Абу Муса аль-Аш'ари Абдуллах ибн Кайс – сподвижник (сахаби) Пророка (да благословит его Аллах и приветствует), обратился к людям с проповедью (хутбой) и сказал в своей проповеди: «О люди! Бойтесь этого многобожия (ширка), потому что оно незаметнее, чем муравей, который ползет».
Да, о рабы Аллаха, ширк незаметнее, чем муравей, ползущий по черной гладкой и плотной скале в кромешном мраке ночи. Что ты услышишь? Услышишь ли ты хоть один звук от этого муравья? Увидишь ли ты хоть что-то? Черный муравей на черной плотной скале во мраке ночи. Вот так прокрадывается этот ширк. Вот так очень незаметно он проникает в сердце и в поступки.
И когда сказал это Абдуллах ибн Кайс Абу Муса аль-Аш'ари, вдруг двое встали и сказали: «Клянемся Аллахом! Либо ты обоснуешь сейчас то, что ты сказал, либо мы пойдем к Умару. Дозволено нам будет или не дозволено, но мы зайдем к Умару (и расскажем ему то, что ты нам тут рассказываешь)». А Умар настороже, он не допускает всяких необоснованных слов о религии Аллаха (пречист Он и возвышен).
Абу Муса сказал: «Я обосную, что я сказал. Однажды Посланник Аллаха (да благословит его Аллах и приветствует) обратился к нам с проповедью и сказал: «О люди, бойтесь этого ширка, потому что он более скрыт, чем ползущий муравей». Тогда сказал один человек, которому Аллах пожелал произнести эти слова: «А как нам защититься от него, если он более скрыт, чем муравей, который ползет, о Посланник Аллаха?» На что Посланник Аллаха (да благословит его Аллах и приветствует) ответил: «Говорите:
اللَّهُمَّ إِنَّا نَعُوذُ بِكَ مِنْ أَنْ نُشْرِكَ بِكَ شَيْئًا نَعْلَمُهُ ، وَنَسْتَغْفِرُكَ لِمَا لَا نَعْلَمُهُ
/Аллахумма инна на’узубика мин ан нушрика бика шайан на’ляму, уа настагъфирука лима ля на‘лям/
«О Аллах, мы прибегаем к Тебе за защитой от того, чтобы придать Тебе в сотоварищи хоть что-то, зная, и просим у Тебя прощения за то, чего мы не знаем». Хадис передали Ахмад и ат-Табарани. Шейх аль-Альбани назвал хадис хорошим. См. «Сахих ат-таргъиб уа-т-тархиб» (36).
О рабы Аллаха, остерегайтесь ширка! Ширк коварен, он приобретает разные формы. Многие люди даже не замечают его, не обращают на него внимания, а он уже в них. И поэтому Абу Бакр (а это Абу Бакр!), когда услышал эти слова, закричал и сказал: «Поистине, мы принадлежим Аллаху и к Нему возвращаемся». Сказал это, словно человек, которого постигло великое горе и великое потрясение. «Как же спастись, о Посланник Аллаха? Что же делать, о Посланник Аллаха?» И Пророк (да благословит его Аллах и приветствует) сказал: «Говори: «О Аллах, мы прибегаем к Тебе за защитой от того, чтобы придать Тебе в сотоварищи хоть что-то, зная, и просим у Тебя прощения за то, чего мы не знаем». Если правдивейший (сыддикъ) этой общины (уммы) боялся, если самые праведные в этой умме боялись, то что тогда говорить о нас с вами? О нас с вами, у которых бо́льшая часть деяний несвободна от ширка, у которых бо́льшая часть деяний не ради Аллаха (пречист Он и возвышен).
Если кто-то из нас дружит с каким-то человеком, общается с ним, то скажите, положа руку на сердце, общаетесь ли вы ради Аллаха (пречист Он и возвышен) или общаетесь ради какой-то мирской выгоды, ради материальной заинтересованности или ради влиятельности, авторитетности этого человека, или потому что этот человек – соплеменник или старинный знакомый, или потому что у этого человека веселый, располагающий к себе характер, с ним легко, весело, или потому что этот человек щедрый: всегда накормит, напоит, угостит вкусно или что-то подарит. Нет?! Значит, не ради Аллаха. Потому что, если этот человек не даст того, что давал раньше, вы увидите, какая произойдет перемена, как на 180 градусов кардинально все поменяется. И тот, который вчера был с ним, сегодня будет порочить его. Тот, который был вчера возле него, станет злословить о нем повсюду, перестанет с ним знаться, посещать его.
То же самое касается наших деяний, того поклонения, которое мы совершаем. Часто ли то, что мы делаем, посвящено Аллаху или только ради Аллаха? Деяние ради Аллаха (пречист Он и возвышен) – вещь редкая. Праведный человек всегда боится, что в его деяния прокрался, словно какой-то вирус, этот ширк, какая-то форма ширка, которая испортит его деяние.
Бойтесь ширка, о рабы Аллаха! Если это большой ширк (аш-ширк уль-акбар), то все ваши деяния он сведет на ноль, сделает их тщетными, словно вы вообще ничего не делали в своей жизни из хороших деяний. А если это малый ширк (аш-ширк уль-асгъар), то он проникнет в деяние и разрушит это деяние, которое совершено не чисто ради Аллаха (пречист Он и возвышен).
А как спастись от этой беды, от этой катастрофы? Самое главное средство – то, которому научил нас Пророк (да благословит его Аллах и приветствует): самый главный путь – бежать к Аллаху (пречист Он и возвышен) и просить у Него защиты. Проси у Аллаха привести в порядок твои намерения, потому что ты можешь даже не подозревать, что твои намерения нечистые: может быть, ты хочешь внимания людей, может быть, хочешь славы, может быть, хочешь мирской жизни (дунья), может быть, хочешь власти над людьми, может быть, хочешь лидерства, может быть, хочешь еще чего-то. Поэтому Абдуллах ибн Мас'уд (да будет доволен им Аллах) сказал: «Я не думал, что кто-то из мусульман хочет мирской жизни (дунья), пока не был ниспослан аят:
مِنكُم مَّن يُرِيدُ الدُّنْيَا وَمِنكُم مَّن يُرِيدُ الْآخِرَةَ
„Среди вас есть такие, которые хотят мирской жизни (дунья), и есть такие, которые хотят вечной жизни (ахират)“ (сура «Семейство Имрана», 3: 152)». Абдуллах ибн Мас'уд был поражен: «Значит, среди нас есть те, которые хотят дунья?!»
Али (да будет доволен им Аллах) вознес меч над врагом, чтобы отсечь ему голову во время сражения, но враг посмотрел на Али и плюнул ему в лицо. И Али (да будет доволен им Аллах) опустил свой меч и не убил. Почему? Потому что когда он хотел убить его, он хотел сделать это ради Аллаха (пречист Он и возвышен), но после того, как тот плюнул ему в лицо, его намерения изменились, и если теперь он ударит мечом, то это уже не будет ради Аллаха, это будет ради отмщения за нанесенное личное оскорбление.
Поэтому и ты, когда что-то говоришь или делаешь, подумай: а ради Аллаха ли? Проси горячо у Аллаха (пречист Он и возвышен) и говори: «Аллахумма инна на’узубика мин ан нушрика бика шайан на’ляму, уа настагъфирука лима ля на‘лям».
И проси у Аллаха (пречист Он и возвышен) защиты от шайтана и его ширка утром и вечером, ибо Пророк (да благословит его Аллах и приветствует) учил нас говорить утром и вечером:
أَعوذُ بكَ من شَرِّ نفسي, وشرِّ الشَّيْطانِ وشِرْكِهِ
/А‘узу би-кя мин шарри нафси, уа шарри-ш-шайтани уа ширки-хи/
«(О Аллах), прошу у тебя защиты от зла моей души (нафса) и от зла шайтана и ширка, который он внушает». Хадис передал аль-Бухари в «аль-Адабуль-муфрад» (1202). Шейх аль-Албани назвали хадис достоверным. См. «Сахих аль-джами’ ас-сагъир» (4402).
И учил Пророк (да благословит его Аллах и приветствует) просить защиты от шайтана, читая суры «аль-Фаляк», «ан-Нас» (аль-муаввизатайн) утром и вечером, и перед сном, и после каждого намаза. Поэтому обращение к Аллаху – вот главный выход.
А напоследок я упомяну тебе еще одно важное средство для спасения от этой беды, для спасения твоей искренности (ихляса): вытесняй из сердца плохие намерения хорошими намерениями, и тогда в сердце не останется места для ширка. Как это так? Когда идешь на пятничный намаз (джум'а), пусть у тебя будет сразу много, много, много хороших намерений: «Я иду сейчас ради Аллаха, отвечая на призыв Аллаха, чтобы совершить ради Аллаха (пречист Он и возвышен) эту великую молитву, чтобы свидетельствовали обо мне ангелы и свидетельствовало обо мне место, где я буду совершать земной поклон (суджуд); я зайду, прослушаю муаззина и повторю за ним, получив награду от Аллаха (пречист Он и возвышен); я поприветствую рабов Аллаха (пречист Он и возвышен) миром; внимательно послушаю хутбу, и это повлияет на меня; я извлеку пользу из услышанного, пойду домой, расскажу это своей семье и получу за это награду». Посмотрите, сколько намерений! В одном деянии может быть очень много хороших намерений. И когда у тебя будет много хороших намерений, у тебя не останется места в сердце для плохого намерения и для ширка. Займи свое сердце. Это еще один совет, о рабы Аллаха.
И знайте, что самое лучшее слово – это слово Аллаха. И что самый лучший путь – это путь Мухаммада (да благословит его Аллах и приветствует). И что худшие из деяний – это религиозные новшества (мухдасат), и каждое религиозное новшество – это ересь (бид'а), а каждая ересь ведет вас в адский Огонь.
═════════════════════════════════════════════════════════════════════════
Перевод хутбы на крымскотатарский
بسم الله الرحمن الرحيم
Корюнмейип кельген зульм.
Абу Муса аль-Аш’ари Абдуллах ибн Къайс, Пейгъамбернинъ ﷺ сахабасы, инсанларгъа хутбенен мураджаат этерек, озь хутбесинде: «Эй инсанлар! Ширктен сакъынынъыз, чюнки о (ширк), ерде юрьген къырмыскъадан даа да сакълыдыр», — деди.
Эбет, эй Аллахнынъ къуллары, ширк энъ къаранлыкъ геджеде къап-къара таш устюнде юрьген къырмыскъадан даа да сакълыдыр. Сен не эшитирсинъ? Бу къырмыскъадан аслы да бир сесчик эшитирсинъми? Аслы да сен бир шей корюп олурсынъмы? Энъ къаранлыкъ геджеде къап-къара таш устюнде юрьген къырмыскъа. Айны бойле ширк якъынлаша. Айны бойле дуюлмайып, ширк юреклерге ве амеллерге кире.
Абдуллах ибн Къайс Абу Муса аль-Аш’ари бу сёзлерини айткъанынен, эки инсан аякъ устюне турып: «Аллахнен эмин этемиз! Я да сен айткъанынъа далиль кетиредженъ, я да биз ‘Умаргъа бараджакъмыз», — дедилер. Изин берильсе де, берильмесе де, биз ‘Умаргъа киреджекмиз (сенинъ бу ерде бизге айткъанынъны айтаджакъмыз). ‘Умар исе Аллахнынъ дини акъкъында темельсиз сёзлер айтмагъа изин бермез. Абу Муса исе: «Мен айткъаныма далиль кетиририм. Бир заман Пейгъамбер ﷺ бизлерге хутбенен мураджаат этти ве деди: «Эй инсанлар, бу ширктен къоркъунъыз, чюнки о, ерде юрьген къырмыскъадан даа да сакълыдыр»», — деп айтты. Сонъ даа бир инсан кельди, онъа Аллах бойле сёзлер айтмагъа имкян берди: «Я расулюллах, о (ширк), къырмыскъадан даа да сакълы олса, биз ондан насыл къорчалана билирмиз?» Онъа Пейгъамбер ﷺ бойле джевап берди: «Айтынъыз:
اللَّهُمَّ إِنَّا نَعُوذُ بِكَ مِنْ أَنْ نُشْرِكَ بِكَ شَيْئًا نَعْلَمُهُ ، وَنَسْتَغْفِرُكَ لِمَا لَا نَعْلَمُهُ
/Аллахумма инна на’узубика мин ан нушрика бика шайан на’ляму, уа настагъфирука лима ля на‘лям/
«Аллахым, санъа билип, шерик къошмакътан къорчалав тилеп къайтамыз, ве бильмейип, шерик къошсакъ исе, Сенден багъышлав сораймыз».
(Ахмад и ат-Табарани. Шейх аль-Альбани хадисны яхшы деди. «Сахих ат-таргъиб уа-т-тархиб» (36))
Эй Аллахнынъ къуллары, ширктен сакъынынъыз! Ширкнинъ ичи къара, о, чешит тюрлю сыфатларда ола билир. Чокъ инсанлар онъа эмиет бермейлер, къулакъ асмайлар, амма о, энди оларнынъ ичинде. Онынъ ичюн Абу Бакр, бу сёзлерни эшиткенде, къычырып, бойле сёзлер айтты: «Шубесиз, Аллах бизим Саибимиз, ве биз Онъа къайтаджакъмыз». Бу сёзлерни санки башына бир беля тюшти, фелякет кельген инсан киби айтты. «Насыл къорчаланмалы, я расулюллах? Не япмалы, я расулюллах?» Ве Пейгъамбер ﷺ бойле деди: «Айтынъыз: «Аллахым, Санъа билип, шерик къошмакътан къорчалав тилеп къайтамыз, ве бильмейип, шерик къошкъан олсакъ, Сенден багъышлав сораймыз»». Эгер бу умманынъ энъ сыддыкъ инсаны къоркъса, эгер бу умманынъ энъ салих инсанлары къоркъса, бизлер ичюн не айтмакъ мумкюн? Бизим амеллеримизнинъ чокъусы ширктен арынмагъан, чокъ амеллеримиз Аллахнынъ ризасы ичюн дегиль.
Арамызда кимсе бир инсаннен достлукъ япса, къолунъызны юрегинъизге къойып, айтынъыз: бу достлукъ Аллахнынъ ризасы ичюн, я да бу дюнья байлыгъы ичюн, мал- мульк ичюн, я да итибар ичюн, о инсаннынъ нуфузы ичюн, я да бу инсан сенинъ койдешинъ я да танышынъ олгъаны ичюн, я да бу инсаннынъ табиаты кулюнчли ве шенъ олгъаны ичюн, онен шенъ ве къолай, я да бу инсан джумерт олгъаны ичюн, сени эр вакъыт аш-сувнен тойдурыр я да бир шей эдие этер. Ёкъ?! Демек, бу Аллахнынъ ризасы ичюн дегиль, чюнки бу инсан эвельдеки бергенини бермесе, сиз корерсинъиз ки, насыл денъишме оладжакъ, насыл эр бир шей180 дереджеге чевириледжек, ве онен тюневин олгъан кимсе бугунь о акъкъында ярамай айтаджакъ. Тюневин янында олгъан кимсе бугунь эр ерде о акъкъында гъыба япаджакъ, онен барды-кельдисини бозаджакъ, оны зиярет этмейджек.
Айны бойле бизим амеллеримиз, бизим япкъан ибадетлеримиз. Бизим япкъан амеллеримиз не къадар сыкъ Аллахкъа багъышлана, Аллах ризасы ичюн япыла? Аллах ризасы ичюн япылгъан амель – бу пек сийрек бир шейдир. Салих инсан ширк онынъ амелине я да онынъ чешит сыфатына санким бир вирус киби киреджегинден ве амелини бозаджагъындан къоркъар ве сакъыныр.
Эй Аллахнынъ къуллары, ширктен сакъынынъыз? Эгер о балабан ширк олса (аш-ширк уль-акбар), о, бутюн амеллеринъизни сыфыр япар, оларны бош япар, санки омюринъизде аслы да хайыр амель япмадынъыз киби япар. Эгер о, уфакъ ширк олса (аш-ширк уль-асгъар), о, тек Аллах ризасы ичюн япылмагъан амелинъизнинъ ичине киреджек ве оны бозаджакъ.
Бу белядан, бу фелякеттен насыл къорчаланмакъ мумкюн? Пейгъамберимиз ﷺ огреткен энъ онъайтлы васта ве ёл – бу Аллакъха чапмакъ ве Ондан къорчалав тилемек. Аллахкъа ниетлеринъни догъуртмасына ду’а яп, чюнки ниетлеринъ бозукъ олгъанындан хаберинъ биле олмаз: бельки, сен инсанларнынъ дикъкъатыны истейсинъ, бельки, сен нам истейсинъ, бельки, сен бу дюньяны истейсинъ, инсанларнынъ устюнден укюм истейсинъ, бельки, сен адамларнынъ арасында энъ биринджиси олмагъа истейсинъ, бельки, даа бир шейлер истейсинъ. Онынъ ичюн Абдуллах ибн Мас'уд (Аллах ондан разы олсун) бойле деди: «Бу аят эндирильмегендже къадар мен мусульманлар арасында бу дюньяны истегенлер бар деп, бильмез эдим:
مِنكُم مَّن يُرِيدُ الدُّنْيَا وَمِنكُم مَّن يُرِيدُ الْآخِرَةَ
«Аранъызда дюньяны истегенлер де бар эди, ахиретни истегенлер де бар эди».
(Къур’ан, «Али Имран» суреси, 3:152)
Абдуллах ибн Мас'уд айретте къалгъан: «Демек, арамызда бу дюньяны истегенлер де бар экен?!»
‘Али (Аллах ондан разы олсун) саваш вакъытында душманнынъ башыны кесмек ичюн къылычыны котерди, ве о заман душман Алиге бакъты ве бетине тюкюрди. ‘Али (Аллах ондан разы олсун) къылычыны тюшюрди ве ольдюрмеди. Не ичюн? Чюнки оны ольдюрмеге истегенде, бу Аллах ризасы ичюн эди, амма душман бетине тюкюрген сонъ, онынъ ниети денъишти, энди къылычы урса, бу Аллах ризасы ичюн олмаджакъ эди, акъарет япкъаны ичюн, ахтыман алмакъ ичюн оладжакъ эди.
Онынъ ичюн сен де бир шей япкъан я да айткъан вакъытынъда тюшюн: Аллах ризасы ичюнми аджеба? Аллахтан сора ве де ки: «Аллахумма инна на’узубика мин ан нушрика бика шайан на’ляму, уа настагъфирука лима ля на‘лям». Ве Аллахтан шейтаннынъ шеринден ве онынъ ширкинден саба ве акъшам къорчалав сора, чюнки Пейгъамберимиз ﷺ саба ве акъшам бойле ду’а айтмагъа огретти:
أَعوذُ بكَ من شَرِّ نفسي, وشرِّ الشَّيْطانِ وشِرْكِهِ
/А‘узу би-кя мин шарри нафси, уа шарри-ш-шайтани уа ширки-хи/
«Аллахым нефсимни шерринден, шейтандан ве онынъ весвесе эткен ширкинден Санъа сыгъынам ве къорчалав сорайым».
(Хадисны аль-Бухари «аль-Адабуль-муфрад»да ривает этти (1202). Шейх аль-Албани хадисни сахих деди. «Сахих аль-джами’ ас-сагъир» (4402))
Пейгъамберимиз ﷺ кене де саба ве акъшам, юкъудан эвель ве юкъудан сонъ, эр намаздан сонъ бизге «аль-Фалякъ» ве «ан-Нас» сурелерини окъуп, шейтаннынъ шеринден къорчалав истемеге огретти. Онынъ ичюн Аллахкъа ду’анен мураджаат этмек – бу энъ онъайтлы чыкъыштыр.
Ве сонъунда бу зулюмден къорчаланмагъа, ихлясынъны къорчаламагъа даа бир онъайтлы бир васта хатырламагъа истейим: юрегинъден яхшы ниетлернен ярамай ниетлерни къувала, ве о вакъыт юрегинъде ширкке ер къалмаз. Бу насылдыр? Джума намазына кеткенде, сенде бир кереден чокъ-чокъ гузель ниетлер олсун: «Шимди мен Аллах ризасы ичюн кетем, Аллахнынъ даветине джевап берем, бу буюк ибадетни Аллах ризасы ичюн япмагъа, мелеклер мен ичюн шаатлыкъ япмасы ичюн, седжде япаджакъ ерим шаатлыкъ япмасы ичюн мен джамиге киреджем, муадзиннинъ артындан текрарлап, динъледжем, Аллахтан бунъа мукяфат аладжам, Аллахнынъ къулларынен селямлашаджам, дикъкъатнен хутбени динълейджем, ве хутбе манъа тесир этеджек, о хутбеден файда аладжам, эвге къайтып, озь аилемге о хутбени айтаджам ве мукяфат къазанаджам». Бакъыныз, не къадар ниетлер! Бир амельде о къадар чокъ хайырлы, гузель ниетлер ола билир. Не вакъыт сенде о къадар чокъ гузель ниетлер олса, юрегинъде ярамай ниетке ве ширкке ер аслы да къалмаз. Озь юрегинъни мешгъуль яп.
Эй Аллахнынъ къуллары, бу даа бир насихаттыр. Ве билинъиз ки, энъ гузель сёз – бу Аллахнынъ сёзюдир. Энъ гузель ёл – бу Мухаммаднынъ ﷺ ёлудыр. Амеллерден энъ ярамайы – бу динге янъылыкъ кетирмектир (мухдасат), эр бир кетирильген янъылыкъ (мухдасат) – бу бида’аттыр, ве эр бир бида’ат сизни Джехеннем атешине кирсетеджектир.
═════════════════════════════════════════════════════════════════════════
بسم الله الرحمن الرحيم
Körünmeyip kelgen zulm.
Abu Musa al-Aş’ari Abdullah ibn Qays — Peyğamberniﷺsahabesi, insanlarğa hutbenen muracat eterek öz hutbesinde dedi: «Ey insanlar! Şirkten saqınıñ, çünki o (şirk) yerde yürgen qırmısqadan daan saqlıdır».
Ebet, ey Allahın qulları, şirk en qaranlıq gecede, qap-qara taş üstünde yürgen qırmısqadan daan saqlıdıır. Sen ne işitirsin? Bu qırmısqadan aslında bir sesçik işitirsinmi? Aslında sen bir şey körüp olursıñmı? En qaranlıq gecede, qap-qara taş üstünde yürgen qırmısqa. Ayni böyle şirk yaqınlaşa. Ayni böyle duyulmayıp şirk yüreklerge ve amellerge kire.
Abdullah ibn Qays Abu Musa al-Aş’ari bu sözlerini aytqanınen eki insan ayaq üstüne turıp dediler: «Allahnen yemin etemiz! Yada sen aytqanıña dalil ketireceñ, yada biz Umarğa baracamız». İzin berilsede berilmesede biz Umarğa kirecemiz (seniñ bu yerde bizge aytqanıñnı aytacamız). Umar ise Allahın dini aqında temelsiz sözler aytmağa izin bermez. Abu Musa ise dedi: «Men aytqanıma dalil ketiririm. Bir zaman Peyğamberﷺbizlerge hutbenen muracat etti ve dedi: „Ey insanlar bu şirkten qorquñ, çünki o yerde yürgen qırmısqadan daan saqlıdır“». Son daan bir insan keldi, oña Allah böyle sözler aytmağa imkân berdi: «Ya rasulüllah, o (şirk) qırmısqadan daan saqlı olsa biz ondan nasıl qorçalana blirmiz?». Oña Peyğamberﷺboyle cevap berdi: "Aytınız:
اللَّهُمَّ إِنَّا نَعُوذُ بِكَ مِنْ أَنْ نُشْرِكَ بِكَ شَيْئًا نَعْلَمُهُ ، وَنَسْتَغْفِرُكَ لِمَا لَا نَعْلَمُهُ
/Allahumma inna na’uzubika min an nuşrika bika şayan na’lâmu, ua nastağfiruka lima lâ na‘lâm/
«Allahım, saña bilip şerik qoşmaqtan qorçalav tilep qaytamız, ve bilmeyip şerik qoştıq ise Senden bağışlav soraymız» Ahmad i at-Tabarani. Şeyh al-Albani hadisnı yahşı dedi. «Sahih at-tarğib ua-t-tarhib» (36).
Ey Allahın qulları, şirkten saqını! Şirkni içi qara, o çeşit türlü sıfatlarda ola bilir. Çoq insanlar oña emiyet bermeyler, qulaq asmaylar, amma o endi olarnı içinde. Onıñ içün Abu Bakr bu sözlerni işitkende o qıçırıp böyle sözler dedi: «Şübesiz Allah bizim saibimiz ve biz Oña qaytacamız». Bu sözlerni sankim başına bir belâ felâket kelgen insan kibi ayttı. «Nasıl qorçalanmalı Ya rasulüllah? Ne yapmalı Ya rasulüllah?». Ve Peyğamberﷺdedi: «Aytınız: Allahım, saña bilip şerik qoşmaqtan qorçalav tilep qaytamız, ve bilmeyip şerik qoştıq ise Senden bağışlav soraymız». Eger bu ümmetniñ en sıddıq insanı qorqtı ise, eger bu ümmetni en salih insanları qorqtılar ise, biz içün ne aytmaq mümkün? Bizim amellerimizni çoqusı şirkten arınmağan, çoq amellerimiz Allah rizası içün degil.
Aramızda kim de kim bir insannen dostlıq yapa ise, qoluñıznı öregiñizge qoyıp aytınız — bu dostlıq Allah rizası içün yada bu dunya baylığı içün, mal mülk içün yada ittibar içün, o insannı avtoritetı içün, yada çünki bu insan seniñ köydeşiñ yada tanışıñ. Yada bu insannıñ tabiatı küldurgen ve şen, onnen şen ve qolay, yada çünki bu insan cömert, er vaqıt aş suvnen toydırar yada bir şey hediye eter. Yoq?! Demek bu Allah rizası içün degil. Çünki bu insan evelde bergenini bermese, siz körersiniz nasıl denişme olacaq, nasıl 180 derecege er bir şey çevirilecek. Ve onnen tünevin olğan kimse bugün ise o aqqında yaramay aytacaq. Tünevin yanında olğan kimse bugün ise er yerde o aqqında ğıybet yapacaq, onnen bardı keldisini bozacaq, onı ziyaret etmeycek.
Ayni böyle bizim amellerimiz, bizim yapqan ibadetlerimiz. Ne qadar sıq bizim yapqan amellerimiz Allaha bağışlana, Allah rizası içün yapıla? Allah rizası içün yapılğan amel – bu pek siyrek bir şeydır. Salih insan onıñ ameline sankim bir virus kibi şirk yada onıñ çeşit sıfatı kireceginden, ve amelini bozacağından qorqar ve saqınır.
Ey Allahın qulları, şirkten saqınıñ? Eger o balaban şirk ise (aş-şirk ül-akbar), o bütün amelleriñizni sıfır yapar, olarnı boş yapar, sankim ömüriñizde asla hayır amel yapmadıñız kibi yapar. Eger ise o yufaq şirk (aş-şirk ül-asğar), o tek Allah rizası içün yapılmağan ameliñizni içine kirecek ve onı bozacaq.
Bu belâdan, bu felâketten nasıl qorçalanmaq mümkün? Peyğamberimizﷺogretken en önemli vasta ve yol – bu Allaha çapmaq ve Ondan qorçalav tilemek. Allaha niyetleriñni doğurtmasına dua yap, çünki niyetleriñ bozuq olğanından haberin bile olmaz: belkim sen insanlarnı diqqatını isteysin, belkim sen nam isteysin, belkim sen bu dunyanı isteysin, insanlar üstünde üküm isteysin, belkim sen lider olmağa isteysin, belkim daan bir şeyler isteysin. Onıñ içün Abdullah ibn Mas'ud (Allah ondan razı olsın) dedi: «Bu ayet endirilmege qadar men bilmez edim musulmanlar arasında bu dunyanı istegenler bar:
مِنكُم مَّن يُرِيدُ الدُّنْيَا وَمِنكُم مَّن يُرِيدُ الْآخِرَةَ
„Arañızda dünyanı istegeniñiz de bar edi, ahiretni isegeniñiz de bar edi“(3:152)». Abdullah ibn Mas'ud ayrette qalğan: «Demek aramızda bu dunyanı istegenler bar eken?!».
Ali (Allah ondan razı olsın) savaş vaqıtında duşmannı başını kesmek içün qılıçını köterdi, ve o zaman duşman Alige baqtı ve betine tükürdi. Ve Ali (Allah ondan razı olsın) qılıçını tüşürdi ve öldürmedi. Ne içün? Çünki onı öldürmege istegeninde bu Allah rizası içün edi, amma duşman betine tükürgen son onıñ niyeti denişti, endi qılıçın ursa bu Allah rizası içün olmaycaq edi, aqaret yapqanı içün ahtıman almaq olacaq edi.
Onıñ içün sende bir şey yapqan yada aytqan vaqıtında tüşün: /Allah rizası içün mi aceba? Allahtan sora ve de ki: «Allahumma inna na’uzubika min an nuşrika bika şayan na’lâmu, ua nastağfiruka lima lâ na‘lâm».
Ve Allahtan şeytannı şerrinden ve onıñ şirkinden saba ve aqşam qorçalav sora, çünki Peyğamberimizﷺsaba ve aqşam böyle dua aytmağa ögretti:
أَعوذُ بكَ من شَرِّ نفسي, وشرِّ الشَّيْطانِ وشِرْكِهِ
/A‘uzu bi-kâ min şarri nafsi, ua şarri-ş-şaytani ua şirki-hi/
«Allahım nefsimni şerrinden, şeytandan ve onıñ vesvese etken şirkinden Saña sığınam ve qorçalav sorayım». Hadisnı rivayet etti al-Buhari «al-Adabul-mufrad» (1202). Şeyh al-Albani hadisnı sahih dedi. «Sahih al-cami’ as-sağir» (4402).
Peyğamberimizﷺkenede sabah ve aqşam, yuhudan evel ve yuhudan son, ve er namazdan son bizge «al-Falâq» ve «an-Nas» surelerini oqup şeytannı şerrinden qorçalav istemege ögretti. Onıñ içün Allaha duanen muracat etmek – bu en önemli çıqıştır.
Ve sonunda bu zulümden qorçalanmağa, ihlâsıñnı qorçalamağa daan bir önemli bir vasta hatırlamağa isteyim: yüregiñden yahşı niyetlernen yaramay niyetlerni quvala, ve o vaqıt yüregiñde şirkke yer qalmaz. Bu nasıldır? Cuma namazına kiterken sende bir kereden çoq çoq güzel niyetler olsun: «Şimdi men Allah rizası içün ketem, Allahın davetine cevap berem, bu büyük ibadetni Allah rizası içün yapmağa, melekler menim içün şaatlıq yapması içün, secde yapacaq yerim şaatlıq yapması içün; men camige kirecem, muadzinnı artından tekrarlap dinleycem, Allahtan buña mukâfat alacam, Allahın qullarınen selâmlaşacam, diqqatnen hutbeni dinleycem ve hutbe maña tesir etecek, o hutbeden fayda alacam, evge qaytıp öz aileme o hutbeni aytacam ve mukâfat qazanacam». Baqınız ne qadar niyetler! Bir amelde o qadar çoq hayırlı, güzel niyetler ola bilir. Ne vaqıt sende o qadar çoq güzel niyetler olsa, yüregiñde yaramay niyetke ve şirkke yer asla qalmaz. Öz yüregiñni meşğul yap. Ey Allahın qulları bu daan bir nasihattır.
Ve bilinizki, en güzel söz – bu Allahın sözüdir. En güzel yol – bu Muhammadnıﷺyoludır. Amellerden en yaramayı – bu dinge yañılıq ketirmektir (muhdasat), er bir ketirilgen yañılıq (muhdasat) – bu bidaattır, ve er bir bidaat sizni Cehennem ateşine kirstecektir.
