетке, Мухаммадны ﷺ Шариатына бир шей къаршы кельсе, бу Яратыджымызнен ред этиле ве къабул этильмей, ве оны энди япмагъа файда ёкъ. Ойле исе бу байрам аъкъкында, ич бир эндирильген динлерден бирисине догъру кельмеген, алякъасы олмагъан байрам аъкъкында не айтмакъ мумкюн?
❓⚠ Инсанларнынъ юреклерине къавий ерлешкен, бу Йылбаш байрамы къайдан пейда олды?
Бу байрам христианлыкъкъа путпересликтен, ширктен кетирильди. Аслында ширк ве путперестлик урф адетлерге пек эрте замандан кирип башлады, ве озьлерини христиан девамджылары деген кимселерге тесир этип башлады. Ве озюни христианлыкъ деген шей, озюне путперест адетлеринден, къадим румларнынъ фикирлеринден пек чокъ шейлер алды, ве ахир-сону бу путперест адетлерини бу дин темеллери яптылар, оларны Месих – Исагъа ве онынъ хаварилерине яздылар, амма олар бу шейлерге асла алякъалары ёкъ. Ясакъ олгъан адетлерден бириси – бу путперерст байрамыдыр, ширк байрамы, онъа Милят ве Йылбаш байрамы дейлер. Бу байрамларнынъ къайд этильмеси, бир сыра ясакъ олгъан арекетлернен багълыдыр: ширк, бир сыра гуннах амеллер, бир сыра далалетлер.
Языкъки, бу байрам ве онынъ путперест адетлерини къайд этмесинден бугунь мусульманларда озьлерини къорчалап оламадылар. Бу байрамны къайд этмеге давет, мусульманлар устюне эр тарафтан тёкюле: телевизордан, интернеттен, тюрлю рекламалардан. Даан къоркъунчлысы, бу не вакъыт мусульманлар озьлери бу ясакъ байрамнен тебриклеп башлайлар, оларны озьлеринки деп саялар, оларны къайд этип башлайлар, бири бирине хедиелер япалар, бири бирине мусафирликке баралар, къувана ве зевкъленелер. Эгер сен адамларгъа хайыр истесенъ, сен мытлакъкъа озь якъынларынъа буны анънатмакъ керексинъ, бу балабан ширкке тюшкен, этрафта олгъан кимселерге бу байрамнынъ зарарыны анълатмакъ керексинъ, олар бу байрамнынъ гузель ве ачыкъ ренклерине алдандылар.
✔Милятны алсакъ, земаневий христианджылар оны Исаны (онъа селямлар олсун) догъан куню деп къайд этелер.
Амма керчектен не Исаны догъгъан куню, догъгъан йылы белли дегиль. Христиан тарихчилери, кунь ве ай акъкъында дегильде, Исанынъ (онъа селямлар олсун) догъгъан йыл акъкъында биле келишип оламайлар.
Бу байрам христианлыкънынъ дёртюнджи асырынынъ ортасында тюшюнип тапылды. О не ерден кельди? О ширктен, путперестликтен кельди. Бу кунни рум путперестлери, кунеш иляхнынъ куни деп къайд эте эдилер. Олар чешит тюрлю путлардан гъайры, даан кунешке ибадет эте эдилер. Христиан девирининъ дёртюнджи асырында румлар христианлыкъны къабул эткен сон, бу байрамны христианларнынъ байрамынен бирлештирдилер. Ве бу кунни – кунеш иляхыны кунюни – Исанынъ догъгъан куню деп илян эттилер.
✔Йылбашны алсакъ, о да путперест Румда бар эди – бу экиюзлю Янус иляхнынъ куню эди.
Бу йылбаштыр! Олар экиюзлю Янус иляхны – сечме ве башланув иляхны, байрамыны къайд эте эдилер. Христианлыкъ, бозулгъан шекильде, кельгенинен, урф байрайлам янъы байрамларгъа деништи, янъы дин адетлерине деништи. Румларны бу янъы динден четке чевирмемек ичюн, кильседжилер айнеджилик яптылар: бу байрамларны адларыны деништирип башладылар. Янус илях кунюни, иляхны суннет этильген кунюнен – 31 декабрьнен 1 январь арасы, илян эттилер. Олар дедилер,бу кунь Исаны сунет этильген куню, догъгъанындан еди кунь кечти, яхудийлерде исе единджи кунь сунет этильмеси тайын этильген эди.
Айни бу куньлерде олар кильселерге барып, анда йырлайлар, бири бирине хедиелер япалар. Олар озь эвлядларына, бу хедиелерни азиз Клаус кетирди, деп айталар, яни азиз Николай – бу азиз дервиш шималий къутупта яшай.
Ве олар озь эвлядларына бу азиз Клаускъа/ азиз Николайгъа/ аяз дедеге ибадет этмекни огретелер. Сен онъа дуа япсанъ, гедже юкълагъанынъда, о сенинъ дуанъны къабул этер ве хедие берер деп огретелер.
Ве бу куньлерде олар милят йылбаш тереги орнаталар.
✔«Не ичюн биз бу шейлерни айтамыз?» — деп сиз сорарсыныз.
Биз буны айтмайджамыз эдик, бизге буны бильмеге асла керек дегиь эди, амма мусульманларны чокъусыны шейтан бу агъ ичине тартып кирьсетти. Биз, инсанларны дели киби огърашкъан бу сандырыкъны темели къайдан пейда олгъаныны, мусульманлар бильсинлер дие айтамыз; инсанлар ве этрафтакъылар бундан сакъынсын дие айтамыз. Хузейфа (Аллах ондан разы олсун) дегени киби: «Адет узре адамлар Пейгъамберимизден ﷺ хайыр акъкъында сорай эдилер, мен исе, манъа бу идракъ этер деп сакъынып, зулюм акъкъында сорай эдим». (аль-Бухари 3606, Муслим 1847).
✔Йылбаш наратыда мушриклерден, путперестлерден алынгъан.
Фиравунлар, къадим къытайлар, оларнынъ пешинден румлар, ве юнанлар эр заман ешиль терекни даимий яшайыш, мувафакъиет, абаданлыкъ тереги деп сая эдилер. Онынъ ичюн юнан-румлары христианлыкъны къабул эткен заман, кильседжилер, озь дин деништерме адетине коре, о динге янъылыкъ кирсетиркен, динни арзуларгъа ве инсанларнынъ истеклерине бойсундыраркен, о йылбаш нараткъа бойле милят сыфат тюшюнип таптылар, амма эсасында бу не Исагъа (онъа селямлар олсун), не онынъ кетирген динине асла алякъасы ёкътыр.
Не къадар аджыныкълыдыр, не вакъыт джаиль мусульманлар бу наратларны эвлерине сюдреп кетирелер, оларны яраштыралар, мушриклерни адетлерине къуваналар, буны эвлядларына огретелер.
Сечмек керекки, чокъ христиан объектив араштырмаджылары, бу байрамлар христианлыкъкъа асла алякъасы олмамагъаныны, ве бу байрамлар озь башыны путперестликтен башлагъаныны таныйлар ве билелер.
Бизим кунюмизде йылбашны къайд этмек эр тарафлама таркъалды, башкъа умметлерге кечти, аман-аман бутюн ерни къаплады. Не себептен? Себеп – такълид этмектир, бильги тешвикъаты, ве даан бир себеп, бу Юлий Цезарь путперест заманлары, биринджи январьни йылнынъ башы, деп илян эткени. Языкъки буны чокъ мусульман девлетлериде япты.
نسأل الله العافية والسلامة
Аджайып шей, мусульманлар озь такъвиминден — Пейгъамберимизни ﷺ сахабелерини бир фикиринен тайын этильген такъвимден юзь чевирелер, путперест Юлий Цезарь тюшюнип тапкъан такъвимге таяналар. Булар эписи ненинъ махсулы? Бу джаилликнинъ махсулы – биринджиден, бу иман заифлигини махсулы- экинджиден, бу дюньяны буюк севгинен севмекни ве оннен юрек багъламакъны махсулы.
Бу куньлери телевизион каналлары тебриклемекнен толу, газет ве журналларнынъ саифелери буннен толу, интернетте бу байрамны къайд этмесини ачыкъ яйынлары кече, эн эсасы 31 декабьрден 1-джи январны багълагъан саниелер. Мубарек сание! Эписи бу саниеде муджизе беклеп къаталар.
Бу гунах адетлерге не къадар паралар тёкюле, бу паралар иле бельким миллионджа ач инсанларны ашатмагъа мумкюн эди, биньлердже къаста инсанларгъа илядж алмагъа мумкюн эди. Бу гунах масрафлар – ери толдурылмаз масрафлар, инсанларгъа асла файда кетирмейлер, Рабисинден асла мукяфат кетирмейлер. Не ичюн? Чюнки олар путперест байрамларыны, Раббимиз севмеген байрамларны къайд этмеге кетелер. Эр биримиз тюшюнмек керекмиз, ким бу байрамгъа ынтылды яда юрегинде бу янъы йылдан къуванч дуйды исе, Аллах, сенинъ Раббинъ буны севмей, буннен разы дегиль. Буны япкъан ве алгъышлагъан мусульманлар анънамакъ кереклер, айни заманда олар Аллаха хош олмагъан, Аллах севмеген шейлерни алгъышлайлар. Олар анънамакъ кереклер, буны япкъанлар, Аллахын гъадабындан гъайры, Аллахтан узакълашмакътан гъайры, Аллахын джезасы ве ахтыманындан гъайры бир шей къазанмайджакълар.
✅ Аллах Озю разы олгъан байрам ве адетлерни бизлерге бельгиледи. Ве бу байрамлар бизни Раббимизге якъынлаштыралар, сапыкъларгъа бенземектен ве оларнынъ тюшюнип тапкъан байрамларындан узакълашмагъа ярдым этелер.
Аллах дей:
ثُمَّ جَعَلْنَاكَ عَلَى شَرِيعَةٍ مِّنَ الْأَمْرِ فَاتَّبِعْهَا وَلَا تَتَّبِعْ أَهْوَاءَ الَّذِينَ لَا يَعْلَمُونَ
«Сонъунда да сени дин мевзусында бир шериат саиби яптыкъ. Сен онъа уй; бильмегенлернинъ истеклерине уйма».
(«аль-Джасийя», 45:18).
إِنَّهُمْ لَن يُغْنُوا عَنكَ مِنَ اللَّهِ شَيْئًا
«Чюнки, олар Аллаhкъа нисбетен, санъа ич бир файда бермезлер».
(«аль-Джасийя», 45:19).
Не ичюн сен оларгъа бензейсинъ? Олар Аллах огюнде санъа асла ярдым этип оламазлар.
وَإِنَّ الظَّالِمِينَ بَعْضُهُمْ أَوْلِيَاءُ بَعْضٍ وَاللَّهُ وَلِيُّ الْمُتَّقِينَ
«догърусы, залымлар бир-бирилерининъ достларыдыр: Аллаh да такъва саиплерининъ достудыр.».
(«аль-Джасийя», 45:19).
Эй Аллахын къуллары, Аллахын байрамлары, — будыр хакъикъий къуванч. Буны озь аилелеринъизге ве озь эвлядларынъызгъа анънатынъ. Сен, хакъ къуванчны, къальбинъде раатлыкъны, сефаны не вакъыт дуяджанъ, не вакъыт сен биледженъ, сен мухтадж олгъан Раббинъ, сеннен, сенинъ эвлядынънен, сенинъ якъынларынънен бугунь, ярын, яшайыш девамында, олюмден сон багълы олгъан Раббинъ сеннен разыдыр. Ана бу къуванчтыр! Не вакъыт сен Аллахын тайын эткен байрамларыны къайд этесинъ, сен Онынъ хатырыны къазанасынъ, сен Онъа къуванч себебинден байрам къайд этмек себебинден якъынлашасынъ. Будыр хакъ байрам!
Не вакъыт Пейгъамберимиз ﷺ Мединагъа кельди, онынъ сакинлери (ансарларда) эки байрам куню бар эди (Навруз ве Махраджан), бу куньлерде олар ойнай эдилер. О ﷺ олардан сорады: «Бу насыл куньлер?». Олар дедилер: «Биз, джаиллик заманында (къайд эткен) къувангъан ве ойнагъан куньлеримиз эди». О заман Пейгъамберимиз ﷺ деди: «Шубесиз, Аллах сизлер ичюн, олардан даан хайырлы байрамларнен деништирди: Бу Къурбан байрамынен (Ид аль Адха) ве Ораза байрамынен (Ид аль Фитр)». Шейх аль-Албани бу хадиске сахих деди. Бу хадисны иснады Муслимны шартларына коре сахихтыр, буныда аль-Хаким айтты, аз-Захаби оннен къаиль олды. «Сахих Аби Дауд» 4/297).
АльхамдулиЛлях (Аллаха хамд олсун)! Къурбан байрам ве Ораза байрам! Эй Аллахын къуллары, Аллах бизге деништирди, ве Аллах бизге бергени етерлидир. Аллахын ачувлаткъан ве гъадабыны чыкъаргъан шейлерге насыл къуванмакъ мумкюн аджеба?
وَلَا يَرْضَىٰ لِعِبَادِهِ ٱلْكُفْرَ
«О, къулларынынъ куфюрине разы олмаз.».
(«аз-Зумар», 39:7).
Сон агъламакъ ичюн, азачыкъ къуванмагъа ве кульмеге истейсизми аджеба? Аллах къувангъанларны севмез. Гунахкъа къуванмакъ – бу тез келеджек бахтсызлыкъны аляметидир, бу ярамай аляметтир.
Аллах санъа нийметлерини насиб этти, сен исе Онынъ насиб эткен нийметлерине хамд этмек ерине, озь малынъны тюрлю гунахларгъа масраф этесинъ. Нарат алмакъ ерине, йылбаш софрасы донатмакъ ерине, салют ве петарда атмакъ ерине, бу параларны садакъагъа масраф эт, фукъареге ярдым эт, етимге ярды эт, Аллахын ёлунда масраф эт. Аллахын динини огренмеге талап эткенлерге ярдым эт, джамилерге ве оларны абаданлаштырмагъа масраф эт. Аллах ризасы ичюн не масраф этсенъиз, оны Аллахта эн гузель шекильде тапарсынъыз.
وَمَا تُقَدِّمُوا لِأَنفُسِكُم مِّنْ خَيْرٍ تَجِدُوهُ عِندَ اللَّهِ هُوَ خَيْرًا وَأَعْظَمَ أَجْرًا
«озюнъиз ичюн эвельден (дюньяда олгъанда) не яхшылыкъ азырласынъыз, Аллаh къатында оны тапарсынъыз». («аль-Музаммиль», 73:20).
Аллахтан сорайым, бутюн мусульманларны, догъру ёлда олгъан му’минлерни къавийлештирсин, Онынъ эндирген динини къавий тутмагъа насиб этсин, Онынъ гъадабы олгъан ве сапыкъларнынъ ёлундан бизлерни узакълаштырсын.
بسم الله الرحمن الرحيم
Yılbaş: peyda oluvı.
إِنَّ الْحَمْدَ لِلَّهِ نَحْمَدُهُ وَنَسْتَعِينُهُ وَنَسْتَغْفِرُهُ وَنَعُوذُ بِاللَّهِ مِنْ شُرُورِ أَنْفُسِنَا وَمِنْ سَيِّئَاتِ أَعْمَالِنَا مَنْ يَهْدِهِ اللَّهُ فَلَا مُضِلَّ لَهُ وَمَنْ يُضْلِلْ فَلَا هَادِيَ لَهُ وَأَشْهَدُ أَنْ لَا إِلَهَ إِلَّا اللَّهُ وَحْدَهُ لَا شَرِيكَ لَهُ وَأَشْهَدُ أَنَّ مُحَمَّدًا عَبْدُهُ وَرَسُولُهُ
أَمَّا بَعْدُ
Ey Allahın mu’min qulları, Allahtan qorquñ ve Oña boysunıñ ve tabi oluñ. Başqalar yolunı şaşırıp öz Yaratıcısınıñ tayınlarından uzaqlaşqanda sizni doğru yolğa qoyğan Rabbiñizge hamd etiñ.
وَاذْكُرُوهُ كَمَا هَدَاكُمْ وَإِن كُنتُم مِّن قَبْلِهِ لَمِنَ الضَّالِّينَ
«Allahnı zikr etiñ ve Onı, sizge köstergen şekilde, añıñ, çünki O sizge doğru yol nasib etti. Şübesiz, siz daa evel yañlış yürgenlerden ediñiz».
(«al-Baqara», 2:198).
Ey insanlar, Yüce Rabbimizni elçileri ve peyğamberleri arasında büyük olğan, beş dane en büyük ve itibarlı peyğamberlerden birisi – Meryem oğlu İsa (oña ve anasına selâmlar olsun) edi. Yüce Allah onı İsrail oğullarına talimatnamenen yolladı, oña İncilnı endirdi, ondan son Allah tarafından kelecek sonki, tamalayıcı peyğamber, peyğamberlerni sırasını yekünleyyecek peyğamber – Muhammad ﷺ kelecegini haber etmege Allah İsağa emir etti. Ve Allah onıñ aqqında Quranda haber etti:
وَقَفَّيْنَا عَلَى آثَارِهِم بِعِيسَى ابْنِ مَرْيَمَ مُصَدِّقًا لِّمَا بَيْنَ يَدَيْهِ مِنَ التَّوْرَاةِ وَآتَيْنَاهُ الْإِنجِيلَ فِيهِ هُدًى وَنُورٌ وَمُصَدِّقًا لِّمَا بَيْنَ يَدَيْهِ مِنَ التَّوْرَاةِ وَهُدًى وَمَوْعِظَةً لِّلْمُتَّقِينَ
«Özlerinden evel kelgen Tevratnı doğrulayıcı olaraq, peyğamberlerniñ izleri üzerine Meryem oğlu İsanı artlarından yolladıq. Ve oña içinde doğruğa reberlik ve nur bulunmaq, ögündeki Tevratnı tasdiq etmek, saqınğanlarğa bir hidayet ve ögüt olmaq üzre, İncilni berdik.».
(«al-Maida», 5:46).
Amma vaqıt kete edi, özüni İsanı devamcıları degen kimseler, onıñ mezepine türlü yañılıqlar kirsetip başladılar, ve sonunda İsanıñ mezepi o qadar deniştirildiki, ondan aman-aman bir şey qalmadı. Ve bugün Mesihnıñ bilgisi, mezepi, İsanı Rabbisinden ketirgen mezepine asla benzemey. Ondan ğayrı, bugün Mesihnı mezepi degenleri, İsanıñ mezepini en önemli yerlerine qarşı kele, ve en önemli printsipte, en esas printsipte qarşı kele – bu Tauhid printsipinde. İsa insanlarnı tek bir Rabbisine, bir Yaratıcısına, haq İlâhqa ibadet emege davet ete edi. Amma olar ise özlerini İsanıñ devamcıları dep, oña Allahın evlâdı dep, İsanıñ özüne ibadet etip başladılar, ondan son onıñ anasını ilâh anası dep, oña ibadet etip başladılar, ondan son türlü havarilerge ve türlü azizlerge ibadet etip başladılar.
Ne İsanıñ (Allahın selâmı oña olsun) mezebine ve Şariatına doğru kelmegen, nede Muhammadnı ﷺ Şariatına doğru kelmegen bidaatnı, yañılıqnı – bu bayramnı yaqın künlerde çoq kimseler qayd etmege azırlanalar.
Ey musulmanlar,ey Allahın qulları, eger İsa bile bu bayramnı, Yılbaş bayramını belgiledi ise – biz epimiz o bayramnı qayd etmege haqqımız yoq. Ne içün? Çünki, İsadan son Allah insaniyetke Öz sonki peyğamberini — Muhammadnı ﷺ yölledı, ve Öz sonki Yazısını yolladı – Qurann. Ve Quran, ondan evelki olğan şeylerni episini red ve lâğu ete. Ve eger evelki yazılardan Quran ve Sunnetke, Muhammadnı ﷺ Şariatına bir şey qarşı kelse, bu Yaratıcımıznen red etile ve qabul etilmey, ve onı endi yapmağa fayda yoq. Öyle ise bu bayram aqkında, iç bir endirilgen dinlerden birisine doğru kelmegen, alâqası olmağan bayram aqkında ne aytmaq mümkün?
❓⚠ İnsanlarnıñ yüreklerine qaviy yerleşken, bu Yılbaş bayramı qaydan peyda oldı?
Bu bayram hristianlıqqa putpereslikten, şirkten ketirildi. Aslında şirk ve putperestlik urf adetlerge pek erte zamandan kirip başladı, ve özlerini hristian devamcıları degen kimselerge tesir etip başladı. Ve özüni hristianlıq degen şey, özüne putperest adetlerinden, qadim rumlarnıñ fikirlerinden pek çoq şeyler aldı, ve ahir-sonu bu putperest adetlerini bu din temelleri yaptılar, olarnı Mesih – İsağa ve onıñ havarilerine yazdılar, amma olar bu şeylerge asla alâqaları yoq. Yasaq olğan adetlerden birisi – bu putpererst bayramıdır, şirk bayramı, oña Milât ve Yılbaş bayramı deyler. Bu bayramlarnıñ qayd etilmesi, bir sıra yasaq olğan areketlernen bağlıdır: şirk, bir sıra gunnah ameller, bir sıra dalaletler.
Yazıqki, bu bayram ve onıñ putperest adetlerini qayd etmesinden bugün musulmanlarda özlerini qorçalap olamadılar. Bu bayramnı qayd etmege davet, musulmanlar üstüne er taraftan töküle: televizordan, internetten, türlü reklamalardan. Daan qorqunçlısı, bu ne vaqıt musulmanlar özleri bu yasaq bayramnen tebriklep başlaylar, olarnı özlerinki dep sayalar, olarnı qayd etip başlaylar, biri birine hediyeler yapalar, biri birine musafirlikke baralar, quvana ve zevqleneler. Eger sen adamlarğa hayır isteseñ, sen mıtlaqqa öz yaqınlarıña bunı añnatmaq kereksiñ, bu balaban şirkke tüşken, etrafta olğan kimselerge bu bayramnıñ zararını añlatmaq kereksiñ, olar bu bayramnıñ güzel ve açıq renklerine aldandılar.
✔Milâtnı alsaq, zemaneviy hristiancılar onı İsanı (oña selâmlar olsun) doğan künü dep qayd eteler.
Amma kerçekten ne İsanı doğğan künü, doğğan yılı belli degil. Hristian tarihçileri, kün ve ay aqqında degilde, İsanıñ (oña selâmlar olsun) doğğan yıl aqqında bile kelişip olamaylar.
Bu bayram hristianlıqnıñ dörtünci asırınıñ ortasında tüşünip tapıldı. O ne yerden keldi? O şirkten, putperestlikten keldi. Bu künni rum putperestleri, küneş ilâhnıñ küni dep qayd ete ediler. Olar çeşit türlü putlardan ğayrı, daan küneşke ibadet ete ediler. Hristian deviriniñ dörtünci asırında rumlar hristianlıqnı qabul etken son, bu bayramnı hristianlarnıñ bayramınen birleştirdiler. Ve bu künni – küneş ilâhını kününi – İsanıñ doğğan künü dep ilân ettiler.
✔Yılbaşnı alsaq, o da putperest Rumda bar edi – bu ekiyüzlü Yanus ilâhnıñ künü edi.
Bu yılbaştır! Olar ekiyüzlü Yanus ilâhnı – seçme ve başlanuv ilâhnı, bayramını qayd ete ediler. Hristianlıq, bozulğan şekilde, kelgeninen, urf bayraylam yañı bayramlarğa denişti, yañı din adetlerine denişti. Rumlarnı bu yañı dinden çetke çevirmemek içün, kilseciler aynecilik yaptılar: bu bayramlarnı adlarını deniştirip başladılar. Yanus ilâh kününi, ilâhnı sunnet etilgen kününen – 31 dekabrnen 1 yanvar arası, ilân ettiler. Olar dediler,bu kün İsanı sunet etilgen künü, doğğanından yedi kün keçti, yahudiylerde ise yedinci kün sunet etilmesi tayın etilgen edi.
Ayni bu künlerde olar kilselerge barıp, anda yırlaylar, biri birine hediyeler yapalar. Olar öz evlâdlarına, bu hediyelerni aziz Klaus ketirdi, dep aytalar, yani aziz Nikolay – bu aziz derviş şimaliy qutupta yaşay.
Ve olar öz evlâdlarına bu aziz Klausqa/ aziz Nikolayğa/ ayaz dedege ibadet etmekni ögreteler. Sen oña dua yapsañ, gece yuqlağanıñda, o seniñ duañnı qabul eter ve hediye berer dep ögreteler.
Ve bu künlerde olar milât yılbaş teregi ornatalar.
✔"Ne içün biz bu şeylerni aytamız?" — dep siz sorarsınız.
Biz bunı aytmaycamız edik, bizge bunı bilmege asla kerek degi edi, amma musulmanlarnı çoqusını şeytan bu ağ içine tartıp kirsetti. Biz, insanlarnı deli kibi oğraşqan bu sandırıqnı temeli qaydan peyda olğanını, musulmanlar bilsinler diye aytamız; insanlar ve etraftaqılar bundan saqınsın diye aytamız. Huzeyfa (Allah ondan razı olsun) degeni kibi: «Adet üzre adamlar Peyğamberimizden ﷺ hayır aqqında soray ediler, men ise, maña bu idraq eter dep saqınıp, zulüm aqqında soray edim». (al-Buhari 3606, Müslim 1847).
✔Yılbaş naratıda müşriklerden, putperestlerden alınğan.
Firavunlar, qadim qıtaylar, olarnıñ peşinden rumlar, ve yunanlar er zaman yeşil terekni daimiy yaşayış, muvafaqiyet, abadanlıq teregi dep saya ediler. Onıñ içün yunan-rumları hristianlıqnı qabul etken zaman, kilseciler, öz din denişterme adetine köre, o dinge yañılıq kirsetirken, dinni arzularğa ve insanlarnıñ isteklerine boysundırarken, o yılbaş naratqa böyle milât sıfat tüşünip taptılar, amma esasında bu ne İsağa (oña selâmlar olsun), ne onıñ ketirgen dinine asla alâqası yoqtır.
Ne qadar acınıqlıdır, ne vaqıt cail musulmanlar bu naratlarnı evlerine südrep ketireler, olarnı yaraştıralar, müşriklerni adetlerine quvanalar, bunı evlâdlarına ögreteler.
Seçmek kerekki, çoq hristian obyektiv araştırmacıları, bu bayramlar hristianlıqqa asla alâqası olmamağanını, ve bu bayramlar öz başını putperestlikten başlağanını tanıylar ve bileler.
Bizim künümizde yılbaşnı qayd etmek er taraflama tarqaldı, başqa ümmetlerge keçti, aman-aman bütün yerni qapladı. Ne sebepten? Sebep – taqlid etmektir, bilgi teşviqatı, ve daan bir sebep, bu Yuliy Tsezar putperest zamanları, birinci yanvarni yılnıñ başı, dep ilân etkeni. Yazıqki bunı çoq musulman devletleride yaptı.
نسأل الله العافية والسلامة
Acayıp şey, musulmanlar öz taqviminden — Peyğamberimizni ﷺ sahabelerini bir fikirinen tayın etilgen taqvimden yüz çevireler, putperest Yuliy Tsezar tüşünip tapqan taqvimge tayanalar. Bular episi neniñ mahsulı? Bu caillikniñ mahsulı – birinciden, bu iman zaifligini mahsulı- ekinciden, bu dünyanı büyük sevginen sevmekni ve onnen yürek bağlamaqnı mahsulı.
Bu künleri televizion kanalları tebriklemeknen tolu, gazet ve jurnallarnıñ saifeleri bunnen tolu, internette bu bayramnı qayd etmesini açıq yayınları keçe, en esası 31 dekabrden 1-ci yanvarnı bağlağan saniyeler. Mubarek saniye! Episi bu saniyede mücize beklep qatalar.
Bu günah adetlerge ne qadar paralar töküle, bu paralar ile belkim millionca aç insanlarnı aşatmağa mümkün edi, binlerce qasta insanlarğa ilâc almağa mümkün edi. Bu günah masraflar – yeri toldurılmaz masraflar, insanlarğa asla fayda ketirmeyler, Rabisinden asla mukâfat ketirmeyler. Ne içün? Çünki olar putperest bayramlarını, Rabbimiz sevmegen bayramlarnı qayd etmege keteler. Er birimiz tüşünmek kerekmiz, kim bu bayramğa ıntıldı yada yüreginde bu yañı yıldan quvanç duydı ise, Allah, seniñ Rabbiñ bunı sevmey, bunnen razı degil. Bunı yapqan ve alğışlağan musulmanlar añnamaq kerekler, ayni zamanda olar Allaha hoş olmağan, Allah sevmegen şeylerni alğışlaylar. Olar añnamaq kerekler, bunı yapqanlar, Allahın ğadabından ğayrı, Allahtan uzaqlaşmaqtan ğayrı, Allahın cezası ve ahtımanından ğayrı bir şey qazanmaycaqlar.
✅ Allah Özü razı olğan bayram ve adetlerni bizlerge belgiledi. Ve bu bayramlar bizni Rabbimizge yaqınlaştıralar, sapıqlarğa benzemekten ve olarnıñ tüşünip tapqan bayramlarından uzaqlaşmağa yardım eteler.
Allah dey:
ثُمَّ جَعَلْنَاكَ عَلَى شَرِيعَةٍ مِّنَ الْأَمْرِ فَاتَّبِعْهَا وَلَا تَتَّبِعْ أَهْوَاءَ الَّذِينَ لَا يَعْلَمُونَ
«Soñunda da seni din mevzusında bir şeriat saibi yaptıq. Sen oña uy; bilmegenlerniñ isteklerine uyma».
(«al-Casiyya», 45:18).
إِنَّهُمْ لَن يُغْنُوا عَنكَ مِنَ اللَّهِ شَيْئًا
«Çünki, olar Allahqa nisbeten, saña iç bir fayda bermezler».
(«al-Casiyya», 45:19).
Ne içün sen olarğa benzeysiñ? Olar Allah ögünde saña asla yardım etip olamazlar.
وَإِنَّ الظَّالِمِينَ بَعْضُهُمْ أَوْلِيَاءُ بَعْضٍ وَاللَّهُ وَلِيُّ الْمُتَّقِينَ
«doğrusı, zalımlar bir-birileriniñ dostlarıdır: Allah da taqva saipleriniñ dostudır.».
(«al-Casiyya», 45:19).
Ey Allahın qulları, Allahın bayramları, — budır haqiqiy quvanç. Bunı öz aileleriñizge ve öz evlâdlarıñızğa añnatıñ. Sen, haq quvançnı, qalbiñde raatlıqnı, sefanı ne vaqıt duyacañ, ne vaqıt sen bileceñ, sen muhtac olğan Rabbiñ, sennen, seniñ evlâdıñnen, seniñ yaqınlarıñnen bugün, yarın, yaşayış devamında, ölümden son bağlı olğan Rabbiñ sennen razıdır. Ana bu quvançtır! Ne vaqıt sen Allahın tayın etken bayramlarını qayd etesiñ, sen Onıñ hatırını qazanasıñ, sen Oña quvanç sebebinden bayram qayd etmek sebebinden yaqınlaşasıñ. Budır haq bayram!
Ne vaqıt Peyğamberimiz ﷺ Medinağa keldi, onıñ sakinleri (ansarlarda) eki bayram künü bar edi (Navruz ve Mahracan), bu künlerde olar oynay ediler. O ﷺ olardan soradı: «Bu nasıl künler?». Olar dediler: «Biz, caillik zamanında (qayd etken) quvanğan ve oynağan künlerimiz edi». O zaman Peyğamberimiz ﷺ dedi: «Şübesiz, Allah sizler içün, olardan daan hayırlı bayramlarnen deniştirdi: Bu Qurban bayramınen (İd al Adha) ve Oraza bayramınen (İd al Fitr)». Şeyh al-Albani bu hadiske sahih dedi. Bu hadisnı isnadı Müslimnı şartlarına köre sahihtır, bunıda al-Hakim ayttı, az-Zahabi onnen qail oldı. «Sahih Abi Daud» 4/297).
AlhamduliLlâh (Allaha hamd olsun)! Qurban bayram ve Oraza bayram! Ey Allahın qulları, Allah bizge deniştirdi, ve Allah bizge bergeni yeterlidir. Allahın açuvlatqan ve ğadabını çıqarğan şeylerge nasıl quvanmaq mümkün aceba?
وَلَا يَرْضَىٰ لِعِبَادِهِ ٱلْكُفْرَ
«O, qullarınıñ küfürine razı olmaz.».
(«az-Zumar», 39:7).
Son ağlamaq içün, azaçıq quvanmağa ve külmege isteysizmi aceba? Allah quvanğanlarnı sevmez. Günahqa quvanmaq – bu tez kelecek bahtsızlıqnı alâmetidir, bu yaramay alâmettir.
Allah saña niymetlerini nasib etti, sen ise Onıñ nasib etken niymetlerine hamd etmek yerine, öz malıñnı türlü günahlarğa masraf etesiñ. Narat almaq yerine, yılbaş sofrası donatmaq yerine, salüt ve petarda atmaq yerine, bu paralarnı sadaqağa masraf et, fuqarege yardım et, yetimge yardı et, Allahın yolunda masraf et. Allahın dinini ögrenmege talap etkenlerge yardım et, camilerge ve olarnı abadanlaştırmağa masraf et. Allah rizası içün ne masraf etseñiz, onı Allahta en güzel şekilde taparsıñız.
وَمَا تُقَدِّمُوا لِأَنفُسِكُم مِّنْ خَيْرٍ تَجِدُوهُ عِندَ اللَّهِ هُوَ خَيْرًا وَأَعْظَمَ أَجْرًا
«özüñiz içün evelden (dünyada olğanda) ne yahşılıq azırlasıñız, Allah qatında onı taparsıñız».
(«al-Muzammil», 73:20).
Allahtan sorayım, bütün musulmanlarnı, doğru yolda olğan mu’minlerni qaviyleştirsin, Onıñ endirgen dinini qaviy tutmağa nasib etsin, Onıñ ğadabı olğan ve sapıqlarnıñ yolundan bizlerni uzaqlaştırsın.
