إِنَّ الْحَمْد للهِ، نَحْمَدُهُ وَنَسْتَعِينُهُ وَنَسْتَغْفِرُهُ، وَنَعُوذُ بِاللهِ مِنْ شُرُورِ أَنْفُسِنَا وَمِنْ سَيِّئَاتِ أَعْمَالِنَا، مَنْ يَهْدِهِ اللهُ فَلا مُضِلَّ لَهُ، وَمْنْ يَضْلُلُ فَلَا هَادِيَ لَهُ، وَأَشْهَدُ أَنْ لا إِلَهَ إِلَّا اللهُ وَحْدُهُ لا شَرِيكَ لَهُ، وَأَشْهَدُ أَنَّ مُحَمَّدَاً عَبْدُهُ وَرَسُولُهُ
ثم أَمَّا بَعْدُ
معشر المؤمنين
عباد الله
О верующие! О рабы Аллаха! Люди стараются, люди усердствуют, чтобы накопить имущество, чтобы приобрести имущество. Люди изнуряют себя, люди утомляют себя, чтобы заработать что-то и накопить что-то.
Есть ли в этом проблема? Есть ли в этом грех? Нет в этом проблемы, и нет в этом греха. Но при условии, что человек избежит трех вещей.
Человек должен быть защищен от трех вещей.
1. Чтобы зарабатывание имущества, приобретение денег не отвлекало тебя от ахира. Потому что твое предназначение – не эта жизнь. Потому что ты создан для вечности.
Приобретение имущества не должно отвлечь тебя от ахира, иначе это имущество станет для тебя бедой, станет катастрофой, вредом. И это будет великий убыток! Не должно отвлечь тебя это от того, чтобы снискать и добиваться довольства Аллаха (пречист Он и возвышен). Если отвлечет тебя приобретение имущества от ахира, тогда ты попадешь в ту группу, о которой сказал Аллах (пречист Он и возвышен):
أَلْهَاكُمُ التَّكَاثُرُ. حَتَّى زُرْتُمُ الْمَقَابِرَ
Увлекла вас страсть к умножению, пока не навестили вы могилы.
Коран, сура «Страсть к приумножению», 102:1-2
2. Второе, чего нужно избежать и от чего нужно спастись – ты должен зарабатывать имущество путем дозволенным и тратить его также на дозволенные Аллахом цели. Чтобы ты не приобретал имущество путем харама и не тратил на харам.
Если ты не спасешься от этого, знай, что это будет вред, это будет беда, и будет явный великий убыток (хусран мубин). Потому что человек непременно будет спрошен перед Аллахом (пречист Он и возвышен) за это имущество. Ты будешь спрошен, откуда ты его приобрел и куда ты его потратил. И вот эта вещь, и спастись от нее — очень не просто! Потому что имущество — она вещь сладкая. Благоприобретение – вещь заманчивая.
Это великое искушение (фитна), о котором предупредил нас Пророк (да благословит Аллах его и приветствует). Кто может спастись от этого искушения, чтобы не получить что-то путем харама: “Ну хотя бы чуть-чуть”, “но ведь так выгодно”?. Или не потратить на харам. Кто может спастись? Только человек, который действительно ведет великий джихад со своей душой, с самим собой. Человек, который имеет состояние “муракъаба” – т.е. постоянное ощущение контроля и наблюдения со стороны Аллаха (пречист Он и возвышен). Человек все время помнит об этом контроле со стороны Аллаха (пречист Он и возвышен).
Поскольку это не просто, то большинство обитателей Рая кто? Как сказано в хадисе, что большинство обитателей Рая – это бедняки, бедные люди.
3. Третья вещь, которой нужно обязательно избежать – это чтобы ты не нарушил права Аллаха (пречист Он и возвышен) в отношении этого имущества.
О раб Аллаха! Если ты нарушишь права Аллаха (пречист Он и возвышен) в отношении этого имущества – будет беда, катастрофа, и это имущество будет для тебя наказанием в этом мире и в вечном мире. Это будет великий убыток!
Например, есть у человека деньги, зарабатывает он имущество, но он не выдаёт закят со своего имущества, или не даёт нафакъ, то есть не содержит тех, кого он должен содержать. И сколько людей не содержат даже своих детей! Есть люди, которые разводятся со своими жёнами и потом отказываются содержать своих детей. Есть люди, которые отказываются содержать своих родителей, хотя они нуждаются в содержании. Значит, ты не соблюдаешь права Аллаха, значит, это будет для тебя катастрофа.
А если приобретение тобой имущества защищено от этих трех вещей, о которых было упомянуто, значит, таково постановление религии: дозволено (халяль), разрешено (джаиз), и нет в этом греха.
Но! Если человек сделает это имущество способом приближения к Аллаху (пречист Он и возвышен), средством для того, чтобы получить благосклонность и довольство Аллаха (пречист Он и возвышен), то есть будет щедро тратить это имущество на цели, угодные Аллаху, если он не будет бояться бедности, тратиться и не скупиться на пути Аллаха (пречист Он и возвышен), то это имущество будет не просто дозволенным (халяль) для него, и нет в этом греха, а оно будет для него великим способом приблизиться к Аллаху (пречист Он и возвышен) и возвыситься. И поэтому сказал Пророк (да благословит Аллах его и приветствует):
نِعمَ المالُ الصَّالحُ للرَّجلِ الصَّالحِ
«Как прекрасно праведное имущество у праведного человека» Хадис привёл Альбани (19)
А что из имущества лучше? Что лучше приобретать? Что лучше зарабатывать? Что лучше: приобретать золото, или приобретать серебро? А может быть лучше приобретать скот? Или заниматься земледелием, приобретать землю, чтобы там заниматься сельским хозяйством? Или может быть лучше заниматься недвижимостью? Это наиболее выгодный вклад, наиболее выгодное имущество. Что лучше? Какое из богатств, из имущества выше? Что ценнее? Что из имущества более высокого плана и более дорогое?
Верующий человек думает: «Вот я стараюсь, я зарабатываю. На каком поприще мне лучше работать?»
Однажды спросили люди нашего возлюбленного Пророка Аллаха (да благословит Аллах его и приветствует):
يا رسولَ اللهِ، أيَّ المالِ نَتَّخِذُ؟
«Какое имущество нам приобретать? Какое имущество нам зарабатывать?» И он ответил:
ليَتَّخِذْ أحدُكم لِسانًا ذاكرًا، وقَلبًا شاكرًا، وزَوجةً مؤمنةً تُعينُه على أمْرِ الآخِرةِ.
«Пусть приобретёт некто из вас поминающий язык, благодарное сердце и верующую жену, которая будет помогать ему в вопросах вечной жизни (ахира)». Хадис привёл Ахмад (22490), Ибн Маджа (1856), атТирмизи (3094)
О рабы Аллаха! Вот капитал! Вот это самое ценное имущество! Это клад! Это настоящее богатство! Только вдумайтесь! Эти три вещи, о которых сказал Пророк (да благословит Аллах его и приветствует) в своем великом завете. Самое лучшее, что может приобрести верующий, что он может заработать – это не золото, это не серебро, это не имуещство, это не земля, это не торговля.
И первое, что он сказал: «Пусть некто из вас приобретёт язык поминающий».
То есть самое великое богатство и сокровище – это если у тебя есть язык, который поминает Аллаха. Тот, кто приобрёл поминающий язык, такой человек из самых богатых людей, такой человек из самых счастливых людей. И как может быть иначе, если поминание Аллаха (пречист Он и возвышен) (зикр) – это из самых лучших видов поклонения Аллаху (пречист Он и возвышен).
Вы знаете, что передал Пророк (да благословит его Аллах и приветствует) от вашего Господа Всевышнего Аллаха?!
Наш Господь сказал:
يا ابنَ آدمَ : تفرَّغْ لعبادتي أملأْ صدرَكَ غنًى
О сын Адама! Посвяти себя поклонению Мне (освободись для поклонения Мне) и Я наполню грудь твою (сердце твоё) богатством.
Потому что богатство – это не то, что у тебя есть внешне. Богатство – это удовлетворенность, которая в сердце. Как может быть иначе? Как не будет поминающий язык великим кладом и сокровищем, если благодаря поминанию Аллаха (пречист Он и возвышен) успокаивается сердце человека? А что такое счастье? Спросите себя, что такое счастье. Разве счастье – это не есть спокойствие, которое в сердце у тебя?
А Аллах (пречист Он и возвышен) сказал в Коране:
أَلَا بِذِكْرِ اللَّهِ تَطْمَئِنُّ الْقُلُوبُ
О, поистине, поминанием Аллаха успокаиваются сердца.
Коран, сура «Гром», 13:28
Зикр даёт тебе счастье. И как не будет поминающий язык великим кладом и великим богатством, если тот, кто поминает Аллаха (пречист Он и возвышен) – с ним Аллах. Если тот, кто поминает Аллаха, Аллах поминает его лучшим поминанием. И об этом сказал Пророк (да благословит его Аллах и приветствует), передавая слова нашего Господа:
Сказал Аллах (пречист Он и возвышен):
يقولُ اللَّهُ تَعالَى: أنا عِنْدَ ظَنِّ عَبْدِي بي، وأنا معهُ إذا ذَكَرَنِي، فإنْ ذَكَرَنِي في نَفْسِهِ ذَكَرْتُهُ في نَفْسِي، وإنْ ذَكَرَنِي في مَلَإٍ ذَكَرْتُهُ في مَلَإٍ خَيْرٍ منهمْ
«Я буду таким, как думает обо Мне Мой раб, и Я буду с ним, если он поминает Меня. Если помянет Мой раб про себя, Я упомяну его про себя. Если помянет Меня в обществе, то Я помяну его в обществе лучшем, чем это общество». Хадис привёл аль-Бухари (7405) и Муслим (2675)
О рабы Аллаха, зикр – поминание Аллаха (пречист Он и возвышен) – из самых высоких и лучших деяний. Поминающий язык потому и является самым важным сокровищем на самом деле.
Пророк (да благословит Аллах его и приветствует) однажды спросил сподвижников: «Хотите, я сообщу вам о самом лучшем из деяний, о самом высоком, о самом чистом перед вашим Владыкой? Такое деяние, которое оставляет больше всего довольным Аллаха (пречист Он и возвышен) и возвышает вас на высокие степени больше всего. Которое лучше для вас, чем трата золота и серебра, которое лучше для вас, если вы, встретившись с врагом, будете сражаться с ним так, что они рубят ваши головы, и вы рубите головы им. Лучше, чем все это”.
Сподвижники сказали: «Конечно, о Посланник Аллаха! Что это за деяние?»
«Поминание Аллаха (ذكر الله)», – сказал Пророк (да благословит Аллах его и приветствует).
Многие из нас не понимают этого, но предшественники (саляф) понимали это. Они очень хорошо понимали это, и ценили это. И поэтому сказал Му’аз, да будет доволен им Аллах:
ما شيءٌ أنجى من عذابِ اللهِ من ذكرِ اللهِ.
“Нет ни одной такой вещи, которая была бы настолько спасительной, так бы спасала от наказания Аллаха, как поминание Аллаха”.
И Пророка (да благословит Аллах его и приветствует) спросили: “А какое из деяний самое любимое для Аллаха (пречист Он и возвышен)?”
Он ответил:
أن تموتَ، ولِسانُك رَطْبٌ مِن ذِكرِ اللهِ
«Это когда ты умираешь, но при этом твой язык влажный от поминания Аллаха (пречист Он и возвышен)».
Когда ты умираешь с поминанием Аллаха (пречист Он и возвышен) – вот деяние, самое любимое для Аллаха (пречист Он и возвышен).
А второе, что является лучшим из имущества, которые мы можем приобрести и заработать – это, как сказал Пророк (да благословит Аллах его и приветствует), благодарное сердце, وقلبٌ شاكرٌ
Благодарное сердце – это из самых великих сокровищ, из самых дорогих вещей. Когда у тебя есть такое сердце, которое благодарно тому, кто делает тебе добро. А значит, первый, кому ты должен быть благодарен – это Аллах (пречист Он и возвышен). Потому что все милости от Аллаха (пречист Он и возвышен).
Обратите внимание, что Всевышний Аллах упоминает эти две вещи вместе: поминание Аллаха и благодарность Аллаху (пречист Он и возвышен). Говорит Аллах (пречист Он и возвышен):
فَاذْكُرُونِي أَذْكُرْكُمْ وَاشْكُرُوا لِي وَلَا تَكْفُرُونِ
Помяните Меня, и Я помяну вас, будьте благодарны Мне, и не проявляйте неблагодарности Мне.
Коран, сура «Корова», 2:152.
Будь благодарен Аллаху, но будь благодарен и людям, которые делают тебе добро. Потому что благодарность людям входит в благодарность Аллаху (пречист Он и возвышен).
Говорит Пророк (да благословит Аллах его и приветствует):
من لم يشكرِ النَّاسَ لم يشكرِ اللَّهَ
«Кто не благодарен людям, тот не благодарен Аллаху». Хадис привел Абу Дауд (4811)
Особо будь благодарен человеку, который тебе помог в том плане, что через него тебе оказана милость наставления на прямой путь. Если через этого человека Аллах (пречист Он и возвышен) наставил тебя на путь Корана и Сунны, на путь предшественников — это из самых великих милостей. Этот человек сделал тебе, по милости Аллаха (пречист Он и возвышен), великое добро и заслуживает твоей благодарности.
Но как видим из этого хадиса, благодарность выражается, прежде всего, в сердце. Сказано – «благодарное сердце». Но не только. Это главное составляющее благодарности. В благодарность входит также – благодарить языком, благодарить действиями. И поэтому сказал Аллах (пречист Он и возвышен), обратившись к Дауду и его семье:
اعْمَلُوا آلَ دَاوُودَ شُكْرًا وَقَلِيلٌ مِّنْ عِبَادِيَ الشَّكُورُ
Вершите, делайте благодарность, о семья Дауда, ибо мало из рабов Моих благодарных.
Коран, сура «Сава», 34:13.
Благодарность – она выражается и сердцем, и языком, и конечно же действиями. Поэтому Пророк (да благословит Аллах его и приветствует) совершал намазы так, что отекали и трескались стопы его. Когда он совершал такие ночные намазы, говорили ему: “Почему? Ведь тебе прощено всё, прощены тебе все твои грехи”. Он отвечал:
أفلا أكُونُ عَبْدًا شَكُورًا
«Как мне не быть благодарным рабом!» Хадис привел аль-Бухари (4836) и Муслим (2819)
И сказал Пророк (да благословит Аллах его и приветствует): «Если вам кто-то что-то дал, и у вас есть возможность, тогда наградите его. (То есть тоже что-то дайте ему, тоже что-то подарите ему). Если не находит человек, тогда пусть хорошо высказывается об этом человеке». Благодарит его языком, хорошо говорит о нем, потому что тот, кто хорошо высказывается о том, кто сделал ему добро, тот проявил благодарность. А тот, кто умолчал, тот проявил неблагодарность.
О рабы Аллаха! Благодарность почему еще важна? Потому что, если ты будешь благодарен Аллаху (пречист Он и возвышен) – это причина счастья и причина приумножения благ. И об этом сказал Аллах (пречист Он и возвышен):
وَإِذْ تَأَذَّنَ رَبُّكُمْ لَئِن شَكَرْتُمْ لَأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ
И вот постановил Господь ваш: если будете благодарны, то Я увеличу вам, а если будете неблагодарны, то, поистине, наказание Мое велико.
Коран, сура «Ибрахим», 14:7
Успешный человек, успешный раб – он бывает благодарным. Он благодарен в сердце, он благодарит языком, он благодарит своими поступками.
У успешного верующего дни делятся на два вида:
Есть дни, когда он постится, соблюдает пост и проявляет терпение (сабр). Особенно, представьте, жаркие дни, хочется пить, жажда, а человек терпит ради Аллаха (пречист Он и возвышен) и отказывается от вещей, которые нарушают пост. То есть бывают дни, когда человек бывает постящимся, проявляющим терпение.
А бывают дни, когда он не соблюдает пост, когда он принимает пищу, но при этом он благодарит Аллаха за то, что Он накормил, за то, что напоил.
Так вот, знайте, о рабы Аллаха, что верующий человек получает награду (аджар) как за пост, когда он терпит, так и за свою благодарность, когда он ест, пьет и благодарит Аллаха (пречист Он и возвышен). И поэтому сказал Посланник Аллаха (да благословит его Аллах его и приветствует):
الطاعمُ الشَّاكرُ بمنزلةِ الصائمِ الصابرِ
«Вкушающий пищу и при этом благодарящий Аллаха – он на том же уровне, на котором находится человек, который постится и проявляет терпение». Хадис привел аль-Бухари (5460), ат-Тирмизи (2486), Ибн Маджа (1764) и Ахмад (7793)\\
То есть ты ешь, ты пьешь, но при этом благодарен Всевышнему Аллаху истинной благодарностью, – тебе награда такая же, как у человека, который постится и проявляет терпение.
Великая милость и великое положение благодарности Аллаху (пречист Он и возвышен)!
اللّهُـمَّ أَعِـنِّي عَلـى ذِكْـرِكَ وَشُكْـرِك ، وَحُسْـنِ عِبـادَتِـك
أقول هذا القول وأستغفر الله لي ولكم
═════════════════════════════════════════════════════════════════════════
Перевод хутбы на крымскотатарский
بسم الله الرحمن الرحيم
Энъ гузель капитал. 1 къысым
إِنَّ الْحَمْد للهِ، نَحْمَدُهُ وَنَسْتَعِينُهُ وَنَسْتَغْفِرُهُ، وَنَعُوذُ بِاللهِ مِنْ شُرُورِ أَنْفُسِنَا وَمِنْ سَيِّئَاتِ أَعْمَالِنَا، مَنْ يَهْدِهِ اللهُ فَلا مُضِلَّ لَهُ، وَمْنْ يَضْلُلُ فَلَا هَادِيَ لَهُ، وَأَشْهَدُ أَنْ لا إِلَهَ إِلَّا اللهُ وَحْدُهُ لا شَرِيكَ لَهُ، وَأَشْهَدُ أَنَّ مُحَمَّدَاً عَبْدُهُ وَرَسُولُهُ
ثم أَمَّا بَعْدُ
معشر المؤمنين
عباد الله
Эй, иман эткенлер! Эй, Аллахнынъ къуллары! Инсанлар мал-мульк топламакъ ичюн тырышалар, инсанлар мал-мулькке саип чыкъмакъ ичюн гъайрет этелер. Инсанлар бир де бир шейге иришмек ичюн, мал-мульк огърунда озьлерини чекиштирелер. Бунда бир де бир проблема бармы? Бу гюнахмы? Ёкъ, бунда проблема ёкъ. Бу шей гюнах дегиль. Амма инсан учь шейден сакъынмалы:
- Мал-мулькни къазанув, мал-мулькни топлав санъа ахиретинъни унуттырмамалы. Чюнки сен бу дюнья ичюн яратылмадынъ. Чюнки сен ахирет ичюн яратылдынъ. Мал-мулькни къазанув санъа ахиретни унуттырмамалы акис алда шу мал-мулькинъ сенинъ ичюн белягъа чевирилип санъа фелякет ве зарар кетирер. Бу — буюк бир зарардыр! Бу шей сени Юдже Аллахнынъ ризалыгъына ынтылувдан токътатмамалы. Эгер мал-мулькни къазанув санъа ахиретни унуттырса сен Юдже Аллахнынъ айткъан группасындан олурсынъ:
أَلْهَاكُمُ التَّكَاثُرُ. حَتَّى زُرْتُمُ الْمَقَابِرَ
(Мал-мулькни) топлав сизлерни мешгъуль этти. (Бу шей) мезарларны зиярет эткенинъизге къадар (я да мезарларынъызгъа киргенинъизге къадар) (девам этеджек).
(«Аль-Такасур», 102:1-2).
- Къачынманъ ве къорчаланманъ керек олгъан экинджи шей.
Мал-мулькинъни элял ёлнен къазанып оны Аллах рухсет эткен шейлерге масраф этмелисинъ. Мал-мулькни арам ёлнен къазанмамалысынъ ве арам ёлгъа масраф этмемелисинъ.
Бу шейден къорчаланып оламасанъ, бу шей санъа зарар ве фелякет оладжагъыны биль. (Хусран мубин) — буюктен буюк зарар.Чюнки инсан Аллахнынъ къаршысында шу мульки хусусында мытлакъа сораладжакъ. Сенден оны насыл къазанып, насыл масраф эткенинъни сорарлар. Бу шейден къуртулув къолай дегильдир. Чюнки мал-мульк татлы бир шей. Мал-мулькни топлав — алдатып озюне чеккен бир шей.
Мал-мульк Пейгъамберимиз (Аллахнынъ макътавларынен селями онъа олсун) бизлерни сакъындыргъан буюк бир фитнедир. Бу фитнеден, “Биразчыкъ олсун”, “Бойле япмакъта файда бар” — дие харам ёлунен къазанмакътан ким къорчаланып олур? Я да харамгъа масраф этмектен ким къорчаланып олур? Бу фитнеден ялынъыз тек озюнинъ нефсинен буюк дженк алып баргъан инсан къорчаланыр. “Муракъаба” (яни Аллахнынъ незаретинде олгъаныны эр вакъыт ис этип яшагъан) дереджесине иришкен инсан. О инсан Юдже Аллахнынъ незаретинде олгъаныны эр вакъыт акъылында тута.
Бу къолай бир шей олмагъаны ичюн Дженнетнинъ эксерий эхли кимлер? Хадисте айтылгъаны киби Дженнетнинъ эксерий сакинлери — фукъарелер.
- Къачынманъ керек олгъан учюнджи шей — шу мал-мульк хусусында Аллахнынъ акъларыны бозмамалысынъ.
Эй, Аллахнынъ къулу! Эгер шу мульк хусусында Аллахнынъ акъларыны бозсанъ — фелякет олур. Шу мульк сенинъ ичюн эм бу дюньяда эм де ахиретте джезагъа чевирилер. Бу буюк бир зарардыр.
Меселя, инсаннынъ парасы бар, о мал-мульк къазана амма зекятыны одемей, я да бакъмасы керек олгъанларны бакъмай. Атта биле озь балларыны бакъмагъан нидже инсанлар бар. Апайларындан айырылышып сонъра озь балларыны бакъмагъа истемеген инсанлар бар. Озьлерининъ мухтадж ана-бабаларыны бакъмагъан инсанлар бар. Демек сен Аллахнынъ акъларыны ерине кетирмейсинъ. Демек бу шей сенинъ ичюн фелякет олур.
Ве эгер сенинъ мал-мульк къазанувынъ юкъарыда анъылгъан шу учь шейден къорчалангъан олса, демек динимизнинъ укюми: элял, (джаиз) рухсет этильген, ве бу шейде гюнах ёкътыр.
Амма! Эгер инсан шу мулькини Аллахкъа якъынлашмакъ ичюн, Онынъ ризасыны къазанмакъ ичюн къулланса, яни фукъареликтен къоркъмаздан, пахыллыкъ этмезден Аллахнынъ ёлунда масраф этсе, шу мульк оны эм Юдже Аллахкъа якъынлаштырар эм де онынъ итибарыны юсек дереджелерге котерер.
Шунынъ ичюн Пейгъамберимиз (Аллахнынъ макътавларынен селями онъа олсун) бойле деген:
نِعمَ المالُ الصَّالحُ للرَّجلِ الصَّالحِ
«Салих инсаннынъ салих мульки не де гузельдир».
Альбани (19).
Мал-мулькнинъ къайсы бири энъ гузель? Къазанылгъан шейлернинъ къайсы бири энъ гузель? Алтын къазансанъ яхшыджа олурмы кумюшми? Ёкъса айван бакъмакъ яхшыджамы? Бельки ер асрамакъ яхшыджадыр? Я да ташынмаз малнен огърашмакъ гузельдже олурмы? Къайсы бири гузельдже? Къайсы бири да дегерли?
Мумин инсан: «Мен арекет этип къазанам. Насыл ишнен огърашмам да гузельдже олур?» — деп сорай.
Куньлернинъ биринде инсанлар севимли Пейгъамберимизден (Аллахнынъ макътавларынен селями онъа олсун):
يا رسولَ اللهِ، أيَّ المالِ نَتَّخِذُ؟
«Къайсы мал-мулькни къазанайыкъ?» — деп сорагъанлар.
О (Аллахнынъ макътавларынен селями онъа олсун) бойле деген:
ليَتَّخِذْ أحدُكم لِسانًا ذاكرًا، وقَلبًا شاكرًا، وزَوجةً مؤمنةً تُعينُه على أمْرِ الآخِرةِ.
«Сизлер Аллахны анъгъан тильге, миннетдар къальпке, ве ахирет меселелеринде ярдымджы оладжакъ мумин апайгъа саип чыкъынъыз.» — деген.
Ахмад (22490), Ибн Маджа (1856), ат-Тирмизи (3094).
Эй, Аллахнынъ къуллары! Мына о капитал! Энъ къыйметли, энъ дегерли мульк шудыр! Бу хазине! Бу керчек бир байлыкъ! Бираз тюшюнинъиз! Пейгъамберимизнинъ (Аллахнынъ макътавларынен селями онъа олсун) айткъан учь шейи. Мумин инсаннынъ къазангъан энъ гузель мульки — алтын, кумющ я да мал-мульк дегиль. Топракъ дегиль. Алышверишлик дегиль.
Онынъ айткъан биринджи шейи: «Сизлер Аллахны анъгъан тильге саип чыкъынъыз».
Яни сенде Аллахны анъгъан тиль бар олса бу энъ буюк зенгинлик, энъ буюк хазинедир. Аллахны анъгъан тильге иришкен инсан инсанларнынъ энъ зенгини, инсанларнынъ энъ бахтлысы сайыла. Аллахны зикр этюв энъ гузель ибадетлерден сайылса, Оны зикр эткен инсан насыл этип инсанларнынъ энъ зенгини сайылмасын?
Пейгъамберимиз (Аллахнынъ макътавларынен селями онъа олсун) Раббимиз Юдже Аллахнынъ насыл сёзлерини айткъаныны билесинъизми?
Юдже Раббимиз бойле буюрды:
يا ابنَ آدمَ : تفرَّغْ لعبادتي أملأْ صدرَكَ غنًى
“Эй, Адем огълу! Озюнъни Манъа ибадет этмек ичюн багъышла ки, Мен сенинъ кокюсинъни (къальбинъни) зенгинликнен толдурайым.”
Чюнки зенгинлик тыштан корюнген бир шей дегильдир. Зенгинлик — къальбинъде олгъан мемнюниет. Бунынъ акси олурмы?
Аллахны анъгъанда инсаннынъ къальби тынчланса, насыл этип Аллахны анъгъан тиль буюк зенгинлик олмасын? Бахт-сеадет недир? Бахт не олгъаныны озюнъден сора. Къальбинъдеки сакинлик, раатлыкъ бахт-сеадет дегильми?
Юдже ве Нукъсансыз Аллах Къуранда бойле буюра:
أَلَا بِذِكْرِ اللَّهِ تَطْمَئِنُّ الْقُلُوبُ
«Шек-шубесиз къальплер Аллахны анъувнен сакинликке иришелер».
«Ар-Рад», 13:28
Зикр сени бахтлы эте. Аллах Оны анъгъан инсаннен берабер олса, насыл этип да Аллахны анъгъан тиль буюк хазине ве буюк зенгинлик олмасын? Аллахны анъгъан инсанны Аллах энъ гузель шекильде макътай. Бу акъта Пейгъамберимиз (Аллахнынъ макътавларынен селями онъа олсун) Раббимизнинъ сёзлерини еткизерек хабер этти.
Юдже Аллах бойле дей:
يقولُ اللَّهُ تَعالَى: أنا عِنْدَ ظَنِّ عَبْدِي بي، وأنا معهُ إذا ذَكَرَنِي، فإنْ ذَكَرَنِي في نَفْسِهِ ذَكَرْتُهُ في نَفْسِي، وإنْ ذَكَرَنِي في مَلَإٍ ذَكَرْتُهُ في مَلَإٍ خَيْرٍ منهمْ
«Меним къулум Меним акъкъымда насыл фикирде олса, Мен ойле олурым. Меним къулум Мени анъса Мен онынъ янында олурым. Эгер Меним къулум Мени сессиз анъса, Мен де оны сессиз анъарым. Эгер о, Мени топлум ичинде анъса, Мен оны бундан да гузель топлум ичинде анъарым».
аль-Бухари (7405) и Муслим (2675).
Эй, Аллахнынъ къуллары, зикр — Юдже ве Нукъсансыз Аллахны анъув, энъ буюк ве энъ гузель амеллерден. Шунынъ ичюн Аллахны зикр эткен тиль энъ буюк хазине сайыладыр.
Куньлернинъ биринде Пейгъамберимиз (Аллахнынъ макътавларынен селями онъа олсун) сахабелерине мураджаат этип бойле деген:
«Сизлерге энъ гузель, энъ буюк, Раббинъизнинъ къаршысында энъ пак амель акъкъында айтмамны истейсинъизми? Раббинъизни энъ зияде разы эткен, сизлерни юксек дереджелерге котерген амель акъкъында. Сизлер ичюн алтын ве кумюшлерни масраф этювден, джебеде душманларынъызнен къаршы-къаршыгъа дженклешип бир-бирлеринъизнинъ башларынъызны чапувдан да гузельдже бир амель. Буларнынъ эписинден яхшыджа олгъан амель”.
Сахабелер: «Эбет, я, Аллахнынъ Ресули! Бу насыл амель?» — дедилер.
«Аллахны зикр этюв (ذكر الله)», – деди Пейгъамберимиз (Аллахнынъ макътавларынен селями онъа олсун).
Чокъумыз бу шейни анъламаймыз, амма салих эдждатларымыз (саляфлар) буны анълай эдилер. Олар бу шейни энъ гузель шекильде анълап къадырлай эдилер. Шунынъ ичюн Муаз (Аллах ондан разы олсун) бойле деген:
ما شيءٌ أنجى من عذابِ اللهِ من ذكرِ اللهِ.
“Зикр киби Аллахнынъ джезасындан энъ гузель шекильде къуртаргъан башкъа бир шей ёкътыр”.
Пейгъамберимизден (Аллахнынъ макътавларынен селями онъа олсун):
“Аллах ичюн энъ севимли аммеллер къайсылары?” — деп соралгъанда.
О:
أن تموتَ، ولِسانُك رَطْبٌ مِن ذِكرِ اللهِ
«Олеяткъан маалинде тилинъ Юдже Аллахны анъувдан ыслакъ олмасы.» — деп джевапланды.
Къазанмамыз керек олгъан энъ гузель мулькнинъ экинджиси, Пейгъамберимиз (Аллахнынъ макътавларынен селями онъа олсун) айткъаны киби — миннетдар къальп.
وقلبٌ شاكرٌ
Миннетдар, шукюр эткен къальп — энъ буюк хазинелерден ве энъ къыйметли шейлерден сайыла. Энъ къыйметли хазине санъа яхшылыкъ япкъангъа миннетдар олгъан къальп. Ойле экен сенинъ миннетдарлыгъынъны акъ эткен энъ биринджи Зат — Юдже ве Нукъсансыз Аллахтыр. Чюнки сендеки эр бир нийметни санъа Аллах берди.
Юдже Аллах бу эки шейни берабер айткъанына дикъкъат этинъиз.
Юдже Аллах дей:
فَاذْكُرُونِي أَذْكُرْكُمْ وَاشْكُرُوا لِي وَلَا تَكْفُرُونِ
Мени анъынъыз Мен де сизлерни анъарым. Манъа миннетдар олунъыз ве нанкёрлыкъ этменъиз.
«аль-Бакъара», 2:152.
Аллахкъа шукюр эт, амма санъа яхшылыкъ япкъан инсанларгъа да миннетдар ол.
Чюнки инсанларгъа миннетдар олмакъ Аллахкъа шукюр этмекке кире.
Пейгъамберимиз (Аллахнынъ макътавларынен селями онъа олсун):
من لم يشكرِ النَّاسَ لم يشكرِ اللَّهَ
«Инсанларгъа миннетдар олмагъан кимсе Аллахкъа шукюр этмеген сайыла» — деди.
Абу Дауд (4811).
Айрыджа санъа догъру ёл ниймети берильмеси ичюн себеп олгъан инсагъа миннетдар ол. Эгер Юдже Аллах сени бир де бир инсан вастасынен Къуран ве Суннет ёлуна, салих эдждатлар ёлуна наиль эткен олса, бу энъ буюк нийметлердендир. О инсан, Аллахнынъ мерхамети иле, буюк бир яхшылыкъ япты ве сенинъ миннетдарлыгъынъа мунасиптир.
Амма бу хадистен анълагъанымыз киби, миннетдарлыкъ, энъ эввеля къальпнен бильдириле. «Миннетдар къальп» — деп айтылды, ве лякин бунен сынырланмай. Бу миннетдарлыкънынъ эсасы. Ондан гъайры миннетдарлыкъкъа тильнен эм де амеллернен тешеккюр бильдирюв кире. Шунынъ ичюн Юдже ве Нукъсансыз Аллах Давуд ве онынъ къорантасына бойле деди:
اعْمَلُوا آلَ دَاوُودَ شُكْرًا وَقَلِيلٌ مِّنْ عِبَادِيَ الشَّكُورُ
Эй, Давуднынъ аилеси, шукюр этинъиз. Къулларымнынъ арасында шукюр эткенлер пек аздыр.
«Саба», 34:13.
Миннетдарлыкъ къальпнен, тильнен ве эльбетте амеллернен ифаделене. Шунынъ ичюн Пейгъамберимиз (Аллахнынъ макътавларынен селями онъа олсун) намазларыны ойле къыла эди ки, онынъ аякълары шишип табанлары чатлай эдилер. О, гедже намазларыны бойле шекильде къылгъанда онъа: “Сенинъ эписи гюнахларынъ афу этильген олса не ичюн ойле япасынъ?” — деп айтылгъанда
О:
أفلا أكُونُ عَبْدًا شَكُورًا
“Ойле исе, мен шукюр эткен къуллардан олмайыммы?” — дей экен.
аль-Бухари (4836) и Муслим (2819).
Ве Пейгъамберимиз (Аллахнынъ макътавларынен селями онъа олсун) бойле деген: «Сизлерге ким де ким бир де бир шей бергенде, чаренъиз олса оны мукяфатландырынъыз. (Яни сиз де онъа бир де бир шейни эдие оларакъ беринъиз). Эгер чареси олмаса, о инсан акъкъында яхшы лаф айтсын.» Яни онъа тилинен миннетдарлыкъ бильдирсин, онынъ акъкъында гузель шейлер айтсын, чюнки яхшылыкъ япкъан акъкъында гузель сёз айткъан инсан онъа тешеккюр бильдирген сайыла. Сусып бир сёз биле айтмагъан инсан исе нанкёрлыкъ япкъан сайыла.
Эй Аллахнынъ къуллары! Миннетдарлыкъ даан не ичюн муим шей билесинъизми? Чюнки эгер сен Аллахкъа миннетдар олсанъ, бу сенинъ бахтлы олманъа ве сендеки нийметлернинъ чокълашмасына себеп олур.
Юдже Аллах бу акъта бойле дей:
وَإِذْ تَأَذَّنَ رَبُّكُمْ لَئِن شَكَرْتُمْ لَأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ
Раббинъизнинъ бильдирген (бу сёзлерини) хатырланъыз: “Эгер шукюр этсенъиз, (сизлерге берген нийметлеримни) чокълаштырарым. Ве эгер нанкёрлыкъ япсанъыз шек-шубесиз меним азабым шиддетлидир”.
(«Ибрахим», 14:7).
Мувафакъиетке иришкен инсан — миннетдар инсан ола. Онынъ къальби шукюр эте, онынъ тили шукюр эте, ве о, озюнинъ амеллеринен шукюр эте.
Мувафакъиетке иришкен инсаннынъ куньлери эки чешит олалар:
Ораза тутып сабыр эткен куньлери. Айры шекильде сыджакъ куньлерни тасавур этинъиз. Инсан сувсай, амма Аллах ризасы ичюн сабыр этип оразасыны бозгъан шейлерден вазгече.
Базы куньлерде исе о, ораза тутмай. Базы куньлерде о, ашай ве лякин ашагъан ашы ве ичкен сувы ичюн Аллахкъа шукюрлер эте.
Эй Аллахнынъ къуллары, мумин инсанны эм ораза тутып сабыр эткени ичюн, эм де ашап-ичип Аллахкъа шукюр эткени ичюн мукяфат алгъаныны билинъиз. Шунынъ ичюн Пейгъамберимиз (Аллахнынъ макътавларынен селями онъа олсун) бойле деген:
الطاعمُ الشَّاكرُ بمنزلةِ الصائمِ الصابرِ
«Аш ашап Аллахкъа шукюр эткен инсан, ораза тутып сабыр эткен инсаннен бир дереджедедир.»
аль-Бухари (5460), ат-Тирмизи (2486), Ибн Маджа (1764) Ахмад (7793).
Яни сен ашап-ичип Аллахкъа миннетдар олсанъ санъа ораза тутып сабыр эткен инсаннынъ мукяфатына ошагъан мукяфат берилер.
Аллахкъа шукюр этмекнинъ буюк дереджеси — Юдже ве Нукъсансыз Аллахнынъ буюк нийметидир.
اللّهُـمَّ أَعِـنِّي عَلـى ذِكْـرِكَ وَشُكْـرِك ، وَحُسْـنِ عِبـادَتِـك
أقول هذا القول وأستغفر الله لي ولكم
═════════════════════════════════════════════════════════════════════════
بسم الله الرحمن الرحيم
Eñ güzel kapital. 1 qısım
إِنَّ الْحَمْد للهِ، نَحْمَدُهُ وَنَسْتَعِينُهُ وَنَسْتَغْفِرُهُ، وَنَعُوذُ بِاللهِ مِنْ شُرُورِ أَنْفُسِنَا وَمِنْ سَيِّئَاتِ أَعْمَالِنَا، مَنْ يَهْدِهِ اللهُ فَلا مُضِلَّ لَهُ، وَمْنْ يَضْلُلُ فَلَا هَادِيَ لَهُ، وَأَشْهَدُ أَنْ لا إِلَهَ إِلَّا اللهُ وَحْدُهُ لا شَرِيكَ لَهُ، وَأَشْهَدُ أَنَّ مُحَمَّدَاً عَبْدُهُ وَرَسُولُهُ
ثم أَمَّا بَعْدُ
معشر المؤمنين
عباد الله
Ey, iman etkenler! Ey, Allahnıñ qulları! İnsanlar mal-mülk toplamaq içün tırışalar, insanlar mal-mülkke saip çıqmaq içün ğayret eteler. İnsanlar bir de bir şeyge irişmek içün, mal-mülk oğrunda özlerini çekiştireler. Bunda bir de bir problema barmı? Bu günahmı? Yoq, bunda problema yoq. Bu şey günah degil. Amma insan üç şeyden saqınmalı:
1. Mal-mülkni qazanuv, mal-mülkni toplav saña ahiretiñni unuttırmamalı. Çünki sen bu dünya içün yaratılmadıñ. Çünki sen ahiret içün yaratıldıñ. Mal-mülkni qazanuv saña ahiretni unuttırmamalı akis alda şu mal-mülkiñ seniñ içün belâğa çevirilip saña felâket ve zarar ketirer. Bu — büyük bir zarardır! Bu şey seni Yüce Allahnıñ rizalığına ıntıluvdan toqtatmamalı. Eger mal-mülkni qazanuv saña ahiretni unuttırsa sen Yüce Allahnıñ aytqan gruppasından olursıñ:
أَلْهَاكُمُ التَّكَاثُرُ. حَتَّى زُرْتُمُ الْمَقَابِرَ
«(Mal-mülkni) toplav sizlerni meşğul etti. (Bu şey) mezarlarnı ziyaret etkeniñizge qadar (ya da mezarlarıñızğa kirgeniñizge qadar) (devam etecek).»
(«Aт-Takasur», 102:1-2).
2. Qaçınmañ ve qorçalanmañ kerek olğan ekinci şey.
Mal-mülkiñni elâl yolnen qazanıp onı Allah ruhset etken şeylerge masraf etmelisiñ. Mal-mülkni aram yolnen qazanmamalısıñ ve aram yolğa masraf etmemelisiñ.
Bu şeyden qorçalanıp olamasañ, bu şey saña zarar ve felâket olacağını bil. (Husran mübin) — büyükten büyük zarar.Çünki insan Allahnıñ qarşısında şu mülki hususında mıtlaqa soralacaq. Senden onı nasıl qazanıp, nasıl masraf etkeniñni sorarlar. Bu şeyden qurtuluv qolay degildir. Çünki mal-mülk tatlı bir şey. Mal-mülkni toplav — aldatıp özüne çekken bir şey.
Mal-mülk Peyğamberimiz (Allahnıñ maqtavlarınen selâmi oña olsun) bizlerni saqındırğan büyük bir fitnedir. Bu fitneden, “Birazçıq olsun”, “Boyle yapmaqta fayda bar” — diye haram yolunen qazanmaqtan kim qorçalanıp olur? Ya da haramğa masraf etmekten kim qorçalanıp olur? Bu fitneden yalıñız tek özüniñ nefsinen büyük cenk alıp barğan insan qorçalanır. “Muraqaba” (yani Allahnıñ nezaretinde olğanını er vaqıt is etip yaşağan) derecesine irişken insan. O insan Yüce Allahnıñ nezaretinde olğanını er vaqıt aqılında tuta.
Bu qolay bir şey olmağanı içün Cennetniñ ekseriy ehli kimler? Hadiste aytılğanı kibi Cennetniñ ekseriy sakinleri — fuqareler.
3. Qaçınmañ kerek olğan üçünci şey — şu mal-mülk hususında Allahnıñ aqlarını bozmamalısıñ.
Ey, Allahnıñ qulu! Eger şu mülk hususında Allahnıñ aqlarını bozsañ — felâket olur. Şu mülk seniñ içün em bu dünyada em de ahirette cezağa çeviriler. Bu büyük bir zarardır.
Meselâ, insannıñ parası bar, o mal-mülk qazana amma zekâtını ödemey, ya da baqması kerek olğanlarnı baqmay. Atta bile öz ballarını baqmağan nice insanlar bar. Apaylarından ayırılışıp soñra öz ballarını baqmağa istemegen insanlar bar. Özleriniñ muhtac ana-babalarını baqmağan insanlar bar. Demek sen Allahnıñ aqlarını yerine ketirmeysiñ. Demek bu şey seniñ içün felâket olur.
Ve eger seniñ mal-mülk qazanuvıñ yuqarıda añılğan şu üç şeyden qorçalanğan olsa, demek dinimizniñ ükümi: elâl, (caiz) ruhset etilgen, ve bu şeyde günah yoqtır.
Amma! Eger insan şu mülkini Allahqa yaqınlaşmaq içün, Onıñ rizasını qazanmaq içün qullansa, yani fuqarelikten qorqmazdan, pahıllıq etmezden Allahnıñ yolunda masraf etse, şu mülk onı em Yüce Allahqa yaqınlaştırar em de onıñ itibarını yüsek derecelerge köterer.
Şunıñ içün Peyğamberimiz (Allahnıñ maqtavlarınen selâmi oña olsun) böyle degen:
نِعمَ المالُ الصَّالحُ للرَّجلِ الصَّالحِ
«Salih insannıñ salih mülki ne de güzeldir».
Albani (19).
Mal-mülkniñ qaysı biri eñ güzel? Qazanılğan şeylerniñ qaysı biri eñ güzel? Altın qazansañ yahşıca olurmı kümüşmi? Yoqsa ayvan baqmaq yahşıcamı? Belki yer asramaq yahşıcadır? Ya da taşınmaz malnen oğraşmaq güzelce olurmı? Qaysı biri güzelce? Qaysı biri da degerli?
Mümin insan: «Men areket etip qazanam. Nasıl işnen oğraşmam da güzelce olur?» — dep soray.
Künlerniñ birinde insanlar sevimli Peyğamberimizden (Allahnıñ maqtavlarınen selâmi oña olsun):
يا رسولَ اللهِ، أيَّ المالِ نَتَّخِذُ؟
«Qaysı mal-mülkni qazanayıq?» — dep sorağanlar.
O (Allahnıñ maqtavlarınen selâmi oña olsun) böyle degen:
ليَتَّخِذْ أحدُكم لِسانًا ذاكرًا، وقَلبًا شاكرًا، وزَوجةً مؤمنةً تُعينُه على أمْرِ الآخِرةِ.
«Sizler Allahnı añğan tilge, minnetdar qalpke, ve ahiret meselelerinde yardımcı olacaq mümin apayğa saip çıqıñız.» — degen.
Ahmad (22490), İbn Maca (1856), at-Tirmizi (3094).
Ey, Allahnıñ qulları! Mına o kapital! Eñ qıymetli, eñ degerli mülk şudır! Bu hazine! Bu kerçek bir baylıq! Biraz tüşüniñiz! Peyğamberimizniñ (Allahnıñ maqtavlarınen selâmi oña olsun) aytqan üç şeyi. Mümin insannıñ qazanğan eñ güzel mülki — altın, kümüşç ya da mal-mülk degil. Topraq degil. Alışverişlik degil.
Onıñ aytqan birinci şeyi: «Sizler Allahnı añğan tilge saip çıqıñız».
Yani sende Allahnı añğan til bar olsa bu eñ büyük zenginlik, eñ büyük hazinedir. Allahnı añğan tilge irişken insan insanlarnıñ eñ zengini, insanlarnıñ eñ bahtlısı sayıla. Allahnı zikr etüv eñ güzel ibadetlerden sayılsa, Onı zikr etken insan nasıl etip insanlarnıñ eñ zengini sayılmasın?
Peyğamberimiz (Allahnıñ maqtavlarınen selâmi oña olsun) Rabbimiz Yüce Allahnıñ nasıl sözlerini aytqanını bilesiñizmi?
Yüce Rabbimiz böyle buyurdı:
يا ابنَ آدمَ : تفرَّغْ لعبادتي أملأْ صدرَكَ غنًى
“Ey, Adem oğlu! Özüñni Maña ibadet etmek içün bağışla ki, Men seniñ köküsiñni (qalbiñni) zenginliknen toldurayım.”
Çünki zenginlik tıştan körüngen bir şey degildir. Zenginlik — qalbiñde olğan memnüniyet. Bunıñ aksi olurmı?
Allahnı añğanda insannıñ qalbi tınçlansa, nasıl etip Allahnı añğan til büyük zenginlik olmasın? Baht-seadet nedir? Baht ne olğanını özüñden sora. Qalbiñdeki sakinlik, raatlıq baht-seadet degilmi?
Yüce ve Nuqsansız Allah Quranda böyle buyura:
أَلَا بِذِكْرِ اللَّهِ تَطْمَئِنُّ الْقُلُوبُ
«Şek-şübesiz qalpler Allahnı añuvnen sakinlikke irişeler».
(«Ar-Rad», 13:28).
Zikr seni bahtlı ete. Allah Onı añğan insannen beraber olsa, nasıl etip da Allahnı añğan til büyük hazine ve büyük zenginlik olmasın? Allahnı añğan insannı Allah eñ güzel şekilde maqtay. Bu aqta Peyğamberimiz (Allahnıñ maqtavlarınen selâmi oña olsun) Rabbimizniñ sözlerini yetkizerek haber etti.
Yüce Allah böyle dey:
يقولُ اللَّهُ تَعالَى: أنا عِنْدَ ظَنِّ عَبْدِي بي، وأنا معهُ إذا ذَكَرَنِي، فإنْ ذَكَرَنِي في نَفْسِهِ ذَكَرْتُهُ في نَفْسِي، وإنْ ذَكَرَنِي في مَلَإٍ ذَكَرْتُهُ في مَلَإٍ خَيْرٍ منهمْ
«Menim qulum Menim aqqımda nasıl fikirde olsa, Men öyle olurım. Menim qulum Meni añsa Men onıñ yanında olurım. Eger Menim qulum Meni sessiz añsa, Men de onı sessiz añarım. Eger o, Meni toplum içinde añsa, Men onı bundan da güzel toplum içinde añarım».
al-Buhari (7405) ve Müslim (2675).
Ey, Allahnıñ qulları, zikr — Yüce ve Nuqsansız Allahnı añuv, eñ büyük ve eñ güzel amellerden. Şunıñ içün Allahnı zikr etken til eñ büyük hazine sayıladır.
Künlerniñ birinde Peyğamberimiz (Allahnıñ maqtavlarınen selâmi oña olsun) sahabelerine muracaat etip böyle degen:
"Sizlerge eñ güzel, eñ büyük, Rabbiñizniñ qarşısında eñ pak amel aqqında aytmamnı isteysiñizmi? Rabbiñizni eñ ziyade razı etken, sizlerni yüksek derecelerge kötergen amel aqqında. Sizler içün altın ve kümüşlerni masraf etüvden, cebede duşmanlarıñıznen qarşı-qarşığa cenkleşip bir-birleriñizniñ başlarıñıznı çapuvdan da güzelce bir amel. Bularnıñ episinden yahşıca olğan amel.”.
Sahabeler: «Ebet, ya, Allahnıñ Resuli! Bu nasıl amel?» — dediler.
«Allahnı zikr etüv (ذكر الله)», – dedi Peyğamberimiz (Allahnıñ maqtavlarınen selâmi oña olsun).
Çoqumız bu şeyni añlamaymız, amma salih ecdatlarımız (salâflar) bunı añlay ediler. Olar bu şeyni eñ güzel şekilde añlap qadırlay ediler. Şunıñ içün Muaz (Allah ondan razı olsun) böyle degen:
ما شيءٌ أنجى من عذابِ اللهِ من ذكرِ اللهِ.
“Zikr kibi Allahnıñ cezasından eñ güzel şekilde qurtarğan başqa bir şey yoqtır”.
Peyğamberimizden (Allahnıñ maqtavlarınen selâmi oña olsun):
“Allah içün eñ sevimli ammeller qaysıları?” — dep soralğanda.
O:
أن تموتَ، ولِسانُك رَطْبٌ مِن ذِكرِ اللهِ
«Öleyatqan maalinde tiliñ Yüce Allahnı añuvdan ıslaq olması.» — dep cevaplandı.
Qazanmamız kerek olğan eñ güzel mülkniñ ekincisi, Peyğamberimiz (Allahnıñ maqtavlarınen selâmi oña olsun) aytqanı kibi — minnetdar qalp.
وقلبٌ شاكرٌ
Minnetdar, şükür etken qalp — eñ büyük hazinelerden ve eñ qıymetli şeylerden sayıla. Eñ qıymetli hazine saña yahşılıq yapqanğa minnetdar olğan qalp. Öyle eken seniñ minnetdarlığıñnı aq etken eñ birinci Zat — Yüce ve Nuqsansız Allahtır. Çünki sendeki er bir niymetni saña Allah berdi.
Yüce Allah bu eki şeyni beraber aytqanına diqqat etiñiz.
Yüce Allah dey:
فَاذْكُرُونِي أَذْكُرْكُمْ وَاشْكُرُوا لِي وَلَا تَكْفُرُونِ
«Meni añıñız Men de sizlerni añarım. Maña minnetdar oluñız ve nankörlıq etmeñiz».
(«al-Baqara», 2:152).
Allahqa şükür et, amma saña yahşılıq yapqan insanlarğa da minnetdar ol.
Çünki insanlarğa minnetdar olmaq Allahqa şükür etmekke kire.
Peyğamberimiz (Allahnıñ maqtavlarınen selâmi oña olsun):
من لم يشكرِ النَّاسَ لم يشكرِ اللَّهَ
«İnsanlarğa minnetdar olmağan kimse Allahqa şükür etmegen sayıla» — dedi.
Abu Daud (4811).
Ayrıca saña doğru yol niymeti berilmesi içün sebep olğan insağa minnetdar ol. Eger Yüce Allah seni bir de bir insan vastasınen Quran ve Sunnet yoluna, salih ecdatlar yoluna nail etken olsa, bu eñ büyük niymetlerdendir. O insan, Allahnıñ merhameti ile, büyük bir yahşılıq yaptı ve seniñ minnetdarlığıña munasiptir.
Amma bu hadisten añlağanımız kibi, minnetdarlıq, eñ evvelâ qalpnen bildirile. «Minnetdar qalp» — dep aytıldı, ve lâkin bunen sınırlanmay. Bu minnetdarlıqnıñ esası. Ondan ğayrı minnetdarlıqqa tilnen em de amellernen teşekkür bildirüv kire. Şunıñ içün Yüce ve Nuqsansız Allah Davud ve onıñ qorantasına böyle dedi:
اعْمَلُوا آلَ دَاوُودَ شُكْرًا وَقَلِيلٌ مِّنْ عِبَادِيَ الشَّكُورُ
«Ey, Davudnıñ ailesi, şükür etiñiz. Qullarımnıñ arasında şükür etkenler pek azdır».
(«Saba», 34:13).
Minnetdarlıq qalpnen, tilnen ve elbette amellernen ifadelene. Şunıñ içün Peyğamberimiz (Allahnıñ maqtavlarınen selâmi oña olsun) namazlarını öyle qıla edi ki, onıñ ayaqları şişip tabanları çatlay ediler. O, gece namazlarını böyle şekilde qılğanda oña: “Seniñ episi günahlarıñ afu etilgen olsa ne içün öyle yapasıñ?” — dep aytılğanda.
O:
أفلا أكُونُ عَبْدًا شَكُورًا
“Oyle ise, men şükür etken qullardan olmayımmı?” — dey eken.
al-Buhari (4836) ve Müslim (2819).
Ve Peyğamberimiz (Allahnıñ maqtavlarınen selâmi oña olsun) böyle degen: «Sizlerge kim de kim bir de bir şey bergende, çareñiz olsa onı mukâfatlandırıñız. (Yani siz de oña bir de bir şeyni ediye olaraq beriñiz). Eger çaresi olmasa, o insan aqqında yahşı laf aytsın.» Yani oña tilinen minnetdarlıq bildirsin, onıñ aqqında güzel şeyler aytsın, çünki yahşılıq yapqan aqqında güzel söz aytqan insan oña teşekkür bildirgen sayıla. Susıp bir söz bile aytmağan insan ise nankörlıq yapqan sayıla.
Ey Allahnıñ qulları! Minnetdarlıq daan ne içün müim şey bilesiñizmi? Çünki eger sen Allahqa minnetdar olsañ, bu seniñ bahtlı olmaña ve sendeki niymetlerniñ çoqlaşmasına sebep olur.
Yüce Allah bu aqta böyle dey:
وَإِذْ تَأَذَّنَ رَبُّكُمْ لَئِن شَكَرْتُمْ لَأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ
«Rabbiñizniñ bildirgen (bu sözlerini) hatırlañız: “Eger şükür etseñiz, (sizlerge bergen niymetlerimni) çoqlaştırarım. Ve eger nankörlıq yapsañız şek-şübesiz menim azabım şiddetlidir”».
(«İbrahim», 14:7).
Muvafaqiyetke irişken insan — minnetdar insan ola. Onıñ qalbi şükür ete, onıñ tili şükür ete, ve o, özüniñ amellerinen şükür ete.
Muvafaqiyetke irişken insannıñ künleri eki çeşit olalar:
Oraza tutıp sabır etken künleri. Ayrı şekilde sıcaq künlerni tasavur etiñiz. İnsan suvsay, amma Allah rizası içün sabır etip orazasını bozğan şeylerden vazgeçe.
Bazı künlerde ise o, oraza tutmay. Bazı künlerde o, aşay ve lâkin aşağan aşı ve içken suvı içün Allahqa şükürler ete.
Ey Allahnıñ qulları, mümin insannı em oraza tutıp sabır etkeni içün, em de aşap-içip Allahqa şükür etkeni içün mukâfat alğanını biliñiz. Şunıñ içün Peyğamberimiz (Allahnıñ maqtavlarınen selâmi oña olsun) böyle degen:
الطاعمُ الشَّاكرُ بمنزلةِ الصائمِ الصابرِ
«Aş aşap Allahqa şükür etken insan, oraza tutıp sabır etken insannen bir derecededir.»
al-Buhari (5460), at-Tirmizi (2486), İbn Maca (1764) Ahmad (7793).
Yani sen aşap-içip Allahqa minnetdar olsañ saña oraza tutıp sabır etken insannıñ mukâfatına oşağan mukâfat beriler.
Allahqa şükür etmekniñ büyük derecesi — Yüce ve Nuqsansız Allahnıñ büyük niymetidir.
