Запретный месяц Раджаб



О верующие рабы Аллаха! Мы с вами вступили в месяц Раджаб. Месяц Раджаб – это один из тех месяцев, которые Аллах (пречист Он и возвышен) назвал запретными, священными месяцами.

Аллах (пречист Он и возвышен) создал человека, создал время, создал место. И Аллах (пречист Он и возвышен) создаёт и выбирает из того, что Он создал, что пожелает. Сказал Аллах (пречист Он и возвышен):

وَرَبُّكَ يَخْلُقُ مَا يَشَاءُ وَيَخْتَارُ

«Твой Господь создает, что пожелает, и выбирает». (Сура «Рассказ», 28: 68)

✦ Аллах создал человека и выбрал из человеческого рода пророков (аль-анбийа),
✦ а из числа пророков избрал посланников (ар-русуль),
✦ а из числа посланников избрал выдающихся посланников – обладателей твердой решимости (улюль-‘азм), и их пятеро,
✦ а из этих обладателей твердой решимости избрал Мухаммада (да благословит его Аллах и приветствует).

И Всевышний Аллах создал место и из всех мест на земле избрал Мекку, Медину и Бейтуль-Макдис (Иерусалим).

И Аллах (пречист Он и возвышен) создал время и избрал
✦ из всех дней недели пятницу (йаум аль-джум’а);
✦ из всех дней года – День жертвоприношения (йаум ан-нахр), что соответствует десятому Зуль-Хиджа, и это, как об этом говорят хадисы, самый лучший, самый любимый для Аллаха день в году;
✦ из месяцев – месяц Рамадан и четыре месяца, которые называются запретными (аль-ашхур аль-хурум). Эти месяцы называются запретными, т. е. священными, из-за их особого положения, особого статуса, из-за того, что грехи в них особенно считаются омерзительными.
Сказал Аллах (пречист Он и возвышен):

إِنَّ عِدَّةَ الشُّهُورِ عِندَ اللَّهِ اثْنَا عَشَرَ شَهْرًا فِي كِتَابِ اللَّهِ يَوْمَ خَلَقَ السَّمَاوَاتِ وَالْأَرْضَ مِنْهَا أَرْبَعَةٌ حُرُمٌ ذَلِكَ الدِّينُ الْقَيِّمُ فَلَا تَظْلِمُوا فِيهِنَّ أَنفُسَكُمْ

«Поистине, число месяцев у Аллаха – двенадцать. Так было записано в Писании в тот день, когда Аллах сотворил небеса и землю. Четыре месяца из них – запретные (священные). Это и есть прямая религия, так не притесняйте же в эти месяцы свои души, совершая грехи».

(Сура «Покаяние», 9: 36)

Эти месяцы:
● Зуль-Ка'да,
● Зуль-Хиджа,
● Мухаррам, которые идут подряд,
● и один месяц, который стоит отдельно, – это месяц Раджаб, тот месяц, в который мы с вами вступили.

❗️Из этой лекции вы узнаете о том, какие новшества (бид'аты) появились в связи с этим месяцем, и о том, что же делать мусульманину в этом месяце, чтобы получить довольство Аллаха.
═════════════════════════════════════════════════════════════════════════

Перевод хутбы на крымскотатарский

بسم الله الرحمن الرحيم

Ясакълы Реджеб айы.

Эй Аллахын му’мин къуллары! Биз сизнен Раджаб айына кирдик. Раджаб айы – бу Аллахын ясакъ деген мубарек айларындандыр.

Аллах инсанны, вакъыт ве ерни яратты. Юдже Аллах ярата ве яраткъанындан истегенини сече. Аллах деди:

وَرَبُّكَ يَخْلُقُ مَا يَشَاءُ وَيَخْتَارُ

«Раббинъ истегенини яратыр ве сечер».

(«аль-Къасас», 28:68)

  • Аллах инсанны яратты ве инсаниет затындан пейгъамберлерни сечти;,
  • Пейгъамберлерни сырасындан ресуллерни сечти;
  • Ресуллернинъ сырасындан мешур ресуллерни сечти – азимкярлыкъ саиблерини сечти, олар беш данелер;
  • Бу азимкярлыкъ саиблеринден Мухаммадны ﷺ сечти.

Ве Юдже Аллах мекянны яратты, ве ер юзюньде о мекянлардан Меккени, Мединени ве Бейтуль Макъдисны (Къудусны) сечти.

Ве Аллах вакъытны яратты ве:

  • Афтанынъ бутюн куньлеринден джуманы сечти;
  • Сененинъ куньлеринден – Къурбан союлгъан кунню сечти, бу Зуль-Хиджанынъ онунджы куню, ве хадислерде ривает этильгени киби, Аллах ичюн бу кунь эн гузель ве эн севимли куньдир;
  • Айлардан исе – Рамазан айыны ве даан дёрт, ясакълы айлар адлы айларны сечти. Бу айлар, оларнынъ вазиети юксек олгъаны ве турумы махсус олгъаны себебинден, ве бу айда япылгъан гунахлар даан пис ве игренч олгъаны себебинден, ясакъ яни мубарек адынен адлангъандыр.

Аллах деди:

إِنَّ عِدَّةَ الشُّهُورِ عِندَ اللَّهِ اثْنَا عَشَرَ شَهْرًا فِي كِتَابِ اللَّهِ يَوْمَ خَلَقَ السَّمَاوَاتِ وَالْأَرْضَ مِنْهَا أَرْبَعَةٌ حُرُمٌ ذَلِكَ الدِّينُ الْقَيِّمُ فَلَا تَظْلِمُوا فِيهِنَّ أَنفُسَكُمْ

«Аллаhын къатында айларнынъ сайысы он эки олуп, булардан дёрдю ясакъ айлардыр. Иште бу, догъру эсаптыр. О айлар ичинде (Аллаhнынъ къойгъан ясагъыны эзерек) озюнъизге зулум этменъ ве мушриклер сизнен насыл бирлик олуп дженклешселер, сиз де оларгъа къаршы бирлик олуп дженклешинъ ве билинъ ки, Аллаh (феналыкътан) сакъынгъанларнен берабердир».

(«ат-Тауба», 9:36)

Бу айлар:

  • Зуль-Къа’да;
  • Зуль-Хиджа;
  • Мухаррам, бу айлар бири-бири артындан кетелер;
  • Ве даан бир айры тургъан ай, — бу Раджаб айы, бизлер шимди кирген айымыз.

Раджаб айында олгъан янъылыкълар (бида’атлар).

Эй Аллахын къуллары! Эр бир айда, ве оннен берабер ясакъ олгъан айларда, ве оннен берабер Раджаб айында, му’мин Шариат бельгилегенини, Къуран ве Суннетте олгъан далиллерге риает этмек меджбурдыр.

Инсанлардан бир кимсе, бу айларда ибадетлерден яда диянетли амеллерден, онда Аллахын Китабындан ве Пейгъамберимизни Суннетинден къатты далиль олмадан, бир шей тюшюнип тапмагъа хакъкъы ёкъ.

Эй Аллахын къуллары! Ислямдан эввель, джаиллик девиринде бу ясакъ айларны юксельткенлер. Олар айни Раджаб айыныда юксельткенлер. Амма! Олар Раджаб айыны ораза айы япкъанлар. Насыл биз Рамазан айында ораза туткъанымыз киби олар да Раджаб айындан ораза туткъанлар.

Бугуньки куньлердеде, языкъки ойле инсанлар бар, Рамазан айы киби Раджаб айында толусынен ораза туталар ве бунъа башкъаларны тешвикъ этелер. Бу догъру дегиль, бу янъылыкътыр (бид’аттыр), бу мушриклерге бенземектир!

Шейхуль-Ислям Ибн Теймия (Аллахын рахметинде олсун) деди: «Раджаб айында ораза тутмакъ керек олгъанынен багълы олгъан хадислер, эписи заифтыр. Ондан гъайры олар тюшюнип тапылгъан хадислердир, оларгъа базанмакъ олмаз ве алимлер бу хадислерге базанмайлар. Бу хадислер тек заиф дегильда, олар тюшюнип тапылгъан хадислердир».

Акъикъий ривает этиле, ‘Умар ибн аль-Хаттаб Раджаб айында адамларны къолларыны ашкъа батырсынлар дие къолларыны ура экен ве оларгъа айта экен: «Раджабны Рамазан айына бензетменъиз». Ве даан айта экен: «Шубесиз Раджабны джаиллик девирлерини инсанлары юксельте эдилер, Ислям исе кельгенинен бу шей къалдырылды (яни Раджаб айында ораза тутмакъ къалдырылды)».

Ве Ибн ‘Аббастан ривает этиле, о деди: «Аранъызда бир кимсе Рамазан айында ораза туткъан киби Раджаб айында ораза тутмасын, амма базы куньлери ораза тутсын ве башкъа куньлери ифтар этсин».

Эбет, эй Аллахын къуллары, биз айткъанымыз киби Раджаб – бу Аллахнынъ ясакъ айларындан бирисидир. Ибн ‘Аббастан, Къатададан ве дигер селефлерден ривает этильген, бу ясакъ айларда ве айрыджа Раджаб айында даан чокъ хайыр ве салих амеллер япмагъа тешвикъ этильген. Амма! Шариатта умумий оларакъ бир шей эндирильди исе, бизде оны умумий оларакъ анъламакъ керекмиз, эгер исе бир шей муайен эндирильди исе, биз оны муайен къабул этмек керекмиз. Мына, Шариатнынъ бир еринде, Аллахнен Раджаб айында тайын этельген ве башкъа айларда тайын этильмеген ибадетлер ёкътыр. Эбет Аллах Раджаб айыны ясакъ айы деп юксельтти ве оны устюн олгъаныны корьсетти. Амма айры бир ибадетлерни, тек Раджаб айында япыладжакъ ибадетлерни бизлерге тайын этмеди.

Эгер сен, Аллаха хамдлар олсун, адет узре Къуран окъуйсынъ, гедже намазларыны (къиям аль-лейл) къыласын, садакъа бересин, нафиле оразаларны тутасын (айнынъ толу куньлеринде яда базарэртеси ве джумаакъшамы оразасыны тутасын), адет узре зикирлер япасынъ яда сой арасында багъ тутасынъ, бойле исе, бу айда бу амеллеринъни даан зияде яп, даан гузель ве даан гайрет этип яп. Будыр ясакъ айларнынъ ве Раджаб айнынъ хусусиети. Амма, Аллах тайин этмеген, Къуран ве Суннетте кельмеген айры бир ибадетни айырмагъа, оны тайын этмеге яда диний бир адет тюшюнюп тапмагъа, айры бир шекильде оны япмагъа – ясакътыр.

Арабларнынъ Раджаб айыны юксельткенлеринен яланджылар къулландылар ве тюрлю хадислер ве фикирлер тюшюнип таптылар, ве оны Имлямгъа багъладылар ве Пейгъамберимизни хадислери дедилер. Ве языкъки бу янъылыкълар (бид’аатлар) ер юзюнде таркъалды.

Бу фикирлер арасында ойле итикъат бар, о пек тешмиль олды, ве оны адий ве джаиль инсанлар таркъаталар, базы вакъытларда мимбарлар устюнден имамлар биле таркъаталар. Бу итикъат ойле ки, санким Раджаб айнынъ айры тайын этильген куньлеринде ораза бар, ве бу ораза ичюн айры мукяфатлар бар. Олар дейлер, ве базы вакъыт имамлар мимбардан дейлер: «Ким Раджабнынъ биринджи куню ораза тутса, онъа учь йыл девамында ораза туткъаны киби мукяфат оладжакъ. Ким исе Раджабнынъ экинджи куню ораза тутса, о санким эки йыл ораза туткъан киби олур, ким Раджабнынъ учюнджи куню ораза тутса, о санким бир йыл ораза туткъан киби мукяфатыны алыр, ве невбеттеки куньлеринде ораза туткъан кимселер эр бир кунюне бир ай ораза туткъан киби мукяфат аларлар». СубханаЛлах! Бу ялан! Бу Пейгъамберимизге къаршы япылгъан ялан! Булардан бириси ёкътыр!

Даан олар исбатлайлар, санки Пейгъамберимиз бойле деген экен: «Ким де ким Раджабнынъ башында яда ортасында яда сонунда ораза туты исе, о Джехеннем атешинден къорчалангъан кимседир». Бу тюшюнип тапылгъан хадис. Пейгъамберимиз буны айтмагъан.

Даан олар исбатлайлар, санки Пейгъамберимиз бойле деген экен: «Раджаб айы – бу Аллахнынъ айы, Ша’бан айы – бу меним айым, Рамазан айы исе – бу меним умметимни айыдыр». Буда тюшюнип тапылгъан хадис, бу пек заиф хадис ве оны Пейгъамберимизге багъламагъа олмаз.

Адамлар янъылыкълардан даан нелер япалар?

Биз буны бильмеге ве озьлеримизни ве аркъадашларымызны бундан сакъындырмакъ керекмиз. Янъылыкълардан бириси – бу инсанларнынъ базылары япкъан салят ар-рагъаиб. Олар оны Раджаб айнынъ биринджи джумаакъшамы, акъшам ве ятсы намазы арасында къылалар. Ве олар исбатлайлар, ким бу намаздан сон Аллаха дуанен мураджат этсе, Аллах онынъ дуасына мытлакъкъа джевап береджек. Ве бу намазнынъ айры бир шекили бар. Ве онынъ япылмасынынъ шекили пек аджайип. Булар эписи тушюнип тапылма ве яландыр, ве булардан бириси динимизде ёкътыр! Буннен бутюн алимлер разылар.

Бу ар-рагъаиб намазы, хиджренинъ дёртунджи асырындан сон пейда олды. Ондан эввель не Пейгъамберимизни,неде сахабелерни, неде оларнынъ девамджыларыны, догъру ёлда олгъан имамларны хаберлери олмагъан. Абу Шама аль-Макъдиси айткъаны киби, оны Наблюс шэеринден бир инсан тюшюнюп тапкъан. Сон исе бу янъылыкъ мусульманлар арасында таркъалып башлагъан.

Абу Шама дей: «Мен Бейтуль-Макъдисте олгъанымда, Наблюстен манъа бир инсан кельди ве бу намазны тюшюнип тапкъаныны, бу намаз акъкъында хадис тюшюнип тапкъанына, ве оны Пейгъамберимизге ﷺ багълагъанына пешмат эткенини айты. Амма языкъки бу намаз бугуньки куньге къадар япыла».

Ялан — къолай ве юкъунчлыдыр, хакъ исе агъырдыр амма татлы ве гузельдир. Языкъки хакъ чокъ кимселерге терстир, ялан исе адамлар арасында санким тобан ичинде атеш таркъалгъан киби, тез таркъала.

Не вакъыт бельгили алим, имам ан-Науауиден, ар-рагъаиб намаз суннет яда янъылыкъ, деп сорадылар, о деди:

«Бу игренч янъылыкътыр ве оны эн кучлю шекильде тазир этмек керек, онынъ ичинде эн тазир этильген амеллер бар. Буны къалдырмакъ ве ондан юзь чевирмек керек, ве оны япкъанларны тазир этмек керек. Чокъ инсанлар Ислям мемлекетлеринде бу намазны къылгъанынен алданманъыз. Чокъ инсанлар севген «Кут аль-Кулюб» яда «Ихья улюм ад-дин» китапларында бу намаз акъкъында айтылгъан экен деп алданманъыз. Бу темельсиз дадалеттир! Пейгъамберимиз ﷺ бизге деди: «Ким динимизге бизим эмиримиз олмагъан бир шей тюшюнюп тапса, о шей Аллахнен терк этиледжектир». Ве кенеде Пейгъамберимиз ﷺ деди: «Ким де ким, меним эмирим олмадан бир диний амель япса, оны Аллах терк этеджек». Ве Пейгъамберимиз ﷺ деди: «Эр бир диний янъылыкъ – бу ёл шашырмакътыр». Эгер арамызда диний анълашмамазлыкълар пейда олса, Аллах бизге Къоран ве Суннетке къайтмагъа эмир этти, ве деди:

فَإِن تَنَازَعْتُمْ فِي شَيْءٍ فَرُدُّوهُ إِلَى اللَّهِ وَالرَّسُولِ إِن كُنتُمْ تُؤْمِنُونَ بِاللَّهِ وَالْيَوْمِ الْآخِرِ

« Эгер бир хусуста анълашмазлыкъкъа тюшсенъиз -Аллаhкъа ве ахиретке акъикъатен инансанъыз- оны Аллаhкъа ве Ресулгъа алып барынъ (оларнынъ талиматына коре аль этинъ)»

(«ан-Нисаа», 4:59)

Аллах бизге джаиллерни излемек ерине Къуран ве Суннетке къайтмакъны эмир эте, ве хата япкъанларны хатасынен алданмакъны эмир этмей».

Бу буюк имам ан-Науауинынъ буюк сёзлери эди, ве бу сёзлер башкъа даан чокъ алимлерден кельген.

Раджаб айында таркъалгъан янъылыкълардан даан бириси, — бу чокъ инсанлар бу айда Мединагъа барып Пейгъамберимизниджамисини зиярет этмек керек дейлер, чюнки айни бу айда анда бармакъ Суннет экен. Ёкъ! Намаз къылмакъ ичюн Пейгъамберимизниджамисини зиярет этмек бу эр вакъыт Суннет олгъан амеллердендир! Бу эр заман хайыр олгъан амеллердендир. Амма Пейгъамберимизниджамисини зиярет этмекни Раджаб айында башкъа зияретлерден айырмакъ – бу янъылыкътыр, не Къуранда неде Суннетте бу акъкъында асла далиль ёкъ.

Раджаб айында даан таркъалгъан янъылыкълардан бириси – бу инсанларныРаджаб айнынъ йигирми единджи геджеси япкъан амеллери. Олар бу геджеде ПейгъамберимизМеккеден Бейтуль-Макъдиске кечирильген, сон исе коклерге котерильген эди, яни аль-Исра уаль Ми’радж геджеси, деп саялар. Олар Раджабнынъ йигирми единджи геджеси айни бу гедже деп, бу геджени айыралар, бу геджеде намазлар къылалар, кунь девамында исе ораза туталар.

Ондан гъайры, олар бу кунни топлашувларнен, нашидлер йырламакънен, шиир ве къасыд айтмакънен кечирелер. Булардан ич бириси Пейгъамберимизденкельмеген! Ве буларнынъ бирисинден биринджи несиллернинъ, бу умметни эн гузель несиллерини хабери олмагъан!

Ондан гъайры, имам ан-Науауи тайын эткен эн догру фикир — бу Исра уаль Ми’радж Раджаб айында олмагъан.

Шейхуль-Ислям Ибн Теймия (Аллахын рахметинде олсун) деди:

«Сахабелер ве оларнынъ девамджылары бу геджени айырмай эдилер, ве къайд этмей эдилер, онынъ ичюн бу гедже къайсы сангъа кельгени тайын дегильдир, ве къайсы айда, ве къайсы айнынъ он кунюнде, яда къайсы айры бир куньде олгъанындан хабер ёкъ. Бу меселе ичюн айтылгъанында, ривает сыралары юзюльгендир, бу меселе ичюн къатты ривает этильген бир шей ёкъ. Онынъ ичюн, олар Исра уаль-Ми’радж сайгъан геджени, му’минлерге махсус намаз ичюн яда даан бир шей ичюн айырмагъа мумкюн дегиль».

Даан бир янъылыкъ – бу Раджаб айында ‘Умра япыла ве бу Суннеттир. Бунъа далиллер ёкъ ве Пейгъамберимизбуны япмагъан.

Не заман Аиша анамызгъа (Аллах ондан разы олсун), Раджаб айнынъ Умрасы даан эмиетли олгъаны акъкъында хабер кельгенде, о деди: «Аллахнен емин этем, Аллахын Эльчиси ﷺ бир вакъыт Раджаб айында Умра япмагъан».

Ойле исе бу айда биз не япмакъ керекмиз?

Онъа къулакъ асмамакъмы? Ахлю Суна уаль-джема’а – бу орталы джемааттыр. Эй Аллахын къуллары! Бизге озь нефсимизнинъ турумына эмиет бермеге ашыкъмакъ керектир. Шимди озь нефсимизни къатты контрольге алмакъ керекмиз ве Рамазан айына азырлыкъ корьмеге башламакъ керекмиз. Аллаха ялварамыз, бизге о Рмамазан айына яшап етмеге ве тек Юдже Раббимизге ибадетте о айны кечирмеге насиб этсин.

Озь нефсимизни незарет этип Рамазан айына къаршы ашыкъмайып, тегин ве ирадели адымларнен кетмек керекмиз, Аллахын мукяфатына умют этип, амма юрегимизде, Раджаб айы ичюн айры мукяфат оладжакъ ниетимиз олмадан кетмек керекмиз. Аллах тарафындан далиль олмагъан диний адетлер япмамакъ керекмиз.

Келинъиз Къуран ве Суннетте тайын этильген амеллерни даан чокъча япайыкъ, олар Аллах ичюн эр ерде ве эр заман даан севимлидир. Онынъ ичюн бу вакъытны иттиядий вакъыт деп кечирмейик. Ёкъ! Бу Аллахтан берильген мубарек вакъытны биз качырмамакъ керекмиз. Биз даан чокъ хайыр амеллер япмакъ керекмиз, бу Юдже Аллах ичюн дааан севимлидир, ве бу бизни озь Раббимизге якъынлаштыргъан шейдир.

Келинъиз Къуран ве Суннетте тайын этильген амеллерни даан чокъча япайыкъ, олар Аллах ичюн эе ерде ве эр заман даан севимлидир! Амма бу ясакъ айларда ве айрыджа Раджаб айында Аллах ичюн даан севимлидир. Онынъ ичюн бу вакъытны иттиядий вакъыт деп кечирмейик. Ёкъ! Бу Аллахтан берильген мубарек вакъытны биз качырмамакъ керекмиз. Биз даан чокъ хайыр амеллер япмакъ керекмиз, бу Юдже Аллах ичюн дааан севимлидир, ве бу бизни озь Раббимизге якъынлаштыргъан шейдир.

Юдже Аллаха ялварамыз, бизге Пейгъамберимизниﷺ суннетине уймагъа ярдым этсин.

═════════════════════════════════════════════════════════════════════════

بسم الله الرحمن الرحيم

Yasaqlı Rеcеb ayı.

Ey Allahın mu’min qulları! Biz siznen Racab ayına kirdik. Racab ayı – bu Allahın yasaq degen mubarek aylarındandır.

Allah insannı, vaqıt ve yerni yarattı. Yüce Allah yarata ve yaratqanından istegenini seçe. Allah dedi:

وَرَبُّكَ يَخْلُقُ مَا يَشَاءُ وَيَخْتَارُ

«Rabbiñ istegenini yaratır ve seçer».

(«al-Qasas», 28:68)

Allah insannı yarattı ve insaniyet zatından peyğamberlerni seçti;,

Peyğamberlerni sırasından resullerni seçti;

Resullerniñ sırasından meşur resullerni seçti – azimkârlıq saiblerini seçti, olar beş daneler;

Bu azimkârlıq saiblerinden Muhammadnı ﷺ seçti.

Ve Yüce Allah mekânnı yarattı, ve yer yüzünde o mekânlardan Mekkeni, Medineni ve Beytul Maqdisnı (Qudusnı) seçti.

Ve Allah vaqıtnı yarattı ve:

Aftanıñ bütün künlerinden cumanı seçti;

Seneniñ künlerinden – Qurban soyulğan künnü seçti, bu Zul-Hicanıñ onuncı künü, ve hadislerde rivayet etilgeni kibi, Allah içün bu kün en güzel ve en sevimli kündir;

Aylardan ise – Ramazan ayını ve daan dört, yasaqlı aylar adlı aylarnı seçti. Bu aylar, olarnıñ vaziyeti yüksek olğanı ve turumı mahsus olğanı sebebinden, ve bu ayda yapılğan günahlar daan pis ve igrenç olğanı sebebinden, yasaq yani mubarek adınen adlanğandır.

Allah dedi:

إِنَّ عِدَّةَ الشُّهُورِ عِندَ اللَّهِ اثْنَا عَشَرَ شَهْرًا فِي كِتَابِ اللَّهِ يَوْمَ خَلَقَ السَّمَاوَاتِ وَالْأَرْضَ مِنْهَا أَرْبَعَةٌ حُرُمٌ ذَلِكَ الدِّينُ الْقَيِّمُ فَلَا تَظْلِمُوا فِيهِنَّ أَنفُسَكُمْ

«Allahın qatında aylarnıñ sayısı on eki olup, bulardan dördü yasaq aylardır. İşte bu, doğru esaptır. O aylar içinde (Allahnıñ qoyğan yasağını ezerek) özüñizge zulum etmeñ ve müşrikler siznen nasıl birlik olup cenkleşseler, siz de olarğa qarşı birlik olup cenkleşiñ ve biliñ ki, Allah (fenalıqtan) saqınğanlarnen beraberdir».

(«at-Tauba», 9:36)

Bu aylar:

• Zul-Qa’da;

• Zul-Hica;

• Muharram, bu aylar biri-biri artından keteler;

• Ve daan bir ayrı turğan ay, — bu Racab ayı, bizler şimdi kirgen ayımız.

Racab ayında olğan yañılıqlar (bida’atlar).

Ey Allahın qulları! Er bir ayda, ve onnen beraber yasaq olğan aylarda, ve onnen beraber Racab ayında, mu’min Şariat belgilegenini, Quran ve Sunnette olğan dalillerge riayet etmek mecburdır.

İnsanlardan bir kimse, bu aylarda ibadetlerden yada diyanetli amellerden, onda Allahın Kitabından ve Peyğamberimizni ﷺ Sunnetinden qattı dalil olmadan, bir şey tüşünip tapmağa haqqı yoq.

Ey Allahın qulları! İslâmdan evvel, caillik devirinde bu yasaq aylarnı yükseltkenler. Olar ayni Racab ayınıda yükseltkenler. Amma! Olar Racab ayını oraza ayı yapqanlar. Nasıl biz Ramazan ayında oraza tutqanımız kibi olar da Racab ayından oraza tutqanlar.

Bugünki künlerdede, yazıqki öyle insanlar bar, Ramazan ayı kibi Racab ayında tolusınen oraza tutalar ve buña başqalarnı teşviq eteler. Bu doğru degil, bu yañılıqtır (bid’attır), bu müşriklerge benzemektir!

Şeyhul-İslâm İbn Teymiya (Allahın rahmetinde olsun) dedi: «Racab ayında oraza tutmaq kerek olğanınen bağlı olğan hadisler, episi zaiftır. Ondan ğayrı olar tüşünip tapılğan hadislerdir, olarğa bazanmaq olmaz ve alimler bu hadislerge bazanmaylar. Bu hadisler tek zaif degilda, olar tüşünip tapılğan hadislerdir».

Aqiqiy rivayet etile, ‘Umar ibn al-Hattab Racab ayında adamlarnı qollarını aşqa batırsınlar diye qollarını ura eken ve olarğa ayta eken: «Racabnı Ramazan ayına benzetmeñiz». Ve daan ayta eken: «Şübesiz Racabnı caillik devirlerini insanları yükselte ediler, İslâm ise kelgeninen bu şey qaldırıldı (yani Racab ayında oraza tutmaq qaldırıldı)».

Ve İbn ‘Abbastan rivayet etile, o dedi: «Arañızda bir kimse Ramazan ayında oraza tutqan kibi Racab ayında oraza tutmasın, amma bazı künleri oraza tutsın ve başqa künleri iftar etsin».

Ebet, ey Allahın qulları, biz aytqanımız kibi Racab – bu Allahnıñ yasaq aylarından birisidir. İbn ‘Abbastan, Qatadadan ve diger seleflerden rivayet etilgen, bu yasaq aylarda ve ayrıca Racab ayında daan çoq hayır ve salih ameller yapmağa teşviq etilgen. Amma! Şariatta umumiy olaraq bir şey endirildi ise, bizde onı umumiy olaraq añlamaq kerekmiz, eger ise bir şey muayyen endirildi ise, biz onı muayyen qabul etmek kerekmiz. Mına, Şariatnıñ bir yerinde, Allahnen Racab ayında tayın etelgen ve başqa aylarda tayın etilmegen ibadetler yoqtır. Ebet Allah Racab ayını yasaq ayı dep yükseltti ve onı üstün olğanını körsetti. Amma ayrı bir ibadetlerni, tek Racab ayında yapılacaq ibadetlerni bizlerge tayın etmedi.

Eger sen, Allaha hamdlar olsun, adet üzre Quran oquysıñ, gece namazlarını (qiyam al-leyl) qılasın, sadaqa beresin, nafile orazalarnı tutasın (aynıñ tolu künlerinde yada bazarertesi ve cumaaqşamı orazasını tutasın), adet üzre zikirler yapasıñ yada soy arasında bağ tutasıñ, böyle ise, bu ayda bu amelleriñni daan ziyade yap, daan güzel ve daan gayret etip yap. Budır yasaq aylarnıñ ve Racab aynıñ hususiyeti. Amma, Allah tayin etmegen, Quran ve Sunnette kelmegen ayrı bir ibadetni ayırmağa, onı tayın etmege yada diniy bir adet tüşünüp tapmağa, ayrı bir şekilde onı yapmağa – yasaqtır.

Arablarnıñ Racab ayını yükseltkenlerinen yalancılar qullandılar ve türlü hadisler ve fikirler tüşünip taptılar, ve onı İmlâmğa bağladılar ve Peyğamberimizni ﷺ hadisleri dediler. Ve yazıqki bu yañılıqlar (bid’aatlar) yer yüzünde tarqaldı.

Bu fikirler arasında öyle itiqat bar, o pek teşmil oldı, ve onı adiy ve cail insanlar tarqatalar, bazı vaqıtlarda mimbarlar üstünden imamlar bile tarqatalar. Bu itiqat öyle ki, sankim Racab aynıñ ayrı tayın etilgen künlerinde oraza bar, ve bu oraza içün ayrı mukâfatlar bar. Olar deyler, ve bazı vaqıt imamlar mimbardan deyler: «Kim Racabnıñ birinci künü oraza tutsa, oña üç yıl devamında oraza tutqanı kibi mukâfat olacaq. Kim ise Racabnıñ ekinci künü oraza tutsa, o sankim eki yıl oraza tutqan kibi olur, kim Racabnıñ üçünci künü oraza tutsa, o sankim bir yıl oraza tutqan kibi mukâfatını alır, ve nevbetteki künlerinde oraza tutqan kimseler er bir kününe bir ay oraza tutqan kibi mukâfat alarlar». SubhanaLlah! Bu yalan! Bu Peyğamberimizge ﷺ qarşı yapılğan yalan! Bulardan birisi yoqtır!

Daan olar isbatlaylar, sanki Peyğamberimiz ﷺ böyle degen eken: «Kim de kim Racabnıñ başında yada ortasında yada sonunda oraza tutı ise, o Cehennem ateşinden qorçalanğan kimsedir». Bu tüşünip tapılğan hadis. Peyğamberimiz ﷺ bunı aytmağan.

Daan olar isbatlaylar, sanki Peyğamberimiz ﷺ böyle degen eken: «Racab ayı – bu Allahnıñ ayı, Şa’ban ayı – bu menim ayım, Ramazan ayı ise – bu menim ümmetimni ayıdır». Buda tüşünip tapılğan hadis, bu pek zaif hadis ve onı Peyğamberimizge ﷺ bağlamağa olmaz.

Adamlar yañılıqlardan daan neler yapalar?

Biz bunı bilmege ve özlerimizni ve arqadaşlarımıznı bundan saqındırmaq kerekmiz. Yañılıqlardan birisi – bu insanlarnıñ bazıları yapqan salât ar-rağaib. Olar onı Racab aynıñ birinci cumaaqşamı, aqşam ve yatsı namazı arasında qılalar. Ve olar isbatlaylar, kim bu namazdan son Allaha duanen muracat etse, Allah onıñ duasına mıtlaqqa cevap berecek. Ve bu namaznıñ ayrı bir şekili bar. Ve onıñ yapılmasınıñ şekili pek acayip. Bular episi tuşünip tapılma ve yalandır, ve bulardan birisi dinimizde yoqtır! Bunnen bütün alimler razılar.

Bu ar-rağaib namazı, hicreniñ dörtunci asırından son peyda oldı. Ondan evvel ne Peyğamberimizniﷺ ,nede sahabelerni, nede olarnıñ devamcılarını, doğru yolda olğan imamlarnı haberleri olmağan. Abu Şama al-Maqdisi aytqanı kibi, onı Nablüs şeyerinden bir insan tüşünüp tapqan. Son ise bu yañılıq musulmanlar arasında tarqalıp başlağan.

Abu Şama dey: «Men Beytul-Maqdiste olğanımda, Nablüsten maña bir insan keldi ve bu namaznı tüşünip tapqanını, bu namaz aqqında hadis tüşünip tapqanına, ve onı Peyğamberimizge ﷺ bağlağanına peşmat etkenini aytı. Amma yazıqki bu namaz bugünki künge qadar yapıla».

Yalan — qolay ve yuqunçlıdır, haq ise ağırdır amma tatlı ve güzeldir. Yazıqki haq çoq kimselerge terstir, yalan ise adamlar arasında sankim toban içinde ateş tarqalğan kibi, tez tarqala.

Ne vaqıt belgili alim, imam an-Nauauiden, ar-rağaib namaz sunnet yada yañılıq, dep soradılar, o dedi:

«Bu igrenç yañılıqtır ve onı en küçlü şekilde tazir etmek kerek, onıñ içinde en tazir etilgen ameller bar. Bunı qaldırmaq ve ondan yüz çevirmek kerek, ve onı yapqanlarnı tazir etmek kerek. Çoq insanlar İslâm memleketlerinde bu namaznı qılğanınen aldanmañız. Çoq insanlar sevgen „Kut al-Külüb“ yada „İhya ülüm ad-din“ kitaplarında bu namaz aqqında aytılğan eken dep aldanmañız. Bu temelsiz dadalettir! Peyğamberimiz ﷺ bizge dedi: „Kim dinimizge bizim emirimiz olmağan bir şey tüşünüp tapsa, o şey Allahnen terk etilecektir“. Ve kenede Peyğamberimiz ﷺ dedi: „Kim de kim, menim emirim olmadan bir diniy amel yapsa, onı Allah terk etecek“. Ve Peyğamberimiz ﷺ dedi: „Er bir diniy yañılıq – bu yol şaşırmaqtır“. Eger aramızda diniy añlaşmamazlıqlar peyda olsa, Allah bizge Qoran ve Sunnetke qaytmağa emir etti, ve dedi:

فَإِن تَنَازَعْتُمْ فِي شَيْءٍ فَرُدُّوهُ إِلَى اللَّهِ وَالرَّسُولِ إِن كُنتُمْ تُؤْمِنُونَ بِاللَّهِ وَالْيَوْمِ الْآخِرِ

„ Eger bir hususta añlaşmazlıqqa tüşseñiz -Allahqa ve ahiretke aqiqaten inansañız- onı Allahqa ve Resulğa alıp barıñ (olarnıñ talimatına köre al etiñ)“

(„an-Nisaa“, 4:59)

Allah bizge caillerni izlemek yerine Quran ve Sunnetke qaytmaqnı emir ete, ve hata yapqanlarnı hatasınen aldanmaqnı emir etmey».

Bu büyük imam an-Nauauinıñ büyük sözleri edi, ve bu sözler başqa daan çoq alimlerden kelgen.

Racab ayında tarqalğan yañılıqlardan daan birisi, — bu çoq insanlar bu ayda Medinağa barıp Peyğamberimizniﷺ camisini ziyaret etmek kerek deyler, çünki ayni bu ayda anda barmaq Sunnet eken. Yoq! Namaz qılmaq içün Peyğamberimizniﷺ camisini ziyaret etmek bu er vaqıt Sunnet olğan amellerdendir! Bu er zaman hayır olğan amellerdendir. Amma Peyğamberimizniﷺ camisini ziyaret etmekni Racab ayında başqa ziyaretlerden ayırmaq – bu yañılıqtır, ne Quranda nede Sunnette bu aqqında asla dalil yoq.

Racab ayında daan tarqalğan yañılıqlardan birisi – bu insanlarnıRacab aynıñ yigirmi yedinci gecesi yapqan amelleri. Olar bu gecede Peyğamberimizﷺ Mekkeden Beytul-Maqdiske keçirilgen, son ise köklerge köterilgen edi, yani al-İsra ual Mi’rac gecesi, dep sayalar. Olar Racabnıñ yigirmi yedinci gecesi ayni bu gece dep, bu geceni ayıralar, bu gecede namazlar qılalar, kün devamında ise oraza tutalar.

Ondan ğayrı, olar bu künni toplaşuvlarnen, naşidler yırlamaqnen, şiir ve qasıd aytmaqnen keçireler. Bulardan iç birisi Peyğamberimizdenﷺ kelmegen! Ve bularnıñ birisinden birinci nesillerniñ, bu ümmetni en güzel nesillerini haberi olmağan!

Ondan ğayrı, imam an-Nauaui tayın etken en dogru fikir — bu İsra ual Mi’rac Racab ayında olmağan.

Şeyhul-İslâm İbn Teymiya (Allahın rahmetinde olsun) dedi:

«Sahabeler ve olarnıñ devamcıları bu geceni ayırmay ediler, ve qayd etmey ediler, onıñ içün bu gece qaysı sanğa kelgeni tayın degildir, ve qaysı ayda, ve qaysı aynıñ on kününde, yada qaysı ayrı bir künde olğanından haber yoq. Bu mesele içün aytılğanında, rivayet sıraları yüzülgendir, bu mesele içün qattı rivayet etilgen bir şey yoq. Onıñ içün, olar İsra ual-Mi’rac sayğan geceni, mu’minlerge mahsus namaz içün yada daan bir şey içün ayırmağa mümkün degil».

Daan bir yañılıq – bu Racab ayında ‘Umra yapıla ve bu Sunnettir. Buña daliller yoq ve Peyğamberimizﷺ bunı yapmağan.

Ne zaman Aişa anamızğa (Allah ondan razı olsun), Racab aynıñ Umrası daan emiyetli olğanı aqqında haber kelgende, o dedi: «Allahnen yemin etem, Allahın Elçisi ﷺ bir vaqıt Racab ayında Umra yapmağan».

Öyle ise bu ayda biz ne yapmaq kerekmiz?

Oña qulaq asmamaqmı? Ahlü Suna ual-cema’a – bu ortalı cemaattır. Ey Allahın qulları! Bizge öz nefsimizniñ turumına emiyet bermege aşıqmaq kerektir. Şimdi öz nefsimizni qattı kontrolge almaq kerekmiz ve Ramazan ayına azırlıq körmege başlamaq kerekmiz. Allaha yalvaramız, bizge o Rmamazan ayına yaşap yetmege ve tek Yüce Rabbimizge ibadette o aynı keçirmege nasib etsin.

Öz nefsimizni nezaret etip Ramazan ayına qarşı aşıqmayıp, tegin ve iradeli adımlarnen ketmek kerekmiz, Allahın mukâfatına ümüt etip, amma yüregimizde, Racab ayı içün ayrı mukâfat olacaq niyetimiz olmadan ketmek kerekmiz. Allah tarafından dalil olmağan diniy adetler yapmamaq kerekmiz.

Keliñiz Quran ve Sunnette tayın etilgen amellerni daan çoqça yapayıq, olar Allah içün er yerde ve er zaman daan sevimlidir. Onıñ içün bu vaqıtnı ittiyadiy vaqıt dep keçirmeyik. Yoq! Bu Allahtan berilgen mubarek vaqıtnı biz kaçırmamaq kerekmiz. Biz daan çoq hayır ameller yapmaq kerekmiz, bu Yüce Allah içün daaan sevimlidir, ve bu bizni öz Rabbimizge yaqınlaştırğan şeydir.

Keliñiz Quran ve Sunnette tayın etilgen amellerni daan çoqça yapayıq, olar Allah içün eye yerde ve er zaman daan sevimlidir! Amma bu yasaq aylarda ve ayrıca Racab ayında Allah içün daan sevimlidir. Onıñ içün bu vaqıtnı ittiyadiy vaqıt dep keçirmeyik. Yoq! Bu Allahtan berilgen mubarek vaqıtnı biz kaçırmamaq kerekmiz. Biz daan çoq hayır ameller yapmaq kerekmiz, bu Yüce Allah içün daaan sevimlidir, ve bu bizni öz Rabbimizge yaqınlaştırğan şeydir.

Yüce Allaha yalvaramız, bizge Peyğamberimizniﷺ sunnetine uymağa yardım etsin.

Скачать текст хутбы в формате PDF

Поделиться:
error: Content is protected !!