Так в чем же счастье?



О верующие рабы Аллаха! В естество и в природу человека заложено стремление к счастью. Каждый человек хочет быть счастливым. Он так устроен, что хочет счастья. Счастья хочет верующий и неверующий, грешный и праведный, мужчина и женщина, малый и старый. Но люди используют в поиске счастья разные методы и разные пути, и их множество.

И некоторые полагают, что счастье в путешествии. И вот видишь, как человек все время передвигается из одной страны в другую, путешествует по городам и государствам. Не удерживает его дома ничто: ни семья, ни заботы, ни дети, ни близкие. И путешествует он не потому, что у него есть важные дела. Нет, он путешествует лишь потому, что видит в этом способ найти какое-то счастье, то есть он путешествует ради путешествия, не ради каких-то других целей. И не знает этот бедный чудак, что на самом деле он подвергает себя неким страданиям и неким мучениям, некой доли мучения, потому что сказал об этом Пророк (да благословит его Аллах и приветствует):

السَّفَرُ قِطْعَةٌ مِنَ العَذَابِ، يَمْنَعُ أحَدَكُمْ طَعَامَهُ وشَرَابَهُ ونَوْمَهُ، فَإِذَا قَضَى نَهْمَتَهُ، فَلْيُعَجِّلْ إلى أهْلِهِ

«Путешествие — это кусочек страдания: лишает человека его еды, его питья и его сна, поэтому, когда кто-то из вас выполнит (решит, закончит) свои дела, пусть поспешит быстрее вернуться к своей семье».

Этот хадис передали аль-Бухари (1804) и Муслим (1927)

И есть другие люди, которые считают, что вообще счастье заключается в том, чтобы скопить побольше имущества, в том, чтобы приумножить свое благосостояние, улучшить свое положение. И вот человек в это погружается целиком, так погружается в поиск денег, в зарабатывание имущества настолько, что это отвлекает его от поминания Аллаха (пречист Он и возвышен), собственно от его миссии, ради которой он пришел на эту землю, от служения Всевышнему Аллаху. И он не обращает внимания на слова Аллаха (пречист Он и возвышен):

يَا أَيُّهَا الَّذِينَ آمَنُوا لَا تُلْهِكُمْ أَمْوَالُكُمْ وَلَا أَوْلَادُكُمْ عَن ذِكْرِ اللَّهِ وَمَن يَفْعَلْ ذَلِكَ فَأُولَئِكَ هُمُ الْخَاسِرُونَ

«О вы, которые уверовали! Пусть не отвлекут вас имущество ваше и дети ваши от поминания Аллаха. Кто сделает это, те окажутся потерпевшими самый настоящий и самый полный убыток» (Коран, сура «Лицемеры», 63:9).

И вот так человек остается увлеченным вот этим процессом приумножения своего богатства, своего имущества. До каких пор? Пока не навестит могилу. Как сказано в Коране:

أَلْهَاكُمُ التَّكَاثُرُ * حَتَّى زُرْتُمُ الْمَقَابِرَ * كَلَّا سَوْفَ تَعْلَمُونَ

«Увлекла вас страсть к приумножению, пока не навестили вы могилу. И вот тогда вы узнаете (как вы ошибались)« (сура «Страсть к приумножению», 102:1—3).

Есть другие люди, которые ищут счастья в том, чтобы угождать своим прихотям, желаниям и страстям. Какими бы ни были эти желания, человека не волнует, есть в этом грех или нет в этом греха, разрешено (халяль) это или запрещено (харам) это. Главное — дать своей душе все то, что она хочет, все, чего она вожделеет. То есть халяль для этого человека — это то, чего хочет его душа. И вот этот человек пускается в грех, потому что он ищет счастья таким способом. И он совершает этот грех, но не находит искомого счастья. Наоборот, когда человек совершает грех, случается то, что он чувствует, что его душа попала в еще большие тиски и что в его душе горит вот этот огонь и страдание от этого греха. И он думает, как же потушить это пламя и как выйти из этих тисков, и он начинает тушить это пламя и страдания новым грехом и совершает следующий новый грех, потом следующий, потом следующий, прегрешение за прегрешением до тех пор, пока сердце его не покрывается пеленой и завесой. И он живет несчастный, и он умрет несчастным и будет воскрешен несчастным.

А еще есть люди, о рабы Аллаха, которые вообще считают, что никакого счастья не существует. Они говорят, что это все химера, иллюзия и это все призрак и что вовсе нет никакого счастья и эта цель недостижимая. Он, бедный, так всерьез и думает, что счастья нет и быть не может. Но, о рабы Аллаха, он ошибается. Счастье есть! Счастье несомненно существует.

А что такое это счастье?! А счастье на самом деле — это то, что у тебя внутри, то, что ты чувствуешь внутри. Это вот это вот спокойствие, это безмятежная радость, это удовлетворенность, это умиротворение, это вот этот блаженный и благодатный мир, который у тебя в сердце. И Аллах помещает вот это все в души, сердца некоторых Своих рабов.

А что это за рабы, в чьи сердца Аллах помещает вот это счастье?! Кто они такие, о рабы Аллаха?! Кому это дается? А это те, которые именуются богобоязненные (аль-муттакъун), люди богобоязненности (ахлю т-такъува). Да да, та самая богобоязненность (такъуа), которую Всевышний Аллах завещал древним и нынешним поколениям, сказав:

وَلَقَدْ وَصَّيْنَا الَّذِينَ أُوتُوا الْكِتَابَ مِن قَبْلِكُمْ وَإِيَّاكُمْ أَنِ اتَّقُوا اللَّهَ

«И завещали Мы тем, которым было дано Писание до вас, и вам: "Бойтесь Аллаха”» (Коран, сура «Женщины», 4:131).

Богобоязненный человек (аль-муттакъи) — он счастлив. А как ему не быть счастливым, если Аллах с ним, если Аллах ему помогает, если Аллах его любит, если Аллах защищает и хранит его?!

وَاتَّقُوا اللَّهَ وَاعْلَمُوا أَنَّ اللَّهَ مَعَ الْمُتَّقِينَ

«Бойтесь Аллаха и знайте, что Аллах — с богобоязненными»

(Коран, сура «Корова»,, 2:194).

فَإِنَّ اللَّهَ يُحِبُّ الْمُتَّقِينَ

«Поистине, Аллах любит богобоязненных»

(Коран, сура «Семейство Имрана», 3:76).

إِنَّ اللَّهَ يُدَافِعُ عَنِ الَّذِينَ آمَنُوا

«Поистине, Аллах защищает тех, которые уверовали»

(Коран, сура «Паломничество», 22:38).

Как не быть этому человеку счастливым, если Аллах дает ему выход из затруднений всегда?! Аллах (пречист Он и возвышен) говорит:

وَمَن يَتَّقِ اللَّهَ يَجْعَل لَّهُ مَخْرَجًا * وَيَرْزُقْهُ مِنْ حَيْثُ لَا يَحْتَسِبُ

«А тому, кто боится Аллаха, Аллах дает выход и наделяет его пропитанием оттуда, откуда он даже не ожидает» (Коран, сура «Развод», 65:2—3).

Итак, о рабы Аллаха, эта богобоязненность (ат-такъуа) — она и есть причина счастья. Вот это и есть путь к счастью, путь к этому внутреннему спокойствию, умиротворению и удовлетворенности, чувство безопасности и спокойствия. Вот это такъуа!

А теперь послушай! Эта богобоязненность (ат-такъуа), которая дает все это, сводится к четырем вещам: 1) Единобожие (Таухид), 2) правдивое намерение, 3) следование за Посланником Аллаха (да благословит его Аллах и приветствует), 4) подчинение Аллаху. Запомни, о раб Аллаха!

Первое — это Таухид, поклонение только Аллаху, Который создал тебя и все сущее, отстранение от всякого многобожия (ширка), от всего, чему поклоняются наряду с Аллахом (пречист Он и возвышен). Это очень важно! Это суть сотворения мироздания — это Единобожие (Таухид). Запомни хорошенько! Это не пустые слова, а это самые важные слова. Кто поклоняется Аллаху внешне и внутренне своим словом, своим сердцем, своим действием, отвергает всякого ложного бога и отрекается от придания Аллаху сотоварищей в своем поклонении — такому человеку Аллах дает духовную безопасность, Аллах дает ему сердечное спокойствие. Аллах (пречист Он и возвышен) говорит:

الَّذِينَ آمَنُوا وَلَمْ يَلْبِسُوا إِيمَانَهُم بِظُلْمٍ أُولَئِكَ لَهُمُ الْأَمْنُ وَهُم مُّهْتَدُونَ

«Тем, которые уверовали и не облекли свою веру в беззаконие (зъульм) (т. е. ширк), будет полная безопасность, и они ведомы прямым путем» (Коран, сура «Скот», 6:82).

Как может быть иначе, если сердце человека пронизано любовью к Аллаху, упованием на Аллаха, надеждой на награду, которая есть у Аллаха, и Его милость и другими смыслами Таухида?! Как может быть иначе?! Вот поэтому Пророк (да благословит его Аллах и приветствует) порекомендовал при грусти, когда у тебя печаль, удрученность, произносить те слова, в которых Таухид и отречение от ширка. Асма бинт Умайс (да будет доволен ею Всевышний Аллах) рассказывает, что сказал ей Пророк (да благословит его Аллах и приветствует) однажды:

ألا أعلمك كلمات تقولينهن عند الكرب: الله الله ربي لا أشرك به شيئا

«Хочешь, я тебя научу таким словам, которые ты будешь говорить, когда печаль (и грусть) (когда внутренняя тяжесть)? “Аллах, Аллах — мой Господь! И я не предаю Ему ничего в сотоварищи (не делаю никакой ширк)” /Аллаху, Аллаху Рабби, ля ушрику би-хи щей-а!/». Этот хадис передали Абу Дауд (1525) и ибн Маджах (3882), шейх аль-Альбани назвал его достоверным.

Тем, кто верует, и тем, кто исповедует Таухид, поклоняясь только Аллаху (пречист Он и возвышен), не примешивая к своему поклонению никакого многобожия (ширка), будет полная безопасность, полное умиротворение, чувство спокойствия. Вот это и называется, собственно говоря, счастьем.

А второе, о рабы Аллаха, что входит в эту самую богобоязненность, которая дает это внутреннее счастье, — это правдивое намерение. Что такое правдивое намерение? Правдивое намерение — это когда человек хочет вечную жизнь (ахиру). Вот это вот правдивое намерение! Когда он стремится именно к вечной жизни (ахиру). И Аллах (пречист Он и возвышен) знает, что в его сердце стремление к вечной жизни (ахире). И вот поверьте — а понять эти слова может только тот, у кого это есть, если ты стремишься к вечной жизни, обязательно Аллах (пречист Он и возвышен) внушит душе твоей и даст безмятежную радость, светлое умиротворение и покой. Эти слова поймет только тот, кто испытал это. Именно поэтому Посланник Аллаха (да благословит его Аллах и приветствует) сказал:

من كانت الآخرةُ نيَّتَه ، جمع اللهُ له أمرَه ، وجعل غناه في قلبِه ، وأتته الدُّنيا وهي راغمةٌ

«(Все) дела того, чьим намерением является вечная жизнь (ахира), Аллах приведет в порядок, поместит в его сердце довольство и умиротворение, и придут к нему мирские блага поневоле». Этот хадис передали Ахмад (183/5) и ибн Маджах (1375/2), шейх аль-Альбани назвал его достоверным...

То есть ему не нужно будет прилагать каких-то особых усилий, ему не нужно как-то особо гнаться за этим, а мирские блага придут к нему сами поневоле, говорил Пророк (да благословит его Аллах и приветствует).

Третье, что входит в богобоязненность, то, что обеспечивает нам счастье, и без чего нет счастья — это любовь к Пророку (да благословит его Аллах и приветствует), которая выражается в следовании за ним. Любовь к Пророку — это не слова «Я люблю Пророка», любовь к Пророку — это следование (иттиба’) за Пророком (да благословит его Аллах и приветствует) во всем. И запомните, что все счастье в следовании за Пророком и все горе и вся беда в нежелании следовать за Посланником Аллаха (да благословит его Аллах и приветствует).

قُلْ إِن كُنتُمْ تُحِبُّونَ اللَّهَ فَاتَّبِعُونِي يُحْبِبْكُمُ اللَّهُ وَيَغْفِرْ لَكُمْ ذُنُوبَكُمْ

«Скажи: “Если вы любите Аллаха, то следуйте за мной, и тогда возлюбит вас Аллах и простит вам ваши грехи”» (Коран, сура «Семейство Имрана», 3:31).

А четвертая вещь, о раб Аллаха, та вещь, которая входит в богобоязненность и от которой зависит твое счастье, — это усердное подчинение Аллаху (пречист Он и возвышен). Всё просто: делай то, что Аллах приказывает, и оставляй то, что Аллах запретил. Усердствуй в том, что угодно Аллаху (пречист Он и возвышен), — и будет тебе счастье, и будешь ты счастлив и блажен. Аллах (пречист Он и возвышен) говорит:

مَنْ عَمِلَ صَالِحًا مِّن ذَكَرٍ أَوْ أُنثَى وَهُوَ مُؤْمِنٌ فَلَنُحْيِيَنَّهُ حَيَاةً طَيِّبَةً

«Кто совершает праведные поступки, будь то мужчина или женщина, при условии, что он верующий, тому Мы непременно дадим благую жизнь» (Коран, сура «Пчелы», 16:97).

Говорит Пророк (да благословит его Аллах и приветствует) (наверняка все вы знаете этот хадис), что сказал Аллах:

مَنْ عَادَى لِي وَلِيًّا فَقَدْ آذَنْتُهُ بِالْحَرْبِ ، وَمَا تَقَرَّبَ إِلَيَّ عَبْدِي بِشَيْءٍ أَحَبَّ إِلَيَّ مِمَّا افْتَرَضْتُ عَلَيْهِ ، وَمَا يَزَالُ عَبْدِي يَتَقَرَّبُ إِلَيَّ بِالنَّوَافِلِ حَتَّى أُحِبَّهُ ، فَإِذَا أَحْبَبْتُهُ كُنْتُ سَمْعَهُ الَّذِي يَسْمَعُ بِهِ ، وَبَصَرَهُ الَّذِي يُبْصِرُ بِهِ ، وَيَدَهُ الَّتِي يَبْطِشُ بِهَا ، وَرِجْلَهُ الَّتِي يَمْشِي بِهَا، وَإِنْ سَأَلَنِي لَأُعْطِيَنَّهُ ، وَلَئِنْ اسْتَعَاذَنِي لَأُعِيذَنَّهُ

«Кто будет враждовать с Моим праведным рабом, тому Я объявляю войну. И не может приблизиться ко Мне раб Мой посредством чего-то более любимого для Меня, чем то, что Я вменил ему в обязанность. И будет приближаться ко Мне раб Мой посредством дополнительный деяний, пока Я не возлюблю его. А если возлюблю его, то буду слухом его, которым он слышит, и зрением его, которым он видит, и рукой его, которой он берет, и ногой его, которой он ходит. Если попросит Меня, Я непременно дам ему, попросит защиты — Я дам ему защиту». Этот хадис передал аль-Бухари (6502).

О рабы Аллаха! Бойтесь Аллаха! О те, которые хотят счастья, бережно храните свою покорность Аллаху — и тогда Аллах будет хранить вас. Берегите свои взаимоотношения с Аллахом — и тогда Аллах будет беречь вас. И твердо знайте, что если все люди и все джинны соберутся, чтобы принести вам какую-то пользу и как-то помочь вам, они смогут помочь вам ровно настолько, насколько это предписал Аллах. И если все соберутся, чтобы причинить вам вред, они причинят вам вред ровно настолько, насколько предписал это Аллах. Так бойтесь же Аллаха, о рабы Аллаха, живите на Его пути — и вы обретете счастье.

═════════════════════════════════════════════════════════════════════════

Перевод хутбы на крымскотатарский

بسم الله الرحمن الرحيم

Бахт неде?

الحمد لله وحده، والصلاة والسلام على من لا نبي بعده أَشْهَدُ أَنْ لا إِلَهَ إِلَّا اللهُ وَحْدُهُ لا شَرِيكَ لَهُ، وَأَشْهَدُ أَنَّ مُحَمَّدَاً عَبْدُهُ وَرَسُولُهُ
أما بعد
عباد الله

Эй иман эткен Аллахын къуллары! Инсаннынъ фитрасына, табиатына бахткъа ынтылмакъ ерлештирильген. Эр бир инсан бахытлы олмагъа итсей. О ойле яратылгъан ки, о бахт истей. Бахтны эм иман эткен эм де динсыз истей, гунахкяр ве салих инсан, акъай киши ве апай киши, яш ве къарт. Амма инсанлар бахт къыдырмакъта чешит тюрлю усулларнен къулланалар, ве бу усуллар чокътыр.

Базылары беллейлер бахт кезювде. Сен коресинъ инсан бир мемлекеттен бир мемлекетке кезе, шеэр ве укюметлерде кезе. Оны эвинде бир шей тутмай: не къоранта, не бала-чагъа, не къайгъырув, не акърабалары. О муим ишлери олгъына ичюн кезмей, бу кезмеде бахт корьгени ичюн кезе. Бу гъарип худжур, аслында бильмей, керчектен о озюни хорлай, чюнки Пейгъамберимизﷺдеди:

السَّفَرُ قِطْعَةٌ مِنَ العَذَابِ، يَمْنَعُ أحَدَكُمْ طَعَامَهُ وشَرَابَهُ ونَوْمَهُ، فَإِذَا قَضَى نَهْمَتَهُ، فَلْيُعَجِّلْ إلى أهْلِهِ

«Сеяхат – бу къыйналув парчасыдыр: о инсанны аштан, сувдан, юхудан махрум къалдыра, онынъ ичюн аранъызда ким де ким озь ишлерини битирсе тезден озь къорантасына къайтмагъа ашыкъсын».

аль-Бухари (1804) ве Муслим (1927)

Базы инсанлар бар, олар саялар бахт – бу чокъча мал-мульк топламакъ, озь байлыгъыны чокълаштырмакъ, озь вазиетини гузельтмектир. Мына инсан бу шейге толусынен бата, пара къазанмагъа, мал-мульк тапмагъа о къадар эгленеки, бу оны Раббисине ибадет япмакътан узакълаштыра. Бу дюньягъа кельгени себебини, миссиясыны ерине кетирмектен узакълаштыра, Раббисине къуллыкъ япмакътан узакълаштыра. Ве инсан Аллахын айткъан сёзлерине къулакъ асмай:

يَا أَيُّهَا الَّذِينَ آمَنُوا لَا تُلْهِكُمْ أَمْوَالُكُمْ وَلَا أَوْلَادُكُمْ عَن ذِكْرِ اللَّهِ وَمَن يَفْعَلْ ذَلِكَ فَأُولَئِكَ هُمُ الْخَاسِرُونَ

«Эй, иман эткенлер! Малларынъыз ве балаларынъыз сизни Аллаhны анъмакътан узакълаштырмасын. Ким буны япса, иште олар зиянгъа огърагъанлардыр»

(«аль-Мунафикъун», 63:9 ает).

Бойле шекильде инсан байлыкъ, мал-мульк чокълаштырмагъа эглене. Не вакъыткъа къадар? Мезарлыкъны зиярет этмегене къадар. Аллах Къоранда бойле буюра:

أَلْهَاكُمُ التَّكَاثُرُ * حَتَّى زُرْتُمُ الْمَقَابِرَ * كَلَّا سَوْفَ تَعْلَمُونَ

«Чокълукъ къурунтысы сизни о дередже мешгъуль этти ки, ниает къабирлерни зиярет эттинъиз. Ёкъ! Якъында биледжексинъиз!»

(«ат-Текяасур», 102:1-3)

Даан бойле инсанлар бар, олар бахтны озь истеклерини, озь нефсини, озь назларыны ерине кетирмекте къыдыралар. О исткелер насыл олса олсун, инсан раатсызланмай, бу истеклерде гунах бар яда ёкъ, бу истеклер элял яда харам. Эн онеми –озь нефсине истегенини бермек. Яни бу инсан ичюн элял – бу онынъ нефси истеген шейдир. Ана инсан гунахкъа бата, чюнки о бойле шекильде бахт къыдыра. Ве о гунахны япа, амма къыдыргъан бахтны тапып оламай. Терсине инсан гунах япаркен, онынъ нефси даан зияде тыскъычкъа тюшкенини дуя, онынъ нефсинде атеш янгъаныны дуя, онынъ нефси азап дуя. Ве инсан тюшюне бу атешни насыл сёндюрмек мумкюн, бу тыскъычтан насыл чыкъмакъ мумкюн, бу атешни ве азапларны янъы гунахларнен сёндюрип, янъы гуннах амеллер япып башлай, сон келеджек гунахны япа, сон келеджек гунахны япа, гуннах артындан гунах, онынъ юреги перденен къапалмагъана къадар. Мына энди о бахтсыз яшай, бахтсыз оледжек, ве бахтсыз тирильтиледжек.

Даан ойле инсанлар бар, эй Аллахын къуллары, олар бахт аслында ёкъ дейлер. Олар дейлер бу эписи олмайджакъ фикирлер, бу хаял ве хаялет. Аслында бахт ёкъ, бу иришильмейджек бир макъсад. Бу гъарип инсан джиддий оларакъ тюшюне ки бахт ёкъ ве аслында олмаз. Амма эй Аллахын къуллары, бу инсан адаша. Бахт бардыр! Шубесиз бахт мевджуттыр.

Амма бахт бу недир?! Бахт исе керчектен – бу ичинъде олгъан шей, бу ичинънен дуюлгъан шейдир. Бу раатлыкътыр, бу къайгъысыз бир къуванчтыр, бу мемнунлыкътыр, бу тескинликтир, бу юрегинъде олгъан пек бахтлы ве сеадетли бир алемдир. Ве Аллах буны эписини базы озь къулларыны юреклерине ерлештире.

Амма бу насыл къуллар? Аллах кимлерни юреклерине бу бахтны ерлештире? Олар кимлер, эй Аллахын къуллары? Олар – такъва саиби (аль-муттакъун) кимселер, олар такъва инсанлары (ахлю т-такъва). Айни бу такъваны Аллах къадимий ве шимдики миллетлерге васиет этти ве деди:

وَلَقَدْ وَصَّيْنَا الَّذِينَ أُوتُوا الْكِتَابَ مِن قَبْلِكُمْ وَإِيَّاكُمْ أَنِ اتَّقُوا اللَّهَ

«Сизден эвель озьлерине Китап берильгенлерге ве сизге: «Аллаhтан коркъунъ», деп эмир этик»

(«ан-Нисаа», 4:131 ает).

Такъвалы инсан (аль-муттакъи) – о бахтлыдыр. О насыл бахтлы олмайджак, эгер Аллах оннен олса, эгер Аллах онъа ярдым эте, эгер Аллах оны севе, эгер Аллах оны къорчалай ве сакълай?!

وَاتَّقُوا اللَّهَ وَاعْلَمُوا أَنَّ اللَّهَ مَعَ الْمُتَّقِينَ

«Аллахтан къоркъунъ ве билинъ ки, Аллах муттакъийлернен берабердир»

(«аль-Бакъара», 2:194 ает).

فَإِنَّ اللَّهَ يُحِبُّ الْمُتَّقِينَ

«Шубесиз, Аллах муттакъийлерни север»

(«али-Имран», 3:76 ает).

إِنَّ اللَّهَ يُدَافِعُ عَنِ الَّذِينَ آمَنُوا

«Шубесиз, Аллах иман эткенлерни къорчалай»

(«аль-Хаджж», 22:38 ает).

Эгер Аллах бу инсангъа агъыр вазиеттен эр вакъыт чыкъыш береркен, насыл инсан бахтлы олмайджакъ?!

Аллах озь китабында дей:

وَمَن يَتَّقِ اللَّهَ يَجْعَل لَّهُ مَخْرَجًا * وَيَرْزُقْهُ مِنْ حَيْثُ لَا يَحْتَسِبُ

«Ким Аллахтан къоркъса, Аллах онъа бир чыкъыш ёлу ихсан этер ве онъа беклемеген еринден рызыкъ берир» («ат-Талякъ», 65:2-3 аетлер).

Бойлеликнен, эй Аллахын къуллары, бу Аллахтан къоркъув (ат-такъуа) – будыр бахтнынъ себеби. Будыр бахткъа ёл, ич раатлыгъына ёл, тескин ве мемнунлыкъкъа ёл, хавфсызлыкъкъа ве раатлыкъкъа ёл. Будыр такъва.

Энди исе динъле! Буны эписини берген такъва 4 шейден ибареттир:

  1. Таухид.
  2. Ихляслы ниет.
  3. Пейгъамберимизниﷺизлемек.
  4. Аллаха таби олмакъ

Эй Аллахын къулы, буны акъылынъда тут.

Биринджиси – бу Таухид, сени ве бутюн кяинатны яраткъан тек бир Аллаха ибадет япмакътыр, ширкни чешит тюрлю сыфатындан узакълашмакътыр, Аллахнен берабер неге ибадет этселер, ондан узакълашмакъ. Бу пек онемлидир! Бу кяинатны яратылгъан асыл себебидир – бу Таухид. Пек гузель акъылынъда тут! Бу бош сёзлер дегиль, бу пек онемли сёзлердыр. Ким Аллаха эм ичинен, эм де тишинен озь сёзюнен, къальбинен, амелинен ибадет эте исе, ве чешит тюрлю ялан иляхларны терк эте исе, Аллаха озь ибадетинде шерик къошмакътан вазгече исе – бойле инсангъа Аллах рухий хавфсызлыкъ насиб эте, Аллах онъа юрек раатлыгъы бере. Аллах озь китабында бойле буюра:

الَّذِينَ آمَنُوا وَلَمْ يَلْبِسُوا إِيمَانَهُم بِظُلْمٍ أُولَئِكَ لَهُمُ الْأَمْنُ وَهُم مُّهْتَدُونَ

«Инанып да, иманларына эр анги бир акъсызлыкъкъа былаштырмагъанлар бар я, иште, ишанч оларнынъдыр ве олар догъру ёлны тапкъанлардыр»

(«аль-Ан’ам», 6:82 ает).

Эгер инсаннынъ юреги Аллахына къаршы севгинен толу исе, Аллаха тевеккюльнен толу исе, Онынъ мукяфатына умютнен толу исе, Онынъ рахметинен ве Таухидны чешит тюрлю мефуминен юреги толу исе, терсине насыл ола билир?! Башкъаджа насыл ола билир?!

Онынъ ичюн Пейгъамберимизﷺсенде къаарь къасевет олгъанда, кюскюн олгъанынъда, Таухид олгъан ве ширктен терк этмек олгъан сёзлер айтмагъа эмир этти. Асма бинт Умайс (Аллах ондан разы олсун) деди, Пейгъамберимизﷺонъа бир заман деди:

ألا أعلمك كلمات تقولينهن عند الكرب: الله الله ربي لا أشرك به شيئا

«Истесенъ, къаарь къасеветли олгъанынъда (эфкяр олгъанынъда), (ичинъде агъырлыкъ дуйгъанынъда) бойле сёзлер айтмагъа огретейим? «Аллах, Аллах – меним Раббим! Мен Онъа асла бир шейни шерик къошмайджам (асла ширк япмайджам)» /Аллаху, Аллаху Рабби, ля ушрику би-хи щей-а!/» Абу Дауд (1525) ве ибн Маджах (3882), шейх аль-Альбани сахих деди.

Ким иман эте, ким Таухидны куте, тек бир Аллаха ибадет эте, озь ибадетине асла ширк къарыштырмай, онъа толусынен хавфсызлыкъ оладжакъ, толусынен тескин оладжакъ, толусынен тынчлыкъ оладжакъ. Бунъа дерлер бахт.

Экинджиси – такъвагъа кирген, ич бахт берген шей – бу ихляслы ниет. Ихляслы ниет – бу недир? Ихляслы ниет – бу не вакъыт инсан ахиретни арзу эте, истей. Будыр ихляслы ниет! Анджакъ ахиретке ынтылмакътыр. Ве Аллах онынъ юрегинде ахиретке ынтылмакъ олгъаныны биле. Инанынъызки – бу сёзлерни, тек кимде бу ынтылмакъ бар, о анълап олур, эгер сен эбедий яшайышкъа тырышсанъ, Аллах мытлакъкъа сенинъ рухунъа огют этер ве къайгъысыз, ярыкъ тескин ве раатлыкъ насиб этер. Бу сёзлерни тек буны кечиргенлер анънарлар. Онынъ ичюн , Пейгъамберимизﷺдеди:

من كانت الآخرةُ نيَّتَه ، جمع اللهُ له أمرَه ، وجعل غناه في قلبِه ، وأتته الدُّنيا وهي راغمةٌ

«Ниетлери эбедий яшайыш олгъанларнынъ амеллерини Аллах тертибке кетирер, онынъ юрегине разылыкъ ве раатлыкъ къояр, ве онъа бу дуньянынъ хайыры истемесе биле келир» Ахмад (183/5) ве ибн Маджах (1375/2), шейх аль-Альбани сахих деди.

Яни онъа айрыджа кучь уйгъуламакъ керек олмайджакъ, айрыджа пешинден тюшмеге керек олмайджакъ, бу дуньянынъ хайыры истер-истемез онъа келеджек деди Пейгъамберимизﷺ.

Учюнджи – такъвагъа кирген шей, бизни бахтнен темин эткен шей, ве бу шейсиз бахт олмаз – бу Пейгъамберимизгеﷺкъаршы севги корьсетмектир. Ве бу севги Пейгъамберимизниﷺизлемекте корюне. Пейгъамберимизгеﷺкъаршы севги – бу «мен Пейгъамберниﷺсевем» демек дегильдир, Пейгъамбергеﷺкъаршы севги – бу эр бир шейде онынъ изинден кетмектир (иттиба’). Ве акъылынъызда тутынъыз, бутюн бахт Пейгъамберниﷺизинден кетмектедир, ве бутюн беля-фелякет – бу Пейгъамберниﷺизинден кетмеге истемемектир.

قُلْ إِن كُنتُمْ تُحِبُّونَ اللَّهَ فَاتَّبِعُونِي يُحْبِبْكُمُ اللَّهُ وَيَغْفِرْ لَكُمْ ذُنُوبَكُمْ

«(Ресулым!) Де ки: Эгер Аллаhны севсенъиз, манъа уйынъыз ки, Аллаh да сизни севсин ве гунахларынъызны багъышласын»

(«аль-Имран», 3:31 ает).

Дёртюнджи шей – ойле шей ки, о такъвагъа кире, ве бахт оннен мытлакъкъа багълыдыр, — бу Аллаха гъайретнен таби олмакътыр. Пек къолай: Аллахын эмир эткенини яп, ясакъ эткен шейинден узакълаш, Аллах разы олгъан шейде гъайрет корьсет, о заман санъа бахт олур, сен бахтлы ве частлы олурсынъ. Аллах озь китабында бойле буюра:

مَنْ عَمِلَ صَالِحًا مِّن ذَكَرٍ أَوْ أُنثَى وَهُوَ مُؤْمِنٌ فَلَنُحْيِيَنَّهُ حَيَاةً طَيِّبَةً

«Эркек я да къадын, му'мин оларакъ ким эйи амель ишлесе, оны мытлакъа гузель бир аят иле яшатырмыз»

(«ан-Наhль», 16:97 ает).

Пейгъамберимизﷺ Аллахын сёзлерини айты (бельки чокъунъыз бу хадисны биледирсиниз):

مَنْ عَادَى لِي وَلِيًّا فَقَدْ آذَنْتُهُ بِالْحَرْبِ ، وَمَا تَقَرَّبَ إِلَيَّ عَبْدِي بِشَيْءٍ أَحَبَّ إِلَيَّ مِمَّا افْتَرَضْتُ عَلَيْهِ ، وَمَا يَزَالُ عَبْدِي يَتَقَرَّبُ إِلَيَّ بِالنَّوَافِلِ حَتَّى أُحِبَّهُ ، فَإِذَا أَحْبَبْتُهُ كُنْتُ سَمْعَهُ الَّذِي يَسْمَعُ بِهِ ، وَبَصَرَهُ الَّذِي يُبْصِرُ بِهِ ، وَيَدَهُ الَّتِي يَبْطِشُ بِهَا ، وَرِجْلَهُ الَّتِي يَمْشِي بِهَا، وَإِنْ سَأَلَنِي لَأُعْطِيَنَّهُ ، وَلَئِنْ اسْتَعَاذَنِي لَأُعِيذَنَّهُ

«Ким Меним салих къулымнен саваш япса, Мен онъа саваш беян этеджем. Меним эн севимли, фарз эткен шейимден гъайры, башкъа бир шей себебинден Меним къулым манъа якъынлашып оламаз. Кенеде Мен оны севмегениме къадар, о нафиле ибадетлери себебинден манъа якъынлашаджакъ. Эгер исе Мен оны севсем, Мен онынъ ишиткен эшитюви оладжам, Мен онынъ корьген корюви оладжам, алгъан къолу оладжам, ве юрген аягъы оладжам. Эгер Менден сораса, мытлакъа береджем, эгер къорчалав истесе – Мен оны къорчалайджам». аль-Бухари (6502).

Эй Аллахын къуллары! Аллахтан къоркъунъ! Эй бахт истеген кимселер, Аллаха къаршы олгъан табийлигинъизни къорчаланъ – о заман Аллах сизни къорчалар. Аллахнен аранъызда олгъан мунасебетни къорчаланъ – о заман Аллах сизни къорчалар. Ве къатты билинъизки, эгер бутюн инсан ве джинлер сизге файда кетирмеге ве ярдым этмеге топлашсалар, олар тек Аллахын язысы олгъан къадар ярдым этерлер. Ве эписи сизге зарар кетирмеге топлашсалар, тек Аллахын язысы олгъан къадар зарар кетирерлер. Онынъ ичюн Аллахтан къоркъунъ, эй Аллахын къуллары, Онынъ ёлунда яшанъ – о вакъыт сиз бахт къазангъанлардан олурсынъыз.

بسم الله الرحمن الرحيم

Baht nede?

الحمد لله وحده، والصلاة والسلام على من لا نبي بعده أَشْهَدُ أَنْ لا إِلَهَ إِلَّا اللهُ وَحْدُهُ لا شَرِيكَ لَهُ، وَأَشْهَدُ أَنَّ مُحَمَّدَاً عَبْدُهُ وَرَسُولُهُ

أما بعد

عباد الله

Ey iman etken Allahın qulları! İnsannıñ fitrasına, tabiatına bahtqa ıntılmaq yerleştirilgen. Er bir insan bahıtlı olmağa itsey. O öyle yaratılğan ki, o baht istey. Bahtnı em iman etken em de dinsız istey, günahkâr ve salih insan, aqay kişi ve apay kişi, yaş ve qart. Amma insanlar baht qıdırmaqta çeşit türlü usullarnen qullanalar, ve bu usullar çoqtır.

Bazıları belleyler baht kezüvde. Sen köresiñ insan bir memleketten bir memleketke keze, şeer ve ükümetlerde keze. Onı evinde bir şey tutmay: ne qoranta, ne bala-çağa, ne qayğıruv, ne aqrabaları. O müim işleri olğına içün kezmey, bu kezmede baht körgeni içün keze. Bu ğarip hucur, aslında bilmey, kerçekten o özüni horlay, çünki Peyğamberimizﷺdedi:

السَّفَرُ قِطْعَةٌ مِنَ العَذَابِ، يَمْنَعُ أحَدَكُمْ طَعَامَهُ وشَرَابَهُ ونَوْمَهُ، فَإِذَا قَضَى نَهْمَتَهُ، فَلْيُعَجِّلْ إلى أهْلِهِ

«Seyahat – bu qıynaluv parçasıdır: o insannı aştan, suvdan, yuhudan mahrum qaldıra, onıñ içün arañızda kim de kim öz işlerini bitirse tezden öz qorantasına qaytmağa aşıqsın».

al-Buhari (1804) ve Müslim (1927)

Bazı insanlar bar, olar sayalar baht – bu çoqça mal-mülk toplamaq, öz baylığını çoqlaştırmaq, öz vaziyetini güzeltmektir. Mına insan bu şeyge tolusınen bata, para qazanmağa, mal-mülk tapmağa o qadar egleneki, bu onı Rabbisine ibadet yapmaqtan uzaqlaştıra. Bu dünyağa kelgeni sebebini, missiyasını yerine ketirmekten uzaqlaştıra, Rabbisine qullıq yapmaqtan uzaqlaştıra. Ve insan Allahın aytqan sözlerine qulaq asmay:

يَا أَيُّهَا الَّذِينَ آمَنُوا لَا تُلْهِكُمْ أَمْوَالُكُمْ وَلَا أَوْلَادُكُمْ عَن ذِكْرِ اللَّهِ وَمَن يَفْعَلْ ذَلِكَ فَأُولَئِكَ هُمُ الْخَاسِرُونَ

«Ey, iman etkenler! Mallarıñız ve balalarıñız sizni Allahnı añmaqtan uzaqlaştırmasın. Kim bunı yapsa, işte olar ziyanğa oğrağanlardır»

(«al-Munafiqun», 63:9 ayet).

Böyle şekilde insan baylıq, mal-mülk çoqlaştırmağa eglene. Ne vaqıtqa qadar? Mezarlıqnı ziyaret etmegene qadar. Allah Qoranda böyle buyura:

أَلْهَاكُمُ التَّكَاثُرُ * حَتَّى زُرْتُمُ الْمَقَابِرَ * كَلَّا سَوْفَ تَعْلَمُونَ

«Çoqluq quruntısı sizni o derece meşğul etti ki, niayet qabirlerni ziyaret ettiñiz. Yoq! Yaqında bileceksiñiz!»

(«at-Tekâasur», 102:1-3)

Daan böyle insanlar bar, olar bahtnı öz isteklerini, öz nefsini, öz nazlarını yerine ketirmekte qıdıralar. O istkeler nasıl olsa olsun, insan raatsızlanmay, bu isteklerde günah bar yada yoq, bu istekler elâl yada haram. En önemi –oz nefsine istegenini bermek. Yani bu insan içün elâl – bu onıñ nefsi istegen şeydir. Ana insan günahqa bata, çünki o böyle şekilde baht qıdıra. Ve o günahnı yapa, amma qıdırğan bahtnı tapıp olamay. Tersine insan günah yaparken, onıñ nefsi daan ziyade tısqıçqa tüşkenini duya, onıñ nefsinde ateş yanğanını duya, onıñ nefsi azap duya. Ve insan tüşüne bu ateşni nasıl söndürmek mümkün, bu tısqıçtan nasıl çıqmaq mümkün, bu ateşni ve azaplarnı yañı günahlarnen söndürip, yañı gunnah ameller yapıp başlay, son kelecek günahnı yapa, son kelecek günahnı yapa, gunnah artından günah, onıñ yüregi perdenen qapalmağana qadar. Mına endi o bahtsız yaşay, bahtsız ölecek, ve bahtsız tiriltilecek.

Daan öyle insanlar bar, ey Allahın qulları, olar baht aslında yoq deyler. Olar deyler bu episi olmaycaq fikirler, bu hayal ve hayalet. Aslında baht yoq, bu irişilmeycek bir maqsad. Bu ğarip insan ciddiy olaraq tüşüne ki baht yoq ve aslında olmaz. Amma ey Allahın qulları, bu insan adaşa. Baht bardır! Şübesiz baht mevcuttır.

Amma baht bu nedir?! Baht ise kerçekten – bu içiñde olğan şey, bu içiñnen duyulğan şeydir. Bu raatlıqtır, bu qayğısız bir quvançtır, bu memnunlıqtır, bu teskinliktir, bu yüregiñde olğan pek bahtlı ve seadetli bir alemdir. Ve Allah bunı episini bazı öz qullarını yüreklerine yerleştire.

Amma bu nasıl qullar? Allah kimlerni yüreklerine bu bahtnı yerleştire? Olar kimler, ey Allahın qulları? Olar – taqva saibi (al-muttaqun) kimseler, olar taqva insanları (ahlü t-taqva). Ayni bu taqvanı Allah qadimiy ve şimdiki milletlerge vasiyet etti ve dedi:

وَلَقَدْ وَصَّيْنَا الَّذِينَ أُوتُوا الْكِتَابَ مِن قَبْلِكُمْ وَإِيَّاكُمْ أَنِ اتَّقُوا اللَّهَ

«Sizden evel özlerine Kitap berilgenlerge ve sizge: „Allahtan korquñ“, dep emir etik»

(«an-Nisaa», 4:131 ayet).

Taqvalı insan (al-muttaqi) – o bahtlıdır. O nasıl bahtlı olmaycak, eger Allah onnen olsa, eger Allah oña yardım ete, eger Allah onı seve, eger Allah onı qorçalay ve saqlay?!

وَاتَّقُوا اللَّهَ وَاعْلَمُوا أَنَّ اللَّهَ مَعَ الْمُتَّقِينَ

«Allahtan qorquñ ve biliñ ki, Allah muttaqiylernen beraberdir»

(«al-Baqara», 2:194 ayet).

فَإِنَّ اللَّهَ يُحِبُّ الْمُتَّقِينَ

«Şübesiz, Allah muttaqiylerni sever»

(«ali-İmran», 3:76 ayet).

إِنَّ اللَّهَ يُدَافِعُ عَنِ الَّذِينَ آمَنُوا

«Şübesiz, Allah iman etkenlerni qorçalay»

(«al-Hacj», 22:38 ayet).

Eger Allah bu insanğa ağır vaziyetten er vaqıt çıqış bererken, nasıl insan bahtlı olmaycaq?!

Allah öz kitabında dey:

وَمَن يَتَّقِ اللَّهَ يَجْعَل لَّهُ مَخْرَجًا * وَيَرْزُقْهُ مِنْ حَيْثُ لَا يَحْتَسِبُ

«Kim Allahtan qorqsa, Allah oña bir çıqış yolu ihsan eter ve oña beklemegen yerinden rızıq berir»

(«at-Talâq», 65:2-3 ayetler).

Böyleliknen, ey Allahın qulları, bu Allahtan qorquv (at-taqua) – budır bahtnıñ sebebi. Budır bahtqa yol, iç raatlığına yol, teskin ve memnunlıqqa yol, havfsızlıqqa ve raatlıqqa yol. Budır taqva.

Endi ise diñle! Bunı episini bergen taqva 4 şeyden ibarettir:

1. Tauhid.

2. İhlâslı niyet.

3. Peyğamberimizniﷺizlemek.

4. Allaha tabi olmaq

Ey Allahın qulı, bunı aqılıñda tut.

Birincisi – bu Tauhid, seni ve bütün kâinatnı yaratqan tek bir Allaha ibadet yapmaqtır, şirkni çeşit türlü sıfatından uzaqlaşmaqtır, Allahnen beraber nege ibadet etseler, ondan uzaqlaşmaq. Bu pek önemlidir! Bu kâinatnı yaratılğan asıl sebebidir – bu Tauhid. Pek güzel aqılıñda tut! Bu boş sözler degil, bu pek önemli sözlerdır. Kim Allaha em içinen, em de tişinen öz sözünen, qalbinen, amelinen ibadet ete ise, ve çeşit türlü yalan ilâhlarnı terk ete ise, Allaha öz ibadetinde şerik qoşmaqtan vazgeçe ise – böyle insanğa Allah ruhiy havfsızlıq nasib ete, Allah oña yürek raatlığı bere. Allah öz kitabında böyle buyura:

الَّذِينَ آمَنُوا وَلَمْ يَلْبِسُوا إِيمَانَهُم بِظُلْمٍ أُولَئِكَ لَهُمُ الْأَمْنُ وَهُم مُّهْتَدُونَ

«İnanıp da, imanlarına er angi bir aqsızlıqqa bılaştırmağanlar bar ya, işte, işanç olarnıñdır ve olar doğru yolnı tapqanlardır»

(«al-An’am», 6:82 ayet).

Eger insannıñ yüregi Allahına qarşı sevginen tolu ise, Allaha tevekkülnen tolu ise, Onıñ mukâfatına ümütnen tolu ise, Onıñ rahmetinen ve Tauhidnı çeşit türlü mefuminen yüregi tolu ise, tersine nasıl ola bilir?! Başqaca nasıl ola bilir?!

Onıñ içün Peyğamberimizﷺsende qaar qasevet olğanda, küskün olğanıñda, Tauhid olğan ve şirkten terk etmek olğan sözler aytmağa emir etti. Asma bint Umays (Allah ondan razı olsun) dedi, Peyğamberimizﷺoña bir zaman dedi:

ألا أعلمك كلمات تقولينهن عند الكرب: الله الله ربي لا أشرك به شيئا

«İsteseñ, qaar qasevetli olğanıñda (efkâr olğanıñda), (içiñde ağırlıq duyğanıñda) böyle sözler aytmağa ögreteyim? „Allah, Allah – menim Rabbim! Men Oña asla bir şeyni şerik qoşmaycam (asla şirk yapmaycam)“ /Allahu, Allahu Rabbi, lâ üşriku bi-hi şçey-a!/»

Abu Daud (1525) ve ibn Macah (3882), şeyh al-Albani sahih dedi.

Kim iman ete, kim Tauhidnı küte, tek bir Allaha ibadet ete, öz ibadetine asla şirk qarıştırmay, oña tolusınen havfsızlıq olacaq, tolusınen teskin olacaq, tolusınen tınçlıq olacaq. Buña derler baht.

Ekincisi – taqvağa kirgen, iç baht bergen şey – bu ihlâslı niyet. İhlâslı niyet – bu nedir? İhlâslı niyet – bu ne vaqıt insan ahiretni arzu ete, istey. Budır ihlâslı niyet! Ancaq ahiretke ıntılmaqtır. Ve Allah onıñ yüreginde ahiretke ıntılmaq olğanını bile. İnanıñızki – bu sözlerni, tek kimde bu ıntılmaq bar, o añlap olur, eger sen ebediy yaşayışqa tırışsañ, Allah mıtlaqqa seniñ ruhuña ögüt eter ve qayğısız, yarıq teskin ve raatlıq nasib eter. Bu sözlerni tek bunı keçirgenler añnarlar. Onıñ içün , Peyğamberimizﷺdedi:

من كانت الآخرةُ نيَّتَه ، جمع اللهُ له أمرَه ، وجعل غناه في قلبِه ، وأتته الدُّنيا وهي راغمةٌ

«Niyetleri ebediy yaşayış olğanlarnıñ amellerini Allah tertibke ketirer, onıñ yüregine razılıq ve raatlıq qoyar, ve oña bu dunyanıñ hayırı istemese bile kelir»

Ahmad (183/5) ve ibn Macah (1375/2), şeyh al-Albani sahih dedi.

Yani oña ayrıca küç uyğulamaq kerek olmaycaq, ayrıca peşinden tüşmege kerek olmaycaq, bu dunyanıñ hayırı ister-istemez oña kelecek dedi Peyğamberimizﷺ.

Üçünci – taqvağa kirgen şey, bizni bahtnen temin etken şey, ve bu şeysiz baht olmaz – bu Peyğamberimizgeﷺqarşı sevgi körsetmektir. Ve bu sevgi Peyğamberimizniﷺizlemekte körüne. Peyğamberimizgeﷺqarşı sevgi – bu «men Peyğamberniﷺsevem» demek degildir, Peyğambergeﷺqarşı sevgi – bu er bir şeyde onıñ izinden ketmektir (ittiba’). Ve aqılıñızda tutıñız, bütün baht Peyğamberniﷺizinden ketmektedir, ve bütün belâ-felâket – bu Peyğamberniﷺizinden ketmege istememektir.

قُلْ إِن كُنتُمْ تُحِبُّونَ اللَّهَ فَاتَّبِعُونِي يُحْبِبْكُمُ اللَّهُ وَيَغْفِرْ لَكُمْ ذُنُوبَكُمْ

«(Resulım!) De ki: Eger Allahnı sevseñiz, maña uyıñız ki, Allah da sizni sevsin ve günahlarıñıznı bağışlasın»

(«al-İmran», 3:31 ayet).

Dörtünci şey – öyle şey ki, o taqvağa kire, ve baht onnen mıtlaqqa bağlıdır, — bu Allaha ğayretnen tabi olmaqtır. Pek qolay: Allahın emir etkenini yap, yasaq etken şeyinden uzaqlaş, Allah razı olğan şeyde ğayret körset, o zaman saña baht olur, sen bahtlı ve çastlı olursıñ. Allah öz kitabında böyle buyura:

مَنْ عَمِلَ صَالِحًا مِّن ذَكَرٍ أَوْ أُنثَى وَهُوَ مُؤْمِنٌ فَلَنُحْيِيَنَّهُ حَيَاةً طَيِّبَةً

«Erkek ya da qadın, mu'min olaraq kim eyi amel işlese, onı mıtlaqa güzel bir ayat ile yaşatırmız»

(«an-Nahl», 16:97 ayet).

Peyğamberimizﷺ Allahın sözlerini aytı (belki çoquñız bu hadisnı biledirsiniz):

مَنْ عَادَى لِي وَلِيًّا فَقَدْ آذَنْتُهُ بِالْحَرْبِ ، وَمَا تَقَرَّبَ إِلَيَّ عَبْدِي بِشَيْءٍ أَحَبَّ إِلَيَّ مِمَّا افْتَرَضْتُ عَلَيْهِ ، وَمَا يَزَالُ عَبْدِي يَتَقَرَّبُ إِلَيَّ بِالنَّوَافِلِ حَتَّى أُحِبَّهُ ، فَإِذَا أَحْبَبْتُهُ كُنْتُ سَمْعَهُ الَّذِي يَسْمَعُ بِهِ ، وَبَصَرَهُ الَّذِي يُبْصِرُ بِهِ ، وَيَدَهُ الَّتِي يَبْطِشُ بِهَا ، وَرِجْلَهُ الَّتِي يَمْشِي بِهَا، وَإِنْ سَأَلَنِي لَأُعْطِيَنَّهُ ، وَلَئِنْ اسْتَعَاذَنِي لَأُعِيذَنَّهُ

«Kim Menim salih qulımnen savaş yapsa, Men oña savaş beyan etecem. Menim en sevimli, farz etken şeyimden ğayrı, başqa bir şey sebebinden Menim qulım maña yaqınlaşıp olamaz. Kenede Men onı sevmegenime qadar, o nafile ibadetleri sebebinden maña yaqınlaşacaq. Eger ise Men onı sevsem, Men onıñ işitken eşitüvi olacam, Men onıñ körgen körüvi olacam, alğan qolu olacam, ve yürgen ayağı olacam. Eger Menden sorasa, mıtlaqa berecem, eger qorçalav istese – Men onı qorçalaycam». al-Buhari (6502).

Ey Allahın qulları! Allahtan qorquñ! Ey baht istegen kimseler, Allaha qarşı olğan tabiyligiñizni qorçalañ – o zaman Allah sizni qorçalar. Allahnen arañızda olğan munasebetni qorçalañ – o zaman Allah sizni qorçalar. Ve qattı biliñizki, eger bütün insan ve cinler sizge fayda ketirmege ve yardım etmege toplaşsalar, olar tek Allahın yazısı olğan qadar yardım eterler. Ve episi sizge zarar ketirmege toplaşsalar, tek Allahın yazısı olğan qadar zarar ketirerler. Onıñ içün Allahtan qorquñ, ey Allahın qulları, Onıñ yolunda yaşañ – o vaqıt siz baht qazanğanlardan olursıñız.

Поделиться:
error: Content is protected !!