О рабы Аллаха, из того, о чем мы сегодня с вами поговорили, можно сделать очень много полезных выводов. Мы упомянем с вами только некоторые из них с позволения Аллаха (пречист Он и возвышен).
Первый вывод.
Уповайте на Аллаха, о рабы Аллаха. Тот, кто уповает на Аллаха, обращается за помощью к Нему, препоручает свое дело Всевышнему Аллаху — тому Аллах дает защиту. Аллах (пречист Он и возвышен) охраняет его.
Посмотрите, как Муса обратился к Аллаху (пречист Он и возвышен) за защитой от козней Фараона, и Аллах защитил его и погубил народ Фараона. Когда захотели они расправиться с верующим человеком, он сказал:
{ وَأُفَوِّضُ أَمۡرِیۤ إِلَى ٱللَّهِۚ }
«Дело свое препоручаю Аллаху»
(Коран, сура «Прощающий», 40:44)
И Аллах (пречист Он и возвышен) защитил его от их козней. Кто уповает на Аллаха, тому Его достаточно. Поэтому, говорите, о рабы Аллаха:
حسبنا الله و نعمل الوكيل
«Достаточно нам Аллаха, и Он наилучший покровитель».
Второй вывод.
Поистине, помощь и победа (наср) приходит только от Аллаха (пречист Он и возвышен). Получить победу, помощь и величие можно только если возвратится к религии Аллаха (пречист Он и возвышен).
О мусульмане, ни в коем случае не думайте, что вы сможете победить и воспрять посредством митингов и демонстраций, бросания камней, политиканства и прочего. Нет! Вы не воспрянете и не поднимитесь. Это отрицает закон Аллаха (пречист Он и возвышен) в мироздании. Только одно вас возвысит, а это вера, возвращение к Аллаху (пречист Он и возвышен). Это настоящее соблюдение Ислама, того Ислама, с которым пришел Мухаммад (да благословит его Аллах и приветствует). Того Ислама, который исповедовали сподвижники Пророка (да благословит его Аллах и приветствует).
Посмотрите, народ Мусы были меньшинством. Слабые, угнетенные, порабощенные. Разве они могли противостоять Фараону, с его могуществом как-то физически? Нет. Но за то, что они держались религии Аллаха (пречист Он и возвышен), за поклонение, молитву, единобожие и Сунну их пророка, Аллах (пречист Он и возвышен) дал им защиту. Аллах возвысил их, и погубил их врагов. Аллах дал помощь и победу. Так Аллах (пречист Он и возвышен) возвышает тех, кто держится за Его религию.
Поэтому, о умма Ислама, не думайте, что есть какой-то другой путь к обретению победы и помощи от Аллаха (пречист Он и возвышен). Нет другого пути! Забудьте! Один только путь, это держаться за таухид: «Ляя иляха илля Ллах (Нет бога, достойного поклонения, кроме Аллаха».
Поклоняйтесь Аллаху искренне и только Ему. Взывайте только к Нему, уповайте только на Него — это раз. Второе — держитесь за Сунну вашего Посланника (да благословит его Аллах и приветствует) крепко. Оставьте грехи, прегрешения и вернитесь к религии. Оставьте ширк и нововведения. Только тогда вы получите величие.
Третий вывод. Эта история указывает нам на то, что самой сильной связью между людьми является связь веры. Бывает друзья любят друг друга или соседи, родственники. Те, которые принадлежат к одному племени или народу. Да, это все связи. Но, самая сильная и вечная связь — это связь веры.
Посмотрите, тот человек, который сидел в совещательном органе Фараона, самого страшного тирана. Заставила его встать на защиту Мусы и его народа вот эта связь веры с Мусой и его народом. И он сказал те слова, которые сказал.
Поэтому говорит Пророк (да благословит его Аллах и приветствует):
إِنَّ الْمُؤْمِنَ لِلْمُؤْمِنِ كَالْبُنْيَانِ، يَشُدُّ بَعْضُهُ بَعْضًا
«Поистине верующий по отношению к другому верующему, как единое здание, где одна часть поддерживает другую часть».
Четвертый вывод. Оказать помощь мазлюму, то есть, тому которого притесняют незаконно, это обязательно (ваджиб). И мы берем этот вывод из той позиции, которую занял тот верующий человек из народа Фараона. И Аллах (пречист Он и возвышен) похвалил его. О рабы Аллаха, оказать помощь верующему человеку, который находится в состоянии незаконной обиды, притеснения, угнетения — это обязанность мусульманина.
Поэтому говорит Пророк (да благословит его Аллах и приветствует):
المُسْلِمُ أَخُو المُسْلِمِ لاَ يَظْلِمُهُ وَلاَ يُسْلِمُهُ
«Верующий мусульманин — брат мусульманина. Он его не притесняет и не оставляет без поддержки».
Также говорит Пророк (да благословит его Аллах и приветствует):
أُمِرَ بِعَبْدٍ مِنْ عِبَادِ اللهِ أَنْ يُضْرَبَ فِي قَبْرِهِ مِائَةَ جَلْدَةٍ، فَلَمْ يَزَلْ يَسْأَلُ وَيَدْعُو حَتَّى صَارَتْ جَلْدَةً وَاحِدَةً، فَجُلِدَ جَلْدَةً وَاحِدَةً، فَامْتَلَأَ قَبْرُهُ عَلَيْهِ نَارًا، فَلَمَّا ارْتَفَعَ عَنْهُ وأفاق قَالَ: على ما جَلَدْتُمُونِي؟ قَالُوا: إِنَّكَ صَلَّيْتَ صَلَاةً واحدةً بِغَيْرِ طُهُورٍ، وَمَرَرْتَ عَلَى مَظْلُومٍ فَلَمْ تَنْصُرْهُ
«Один из рабов Аллаха, будет приказано в могиле ударить его в могиле сотней ударов. И его будут бить, а он все время будет спрашивать (молиться): «Почему?», пока не останется один удар. Его ударили этим ударом и после этого, могила его заполнилась огнем. После того, как прошло это и он пришел в себя, он сказал: «За что вы меня били (избивали)?». И будет сказано ему: «Ты совершил один намаз без омовения (без ритуального очищения), и ты прошел мимо того, которого обижали (притесняли. мимо мазлюма) незаконно и не помог ему»».
Один намаз и такое наказание. Что же сказать о людях, которые вообще не совершают намазы, пренебрегая ими.
Четвертый вывод.
يوم القيامة — يَوْم التَّنَادِ
Судный день – это день взаимных воззваний. Как сказал этот человек, предостерегая свой народ: «Я предостерегаю вас от дня взаимных воззваний». Неверующий человек будет взывать, призывая гибель для себя и говоря:
يَا وَيْلَنَا قَدْ كُنَّا فِي غَفْلَةٍ مِنْ هَذَا
«О горе нам, мы были в беспечности в отношении этого, мы пренебрегали». Тот, которому дадут его книгу с правой стороны, он будет говорит радостно:
هَاؤُمُ اقْرَءُوا كِتَابِيَهْ (19) إِنِّي ظَنَنتُ أَنِّي مُلَاقٍ حِسَابِيَهْ (20)
«Вот моя книга, читайте ее. Я же был уверен (убежден), когда там жил, что я встречу свой расчет». А тот, кому будет дана его книга с левой стороны, он будет говорить:
يَا لَيْتَنِي لَمْ أُوتَ كِتَابِيَهْ (25) وَلَمْ أَدْرِ مَا حِسَابِيَهْ (26) يَا لَيْتَهَا كَانَتِ الْقَاضِيَةَ (27)
«О, если бы мне не была дана моя книга. О, если бы я не знал, каков будет этот расчет. О, лучше бы меня прикончили».
В тот день обитатели Рая воззовут к обитателям Ада, и скажут:
قَدْ وَجَدْنَا مَا وَعَدَنَا رَبُّنَا حَقًّا فَهَلْ وَجَدتُّم مَّا وَعَدَ رَبُّكُمْ حَقًّا ۖ قَالُوا نَعَمْ
«Мы нашли то, что обещал нам наш Господь истиной. А вы нашли то, что обещал вам ваш Господь истиной?». И те скажут: «Да».
وَنَادَى أَصْحَابُ النَّارِ أَصْحَابَ الْجَنَّةِ أَنْ أَفِيضُوا عَلَيْنَا مِنَ الْمَاءِ أَوْ مِمَّا رَزَقَكُمُ اللَّهُ
Обитатели Ада воззовут к обитателям Рая, и скажут: «Пролейте на нас воду, или чем наделил вас Аллах».
إِنَّ اللَّهَ حَرَّمَهُمَا عَلَى الْكَافِرِينَ
Обитатели Рая скажут: «Аллах сделал это запретным для неверующих».
Пятый вывод.
Здесь есть ответ, где Аллах. Можно ли задавать такой вопрос: «Где Аллах?» Некоторым когда говоришь: «Где Аллах?», они говорят: «СубханАллах, не задавай такой вопрос. Нельзя задавать такой вопрос».
Пророк (да благословит его Аллах и приветствует) знает лучше, или ты? Посланник Аллаха (да благословит его Аллах и приветствует) однажды позвал рабыню, которая пасла овец и спросил её:
أين الله ؟ قالت: في السماء، قال: من أنا ؟ قالت: أنت رسول الله، قال: اعتقها فإنها مؤمنة
«Где Аллах?». Она сказала: «Над небесами». И Пророк (да благословит его Аллах и приветствует) сказал хозяину этой девушки: «Освободи ее, потому что она верующая».
Пророк (да благословит его Аллах и приветствует) сделал это критерием. Знать, что твой Господь над небесами и над всем сущим, что Он в абсолютной возвышенности и над всем, велик Он и ни в чем не нуждается.
И в этой истории Муса (мир ему) также сообщил Фараону, что истинный Господь — это тот, который над небесами, а не он. И Фараон начал издеваться над этим. Также как и сегодня издеваются многие люди, когда им говоришь, что Аллах над небесами. Они издеваются, и говорят: «Вы уподобляющие Аллаха людям, творениям и так далее». Смеются и издеваются. А убеждение ахлю-Сунна уаль-джама’а такое, что Аллах (пречист Он и возвышен) над небесами. Это убеждение Пророка (да благословит его Аллах и приветствует) и его сподвижников. И на это указывает множество аятов в Коране.
Аллах (пречист Он и возвышен) говорит:
{ ءَأَمِنتُم مَّن فِی ٱلسَّمَاۤءِ أَن یَخۡسِفَ بِكُمُ ٱلۡأَرۡضَ فَإِذَا هِیَ تَمُورُ }
«Неужели вы чувствуете себя в безопасности, от того, что Тот, который над небесами не заставит землю поглотить вас?»
(Коран, сура «Власть» 67:16)
И говорит Пророк (да благословит его Аллах и приветствует):
ألَا تَأْمَنُونِي وأَنَا أمِينُ مَن في السَّمَاءِ
«Неужели вы не доверяете мне, в то время, как я доверенный Того, Который над небесами?»
И также говорит Пророк (да благословит его Аллах и приветствует):
الرَّاحِمونَ يرحَمُهم الرَّحمنُ؛ ارحَموا مَن في الأرضِ يرحَمْكم مَن في السَّماءِ.
«Милостивых помилует Всемилостивый Аллах. Милуйте тех, которые на земле и помилует вас Тот, Который над небесами»
Разум нам указывает на то, что Аллах (пречист Он и возвышен) не может быть смешан с творениями и быть везде, как говорят некоторые. Аллах (пречист Он и возвышен) над небесами, в абсолютной возвышенности.
И естество человека (фитра) указывает на это. Разве вы не чувствуете эту тягу к небесам, когда находитесь в тяжелом положении? Разве не воздеваете вы руки свои к небесам? Это понимание заложил в вас Аллах (пречист Он и возвышен).
Спросите маленького ребенка, взрослого мужчину и женщину, тех, чью фитру не обезобразили порочными убеждениями: «Где Аллах?» Они все скажут: «Аллах (пречист Он и возвышен) наверху, над всем сущим.
Шестой вывод.
Эта история указывает нам на то, что земная жизнь (дунья) – это обитель тех, для кого нет обители настоящей. А настоящая обитель — это вечная жизнь, обитель вечности.
О рабы Аллаха, к этому миру привязываются только глупцы. Посмотрите на тех, которые обольстились земной жизнью. Фараон, у которого была великая власть и много имущества, сказал своему народу:
{ وَنَادَىٰ فِرۡعَوۡنُ فِی قَوۡمِهِۦ قَالَ یَـٰقَوۡمِ أَلَیۡسَ لِی مُلۡكُ مِصۡرَ وَهَـٰذِهِ ٱلۡأَنۡهَـٰرُ تَجۡرِی مِن تَحۡتِیۤۚ أَفَلَا تُبۡصِرُونَ }
«Разве мне не принадлежит власть над Египтом? Разве эти реки, воды не текут подо мной? Неужели вы не видите?»
(Коран, сура «Украшения» 43:51)
Сказал он, призывая поклоняться ему и что же случилось с ним?
Аллах (пречист Он и возвышен) уничтожил его. И те воды, которые текли под ним, эти воды стали течь над ним. Аллах (пречист Он и возвышен) потопил его, затем ввел в мучительное наказание.
Седьмой вывод.
В этой истории есть важное правило: злые козни, обязательно обращаются против тех, кто их замышляет. Это Сунна Аллаха (пречист Он и возвышен), обычай Аллаха (пречист Он и возвышен) таков. И это не подлежит изменению и упразднению.
Поэтому мы говорим всем, которые ухищряются и задумывают всякие козни и хитрости против верующих, против ахлю-Сунна, против мусульман:
اعْمَلُوا ما شِئْتُمْ إنَّهُ بِما تَعْمَلُونَ بَصِيرٌ
«Делайте что хотите, поистине Он видит все, что вы совершаете». Хитрите, замышляйте ваши планы ночью и днем, разрабатывайте.
وَلَا يَحِيقُ الْمَكْرُ السَّيِّئُ إِلَّا بِأَهْلِه
Поистине, злые козни возвращаются против тех, кто их замышляет».
Восьмой вывод.
Эта история указывает нам на то, что такая вещь, как мучения в могиле, и наслаждения могилы — это истина. Ибо сказано, что народ Фараона был ввергнут в огонь утром и вечером, а затем, в Судный День будет сказано: «Ввергните их в самое сильное наказание».
Это значит, что сейчас они получают наказание, подвергаясь утром и вечером огню. Это доказательство на существование мучений могилы ('азабуль-къабр).
Сказал Посланник Аллаха (да благословит его Аллах и приветствует):
عذاب القبر حق
«Поистине мучения могилы — это истина».
تعوذوا من عذاب القبر
«Просите у Аллаха защиты от мучений могилы». Отрицает это только заблудший и еретик.
Пусть Аллах (пречист Он и возвышен) упасет нас от наказаний могилы! Пусть Аллах (пречист Он и возвышен) упасет нас от наказаний Ада! Пусть Аллах (пречист Он и возвышен) простит нам все наши грехи! Пусть Аллах (пречист Он и возвышен) введет нас в Сады благодати! Амин!
═════════════════════════════════════════════════════════════════════════
Перевод хутбы на крымскотатарский
بسم الله الرحمن الرحيم
Мазлюмгъа ярдым. Онемли нетиджелер 2 болюм
Эй, Аллахнынъ къуллары, бугуньки субетимизден бир сыра файдалы хуляса чыкъара билемиз. Юдже Аллахнынъ рухсети иле оларнынъ базыларыны айтып кечейик.
Биринджи хуляса.
Эй, Аллахнынъ къуллары, умюдлеринъизни ялынъыз тек Аллахкъа багъланъыз. Ким Аллахкъа джан гонъюльнен багъланып, Ондан ярдым беклесе ве озюнинъ ишлерининъ екюнини Онъа теслим этсе, Юдже Аллах шу инсангъа ярдым эте. Юдже Аллах оны къорчалар.
Муса Аллахкъа ялварып Фиравуннынъ зулумындан къорчаламасыны истегенинде, Аллах оны къорчалап Фиравуннынъ халкъыны эляк эткенини хатырланъыз. Олар мумин инсанны ольдюрмеге истегенлеринде о:
{ وَأُفَوِّضُ أَمۡرِیۤ إِلَى ٱللَّهِۚ }
«Озюмнинъ ишимни Аллахкъа тапшырдым (оладжакъ алымны Аллахкъа теслим эттим).»— деди.
(«Аль-Гъафир», 40:44)
Нукъсансыз ве Юдже Аллах оны зулумдан къорчалады. Ким Аллахкъа джан юрегинен багъланып эписи умютлерини Онъа багъласа, шу инсангъа Аллахнынъ Озю, къорчаланув ичюн, етерли олур:
حسبنا الله و نعمل الوكيل
«Аллахнынъ Озю бизлерге кифаеттир, О, энъ гузель имаеджи.»
Экинджи хуляса.
Шек-шубесиз ярдым ве гъалебе (наср) ялынъыз тек Аллахтан келе. Гъалебе, ярдым ве итибарны ялынъыз тек Аллахнынъ динине къайтув иле къазанмакъ мумкюн.
Эй, мусульманлар, гъалебе ве къудретке чешит митинг ве наразылыкъ акцияларынен, таш атув, сиясетчилик ве бу кибилеринен иришмек мумкюн олгъаныны тюшюнменъиз. Асла! Гъалебе къазанмазсынъыз ве къудретинъизни къайтарып алып оламазсынъыз. Буны Юдже ве Нукъсансыз Аллахнынъ ер юзюндеки къануны ред эте. Сизлерни юксельтеджек тек шей — иман, Юдже Аллахкъа къайтув. Сизлерге файда кетиреджек шей — Ислямни энъ гузель шекильде кутьмек. Мухаммад (Аллахнынъ макътавларынен селями онъа олсун) кетирген ислямни кутьмек. Пейгъамберимизнинъ (Аллахнынъ макътавларынен селями онъа олсун) сахабелери кутькен Ислямни кутьмек.
Мусанынъ къавмынынъ кучюк олгъаныны хатырланъыз. Олар кучьсиз, мазлум ве ишгъаль этильген алда эдилер. Олар къудретли Фиравунгъа кучь джиэтинден къаршы чыкъып олур эдилерми? Ёкъ. Амма Аллахнынъ динине къатты сарылгъанлары ичюн, ибадетлери, дувалары себебинден, тевхид ве пейгъамберлерининъ суннетини кутьмелери себебинден Юдже ве Нукъсансыз Аллах оларны къорчалады. Аллах оларнынъ итибарыны юксельтти, оларнынъ душманларыны эляк этти. Юдже Аллах Онынъ динине сарылгъанларнынъ итибарыны бойле этип юксельте.
Шунынъ ичюн, эй, ислям уммети, гъалебеге ве Аллахнынъ ярдымына кетирген башкъа бир ёл бар олгъаныны тюшюнменъиз. Башкъа ёл ёкъ! Къыдырманъыз! Гъалебеге кетирген ёл ялынъыз тек тевхидке сарылмакъ, ялынъыз тек: «Ля иляха илля Ллах (Аллахтан гъайры ибадетлерге акъкъы олгъан бир тюрлю илях ёкъ)».
Самимий оларакъ ялынъыз Аллахкъа тапынынъыз. Ялынъыз онъа дуваларнен ялварып, умютлеринъизни ялынъыз Аллахкъа багъланъыз. Бу биринджиден. Экинджиси — Пейгъамберинъизнинъ (Аллахнынъ макътавларынен селями онъа олсун) суннетине къавий давранып, энъ гузель шекильде амельге кечиринъиз. Гюнахларны къалдырып дининъизге къайтынъыз. Ширк ве бидатларны (яни динге алякъасы олмагъан янъылыкъларны) къалдырынъыз. Ялынъыз тек бу шекильде сизлер гъалебе ве итибаргъа иришерсинъиз.
Учюнджи хуляса.
Бу вакъиа бизлерге инсанларнынъ арасындаки энъ кучьлю багъ иман багъы олгъаныны косьтере. Базыда ойле ола ки, достлар, къолум-къомшулар, сой-акърабалар бир-бирлерини севелер. Инсанлар бир-бирлерини бир къавым я да бир миллет векиллери олгъанлары ичюн да севелер. Эбет, буларнынъ эписи инсанларны бир бирине багълай. Амма энъ къавий ве эбедий багъ — иман багъыдыр.
Фиравуннынъ, энъ вахший залымнынъ, меслеат шурасындаки инсанны хатырланъыз. Оны Муса ве къавмынынъ имаесине меджбур эткен шей — Муса ве къавмынен олгъан иман багъы олды. О, айткъанларыны айтты.
Шунынъ ичюн Пейгъамберимиз (Аллахнынъ макътавларынен сеялми онъа олсун):
إِنَّ الْمُؤْمِنَ لِلْمُؤْمِنِ كَالْبُنْيَانِ، يَشُدُّ بَعْضُهُ بَعْضًا
«Шек-шубесиз муминлер бир бина кибилер. Онынъ бир къысымы башкъа бир къысымыны тутып тура» — деди.
Дёртюнджи хуляса.
Мазлумгъа (акъсыз ерде ынджытылгъангъа) ярдым этмек ваджиптыр. Бу хулясаны биз Фиравуннынъ къавмындаки мумин инсаннынъ сайлап алгъан тарафындан анълаймыз. Аллах оны макътады. Эй, Аллахнынъ къуллары, мазлум, акъсызлыкъ ве зорбалыкъкъа огъратылгъан муминге ярдым этмек эр бир мусульманнынъ боюн борджудыр.
Пейгъамберимиз (Аллахнынъ макътавларынен селями онъа олсун):
المُسْلِمُ أَخُو المُسْلِمِ لاَ يَظْلِمُهُ وَلاَ يُسْلِمُهُ
«Бир мумин дигер муминнинъ аркъадашы. О, онъа акъсызлыкъ япмай ве оны ярдымсыз къалдырмай» — деди.
Бундан гъайры Пейгъамеримиз, (Аллахнынъ макътавларынен селями онъа олсун) бойле деген:
أُمِرَ بِعَبْدٍ مِنْ عِبَادِ اللهِ أَنْ يُضْرَبَ فِي قَبْرِهِ مِائَةَ جَلْدَةٍ، فَلَمْ يَزَلْ يَسْأَلُ وَيَدْعُو حَتَّى صَارَتْ جَلْدَةً وَاحِدَةً، فَجُلِدَ جَلْدَةً وَاحِدَةً، فَامْتَلَأَ قَبْرُهُ عَلَيْهِ نَارًا، فَلَمَّا ارْتَفَعَ عَنْهُ وأفاق قَالَ: على ما جَلَدْتُمُونِي؟ قَالُوا: إِنَّكَ صَلَّيْتَ صَلَاةً واحدةً بِغَيْرِ طُهُورٍ، وَمَرَرْتَ عَلَى مَظْلُومٍ فَلَمْ تَنْصُرْهُ
«Бир Аллахнынъ къулуна, мезарда юз дарбе урулмасы эмир этиледжек. Онъа укюм этильген джеза ерине кетирелеяткъанда о: «Не ичюн (урасынъыз)?» — дер. Бундан сонъ онынъ мезарыны атеш сарар. Сонъра о, озюне кельгенде: «Мени не ичюн урдынъыз?» — дер. Онъа: «Сен бир намазны абдестсиз къылдынъ, ве акъсыз ерде ынджытылгъаннынъ (мазлумнынъ) янындан кечип онъа ярдым этмединъ» — дие джевап берерлер.»
Бир намаз ичюн бойле джеза. Ойле олса намазларыны асла къылмагъан, намазларына лякъайд инсанлар акъкъында не демек мумкюн?
Дёртюнджи хуляса.
يوم القيامة — يَوْم التَّنَادِ
Къыямет куню — багъырышув-чагъырышув кунюдир. Озюнинъ къавмыны сакъындыргъан инсаннынъ айткъаны киби: «Мен сизлерни бир биринъизге багъырып чагъыраджакъ куньден сакъыныдырам.» Кяфир инсан озюне олюм тилеп къычырар. О:
يَا وَيْلَنَا قَدْ كُنَّا فِي غَفْلَةٍ مِنْ هَذَا
«Языкълар олсун, бу хусуста бизлер гъафлетте эдик. Бизлер лякъайд эдик» — дер.
Амель китабы сагъ тарафындан берильген инсан исе къуванып:
هَاؤُمُ اقْرَءُوا كِتَابِيَهْ (19) إِنِّي ظَنَنتُ أَنِّي مُلَاقٍ حِسَابِيَهْ (20)
«Мына меним китабым! Окъунъыз! Яшар экеним мен эсабымны аладжагъымда эмин эдим» — дер. Китабы сол тарафындан берильген инсан исе:
يَا لَيْتَنِي لَمْ أُوتَ كِتَابِيَهْ (25) وَلَمْ أَدْرِ مَا حِسَابِيَهْ (26) يَا لَيْتَهَا كَانَتِ الْقَاضِيَةَ (27)
«Эх, къана энди манъа китабым берильмеген олса эди. Къана бу эсапнынъ насыл оладжагъыны бильмесе эдим. Эх, яхшысы мени (ольгенимден сонъ)ёкъ этип ташласа (асла тирильтмесе) эдилер.» — деп айтар.
О куню Дженнет эхли Джеэннем эхлине хитап этип:
قَدْ وَجَدْنَا مَا وَعَدَنَا رَبُّنَا حَقًّا فَهَلْ وَجَدتُّم مَّا وَعَدَ رَبُّكُمْ حَقًّا ۖ قَالُوا نَعَمْ
«Раббимизнинъ бизлерге ваде эткен шейлеринде эмин олдыкъ (бизлерге ваде этильген шейлер берильди). Я сизлер сизлерге Раббинъизнинъ ваде эткен шейлерини алдынъызмы?» — дерлер. Олар да: «Эбет» — дие джевапланарлар.
وَنَادَى أَصْحَابُ النَّارِ أَصْحَابَ الْجَنَّةِ أَنْ أَفِيضُوا عَلَيْنَا مِنَ الْمَاءِ أَوْ مِمَّا رَزَقَكُمُ اللَّهُ
Джеэннем эалиси Дженнетлилерге ялварып: «Устюмизге сувны, я да Аллахнынъ сизлерге берген шейлеринден бир де бирисини тёксенъиз, я» — дерлер.
إِنَّ اللَّهَ حَرَّمَهُمَا عَلَى الْكَافِرِينَ
Дженнет сакинлери: «Аллах буларны кяфирлер ичюн ясакъ этти» — деп джевап берерлер.
Бешинджи хуляса.
Бу ерде Аллахнынъ къаерде олгъаны айтыла. Яни «Аллах къайда?» — дие сорамакънынъ мумкюн олып олмагъанынынъ джевабы бар. Базы инсанлардан: «Аллах къайда?» — деп сорасанъ, олар: «Субхан-Аллах, ойле суаль берме. Ойле шейни сорамагъа олмай.» — дейлер.
Буны Пейгъамберимиз (Аллахнынъ макътавларынен селями онъа олсун) яхшыджа билеми, сенми? Аллахнынъ ресули (Аллахнынъ макътавларынен селями онъа олсун) куньлернинъ биринде къойларны бакъкъан къул къадынны янына чагъыргъан да:
أين الله ؟ قالت: في السماء، قال: من أنا ؟ قالت: أنت رسول الله، قال: اعتقها فإنها مؤمنة
«Аллах къайда?» — деген. О къадын: «Коклернинъ устюнде» — деп джеваплангъан. Шунда Пейгъамберимиз (Аллахнынъ макътавларынен селями онъа олсун) шу къадыннынъ саибине: «Оны азат эт, чюнки о мумин бир къадындыр» — деген.
Пейгъамберимиз (Аллахнынъ макътавларынен селями онъа олсун) бу суальни иманлыны имансыздан айырмакъ ичюн бир себеп этти. Раббинъ коклернинъ устюнде, бутюн барлыкънынъ устюнде олгъаныны, бутюн барлыкънынъ мукеммель тёпесинде ве кимсеге мухтаджлыгъы олмагъаныны бильмекни иманлыны имансыздан айырмакъ ичюн бир себеп этти.
Юкъарыдаки Мусанынъ адисесинде де Муса (онъа Аллахнынъ селями олсун) Фиравунгъа акъыкъий илях о, олмайып коклернинъ тёпесиндеки Аллах олгъаныны айтты. Фиравун исе оны мыскъыллап башлады. Бугуньки базы инсанларгъа ошап. Оларгъа Аллах коклернинъ тёпесинде олгъаныны айтсанъ, олар сени мыскъыллап: «Сизлер Аллахны инсанларгъа, Онынъ махлюкъларына ошатасынъыз» — дейлер. Мыскъыллайлар. Эхлю Суннет ве аль-джемаатнынъ итикъаты исе Юдже Аллахнынъ коклернинъ тёпесинде олгъаны. Бу итикъат Пейгъамберимиз (Аллахнынъ макътавларынен селями онъа олсун) ве онынъ сахабелерининъ итикъадыдыр. Къуранда буны тасдыкълагъан чокътан-чокъ аетлер бар.
Юдже ве Нукъсансыз Аллах бойле буюра:
{ ءَأَمِنتُم مَّن فِی ٱلسَّمَاۤءِ أَن یَخۡسِفَ بِكُمُ ٱلۡأَرۡضَ فَإِذَا هِیَ تَمُورُ }
«Коклернинъ устюнде олгъан Зат сизлерни ерге юттырмамасындан эминсинъизми?»
(«аль-Мульк» 67:16)
Пейгъамберимиз (Аллахнынъ макътавларынен селями онъа олсун) исе бойле деген:
ألَا تَأْمَنُونِي وأَنَا أمِينُ مَن في السَّمَاءِ
«Манъа коклернинъ тёпесиндеки Зат инангъан бир маальде сизлер манъа инанмайсынъызмы?»
Эм де Пейгъамберимиз (Аллахнынъ макътавларынен селями онъа олсун) бойле деген:
الرَّاحِمونَ يرحَمُهم الرَّحمنُ؛ ارحَموا مَن في الأرضِ يرحَمْكم مَن في السَّماءِ.
«Мерхаметли инсанларгъа Ар-Рахман олгъан Аллах рахмет эйлер. Ер юзюндекилерге нисбетен мерхаметли олунъыз шунда сизлерге коклернинъ тёпесиндеки Зат рахмет эйлер.»
Сагълам акъыл да Юдже ве Нуксансыз Аллах махлюкъларынен къарышкъан олмайджагъына, я да, башкъа бирилери айткъаны киби эр ерде олмайджагъыны тасдыкълай. Юдже Аллах коклернинъ тёпесинде. Мукеммель юксекликте.
Инсанныъ фитрети де бунъа ишарет эте. Агъыр алгъа къалгъанда коклерге ынытылгъанынъызны дуймайсынъызмы? Къолларынъызны коклерге таба котермейсинъизми? Бу шей бизлерге Юдже Аллахтан берильген фитреттир.
Фитрети, табиийлиги, чешит тюрлю фена, кирли итакъатларнен бозулмагъан кучюк балачыкътан, буюк яштаки эркек ве я къадындан: «Аллах къайда?» — деп сорасанъыз, олар: «Аллах тёпеде, бутюн барлыкънынъ тёпесинде» — дерлер.
Алтынджы хуляса.
Юкъарыдаки адисе бизлерге бу фаний дюнья ахиретте хайырлы насибелери олмагъан кимселернинъ мекяни олгъаныны анълата. Акъикъий мекян исе — ахиреттеки эбедийлик мекянидир.
Эй, Аллахнынъ къуллары, бу фаний дюньягъа ялынъыз тек ахмакъ инсанлар гонъюль берелер. Фаний дюньягъа алдангъанларгъа бир бакъынъыз. Буюк къудрет ве мал-мульк саиби Фиравун озюнинъ халкъына хитап этип:
{ وَنَادَىٰ فِرۡعَوۡنُ فِی قَوۡمِهِۦ قَالَ یَـٰقَوۡمِ أَلَیۡسَ لِی مُلۡكُ مِصۡرَ وَهَـٰذِهِ ٱلۡأَنۡهَـٰرُ تَجۡرِی مِن تَحۡتِیۤۚ أَفَلَا تُبۡصِرُونَ }
«Мысырнинъ укюмранлыгъы меним къолларымда дегильми? Бу озенлер аякъларымнынъ тюбюнде акъмайлармы (яни оларнынъ саиби мен дегилимми)? Буларны корьмейсинъизми ёкъса?»— деди.
(«Аз-Зухруф» 43:51)
О, буларны онъа тапынмалары ичюн, ялынъыз онъа ибадет этмелери ичюн айтты.Онынъ акъибети не олды?
Юдже ве Нукъсансыз Аллах оны эляк этти. Онынъ астында акъкъан сувлар онынъ устюнден акъып башладылар. Юдже Аллах оны гъаркъ этип азаплы джезагъа огъратты.
Единджи хуляса.
Бу адиседе муим бир къайде бар: чешит тюрлю ийлелер, зиян кетирмек ичюн уйдурылгъан планлар мытлакъа оларны уйдургъанларгъа къаршы чыкъаджакълар. Бу Аллахнынъ къануны. Аллахнынъ ер юзюндеки адети. Бу къанун бир вакъыт денъишмез ве лягъу этильмез.
Шунынъ ичюн биз муминлерге къаршы, эхлю-Суннетке къаршы, чешит тюрлю фена планларны уйдургъан эр кеске:
اعْمَلُوا ما شِئْتُمْ إنَّهُ بِما تَعْمَلُونَ بَصِيرٌ
«Истегенинъизни япынъыз, шек-шубесиз Аллах япкъан эр бир арекетинъизни коре» — деймиз. Ийлекярлыкъ япынъыз, гедже-куньдюз юкъламаздан чешит планлар уйдурынъыз.
وَلَا يَحِيقُ الْمَكْرُ السَّيِّئُ إِلَّا بِأَهْلِه
Шек-шубесиз ийлекярнынъ ийлеси озюне къайта».
Секизинджи хуляса.
Бу адисе бизлерге къабир азабы ве къабир сефаси акъикъат олгъаныны анълата. Чюнки Фиравуннынъ къавмы саба-акъшам атеште олгъаны айтыла.Къыямет куню исе:«Оларны азаплы джезагъа огъратынъыз» — деп айтыладжакъ.
Демек олар шимди, саба-акъшам атеште янып озьлерининъ джезаларыны алмакъталар. Бу къабир азабынынъ керчеклигининъ исбаты.
Пейгъамберимиз (Аллахнынъ макътавларынен селями онъа олсун):
عذاب القبر حق
«Шек-шубесиз къабир азабы керчектир» — деген.
تعوذوا من عذاب القبر
«Аллахкъа ялварып къабир азабындан къорчаламасыны соранъыз». Бу шейни ялынъыз тек ёлуны шашыргъан, янълышлыкъларнынъ зульметинде кезген кимсе инкяр этер.
Юдже ве Нукъсансыз Аллах бизлерни къабир азабындан къорчаласын! Юдже ве Нукъсансыз, Аллах бизлерни Джеэннемнинъ азапларындан къорчаласын! Юдже ве Нукъсансыз Аллах бизим гюнахларымызны багъышласын! Юдже Аллах бизлерни берекет ве хайыр Багъчаларына кирсетсин! Аминь!
═════════════════════════════════════════════════════════════════════════
بسم الله الرحمن الرحيم
Ey, Allahnıñ qulları, bugünki subetimizden bir sıra faydalı hulâsa çıqara bilemiz. Yüce Allahnıñ ruhseti ile olarnıñ bazılarını aytıp keçeyik.
Birinci hulâsa.
Ey, Allahnıñ qulları, ümüdleriñizni yalıñız tek Allahqa bağlañız. Kim Allahqa can göñülnen bağlanıp, Ondan yardım beklese ve özüniñ işleriniñ yekünini Oña teslim etse, Yüce Allah şu insanğa yardım ete. Yüce Allah onı qorçalar.
Musa Allahqa yalvarıp Firavunnıñ zulumından qorçalamasını istegeninde, Allah onı qorçalap Firavunnıñ halqını elâk etkenini hatırlañız. Olar mümin insannı öldürmege istegenlerinde o:
{ وَأُفَوِّضُ أَمۡرِیۤ إِلَى ٱللَّهِۚ }
«Özümniñ işimni Allahqa tapşırdım (olacaq alımnı Allahqa teslim ettim).»- dedi.
(«Al-Ğafir», 40:44)
Nuqsansız ve Yüce Allah onı zulumdan qorçaladı. Kim Allahqa can yüreginen bağlanıp episi ümütlerini Oña bağlasa, şu insanğa Allahnıñ Özü, qorçalanuv içün, yeterli olur:
حسبنا الله و نعمل الوكيل
«Allahnıñ Özü bizlerge kifayettir, O, eñ güzel imayeci.»
Ekinci hulâsa.
Şek-şübesiz yardım ve ğalebe (nasr) yalıñız tek Allahtan kele. Ğalebe, yardım ve itibarnı yalıñız tek Allahnıñ dinine qaytuv ile qazanmaq mümkün.
Ey, musulmanlar, ğalebe ve qudretke çeşit miting ve narazılıq aktsiyalarınen, taş atuv, siyasetçilik ve bu kibilerinen irişmek mümkün olğanını tüşünmeñiz. Asla! Ğalebe qazanmazsıñız ve qudretiñizni qaytarıp alıp olamazsıñız. Bunı Yüce ve Nuqsansız Allahnıñ yer yüzündeki qanunı red ete. Sizlerni yükseltecek tek şey — iman, Yüce Allahqa qaytuv. Sizlerge fayda ketirecek şey — İslâmni eñ güzel şekilde kütmek. Muhammad (Allahnıñ maqtavlarınen selâmi oña olsun) ketirgen islâmni kütmek. Peyğamberimizniñ (Allahnıñ maqtavlarınen selâmi oña olsun) sahabeleri kütken İslâmni kütmek.
Musanıñ qavmınıñ küçük olğanını hatırlañız. Olar küçsiz, mazlum ve işğal etilgen alda ediler. Olar qudretli Firavunğa küç cietinden qarşı çıqıp olur edilermi? Yoq. Amma Allahnıñ dinine qattı sarılğanları içün, ibadetleri, duvaları sebebinden, tevhid ve peyğamberleriniñ sunnetini kütmeleri sebebinden Yüce ve Nuqsansız Allah olarnı qorçaladı. Allah olarnıñ itibarını yükseltti, olarnıñ duşmanlarını elâk etti. Yüce Allah Onıñ dinine sarılğanlarnıñ itibarını böyle etip yükselte.
Şunıñ içün, ey, islâm ümmeti, ğalebege ve Allahnıñ yardımına ketirgen başqa bir yol bar olğanını tüşünmeñiz. Başqa yol yoq! Qıdırmañız! Ğalebege ketirgen yol yalıñız tek tevhidke sarılmaq, yalıñız tek: «Lâ ilâha illâ Llah (Allahtan ğayrı ibadetlerge aqqı olğan bir türlü ilâh yoq)».
Samimiy olaraq yalıñız Allahqa tapınıñız. Yalıñız oña duvalarnen yalvarıp, ümütleriñizni yalıñız Allahqa bağlañız. Bu birinciden. Ekincisi — Peyğamberiñizniñ (Allahnıñ maqtavlarınen selâmi oña olsun) sunnetine qaviy davranıp, eñ güzel şekilde amelge keçiriñiz. Günahlarnı qaldırıp diniñizge qaytıñız. Şirk ve bidatlarnı (yani dinge alâqası olmağan yañılıqlarnı) qaldırıñız. Yalıñız tek bu şekilde sizler ğalebe ve itibarğa irişersiñiz.
Üçünci hulâsa.
Bu vaqia bizlerge insanlarnıñ arasındaki eñ küçlü bağ iman bağı olğanını köstere. Bazıda öyle ola ki, dostlar, qolum-qomşular, soy-aqrabalar bir-birlerini seveler. İnsanlar bir-birlerini bir qavım ya da bir millet vekilleri olğanları içün da seveler. Ebet, bularnıñ episi insanlarnı bir birine bağlay. Amma eñ qaviy ve ebediy bağ — iman bağıdır.
Firavunnıñ, eñ vahşiy zalımnıñ, mesleat şurasındaki insannı hatırlañız. Onı Musa ve qavmınıñ imayesine mecbur etken şey — Musa ve qavmınen olğan iman bağı oldı. O, aytqanlarını ayttı.
Şunıñ içün Peyğamberimiz (Allahnıñ maqtavlarınen seyalmi oña olsun):
إِنَّ الْمُؤْمِنَ لِلْمُؤْمِنِ كَالْبُنْيَانِ، يَشُدُّ بَعْضُهُ بَعْضًا
«Şek-şübesiz müminler bir bina kibiler. Onıñ bir qısımı başqa bir qısımını tutıp tura» — dedi.
Dörtünci hulâsa.
Mazlumğa (aqsız yerde ıncıtılğanğa) yardım etmek vaciptır. Bu hulâsanı biz Firavunnıñ qavmındaki mümin insannıñ saylap alğan tarafından añlaymız. Allah onı maqtadı. Ey, Allahnıñ qulları, mazlum, aqsızlıq ve zorbalıqqa oğratılğan müminge yardım etmek er bir musulmannıñ boyun borcudır.
Peyğamberimiz (Allahnıñ maqtavlarınen selâmi oña olsun):
المُسْلِمُ أَخُو المُسْلِمِ لاَ يَظْلِمُهُ وَلاَ يُسْلِمُهُ
«Bir mümin diger müminniñ arqadaşı. O, oña aqsızlıq yapmay ve onı yardımsız qaldırmay» — dedi.
Bundan ğayrı Peyğamerimiz, (Allahnıñ maqtavlarınen selâmi oña olsun) böyle degen:
أُمِرَ بِعَبْدٍ مِنْ عِبَادِ اللهِ أَنْ يُضْرَبَ فِي قَبْرِهِ مِائَةَ جَلْدَةٍ، فَلَمْ يَزَلْ يَسْأَلُ وَيَدْعُو حَتَّى صَارَتْ جَلْدَةً وَاحِدَةً، فَجُلِدَ جَلْدَةً وَاحِدَةً، فَامْتَلَأَ قَبْرُهُ عَلَيْهِ نَارًا، فَلَمَّا ارْتَفَعَ عَنْهُ وأفاق قَالَ: على ما جَلَدْتُمُونِي؟ قَالُوا: إِنَّكَ صَلَّيْتَ صَلَاةً واحدةً بِغَيْرِ طُهُورٍ، وَمَرَرْتَ عَلَى مَظْلُومٍ فَلَمْ تَنْصُرْهُ
«Bir Allahnıñ quluna, mezarda yüz darbe urulması emir etilecek. Oña üküm etilgen ceza yerine ketireleyatqanda o: „Ne içün (urasıñız)?“ — der. Bundan soñ onıñ mezarını ateş sarar. Soñra o, özüne kelgende: „Meni ne içün urdıñız?“ — der. Oña: „Sen bir namaznı abdestsiz qıldıñ, ve aqsız yerde ıncıtılğannıñ (mazlumnıñ) yanından keçip oña yardım etmediñ“ — diye cevap bererler.»
Bir namaz içün böyle ceza. Öyle olsa namazlarını asla qılmağan, namazlarına lâqayd insanlar aqqında ne demek mümkün?
Dörtünci hulâsa.
يوم القيامة — يَوْم التَّنَادِ
Qıyamet künü — bağırışuv-çağırışuv künüdir. Özüniñ qavmını saqındırğan insannıñ aytqanı kibi: «Men sizlerni bir biriñizge bağırıp çağıracaq künden saqınıdıram.» Kâfir insan özüne ölüm tilep qıçırar. O:
يَا وَيْلَنَا قَدْ كُنَّا فِي غَفْلَةٍ مِنْ هَذَا
«Yazıqlar olsun, bu hususta bizler ğaflette edik. Bizler lâqayd edik» — der.
Amel kitabı sağ tarafından berilgen insan ise quvanıp:
هَاؤُمُ اقْرَءُوا كِتَابِيَهْ (19) إِنِّي ظَنَنتُ أَنِّي مُلَاقٍ حِسَابِيَهْ (20)
«Mına menim kitabım! Oquñız! Yaşar ekenim men esabımnı alacağımda emin edim» — der. Kitabı sol tarafından berilgen insan ise:
يَا لَيْتَنِي لَمْ أُوتَ كِتَابِيَهْ (25) وَلَمْ أَدْرِ مَا حِسَابِيَهْ (26) يَا لَيْتَهَا كَانَتِ الْقَاضِيَةَ (27)
«Eh, qana endi maña kitabım berilmegen olsa edi. Qana bu esapnıñ nasıl olacağını bilmese edim. Eh, yahşısı meni (ölgenimden soñ) yoq etip taşlasa (asla tiriltmese) ediler.» — dep aytar.
O künü Cennet ehli Ceennem ehline hitap etip:
قَدْ وَجَدْنَا مَا وَعَدَنَا رَبُّنَا حَقًّا فَهَلْ وَجَدتُّم مَّا وَعَدَ رَبُّكُمْ حَقًّا ۖ قَالُوا نَعَمْ
«Rabbimizniñ bizlerge vade etken şeylerinde emin oldıq (bizlerge vade etilgen şeyler berildi). Ya sizler sizlerge Rabbiñizniñ vade etken şeylerini aldıñızmı?» — derler. Olar da: «Ebet» — diye cevaplanarlar.
وَنَادَى أَصْحَابُ النَّارِ أَصْحَابَ الْجَنَّةِ أَنْ أَفِيضُوا عَلَيْنَا مِنَ الْمَاءِ أَوْ مِمَّا رَزَقَكُمُ اللَّهُ
Ceennem ealisi Cennetlilerge yalvarıp: «Üstümizge suvnı, ya da Allahnıñ sizlerge bergen şeylerinden bir de birisini tökseñiz, ya» — derler.
إِنَّ اللَّهَ حَرَّمَهُمَا عَلَى الْكَافِرِينَ
Cennet sakinleri: «Allah bularnı kâfirler içün yasaq etti» — dep cevap bererler.
Beşinci hulâsa.
Bu yerde Allahnıñ qayerde olğanı aytıla. Yani «Allah qayda?» — diye soramaqnıñ mümkün olıp olmağanınıñ cevabı bar. Bazı insanlardan: «Allah qayda?» — dep sorasañ, olar: «Subhan-Allah, öyle sual berme. Öyle şeyni soramağa olmay.» — deyler.
Bunı Peyğamberimiz (Allahnıñ maqtavlarınen selâmi oña olsun) yahşıca bilemi, senmi? Allahnıñ resuli (Allahnıñ maqtavlarınen selâmi oña olsun) künlerniñ birinde qoylarnı baqqan qul qadınnı yanına çağırğan da:
أين الله ؟ قالت: في السماء، قال: من أنا ؟ قالت: أنت رسول الله، قال: اعتقها فإنها مؤمنة
«Allah qayda?» — degen. O qadın: «Köklerniñ üstünde» — dep cevaplanğan. Şunda Peyğamberimiz (Allahnıñ maqtavlarınen selâmi oña olsun) şu qadınnıñ saibine: «Onı azat et, çünki o mümin bir qadındır» — degen.
Peyğamberimiz (Allahnıñ maqtavlarınen selâmi oña olsun) bu sualni imanlını imansızdan ayırmaq içün bir sebep etti. Rabbiñ köklerniñ üstünde, bütün barlıqnıñ üstünde olğanını, bütün barlıqnıñ mükemmel töpesinde ve kimsege muhtaclığı olmağanını bilmekni imanlını imansızdan ayırmaq içün bir sebep etti.
Yuqarıdaki Musanıñ adisesinde de Musa (oña Allahnıñ selâmi olsun) Firavunğa aqıqiy ilâh o, olmayıp köklerniñ töpesindeki Allah olğanını ayttı. Firavun ise onı mısqıllap başladı. Bugünki bazı insanlarğa oşap. Olarğa Allah köklerniñ töpesinde olğanını aytsañ, olar seni mısqıllap: «Sizler Allahnı insanlarğa, Onıñ mahlüqlarına oşatasıñız» — deyler. Mısqıllaylar. Ehlü Sunnet ve al-cemaatnıñ itiqatı ise Yüce Allahnıñ köklerniñ töpesinde olğanı. Bu itiqat Peyğamberimiz (Allahnıñ maqtavlarınen selâmi oña olsun) ve onıñ sahabeleriniñ itiqadıdır. Quranda bunı tasdıqlağan çoqtan-çoq ayetler bar.
Yüce ve Nuqsansız Allah böyle buyura:
{ ءَأَمِنتُم مَّن فِی ٱلسَّمَاۤءِ أَن یَخۡسِفَ بِكُمُ ٱلۡأَرۡضَ فَإِذَا هِیَ تَمُورُ }
«Köklerniñ üstünde olğan Zat sizlerni yerge yuttırmamasından eminsiñizmi?»
(«al-Mülk» 67:16)
Peyğamberimiz (Allahnıñ maqtavlarınen selâmi oña olsun) ise böyle degen:
ألَا تَأْمَنُونِي وأَنَا أمِينُ مَن في السَّمَاءِ
«Maña köklerniñ töpesindeki Zat inanğan bir maalde sizler maña inanmaysıñızmı?»
Em de Peyğamberimiz (Allahnıñ maqtavlarınen selâmi oña olsun) böyle degen:
الرَّاحِمونَ يرحَمُهم الرَّحمنُ؛ ارحَموا مَن في الأرضِ يرحَمْكم مَن في السَّماءِ.
«Merhametli insanlarğa Ar-Rahman olğan Allah rahmet eyler. Yer yüzündekilerge nisbeten merhametli oluñız şunda sizlerge köklerniñ töpesindeki Zat rahmet eyler.»
Sağlam aqıl da Yüce ve Nuksansız Allah mahlüqlarınen qarışqan olmaycağına, ya da, başqa birileri aytqanı kibi er yerde olmaycağını tasdıqlay. Yüce Allah köklerniñ töpesinde. Mükemmel yükseklikte.
İnsannı fitreti de buña işaret ete. Ağır alğa qalğanda köklerge ınıtılğanıñıznı duymaysıñızmı? Qollarıñıznı köklerge taba kötermeysiñizmi? Bu şey bizlerge Yüce Allahtan berilgen fitrettir.
Fitreti, tabiiyligi, çeşit türlü fena, kirli itaqatlarnen bozulmağan küçük balaçıqtan, büyük yaştaki erkek ve ya qadından: «Allah qayda?» — dep sorasañız, olar: «Allah töpede, bütün barlıqnıñ töpesinde» — derler.
Altıncı hulâsa.
Yuqarıdaki adise bizlerge bu faniy dünya ahirette hayırlı nasibeleri olmağan kimselerniñ mekâni olğanını añlata. Aqiqiy mekân ise — ahiretteki ebediylik mekânidir.
Ey, Allahnıñ qulları, bu faniy dünyağa yalıñız tek ahmaq insanlar göñül bereler. Faniy dünyağa aldanğanlarğa bir baqıñız. Büyük qudret ve mal-mülk saibi Firavun özüniñ halqına hitap etip:
{ وَنَادَىٰ فِرۡعَوۡنُ فِی قَوۡمِهِۦ قَالَ یَـٰقَوۡمِ أَلَیۡسَ لِی مُلۡكُ مِصۡرَ وَهَـٰذِهِ ٱلۡأَنۡهَـٰرُ تَجۡرِی مِن تَحۡتِیۤۚ أَفَلَا تُبۡصِرُونَ }
«Mısırniñ ükümranlığı menim qollarımda degilmi? Bu özenler ayaqlarımnıñ tübünde aqmaylarmı (yani olarnıñ saibi men degilimmi)? Bularnı körmeysiñizmi yoqsa?»- dedi.
(«Az-Zuhruf» 43:51)
O, bularnı oña tapınmaları içün, yalıñız oña ibadet etmeleri içün ayttı.Onıñ aqibeti ne oldı?
Yüce ve Nuqsansız Allah onı elâk etti. Onıñ astında aqqan suvlar onıñ üstünden aqıp başladılar. Yüce Allah onı ğarq etip azaplı cezağa oğrattı.
Yedinci hulâsa.
Bu adisede müim bir qayde bar: çeşit türlü iyleler, ziyan ketirmek içün uydurılğan planlar mıtlaqa olarnı uydurğanlarğa qarşı çıqacaqlar. Bu Allahnıñ qanunı. Allahnıñ yer yüzündeki adeti. Bu qanun bir vaqıt deñişmez ve lâğu etilmez.
Şunıñ içün biz müminlerge qarşı, ehlü-Sunnetke qarşı, çeşit türlü fena planlarnı uydurğan er keske:
اعْمَلُوا ما شِئْتُمْ إنَّهُ بِما تَعْمَلُونَ بَصِيرٌ
«İstegeniñizni yapıñız, şek-şübesiz Allah yapqan er bir areketiñizni köre» — deymiz. İylekârlıq yapıñız, gece-kündüz yuqlamazdan çeşit planlar uydurıñız.
وَلَا يَحِيقُ الْمَكْرُ السَّيِّئُ إِلَّا بِأَهْلِه
Şek-şübesiz iylekârnıñ iylesi özüne qayta".
Sekizinci hulâsa.
Bu adise bizlerge qabir azabı ve qabir sefasi aqiqat olğanını añlata. Çünki Firavunnıñ qavmı saba-aqşam ateşte olğanı aytıla.Qıyamet künü ise:"Olarnı azaplı cezağa oğratıñız" — dep aytılacaq.
Demek olar şimdi, saba-aqşam ateşte yanıp özleriniñ cezalarını almaqtalar. Bu qabir azabınıñ kerçekliginiñ isbatı.
Peyğamberimiz (Allahnıñ maqtavlarınen selâmi oña olsun):
عذاب القبر حق
«Şek-şübesiz qabir azabı kerçektir» — degen.
تعوذوا من عذاب القبر
«Allahqa yalvarıp qabir azabından qorçalamasını sorañız». Bu şeyni yalıñız tek yolunı şaşırğan, yañlışlıqlarnıñ zulmetinde kezgen kimse inkâr eter.
Yüce ve Nuqsansız Allah bizlerni qabir azabından qorçalasın! Yüce ve Nuqsansız, Allah bizlerni Ceennemniñ azaplarından qorçalasın! Yüce ve Nuqsansız Allah bizim günahlarımıznı bağışlasın! Yüce Allah bizlerni bereket ve hayır Bağçalarına kirsetsin! Amin!
